ਇਤਿਹਾਸ 'ਚ ਪਹਿਲੀ ਵਾਰ ਮਿਲੀ ਸਫਲਤਾ, ਹੁਣ ਹਰ ਮਰੀਜ਼ ਦਾ ਕੈਂਸਰ ਹੋਵੇਗਾ ਗਾਇਬ!
Riya Bawa
June 8th 2022 10:36 AM --
Updated:
June 8th 2022 10:49 AM
ਨਵੀਂ ਦਿੱਲੀ: ਮੈਡੀਕਲ ਸਾਇੰਸ ਨਿੱਤ ਨਵੇਂ ਚਮਤਕਾਰ ਕਰ ਰਹੀ ਹੈ। ਅਜਿਹੇ 'ਚ ਇਕ ਵਾਰ ਫਿਰ ਇਕ ਸ਼ਾਨਦਾਰ ਪ੍ਰਾਪਤੀ ਸਾਹਮਣੇ ਆਈ ਹੈ। ਵਿਸ਼ਵ ਵਿੱਚ ਸਿਹਤ ਸੰਭਾਲ ਪ੍ਰਣਾਲੀ ਲਈ ਇੱਕ ਪੌਜ਼ਟਿਵ ਖ਼ਬਰ ਹੈ ਕਿ ਕੈਂਸਰ ਦੇ 18 ਮਰੀਜ਼ਾਂ 'ਤੇ ਇੱਕ ਕਲੀਨਿਕਲ ਪ੍ਰਯੋਗ ਉਨ੍ਹਾਂ ਦੇ ਸਰੀਰ ਵਿੱਚੋਂ ਕੈਂਸਰ ਨੂੰ ਦੂਰ ਕਰਨ ਵਿੱਚ ਪ੍ਰਭਾਵਸ਼ਾਲੀ ਸਾਬਤ ਹੋਇਆ ਹੈ। ਦਵਾਈ Dostarlimab ਨੇ ਟ੍ਰਾਇਲ ਵਿੱਚ ਗੁਦੇ ਦੇ ਕੈਂਸਰ ਤੋਂ ਪੀੜਤ ਹਰ ਭਾਗੀਦਾਰ ਨੂੰ ਠੀਕ ਕੀਤਾ ਹੈ। ਉਨ੍ਹਾਂ ਨੇ ਕਰੀਬ ਛੇ ਮਹੀਨੇ Dostarlimab ਲਏ ਅਤੇ 12 ਮਹੀਨਿਆਂ ਤੋਂ ਵੱਧ ਸਮੇਂ ਬਾਅਦ ਡਾਕਟਰਾਂ ਨੇ ਪਾਇਆ ਕਿ ਉਨ੍ਹਾਂ ਦਾ ਕੈਂਸਰ ਗਾਇਬ ਹੋ ਗਿਆ ਹੈ।