ਡੇਰਾਬਸੀ ਦੇ ਨੇੜਲੇ ਪਿੰਡ ਮਾਹੀਵਾਲਾ ਵਿਖੇ ਡੇਢ ਸਾਲ ਦੇ ਮਾਸੂਮ ਬੱਚੇ ਨਾਲ ਬਦਫੈਲੀ ਮਗਰੋਂ ਕਤਲ
ਦੇਸ਼ ਵਿੱਚ ਬਲਾਤਕਾਰ ਅਤੇ ਯੋਨ ਸੋਸ਼ਣ ਦੀਆਂ ਖਬਰਾਂ ਵਿੱਚ ਲਗਾਤਾਰ ਵਾਧਾ ਹੋ ਰਿਹਾ ਹੈ।ਡੇਰਾਬਸੀ ਦੇ ਨੇੜਲੇ ਪਿੰਡ ਮਾਹੀਵਾਲਾ ਵਿਖੇ ਡੇਢ ਸਾਲ ਦੇ ਮਾਸੂਮ ਬੱਚੇ ਨਾਲ ਬਦਫੈਲੀ ਮਗਰੋਂ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸ਼ਰਮਨਾਕ ਕਾਰੇ ਨੂੰ ਅੰਜਾਮ ਦੇਣ ਵਾਲਾ ਕੋਈ ਹੋਰ ਨਹੀਂ, ਬਲਕਿ ਪੀੜਤ ਦਾ ਪਿਤਾ ਸਲੀਮ ਮੁਹੰਮਦ ਹੀ ਸੀ।
ਸਿਵਲ ਹਸਪਤਾਲ ਵਿੱਚ ਡਾਕਟਰਾਂ ਦੇ ਬੋਰਡ ਵੱਲੋਂ ਮ੍ਰਿਤਕ ਬੱਚੇ ਦੀ ਲਾਸ਼ ਦਾ ਪੋਸਟਮਾਰਟਮ ਕੀਤਾ ਗਿਆ, ਜਿਸ ਤੋਂ ਬਾਅਦ ਕੁਕਰਮ ਦੀ ਪੁਸ਼ਟੀ ਕੀਤੀ ਗਈ ਹੈ। ਪਰਿਵਾਰ ਨੇ ਬੱਚੇ ਦੀ ਲਾਸ਼ ਨੂੰ ਦਫਨਾ ਦਿੱਤਾ ਹੈ।
ਦਰਅਸਲ, ਮੁਲਜ਼ਮ ਦੀ ਪਤਨੀ ਛੇ ਮਹੀਨੇ ਦੀ ਗਰਭਵਤੀ ਸੀ ਜੋ ਉਸ ਨਾਲ ਹੁਣ ਸਰੀਰਕ ਸਬੰਧ ਬਨਾਉਣ ਤੋਂ ਜਵਾਬ ਦੇ ਰਹੀ ਸੀ। ਲੰਘੇ ੧੨ ਦਿਨਾਂ ਤੋਂ ਉਸ ਨੇ ਸਰੀਰਕ ਸਬੰਧ ਨਾ ਬਣਾਉਣ ਕਾਰਨ ਪੀੜਤ ਦੇ ਪਿਤਾ ਦੇ ਦਿਮਾਗ ਉੱਤੇ ਕਾਮ ਭਾਰੂ ਸੀ।
ਬੱਚਾ ਰੋਜ਼ਾਨਾ ਉਸ ਨਾਲ ਸੌਂਦਾ ਸੀ ਤੇ ਬੱਚਾ ਨੰਗਾ ਹੋਣ ਕਾਰਨ ਉਹ ਉਸ ਨੂੰ ਚੁੱਕ ਕੇ ਨੇੜੇ ਖੇਤਾਂ ਵਿੱਚ ਲੈ ਗਿਆ ਜਦ ਉਹ ਆਪਣੇ ਬੱਚੇ ਨਾਲ ਕੁਕਰਮ ਕਰਨ ਲੱਗਿਆ ਤਾਂ ਬੱਚਾ ਰੋਣ ਲੱਗ ਗਿਆ ਤੇ ਉਸ ਨੇ ਹੱਥ ਨਾਲ ਬੱਚੇ ਦਾ ਮੂੰਹ ਬੰਦ ਕਰ ਦਿੱਤਾ। ਸਾਹ ਰੁਕਣ ਨਾਲ ਬੱਚਾ ਬੇਹੋਸ਼ ਹੋ ਗਿਆ ਤਾਂ ਉਸਨੇ ਬੱਚੇ ਨੂੰ ਛੱਡ ਕੇ ਵਾਪਸ ਆ ਕੇ ਬੱਚੇ ਦੇ ਗੁੰਮ ਹੋਣ ਬਾਰੇ ਰੌਲਾ ਪਾ ਦਿੱਤਾ। ਇਸ ਮਗਰੋਂ ਉਸ ਨੇ ਆਪਣੇ ਬਚਣ ਲਈ ਅਣਪਛਾਤੇ ਵਿਅਕਤੀ ਵੱਲੋਂ ਬੱਚੇ ਨੂੰ ਚੁੱਕ ਕੇ ਲੈ ਜਾਣ ਦੀ ਕਹਾਣੀ ਵੀ ਘੜੀ ਸੀ, ਜੋ ਕਿ ਬਾਅਦ ਵਿੱਚ ਝੂਠੀ ਸਾਬਿਤ ਹੋਈ ਸੀ।
ਪੁਲਿਸ ਨੇ ਮੁਲਜ਼ਮ ਪਿਤਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਪਿਤਾ ਨੇ ਆਪਣਾ ਗੁਨਾਹ ਵੀ ਕਬੂਲ ਕਰ ਲਿਆ ਹੈ।
ਲੋਕਾਂ ਵੱਲੋਂ ਮਾਨਵਤਾ ਨੂੰ ਸ਼ਰਮਸ਼ਾਰ ਕਰਨ ਵਾਲੇ ਇਸ ਕਾਰੇ ਦੀ ਸਖ਼ਤ ਨਿਖੇਧੀ ਕੀਤੀ ਜਾ ਰਹੀ ਹੈ।
—PTC News