Prachi Nigam: 10ਵੀਂ ਟਾਪਰ ਦਾ ਚਿਹਰੇ ਦੇ ਵਾਲਾਂ ਨੂੰ ਲੈ ਕੇ ਉਡਿਆ ਮਜ਼ਾਕ, ਹੁਣ ਪ੍ਰਾਚੀ ਨਿਗਮ ਨੇ ਟ੍ਰੋਲਰਾਂ ਨੂੰ ਦਿੱਤਾ ਇਹ ਜਵਾਬ
ਨਤੀਜੇ ਆਉਣ ਤੋਂ ਬਾਅਦ ਕੁਝ ਲੋਕਾਂ ਨੇ ਪ੍ਰਾਚੀ ਦੇ ਚੰਗੇ ਅੰਕ, ਉਸ ਦੀ ਪੜ੍ਹਾਈ ਅਤੇ ਮਿਹਨਤ ਨੂੰ ਦੇਖਣ ਅਤੇ ਪ੍ਰਸ਼ੰਸਾ ਕਰਨ ਦੀ ਬਜਾਏ ਉਸ ਦੇ ਚਿਹਰੇ 'ਤੇ ਦਿਖਾਈ ਦੇਣ ਵਾਲੇ ਵਾਲਾਂ ਦਾ ਮਜ਼ਾਕ ਉਡਾਇਆ।
Prachi Nigam: ਯੂਪੀ ਬੋਰਡ 10ਵੀਂ ਪ੍ਰੀਖਿਆ 2024 ਦਾ ਨਤੀਜਾ ਐਲਾਨ ਕਰ ਦਿੱਤਾ ਗਿਆ ਹੈ। 10ਵੀਂ ਜਮਾਤ ਵਿੱਚ ਕੁੱਲ 89.55 ਫੀਸਦੀ ਵਿਦਿਆਰਥੀ ਪਾਸ ਹੋਏ ਹਨ। ਜਿਸ 'ਚ ਪ੍ਰਾਚੀ ਨਿਗਮ ਪੂਰੇ ਸੂਬੇ 'ਚ ਟਾਪ 'ਤੇ ਰਹੀ ਹੈ। ਪ੍ਰਾਚੀ ਨਿਗਮ ਸੀਤਾ ਬਾਲ ਵਿਦਿਆ ਮੰਦਰ ਇੰਟਰ ਕਾਲਜ, ਉਦਾਬਾਦ, ਸੀਤਾਪੁਰ ਦੀ ਵਿਦਿਆਰਥਣ ਹੈ। ਉਸ ਨੇ 98.50 ਫੀਸਦੀ ਅੰਕ ਪ੍ਰਾਪਤ ਕੀਤੇ ਹਨ। ਪ੍ਰਾਚੀ ਨੇ 600 ਵਿੱਚੋਂ 591 ਅੰਕ ਪ੍ਰਾਪਤ ਕੀਤੇ ਹਨ।
ਨਤੀਜੇ ਆਉਣ ਤੋਂ ਬਾਅਦ ਕੁਝ ਲੋਕਾਂ ਨੇ ਪ੍ਰਾਚੀ ਦੇ ਚੰਗੇ ਅੰਕ, ਉਸ ਦੀ ਪੜ੍ਹਾਈ ਅਤੇ ਮਿਹਨਤ ਨੂੰ ਦੇਖਣ ਅਤੇ ਪ੍ਰਸ਼ੰਸਾ ਕਰਨ ਦੀ ਬਜਾਏ ਉਸ ਦੇ ਚਿਹਰੇ 'ਤੇ ਦਿਖਾਈ ਦੇਣ ਵਾਲੇ ਵਾਲਾਂ ਦਾ ਮਜ਼ਾਕ ਉਡਾਇਆ। ਪ੍ਰਾਚੀ ਨਿਗਮ ਅਤੇ ਉਸ ਦੇ ਪਰਿਵਾਰਕ ਮੈਂਬਰ ਸੋਸ਼ਲ ਮੀਡੀਆ 'ਤੇ ਬਣ ਰਹੇ ਮੀਮਜ਼ ਤੋਂ ਦੁਖੀ ਸੀ ਕਿ ਉਸ ਨੂੰ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਕੁਝ ਲੋਕ ਪ੍ਰਾਚੀ ਦੇ ਸਮਰਥਨ 'ਚ ਖੜ੍ਹੇ ਹੋਏ ਹਨ। ਇਸ ਦੌਰਾਨ ਟ੍ਰੋਲ ਨੂੰ ਜਵਾਬ ਦੇਣ ਲਈ ਪ੍ਰਾਚੀ ਖੁਦ ਅੱਗੇ ਆਈ ਹੈ।
ਦੱਸ ਦਈਏ ਕਿ ਪ੍ਰਾਚੀ ਨੇ ਆਪਣੇ ਨਾਲ ਹੋ ਰਹੀਆਂ ਸਾਰੀਆਂ ਗੱਲਾਂ 'ਤੇ ਆਪਣੀ ਰਾਏ ਜ਼ਾਹਰ ਕੀਤੀ। ਪ੍ਰਾਚੀ ਨੇ ਕਿਹਾ ਕਿ ਹਾਈ ਸਕੂਲ 'ਚ ਟਾਪ ਕਰਨ ਤੋਂ ਬਾਅਦ ਉਸ ਦੀ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ। ਬਹੁਤ ਸਾਰੇ ਲੋਕਾਂ ਨੇ ਮੇਰਾ ਸਮਰਥਨ ਕੀਤਾ ਹੈ, ਮੈਂ ਉਨ੍ਹਾਂ ਦਾ ਧੰਨਵਾਦ ਕਰਨਾ ਚਾਹੁੰਦੀ ਹਾਂ ਅਤੇ ਜਿਨ੍ਹਾਂ ਨੇ ਮੇਰੀ ਫੋਟੋ ਦੇਖ ਕੇ ਸੋਚਿਆ ਕਿ ਮੈਂ ਕਿਸ ਤਰ੍ਹਾਂ ਦੀ ਲੜਕੀ ਹਾਂ, ਉਨ੍ਹਾਂ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ ਹਨ। ਉਸ ਨੇ ਅੱਗੇ ਕਿਹਾ ਕਿ ਸੂਰਤ ਅਤੇ ਸੀਰਤ 'ਤੇ ਟਿੱਪਣੀ ਕਰਨ ਵਾਲਿਆਂ ਨੂੰ ਵਧਾਈ, ਕਿਉਂਕਿ ਮੈਨੂੰ ਤੁਹਾਡੀ ਕੋਈ ਪਰਵਾਹ ਨਹੀਂ ਹੈ।
ਇਹ ਵੀ ਪੜ੍ਹੋ: Mamata Banerjee Injured: ਚੋਣ ਪ੍ਰਚਾਰ ਦੌਰਾਨ ਹੈਲੀਕਾਪਟਰ 'ਚ ਸੀਟ 'ਤੇ ਬੈਠਣ ਲੱਗਿਆ ਡਿੱਗੀ ਸੀਐੱਮ ਮਮਤਾ ਬੈਨਰਜੀ ਜ਼ਖਮੀ, ਵੀਡੀਓ