ਰੂਸੀ ਵੈਕਸੀਨ Sputnik V ਦੀ ਕੀਮਤ ਨਿਰਧਾਰਤ, ਜਾਣੋ ਕਿੰਨੇ 'ਚ ਮਿਲੇਗੀ ਇਕ ਖੁਰਾਕ
Jagroop Kaur
May 14th 2021 08:10 PM --
Updated:
May 14th 2021 08:11 PM
ਅਗਲੇ ਹਫਤੇ ਤੋਂ ਭਾਰਤੀ ਬਾਜ਼ਾਰਾਂ ਵਿਚ ਉਪਲੱਬਧ ਹੋਣ ਵਾਲੀ ਰੂਸ ਦੇ 'ਸਪੁਤਨਿਕ ਵੀ' ਕੋਰੋਨਾ ਟੀਕੇ ਦੀ ਕੀਮਤ ਨਿਰਧਾਰਤ ਕਰ ਦਿੱਤੀ ਗਈ ਹੈ। ਭਾਰਤ ਵਿਚ ਸਪੁਤਨਿਕ ਟੀਕੇ ਦੀ ਕੀਮਤ 948 ਰੁਪਏ ਹੋਵੇਗੀ। ਟੀਕੇ 'ਤੇ 5 ਪ੍ਰਤੀਸ਼ਤ ਜੀਐਸਟੀ ਵੀ ਲੱਗੇਗਾ, ਜਿਸ ਤੋਂ ਬਾਅਦ ਇਕ ਖੁਰਾਕ ਦੀ ਕੀਮਤ 995 ਰੁਪਏ ਹੋਵੇਗੀ। ਇਸ ਸਬੰਧ ਵਿੱਚ, ਡਾ. ਰੈਡੀਜ਼ ਲੈਬ ਨੇ ਸ਼ੁੱਕਰਵਾਰ ਨੂੰ ਇੱਕ ਬਿਆਨ ਜਾਰੀ ਕਰਕੇ ਕੀਮਤਾਂ ਦਾ ਖੁਲਾਸਾ ਕੀਤਾ। ਨਾਲ ਹੀ ਦੱਸਿਆ ਕਿ ਸਪੁਤਨਿਕ ਦੀ ਕੀਮਤ ਸਥਾਨਕ ਉਤਪਾਦਨ ਵਿੱਚ ਵਾਧੇ ਤੋਂ ਬਾਅਦ ਹੇਠਾਂ ਆ ਸਕਦੀ ਹੈ।