ਬਾਲੀਵੁੱਡ ਵਾਲੀ ਨੇ ਮੁੜ ਲਿਆ ਦੁਸਾਂਝਾਂ ਵਾਲੇ ਨਾਲ ਪੰਗਾ , PC ਨੂੰ ਵੀ ਲਿਆ ਘੇਰੇ 'ਚ

ਬਾਲੀਵੁੱਡ ਦੀ ਪੰਗਾ ਕਵੀਨ ਕਹਿਣ ਜਾਣ ਵਾਲੀ ਕੰਗਨਾ ਰਣੌਤ ਬੀਤੇ ਕੁਝ ਦਿਨਾਂ ਤੋਂ ਕਿਸਾਨ ਅੰਦੋਲਨ 'ਤੇ ਕਈ ਟਵੀਟਸ ਕਰ ਚੁੱਕੀ ਹੈ। ਜਿਸ ਦਾ ਉਸ ਨੂੰ ਖਮਿਆਜਾ ਵੀ ਭੁਗਤਣਾ ਪਿਆ ਹੈ , ਕਿਓਂਕਿ ਇਹ ਟਵੀਟ ਕੰਗਨਾ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ 'ਚ ਤਾਂ ਕੀਤੇ ਹੀ , ਪਰ ਨਾਲ ਹੀ ਉਸਨੇ ਆਪਣੇ ਟਵੀਟਸ ਵਿਚ ਪੰਜਾਬ ਦੇ ਕਿਸਾਨਾਂ ਅਤੇ ਪੰਜਾਬ ਦੀਆਂ ਬਜ਼ੁਰਗ ਮਾਤਾਵਾਂ ਦਾ ਅਪਮਾਨ ਵੀ ਕੀਤਾ ਸੀ ਜਿਸ 'ਤੇ ਪੰਜਾਬ ਦੇ ਕਲਾਕਾਰਾਂ ਨੇ ਉਸ ਦੀ ਰੇਲ ਬਣਾ ਦਿਤੀ। ਕਿਓਂਕਿ ਉਸ ਦਾ ਸਟੈਂਡ ਲਗਾਤਾਰ ਹੀ ਸਰਕਾਰ ਵੱਲ ਨਰਮ ਅਤੇ ਵਿਰੋਧ ਪ੍ਰਦਰਸ਼ਨ ਦੇ ਵਿਰੋਧ 'ਚ ਵੇਖਿਆ ਗਿਆ ਹੈ। ਹੁਣ ਕੰਗਨਾ ਨੇ ਮੁੜ ਤੋਂ ਕੁਝ ਟਵੀਟਸ ਕੀਤੇ ਹਨ, ਜੋ ਕਾਫ਼ੀ ਵਾਇਰਲ ਹੋ ਰਹੇ ਹਨ।