ਅੱਖਾਂ 'ਚ ਮਿਰਚਾਂ ਪਾ ਕੇ ਗੋਪਾਲ ਸਵੀਟਜ਼ ਦੇ ਮਾਲਕ ਨਾਲ ਕੀਤੀ ਲੁੱਟ-ਖੋਹ, 6 ਲੱਖ ਲੁੱਟੇ
ਅੱਖਾਂ 'ਚ ਮਿਰਚਾਂ ਪਾ ਕੇ ਗੋਪਾਲ ਸਵੀਟਜ਼ ਦੇ ਮਾਲਕ ਨਾਲ ਕੀਤੀ ਲੁੱਟ-ਖੋਹ
ਚੰਡੀਗੜ੍ਹ ਅਤੇ ਟ੍ਰਾਈ ਸਿਟੀ 'ਚ ਵਾਪਰ ਰਹੀਆਂ ਘਟਨਾਵਾਂ 'ਚ ਦਿਨ ਬ ਦਿਨ ਵਾਧਾ ਹੁੰਦਾ ਜਾ ਰਿਹਾ ਹੈ।
ਕੱਲ ਰਾਤ ਤਕਰੀਬਨ ੧੦:੧੫ ਵਜੇ ਚੰਡੀਗੜ੍ਹ ਦੇ ਸੈਕਟਰ ੮ 'ਚ ਸਥਿਤ ਗੋਪਾਲ ਸਵੀਟਜ਼ ਦੇ ਮਾਲਕ ਸ਼ਰਨਜੀਤ ਦੇ ਲੁਟੇਰਿਆਂ ਨੇ ੬ ਲੱਖ ਦੇ ਕਰੀਬ ਦੀ ਰਕਮ ਅੱਖਾਂ 'ਚ ਮਿਰਚ ਪਾ ਕੇ ਲੁੱਟੀ ਗਈ ਸੀ। ਜਿਸ ਸਮੇਂ ਇਹ ਵਾਰਦਾਤ ਹੋਈ, ਗੋਪਾਲ ਸਵੀਟਸ ਦਾ ਮਾਲਕ ਸ਼ਰਨਜੀਤ ਆਪਣੀ ਗੱਡੀ 'ਚ ਬੈਠ ਕੇ ਆਪਣੇ ਘਰ ਜਾ ਰਿਹਾ ਸੀ ਅਤੇ ਸਿਕਓਰਟੀ ਗਾਰਡ ਵੀ ਉਹਨਾਂ ਦੇ ਨਾਲ ਸੀ।
ਇਸ ਪੂਰੀ ਘਟਨਾ ਸੀਸੀਟੀਵੀ 'ਚ ਕੈਦ ਹੋ ਗਈ ਹੈ।
ਮੌਕੇ 'ਤੇ ਮੌਜੂਦ ਸਿਕਓਰਟੀ ਗਾਰਡ ਦਿਲੀਪ ਨੇ ਦੱਸਿਆ ਕਿ ਉਹ ਤਿੰਨ ਆਦਮੀ ਸੀ ਅਤੇ ਉਹਨਾਂ ਨੇ ਇੱਕ ਪਿਸਤੌਲਨੁਮਾ ਵਸਤੂ ਦਿਖਾ ਕੇ ਬੈਗ ਖੋਹਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਮੈਂ ਉਹਨਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਹ ਅੱਖਾਂ 'ਚ ਮਿਰਚ ਪਾ ਕੇ ਬੈਗ ਖੋਹ ਕੇ ਫਰਾਰ ਹੋ ਗਏ।
ਉਹਨਾਂ ਨੇ ਸੈਕਟਰ ੩ ਦੇ ਇੰਸਪੈਕਟਰ ਸ਼ੇਰ ਸਿੰਘ ਨੇ ਦੱਸਿਆ ਕਿ ਸਾਨੂੰ ਸੂਚਨਾ ਮਿਲੀ ਕਿ ਅੱਖਾਂ 'ਚ ਮਿਰਚ ਪਾ ਕੇ ਤਿੰਨ ਚਾਰ ਲੋਕ ਐਕਟਿਵਾ 'ਤੇ ਆਏ ਅਤੇ ਉਹਨਾਂ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ।
ਪੁਲਿਸ ਵੱਲੋਂ ੩੯੨ ਅਤੇ ਆਈਪੀਸੀ ਦੀ ਧਾਰਾ ੩੪ ਤਹਿਤ ਮਾਮਲਾ ਦਰਜ ਕਰ ਛਾਣਬੀਣ ਸ਼ੁਰੂ ਕਰ ਦਿੱਤੀ ਗਈ ਹੈ।
—PTC News