ਪੰਜਾਬ ਅੰਦਰ ਬੱਸਾਂ ਬੰਦ ਦੇ ਕਾਰਨ ਆਟੋ ਵਾਲਿਆਂ ਦੀ ਚਾਂਦੀ,ਚੰਡੀਗੜ੍ਹ ਤੋਂ ਜ਼ੀਰਕਪੁਰ ਦੇ ਪ੍ਰਤਿ ਸਵਾਰੀ 200 ਰੁਪਏ

ਪੰਜਾਬ ਅੰਦਰ ਬੱਸਾਂ ਬੰਦ ਦੇ ਕਾਰਨ ਆਟੋ ਵਾਲਿਆਂ ਦੀ ਚਾਂਦੀ,ਚੰਡੀਗੜ੍ਹ ਤੋਂ ਜ਼ੀਰਕਪੁਰ ਦੇ ਪ੍ਰਤਿ ਸਵਾਰੀ 200 ਰੁਪਏ:ਦਲਿਤ ਭਾਈਚਾਰੇ ਵੱਲੋਂ ਦਿੱਤੇ ਗਏ ਭਾਰਤ ਬੰਦ ਦੇ ਸੱਦੇ 'ਤੇ ਚੱਲਦਿਆਂ ਪੰਜਾਬ ਸਮੇਤ ਅੱਜ ਸਾਰਾ ਭਾਰਤ ਬੰਦ ਹੈ।ਸੁਪਰੀਮ ਕੋਰਟ ਦੇ ਫ਼ੈਸਲੇ ਐੱਸ.ਸੀ./ ਐੱਸ ਟੀ.ਐਕਟ ਵਿੱਚ ਹੋਈ ਸੋਧ ਵਿਰੁੱਧ ਦੇ ਖਿਲਾਫ਼ ਅੱਜ ਪੰਜਾਬ ਸਮੇਤ ਪੂਰੇ ਭਾਰਤ ਦੇ ਵਿੱਚ ਰੋਸ ਪ੍ਰਦਰਸ਼ਨ ਹੋ ਰਹੇ ਹਨ।ਜਿਸ ਨੂੰ ਲੈ ਕੇ ਪੰਜਾਬ ਦੇ ਵਿੱਚ ਰੋਸ ਪ੍ਰਦਰਸ਼ਨ ਹੋ ਰਿਹਾ ਹੈ।ਜਿਸ ਦੇ ਕਾਰਨ ਪੰਜਾਬ ਸਰਕਾਰ ਨੇ ਪੰਜਾਬ ਦੇ ਅੰਦਰ ਸਾਰੀਆਂ ਸਰਕਾਰੀ ਅਤੇ ਪ੍ਰਾਈਵੇਟ ਬੱਸਾਂ ਬੰਦ ਕਰ ਦਿੱਤੀਆਂ ਹਨ।ਬੱਸਾਂ ਬੰਦ ਹੋਣ ਦੇ ਕਾਰਨ ਆਮ ਲੋਕਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।ਅੱਜ ਦੀ ਤਾਜ਼ਾ ਮਿਸਾਲ ਚੰਡੀਗੜ੍ਹ ਸੈਕਟਰ 43 ਦੇ ਬੱਸ ਸਟੈਂਡ ਦੇਖਣ ਨੂੰ ਮਿਲੀ ਹੈ।ਬੱਸ ਸਟੈਂਡ ਤੋਂ ਕੋਈ ਵੀ ਬੱਸਾਂ ਅੱਜ ਜਾ ਨਹੀਂ ਰਹੀਆਂ ਹਨ ਤੇ ਸਿਰਫ਼ ਆਟੋ ਹੀ ਸਵਾਰੀਆਂ ਨੂੰ ਛੱਡ ਕੇ ਆ ਰਹੇ ਹਨ।ਜਿਸ ਦੇ ਨਾਲ ਆਟੋ ਵਾਲਿਆਂ ਦੀ ਤਾਂ ਚਾਂਦੀ ਬਣ ਗਈ ਹੈ ਕਿਉਂਕਿ ਉਹ ਸਵਾਰੀਆਂ ਕੋਲੋਂ ਮੂੰਹ ਮੰਗੀ ਕੀਮਤ ਵਸੂਲ ਰਹੇ ਹਨ।ਜਿਸ ਨੂੰ ਪੀ.ਟੀ.ਸੀ.ਨਿਊਜ਼ ਦੀ ਟੀਮ ਨੇ ਆਪਣੇ ਕੈਮਰੇ ਦੇ ਵਿੱਚ ਕੈਚ ਕੀਤਾ ਹੈ।ਦੱਸਿਆ ਜਾ ਰਿਹਾ ਹੈ ਕਿ ਆਟੋ ਵਾਲੇ ਚੰਡੀਗੜ੍ਹ ਤੋਂ ਜ਼ੀਰਕਪੁਰ ਦੇ 200 ਰੁਪਏ ਪ੍ਰਤਿ ਸਵਾਰੀ ਦੇ ਲੈ ਰਹੇ ਹਨ। -PTCNews