ਪਾਇਲਟ ਦੀ ਪੰਜਾਬੀ-ਅੰਗਰੇਜ਼ੀ MIX ਅਨਾਊਂਸਮੈਂਟ ਸੋਸ਼ਲ ਮੀਡਿਆ 'ਤੇ ਹੋਈ ਖ਼ੂਬ ਵਾਇਰਲ
Viral video: ਇੰਡੀਗੋ ਦੇ ਪਾਇਲਟ ਦੀ ਇਨ-ਫਲਾਈਟ ਅਨਾਊਂਸਮੈਂਟ ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਜਦੋਂ ਕਿ ਇਹ ਅਨਾਊਂਸਮੈਂਟ ਹਿੰਦੀ ਜਾਂ ਅੰਗਰੇਜ਼ੀ ਵਿੱਚ ਕਰਨ ਦਾ ਰਿਵਾਜ ਹੈ। ਬੰਗਲੌਰ ਤੋਂ ਚੰਡੀਗੜ੍ਹ ਉਡਾਣ ਦੇ ਕਪਤਾਨ ਨੇ ਪੰਜਾਬੀ-ਅੰਗਰੇਜ਼ੀ (MIX) ਨੂੰ ਮਿਲਾ ਕੇ ਉਡਾਣ ਵਿੱਚ ਇੱਕ ਅਨਾਊਂਸਮੈਂਟ ਕੀਤੀ, ਜਿਸ ਨਾਲ ਉਡਾਣ ਵਿੱਚ ਸਵਾਰ ਯਾਤਰੀਆਂ ਨੂੰ ਬਹੁਤ ਖੁਸ਼ੀ ਹੋਈ।
ਟਵਿੱਟਰ 'ਤੇ ਸ਼ੇਅਰ ਕੀਤੀ ਗਈ ਵੀਡੀਓ 'ਚ ਇੰਡੀਗੋ ਦਾ ਪਾਇਲਟ ਮਾਈਕ੍ਰੋਫੋਨ 'ਤੇ ਬੋਲਦਾ ਅਤੇ ਲੋਕਾਂ ਦਾ ਸਵਾਗਤ ਕਰਦਾ ਦਿਖਾਈ ਦੇ ਰਿਹਾ ਹੈ। ਪੋਸਟ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, "ਬੰਗਲੌਰ ਤੋਂ ਚੰਡੀਗੜ੍ਹ ਦੀ ਫਲਾਈਟ ਵਿੱਚ ਯਾਤਰੀਆਂ ਲਈ ਪੰਜਾਬੀ ਅੰਗਰੇਜ਼ੀ ਮਿਲਾ ਕੇ ਕਪਤਾਨ ਦੇ ਕੁਝ ਸੁਝਾਅ।"
ਪਹਿਲੇ ਪਾਇਲਟ ਨੂੰ ਅੰਗਰੇਜ਼ੀ ਵਿੱਚ ਬੋਲਦਿਆਂ ਸੁਣਿਆ ਗਿਆ। ਉਨ੍ਹਾਂ ਕਿਹਾ ਕਿ ਜਿੱਥੇ ਖੱਬੇ ਪਾਸੇ ਬੈਠੇ ਯਾਤਰੀ ਫਲਾਈਟ ਦੌਰਾਨ ਆਪਣੀ ਫੋਟੋਗ੍ਰਾਫੀ ਦੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕਰ ਸਕਣਗੇ, ਉਥੇ ਸੱਜੇ ਪਾਸੇ ਬੈਠੇ ਯਾਤਰੀ ਹੈਦਰਾਬਾਦ ਨੂੰ ਦੇਖਣਗੇ। ਫਿਰ ਉਸਨੇ ਪੰਜਾਬੀ ਵਿੱਚ ਅਨਾਊਂਸਮੈਂਟ ਕਰਦੇ ਕਿਹਾ ਕਿ ਬਾਅਦ ਵਿੱਚ, ਖੱਬੇ ਪਾਸੇ ਵਾਲੇ ਯਾਤਰੀ ਜੈਪੁਰ ਵੇਖਣਗੇ, ਜਦੋਂ ਕਿ ਦੂਜੇ ਪਾਸੇ ਵਾਲੇ ਭੋਪਾਲ ਵੇਖਣਗੇ।
ਇਸ ਵੀਡੀਓ ਨੂੰ ਟਵਿੱਟਰ 'ਤੇ @danvir_chauhan ਨਾਮ ਦੇ ਹੈਂਡਲ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਯੂਜ਼ਰ ਨੇ ਕੈਪਸ਼ਨ 'ਚ ਲਿਖਿਆ ਹੈ, ਕੈਪਟਨ ਨੇ ਬੈਂਗਲੁਰੂ ਤੋਂ ਚੰਡੀਗੜ੍ਹ ਜਾਣ ਵਾਲੇ ਯਾਤਰੀਆਂ ਨੂੰ ਪੰਜਾਬੀ ਅਤੇ ਅੰਗਰੇਜ਼ੀ 'ਚ ਟਿਪਸ ਦਿੱਤੇ। 1 ਮਿੰਟ 6 ਸੈਕਿੰਡ ਦੇ ਇਸ ਵੀਡੀਓ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਵਾਰ-ਵਾਰ ਇਸ ਨੂੰ ਦੇਖ ਰਹੇ ਹਨ। ਖ਼ਬਰ ਲਿਖੇ ਜਾਣ ਤੱਕ ਇਸ ਵੀਡੀਓ ਨੂੰ ਸੈਂਕੜੇ ਲੋਕ ਲਾਈਕ ਕਰ ਚੁੱਕੇ ਹਨ, ਜਦਕਿ ਦਰਜਨਾਂ ਲੋਕ ਇਸ ਨੂੰ ਰੀਟਵੀਟ ਕਰ ਚੁੱਕੇ ਹਨ।
-PTC News