Goa and Uttarakhand Elections 2022 Highlights: ਗੋਆ 'ਚ 75.29% 'ਤੇ ਉੱਤਰਾਖੰਡ 'ਚ 59.37% ਮਤਦਾਨ ਹੋਇਆ
Goa and Uttarakhand Elections 2022 Highlights: ਗੋਆ ਅਤੇ ਉੱਤਰਾਖੰਡ ਵਿੱਚ ਵਿਧਾਨ ਸਭਾ ਚੋਣਾਂ ਲਈ ਪੋਲਿੰਗ ਸੋਮਵਾਰ ਨੂੰ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਵਿਚਕਾਰ ਸ਼ੁਰੂ ਹੋਈ। ਗੋਆ ਵਿਧਾਨ ਸਭਾ ਚੋਣਾਂ 2022 ਲਈ ਕੁੱਲ 332 ਉਮੀਦਵਾਰ 40 ਹਲਕਿਆਂ ਤੋਂ ਚੋਣ ਲੜ ਰਹੇ ਹਨ, ਜਿਨ੍ਹਾਂ ਵਿੱਚੋਂ ਪ੍ਰਮੁੱਖ ਸੀਟਾਂ ਪੋਰੀਏਮ, ਵਲਪੋਈ, ਪ੍ਰਿਓਲ, ਪੋਂਡਾ, ਕਰਚੋਰਮ, ਸਨਵੋਰਡੇਮ, ਸੰਗੁਏਮ, ਤਿਵਿਮ, ਮਾਪੁਸਾ, ਸਿਓਲਿਮ, ਸਲੀਗਾਓ, ਆਦਿ ਹਨ।
ਚੋਣਾਂ ਲੜ ਰਹੇ ਪ੍ਰਮੁੱਖ ਨੇਤਾਵਾਂ ਅਤੇ ਉਮੀਦਵਾਰ ਵਿਚੋਂ ਭਾਜਪਾ ਦੇ ਸਾਬਕਾ ਨੇਤਾ ਉਤਪਲ ਪਾਰੀਕਰ, 'ਆਪ' ਦੇ ਅਮਿਤ ਪਾਲੇਕਰ, ਮੌਜੂਦਾ ਮੁੱਖ ਮੰਤਰੀ ਅਤੇ ਭਾਜਪਾ ਨੇਤਾ ਪ੍ਰਮੋਦ ਸਾਵੰਤ ਆਦਿ ਸ਼ਾਮਲ ਹਨ।
ਉੱਤਰਾਖੰਡ ਵਿਧਾਨ ਸਭਾ ਚੋਣਾਂ 2022 ਲਈ ਕੁੱਲ 632 ਉਮੀਦਵਾਰ (564 ਪੁਰਸ਼ ਅਤੇ 62 ਔਰਤਾਂ) ਉੱਤਰਾਖੰਡ ਦੇ 13 ਜ਼ਿਲ੍ਹਿਆਂ ਦੇ 70 ਵਿਧਾਨ ਸਭਾ ਹਲਕਿਆਂ ਤੋਂ ਚੋਣ ਲੜ ਰਹੇ ਹਨ। ਇੱਥੇ ਪ੍ਰਮੁੱਖ ਆਗੂਆਂ ਵਿੱਚ ਮੌਜੂਦਾ ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ, ਕੈਬਨਿਟ ਮੰਤਰੀ ਸੁਬੋਧ ਉਨਿਆਲ, ਵਿਧਾਨ ਸਭਾ ਸਪੀਕਰ ਪ੍ਰੇਮਚੰਦ ਅਗਰਵਾਲ, ਭਾਜਪਾ ਆਗੂ ਹਰਕ ਸਿੰਘ ਰਾਵਤ ਆਦਿ ਸ਼ਾਮਲ ਹਨ।
------ਗੋਆ 'ਚ 75.29% 'ਤੇ ਉੱਤਰਾਖੰਡ 'ਚ 59.37% ਮਤਦਾਨ ਹੋਇਆ।
ਸਵੇਰੇ 11 ਵਜੇ ਤੱਕ ਗੋਆ ਵਿਧਾਨ ਸਭਾ ਚੋਣਾਂ 'ਚ 26.63% 'ਤੇ ਉੱਤਰਾਖੰਡ 'ਚ 18.97% ਮਤਦਾਨ ਹੋਇਆ ਸੀ।
ਦੁਪਹਿਰ 3 ਵਜੇ ਤੱਕ ਗੋਆ ਵਿਧਾਨ ਸਭਾ ਚੋਣਾਂ 'ਚ 60.18% 'ਤੇ ਉੱਤਰਾਖੰਡ 'ਚ 49.24% ਮਤਦਾਨ ਦੀ ਪੁਸ਼ਟੀ ਹੋਈ ਹੈ।
ਦੁਪਹਿਰ 1 ਵਜੇ ਤੱਕ ਗੋਆ ਵਿਧਾਨ ਸਭਾ ਚੋਣਾਂ 'ਚ 44.63% 'ਤੇ ਉੱਤਰਾਖੰਡ 'ਚ 35.21% ਮਤਦਾਨ ਦੀ ਪੁਸ਼ਟੀ ਹੋਈ ਹੈ।
Goa and Uttarakhand Elections 2022 Highlights:
03:55 pm | ਉੱਤਰਾਖੰਡ ਵਿੱਚ ਦੁਪਹਿਰ 3 ਵਜੇ ਤੱਕ 49.24 ਫੀਸਦੀ ਵੋਟਿੰਗ ਹੋਈ।
03:34 pm | ਗੋਆ 'ਚ ਦੁਪਹਿਰ 3 ਵਜੇ ਤੱਕ 60.18 ਫੀਸਦੀ ਵੋਟਿੰਗ ਦਰਜ ਕੀਤੀ ਗਈ।
01:40 pm | ਦੁਪਹਿਰ 1 ਵਜੇ ਤੱਕ ਗੋਆ 'ਚ 44.63% ਮਤਦਾਨ ਹੋਇਆ।
01:40 pm | ਦੁਪਹਿਰ 1 ਵਜੇ ਤੱਕ ਉੱਤਰਾਖੰਡ 'ਚ 35.21% ਮਤਦਾਨ ਹੋਇਆ।
12:11 pm | ਗੋਆ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਕਾਂਗਰਸ ਨੇਤਾ ਦਿਗੰਬਰ ਕਾਮਤ ਨੇ ਮਡਗਾਓਂ ਵਿੱਚ ਆਪਣੀ ਵੋਟ ਪਾਈ।
11:45 am | ਗੋਆ 'ਚ 'ਆਪ' ਦੇ ਮੁੱਖ ਮੰਤਰੀ ਅਹੁਦੇ ਦੇ ਉਮੀਦਵਾਰ ਅਮਿਤ ਪਾਲੇਕਰ ਨੇ ਕਿਹਾ "ਲੋਕ ਬਦਲਾਅ ਚਾਹੁੰਦੇ ਹਨ ਅਤੇ ਅੱਜ ਲੋਕ ਬਦਲਾਅ ਲਈ ਵੋਟ ਦੇ ਰਹੇ ਹਨ। ਪਹਿਲਾਂ ਕਾਂਗਰਸ ਨੇ ਲੁੱਟਿਆ, ਫਿਰ ਬੀਜੇਪੀ ਨੇ ਲੁੱਟਿਆ, ਫਿਰ ਕਾਂਗਰਸ 'ਚੋਂ ਆਏ ਨੇ ਭਾਜਪਾ 'ਚ ਜਾ ਕੇ ਇਕੱਠੇ ਲੁਟਿਆ, ਹੁਣ ਇਹ ਦੋਵੇਂ ਪਾਰਟੀਆਂ ਡਰੀਆਂ ਹੋਈਆਂ ਹਨ।
11:37 am | ਉੱਤਰਾਖੰਡ 'ਚ ਸਵੇਰੇ 11 ਵਜੇ ਤੱਕ 18.97% ਮਤਦਾਨ ਹੋਇਆ।
11:37 am | ਗੋਆ 'ਚ ਸਵੇਰੇ 11 ਵਜੇ ਤੱਕ 26.63% ਮਤਦਾਨ ਹੋਇਆ।
11:26 am | ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਉਮੀਦਵਾਰ ਅਮਿਤ ਪਾਲੇਕਰ ਨੇ ਵਿਧਾਨ ਸਭਾ ਚੋਣਾਂ ਵਿੱਚ ਆਪਣੀ ਮਾਂ ਦੇ ਨਾਲ ਵੋਟ ਪਾ 'ਤੇ ਕਿਹਾ "ਇਹ ਸਾਡੇ ਲਈ ਬਦਲਾਅ ਲਿਆਉਣ ਦਾ ਸਮਾਂ ਹੈ।"
11:25 am | ਆਮ ਆਦਮੀ ਪਾਰਟੀ (ਆਪ) ਦੇ ਮੁੱਖ ਮੰਤਰੀ ਅਹੁਦੇ ਦੇ ਉਮੀਦਵਾਰ ਸੇਵਾਮੁਕਤ ਕਰਨਲ ਅਜੈ ਕੋਠਿਆਲ ਨੇ ਉੱਤਰਕਾਸ਼ੀ ਵਿੱਚ ਇੱਕ ਪੋਲਿੰਗ ਬੂਥ 'ਤੇ ਆਪਣੀ ਵੋਟ ਪਾਈ।
10:51 am | ਬੀਜੇਪੀ ਦੇ ਸੀਨੀਅਰ ਆਗੂ ਸਤਪਾਲ ਮਹਾਰਾਜ ਨੇ ਪੌੜੀ ਜ਼ਿਲ੍ਹੇ ਦੇ ਚੌਬਾਟਾਖਲ ਇਲਾਕੇ ਵਿੱਚ ਆਪਣੀ ਵੋਟ ਪਾਈ ਤੇ ਕਿਹਾ "ਅੱਜ ਮੈਂ ਚੌਬਾਟਾਖਾਲ ਵਿਧਾਨ ਸਭਾ ਵਿੱਚ ਆਪਣੀ ਪਹਿਲੀ ਵੋਟ ਪਾਈ। ਮੈਂ ਸਾਰਿਆਂ ਨੂੰ ਬੇਨਤੀ ਕਰਦਾ ਹਾਂ ਕਿ ਉਹ ਆਪਣੇ ਘਰਾਂ ਤੋਂ ਬਾਹਰ ਆ ਕੇ ਆਪਣੀ ਵੋਟ ਪਾਉਣ।"
10:12 am | ਗੋਆ ਵਿੱਚ ਹੁਣ ਤੱਕ 11.04% ਮਤਦਾਨ ਦੇ ਨਾਲ ਚੋਣਾਂ ਸ਼ਾਂਤੀਪੂਰਵਕ ਅਤੇ ਉਤਸ਼ਾਹ ਨਾਲ ਹੋ ਰਹੀਆਂ ਹਨ। ਕੁਝ ਵਿਧਾਨ ਸਭਾਵਾਂ ਵਿੱਚ ਮਤਦਾਨ 14% ਤੱਕ ਵੀ ਪਹੁੰਚ ਗਿਆ ਹੈ। ਇਸ ਵਾਰ ਅਸੀਂ ਰਿਕਾਰਡ ਤੋੜ ਮਤਦਾਨ ਦੀ ਉਮੀਦ ਕਰ ਰਹੇ ਹਾਂ: ਗੋਆ ਦੇ ਮੁੱਖ ਚੋਣ ਅਧਿਕਾਰੀ ਕੁਨਾਲ : ਗੋਆ ਚੋਣਾਂ 2022
10:10 am | ਮੈਂ ਹਰ ਕਿਸੇ ਨੂੰ ਆਪਣੇ ਵੋਟ ਦੇ ਅਧਿਕਾਰ ਦੀ ਵਰਤੋਂ ਕਰਨ ਦੀ ਅਪੀਲ ਕਰਨਾ ਚਾਹੁੰਦਾ ਹਾਂ, ਵੋਟਿੰਗ 100% ਹੋਣੀ ਚਾਹੀਦੀ ਹੈ। ਚੋਣਾਂ ਸਹੀ, ਨਿਰਪੱਖ ਢੰਗ ਨਾਲ ਕਰਵਾਈਆਂ ਜਾ ਰਹੀਆਂ ਹਨ: ਉੱਤਰਾਖੰਡ ਦੇ ਰਾਜਪਾਲ, ਲੈਫਟੀਨੈਂਟ ਜਨਰਲ ਗੁਰਮੀਤ ਸਿੰਘ (ਸੇਵਾਮੁਕਤ)ਨੇ Uttarakhand Election2022 'ਚ ਆਪਣੀ ਵੋਟ ਪਾਉਣ ਤੋਂ ਬਾਅਦ ਕਿਹਾ : ਉੱਤਰਾਖੰਡ ਚੋਣਾਂ 2022
10:00 am | ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਤ੍ਰਿਵੇਂਦਰ ਸਿੰਘ ਰਾਵਤ ਨੇ ਦੇਹਰਾਦੂਨ 'ਚ ਆਪਣੀ ਵੋਟ ਪਾਈ।
09:52 am | ਉੱਤਰਾਖੰਡ ਖੇਤਰ ਦੇ ਸਾਬਕਾ ਮੁੱਖ ਮੰਤਰੀ ਰਮੇਸ਼ ਪੋਖਰਿਆਲ ਨਿਸ਼ੰਕ ਨੇ ਦੇਹਰਾਦੂਨ ਵਿੱਚ ਆਪਣੀ ਬੇਟੀ ਆਰੂਸ਼ੀ ਨਿਸ਼ੰਕ ਨਾਲ ਵੋਟ ਪਾਈ|
09:51 am | ਉੱਤਰਾਖੰਡ 'ਚ ਸਵੇਰੇ 9 ਵਜੇ ਤੱਕ 5.15% ਮਤਦਾਨ ਹੋਇਆ।
09:51 am | ਗੋਆ 'ਚ ਸਵੇਰੇ 9 ਵਜੇ ਤੱਕ 11.04% ਮਤਦਾਨ ਹੋਇਆ।
09:48 am | ਗੋਆ ਦੇ ਸਿਹਤ ਮੰਤਰੀ ਵਿਸ਼ਵਜੀਤ ਰਾਣੇ ਨੇ #GoaElections2022 ਲਈ ਮੇਮ ਵਿਧਾਨ ਸਭਾ ਹਲਕੇ ਦੇ ਬੂਥ ਨੰਬਰ 42, GPS ਵਿਠਲਾਪੁਰ ਕਾਰਾਪੁਰ ਪ੍ਰਾਇਮਰੀ ਸਕੂਲ 'ਤੇ ਆਪਣੀ ਵੋਟ ਪਾਈ।
09:41 am | ਮੈਂ ਕੋਟੰਬੀ ਪਿੰਡ ਵਿੱਚ ਹਾਂ ਅਤੇ ਆਪਣੀ ਵੋਟ ਪਾਈ ਹੈ। ਮੈਂ ਲੋਕਾਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਵੱਡੀ ਗਿਣਤੀ ਵਿੱਚ ਵੋਟ ਪਾਉਣ ਲਈ ਬਾਹਰ ਆਉਣ। ਭਾਜਪਾ ਸਰਕਾਰ ਦਾ ਕੰਮ ਸਭ ਦੇ ਸਾਹਮਣੇ ਹੈ। ਉਤਪਲ ਪਾਰੀਕਰ (ਆਜ਼ਾਦ) ਅਤੇ ਮਾਈਕਲ ਲੋਬੋ (ਕਾਂਗਰਸ) ਨਹੀਂ ਜਿੱਤਣਗੇ, ਕਿਉਂਕਿ ਭਾਜਪਾ ਬਹੁਮਤ ਨਾਲ ਆ ਰਹੀ ਹੈ: ਗੋਆ ਦੇ ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ (ਗੋਆ ਚੋਣਾਂ 2022)
09:33 am | ਦੇਹਰਾਦੂਨ 'ਚ ਕਾਨੂੰਨ ਵਿਵਸਥਾ ਸ਼ਾਂਤੀਪੂਰਨ ਹੈ, ਯੋਜਨਾ ਅਨੁਸਾਰ ਹਰ ਥਾਂ ਫੋਰਸ ਤਾਇਨਾਤ ਹੈ। ਬੀਤੀ ਰਾਤ ਹੀ ਸਾਰੀਆਂ ਪੋਲਿੰਗ ਪਾਰਟੀਆਂ ਸਹੀ ਸਲਾਮਤ ਪਹੁੰਚ ਗਈਆਂ ਸਨ। ਅੱਜ ਲਈ ਮੌਸਮ ਦੀ ਭਵਿੱਖਬਾਣੀ ਠੀਕ ਹੈ, ਇਸ ਲਈ ਮੈਨੂੰ ਉਮੀਦ ਹੈ ਕਿ ਇਹ ਸ਼ਾਂਤੀਪੂਰਨ ਰਹੇਗਾ: ਉੱਤਰਾਖੰਡ ਦੇ ਮੁੱਖ ਚੋਣ ਅਧਿਕਾਰੀ ਸੌਜਨਿਆ : ਉੱਤਰਾਖੰਡ ਚੋਣ 2022
09:31 am | ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ ਨੇ ਵਿਧਾਨ ਸਭਾ ਚੋਣਾਂ ਵਿੱਚ ਆਪਣੀ ਵੋਟ ਪਾਈ 'ਤੇ ਕਿਹਾ "ਭਾਜਪਾ ਨੇ ਜੋ ਕੰਮ 10 ਸਾਲ ਕੀਤੇ ਹਨ, ਉਹ ਲੋਕਾਂ ਦੇ ਸਾਹਮਣੇ ਹਨ, ਇੱਕ ਸਥਿਰ ਸਰਕਾਰ ਬਣਾਉਣ ਲਈ ਸਾਡੇ ਸਾਰੇ ਉਮੀਦਵਾਰਾਂ ਨੂੰ ਵੋਟ ਦਿਓ।" : ਗੋਆ ਚੋਣਾਂ 2022
09:18 am | ਸਾਡੀਆਂ ਸਾਰੀਆਂ ਯੋਜਨਾਵਾਂ ਨੇ ਉੱਤਰਾਖੰਡ ਦੇ ਲੋਕਾਂ ਲਈ ਇੱਕ ਢਾਲ ਪ੍ਰਦਾਨ ਕੀਤੀ ਹੈ; ਜਨਤਾ ਚੰਗੀ ਤਰ੍ਹਾਂ ਜਾਣਦੀ ਹੈ ਕਿ ਸੂਬੇ ਦੇ ਵਿਕਾਸ ਲਈ ਕੌਣ ਕੰਮ ਕਰ ਸਕਦਾ ਹੈ। ਮੈਨੂੰ ਯਕੀਨ ਹੈ ਕਿ ਉੱਤਰਾਖੰਡ ਦੀ ਜਨਤਾ ਭਾਜਪਾ ਨੂੰ 60 ਤੋਂ ਵੱਧ ਸੀਟਾਂ 'ਤੇ ਲਿਆਵੇਗੀ: ਸੀਐਮ ਪੁਸ਼ਕਰ ਸਿੰਘ ਧਾਮੀ, ਖਟੀਮਾ ਵਿੱਚ: ਉੱਤਰਾਖੰਡ ਚੋਣਾਂ 2022
09:06 am |ਦੇਹਰਾਦੂਨ ਵਿੱਚ ਰਾਜ ਦੇ ਮੁੱਖ ਚੋਣ ਅਧਿਕਾਰੀ ਨੇ ਕਿਹਾ, "ਸੁਰੱਖਿਆ ਬਲ ਸਾਰੀਆਂ ਥਾਵਾਂ 'ਤੇ ਤਾਇਨਾਤ ਹਨ। ਖੇਤਰ ਵਿੱਚ ਪੋਲਿੰਗ ਸ਼ਾਂਤੀਪੂਰਵਕ ਚੱਲ ਰਹੀ ਹੈ। ਮੈਂ ਸਾਰਿਆਂ ਨੂੰ ਆਪਣੀ ਵੋਟ ਪਾਉਣ ਦੀ ਅਪੀਲ ਕਰਦਾ ਹਾਂ।" : ਉੱਤਰਾਖੰਡ ਚੋਣ 2022
09:05 am | ਉੱਤਰਾਖੰਡ CM ਅਤੇ ਖਟੀਮਾ ਤੋਂ ਭਾਜਪਾ ਦੇ ਉਮੀਦਵਾਰ ਪੁਸ਼ਕਰ ਸਿੰਘ ਧਾਮੀ ਨੇ ਲਈ ਹਲਕੇ ਦੇ ਇੱਕ ਪੋਲਿੰਗ ਬੂਥ 'ਤੇ ਆਪਣੀ ਵੋਟ ਪਾਈ : ਉੱਤਰਾਖੰਡ ਚੋਣਾਂ 2022
08:54 am | ਕਾਂਗਰਸ ਨੇਤਾ ਮਾਈਕਲ ਲੋਬੋ ਨੇ ਕਿਹਾ, "ਮਨੋਹਰ ਪਾਰੀਕਰ ਨੇ ਕਿਹਾ ਸੀ ਕਿ ਜਦੋਂ ਤੱਕ ਮੈਂ ਜ਼ਿੰਦਾ ਹਾਂ, ਮੈਂ ਆਪਣੇ ਬੇਟੇ (ਉਤਪਲ ਪਾਰੀਕਰ) ਨੂੰ ਰਾਜਨੀਤੀ ਵਿੱਚ ਨਹੀਂ ਲਿਆਵਾਂਗਾ। ਜੇਕਰ ਉਹ ਆਇਆ ਤਾਂ ਉਹ ਆਪਣੇ ਦਮ 'ਤੇ ਆਵੇਗਾ। ਜੇਕਰ ਉਹ ਜਿੱਤ ਗਏ ਤਾਂ (ਉਤਪਲ ਪਾਰੀਕਰ)) ਫਿਰ ਅਸੀਂ ਉਨ੍ਹਾਂ ਨਾਲ ਗੱਲ ਕਰਾਂਗੇ।": ਗੋਆ ਚੋਣਾਂ 2022
08:50 am | ਗੋਆ ਦੇ ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ ਅਤੇ ਉਨ੍ਹਾਂ ਦੀ ਪਤਨੀ ਸੁਲਕਸ਼ਨਾ ਸਾਵੰਤ ਸ਼੍ਰੀ ਰੁਦਰੇਸ਼ਵਰ ਦੇਵਸਥਾਨ, ਹਰਵਾਲਮ ਵਿਖੇ ਪ੍ਰਾਰਥਨਾ ਕਰਦੇ ਹੋਏ ਨਜ਼ਰ ਆਏ । ਗੋਆ ਚੋਣਾਂ 2022 ਲਈ ਵੋਟਿੰਗ ਚੱਲ ਰਹੀ ਹੈ।
08:37 am | ਗੋਆ ਦੇ ਸਾਬਕਾ ਮੁੱਖ ਮੰਤਰੀ ਮਰਹੂਮ ਮਨੋਹਰ ਪਾਰੀਕਰ ਦੇ ਪੁੱਤਰ ਉਤਪਲ ਪਾਰੀਕਰ ਨੇ ਪਣਜੀ ਵਿੱਚ ਪੋਲਿੰਗ ਬੂਥਾਂ ਦਾ ਦੌਰਾ ਕੀਤਾ। ਉਹ ਹਲਕੇ ਤੋਂ ਆਜ਼ਾਦ ਉਮੀਦਵਾਰ ਵਜੋਂ ਚੋਣ ਲੜ ਰਹੇ ਹਨ: ਗੋਆ ਚੋਣਾਂ 2022
08:30 am | ਪੋਲਿੰਗ ਲਈ ਕਤਾਰ ਵਿੱਚ ਖੜ੍ਹੇ ਲੋਕਾਂ ਦੇ ਨਾਲ, ਗੋਆ ਦੇ ਰਾਜਪਾਲ ਪੀਐਸ ਸ਼੍ਰੀਧਰਨ ਪਿੱਲੈ ਅਤੇ ਉਨ੍ਹਾਂ ਦੀ ਪਤਨੀ ਰੀਥਾ ਸ਼੍ਰੀਧਰਨ ਨੇ ਸੋਮਵਾਰ ਨੂੰ ਤੱਟਵਰਤੀ ਖੇਤਰ ਵਿੱਚ ਤਲੇਗਾਓ ਵਿਧਾਨ ਸਭਾ ਹਲਕੇ ਦੇ ਪੋਲਿੰਗ ਬੂਥ 'ਤੇ ਆਪਣੀ ਵੋਟ ਪਾਈ: ਗੋਆ ਚੋਣਾਂ 2022
08:08 am | ਗੋਆ ਦੇ ਰਾਜਪਾਲ ਪੀਐਸ ਸ਼੍ਰੀਧਰਨ ਪਿੱਲਈ ਨੇ ਕਿਹਾ, “ਗੋਆ ਦੇ ਲੋਕ ਸਹਿਯੋਗੀ ਹਨ। ਕੋਈ ਵੱਡੀਆਂ ਸਿਆਸੀ ਝੜਪਾਂ ਨਹੀਂ ਹਨ। ਚੋਣਾਂ ਆਜ਼ਾਦ ਅਤੇ ਨਿਰਪੱਖ ਹੋਣਗੀਆਂ। ECI ਅਤੇ ਸਾਰੀਆਂ ਸਿਆਸੀ ਪਾਰਟੀਆਂ ਪ੍ਰਸ਼ੰਸਾ ਦੇ ਹੱਕਦਾਰ ਹਨ। ਇਸ ਸਾਲ ਮੈਨੂੰ ਉਮੀਦ ਹੈ ਕਿ ਜ਼ਿਆਦਾ ਲੋਕ ਪੋਲਿੰਗ ਬੂਥਾਂ 'ਤੇ ਆਉਣਗੇ।''
08:00 am | ਉੱਤਰਾਖੰਡ ਲਈ ਮਤਦਾਨ ਸ਼ੁਰੂ ਹੁੰਦੇ ਹੀ ਲੋਕ ਕਤਾਰਾਂ ਵਿੱਚ ਖੜ੍ਹੇ ਹਨ ਜਿੱਥੇ 632 ਉਮੀਦਵਾਰ ਚੋਣ ਲੜ ਰਹੇ ਹਨ।
07:40 am | ਗੋਆ ਦੇ ਮੁੱਖ ਮੰਤਰੀ ਪ੍ਰਮੋਦ ਸਾਵੰਤ ਨੇ ਕਿਹਾ, “ਪ੍ਰਧਾਨ ਮੰਤਰੀ ਮੋਦੀ ਨੇ ਅੱਜ ਸਵੇਰੇ ਮੈਨੂੰ ਆਪਣੀਆਂ ਸ਼ੁਭਕਾਮਨਾਵਾਂ ਦੇਣ ਲਈ ਫ਼ੋਨ ਕੀਤਾ। ਮੈਨੂੰ ਪੂਰਾ ਭਰੋਸਾ ਹੈ ਕਿ ਭਾਜਪਾ 22+ ਸੀਟਾਂ ਜਿੱਤੇਗੀ। 10 ਸਾਲਾਂ ਵਿੱਚ ਭਾਜਪਾ ਦੁਆਰਾ ਬੁਨਿਆਦੀ ਢਾਂਚੇ ਦੇ ਵਿਕਾਸ ਅਤੇ ਪ੍ਰਧਾਨ ਮੰਤਰੀ ਮੋਦੀ ਦੇ ਸਵੈ-ਨਿਰਭਰ ਦ੍ਰਿਸ਼ਟੀਕੋਣ ਨੂੰ ਯਕੀਨੀ ਤੌਰ 'ਤੇ 100% ਬਹੁਮਤ ਨਾਲ ਲਾਭ ਹੋਵੇਗਾ।
07:30 am | ਗੋਆ: ਹਿਮਾਚਲ ਪ੍ਰਦੇਸ਼ ਦੇ ਰਾਜਪਾਲ ਰਾਜੇਂਦਰ ਵਿਸ਼ਵਨਾਥ ਅਰਲੇਕਰ ਨੇ ਵਾਸਕੋ ਡੀ ਗਾਮਾ ਵਿਧਾਨ ਸਭਾ ਹਲਕੇ ਦੇ ਪੋਲਿੰਗ ਬੂਥ ਨੰਬਰ 7 'ਤੇ ਆਪਣੀ ਵੋਟ ਪਾਈ।
07:00 am | ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਵਿਚਕਾਰ ਗੋਆ ਵਿਧਾਨ ਸਭਾ ਲਈ ਵੋਟਿੰਗ ਸ਼ੁਰੂ ਹੋ ਗਈ ਹੈ।
08:00 am | ਉੱਤਰਾਖੰਡ ਲਈ ਮਤਦਾਨ ਸ਼ੁਰੂ ਹੁੰਦੇ ਹੀ ਲੋਕ ਕਤਾਰਾਂ ਵਿੱਚ ਖੜ੍ਹੇ ਹਨ ਜਿੱਥੇ 632 ਉਮੀਦਵਾਰ ਚੋਣ ਲੜ ਰਹੇ ਹਨ।
-PTC News