KBC11: ਬਿਹਾਰ ਦੇ ਸਨੋਜ ਰਾਜ ਨੇ ਰਚਿਆ ਇਤਿਹਾਸ, ਰਾਤੋ ਰਾਤ ਬਣਿਆ ਕਰੋੜਪਤੀ
KBC11: ਬਿਹਾਰ ਦੇ ਸਨੋਜ ਰਾਜ ਨੇ ਰਚਿਆ ਇਤਿਹਾਸ, ਰਾਤੋ ਰਾਤ ਬਣਿਆ ਕਰੋੜਪਤੀ,ਨਵੀਂ ਦਿੱਲੀ: ਸੋਨੀ ਟੀ.ਵੀ. ਚੈਨਲ 'ਤੇ ਪ੍ਰਸਾਰਿਤ ਹੋਣ ਵਾਲੇ ਰਿਆਲਿਟੀ ਸ਼ੋਅ 'ਕੌਣ ਬਣੇਗਾ ਕਰੋੜਪਤੀ' ਦੇ ਸੀਜਨ 11 ਨੂੰ ਪਹਿਲਾ ਕਰੋੜਪਤੀ ਮਿਲ ਗਿਆ ਹੈ। ਦਰਅਸਲ, ਬਿਹਾਰ ਨਾਲ ਸਬੰਧ ਰੱਖਣ ਵਾਲੇ ਸਨੋਜ ਰਾਜ ਨੇ ਇਹ ਮੁਕਾਮ ਹਾਸਲ ਕੀਤਾ ਹੈ।
ਉਸ ਨੇ ਇਸ ਸ਼ੋਅ 'ਚ 15 ਸਵਾਲਾਂ ਦੇ ਠੀਕ ਜਵਾਬ ਦੇ ਕੇ 1 ਕਰੋੜ ਰੁਪਏ ਦੀ ਰਾਸ਼ੀ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਸਨੋਜ ਨੇ 7 ਕਰੋੜ ਲਈ 16ਵਾਂ ਪ੍ਰਸ਼ਨ ਨਹੀਂ ਖੇਡਿਆ, ਜਿਸ ਦਾ ਗਲਤ ਜਵਾਬ ਦੇਣ ਨਾਲ ਜਿੱਤੀ ਗਈ ਰਕਮ ਘੱਟ ਕੇ 3 ਲੱਖ 20 ਹਜ਼ਾਰ ਰਹਿ ਜਾਂਦੀ।
ਹੋਰ ਪੜ੍ਹੋ: ਜਲੰਧਰ: ਮਾਂ-ਧੀ ਨੇ ਟਰੇਨ ਦੇ ਅੱਗੇ ਆ ਕੇ ਕੀਤੀ ਆਤਮਹੱਤਿਆ, ਫੈਲੀ ਸਨਸਨੀ
ਜਿਸ ਪ੍ਰਸ਼ਨ ਦਾ ਸਹੀ ਜਵਾਬ ਦੇ ਕੇ ਸਨੋਜ 7 ਕਰੋੜ ਦੀ ਰਕਮ ਜਿੱਤ ਕੇ ਇਤਿਹਾਸ ਰਚ ਸਕਦੇ ਸੀ, ਉਹ ਸਵਾਲ ਸੀ ਕਿ- ਆਸਟਰੇਲੀਆ ਦੇ ਦਿੱਗਜ ਬੱਲੇਬਾਜ਼ ਸਰ ਡਾਨ ਬ੍ਰੈਡਮੈਨ ਨੇ ਕਿਸ ਭਾਰਤੀ ਗੇਂਦਬਾਜ਼ ਦੀ ਗੇਂਦ 'ਤੇ ਇੱਕ ਰਨ ਬਣਾ ਕੇ ਪਹਿਲੀ ਸ਼੍ਰੇਣੀ ਦਾ ਆਪਣਾ 100ਵਾਂ ਸੈਂਕੜਾ ਪੂਰਾ ਕੀਤਾ? ਸਹੀ ਜਵਾਬ ਹੈ- ਗੋਗੂਮਲ ਕਿਸ਼ਨ ਚੰਦ।
ਇਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਉਸ ਦੀ ਇਸ ਜਿੱਤ ਨੇ ਉਸ ਦੇ ਪਰਿਵਾਰ ਤੇ ਰਿਸ਼ਤੇਦਾਰਾਂ ਦੇ ਚਿਹਰਿਆਂ 'ਤੇ ਖੁਸ਼ੀ ਲਿਆ ਦਿੱਤੀ। ਉਸ ਦਾ ਪਿਤਾ ਭਾਵੁਕ ਹੋ ਗਿਆ। ਅਮਿਤਾਭ ਨੇ ਗਲ਼ ਲੱਗ ਕੇ ਸਨੋਜ ਨੂੰ ਵਧਾਈ ਦਿੱਤੀ।
https://twitter.com/SonyTV/status/1172568674672103424?s=20
-PTC News