Bengaluru Stampede: ਬੈਂਗਲੁਰੂ ਭਗਦੜ ਮਾਮਲੇ ਵਿੱਚ RCB, ਇਵੈਂਟ ਮੈਨੇਜਮੈਂਟ ਕੰਪਨੀ ਅਤੇ ਕਰਨਾਟਕ ਕ੍ਰਿਕਟ ਬੋਰਡ ਵਿਰੁੱਧ FIR ਦਰਜ , CID ਕਰੇਗੀ ਮਾਮਲੇ ਦੀ ਜਾਂਚ

Bengaluru Stampede: ਬੰਗਲੌਰ ਦੇ ਚਿੰਨਾਸਵਾਮੀ ਸਟੇਡੀਅਮ ਦੇ ਬਾਹਰ ਭਗਦੜ ਵਿੱਚ 11 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਹਾਦਸੇ ਵਿੱਚ ਕਈ ਲੋਕ ਜ਼ਖਮੀ ਵੀ ਹੋਏ। ਹੁਣ ਬੰਗਲੌਰ ਪੁਲਿਸ ਨੇ ਮਾਮਲੇ ਦਾ ਖੁਦ ਨੋਟਿਸ ਲੈਂਦਿਆਂ ਆਰਸੀਬੀ ਵਿਰੁੱਧ ਐਫਆਈਆਰ ਦਰਜ ਕਰ ਲਈ ਹੈ। ਆਰਸੀਬੀ ਤੋਂ ਇਲਾਵਾ ਡੀਐਨਏ ਐਂਟਰਟੇਨਮੈਂਟ ਅਤੇ ਕਰਨਾਟਕ ਸਟੇਟ ਕ੍ਰਿਕਟ ਐਸੋਸੀਏਸ਼ਨ ਨੂੰ ਵੀ ਐਫਆਈਆਰ ਵਿੱਚ ਆਰੋਪੀ ਬਣਾਇਆ ਗਿਆ ਹੈ। ਪੁਲਿਸ ਨੇ ਅਣਜਾਣੇ ਵਿੱਚ ਕਤਲ ਸਮੇਤ ਕਈ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ।  ਐਫਆਈਆਈਆਰ ਸੀਆਈਡੀ ਨੂੰ ਸੌੰਪ ਦਿੱਤੀ ਗਈ ਹੈ ਅਤੇ ਹੁਣ ਅੱਗੇ ਦੀ ਜਾਂਚ ਲਈ ਐਸਆਈਆਈਟੀ ਬਣਾਉਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।

  ਸੋਗ ਵਿੱਚ ਬਦਲਿਆ ਜਿੱਤ ਦਾ ਜਸ਼ਨ  

ਦਰਅਸਲ, 18 ਸਾਲਾਂ ਦੀ ਲੰਬੀ ਉਡੀਕ ਤੋਂ ਬਾਅਦ ਆਰਸੀਬੀ ਨੇ ਆਈਪੀਐਲ ਟਰਾਫੀ ਜਿੱਤ ਲਈ ਹੈ। ਇਸ ਜਿੱਤ ਨੇ ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਟੀਮ ਦੇ ਖਿਡਾਰੀਆਂ ਵਿੱਚ ਵੀ ਬਹੁਤ ਉਤਸ਼ਾਹ ਲਿਆ ਦਿੱਤਾ ਹੈ। ਆਈਪੀਐਲ ਵਿੱਚ ਆਰਸੀਬੀ ਦੀ ਜਿੱਤ ਦਾ ਜਸ਼ਨ ਮਨਾਉਣ ਲਈ ਵੱਡੀ ਗਿਣਤੀ ਵਿੱਚ ਕ੍ਰਿਕਟ ਪ੍ਰੇਮੀ ਚਿੰਨਾਸਵਾਮੀ ਸਟੇਡੀਅਮ ਦੇ ਨੇੜੇ ਇਕੱਠੇ ਹੋਏ ਸਨ। 

ਪਰ ਢੁਕਵੇਂ ਪ੍ਰਬੰਧਾਂ ਦੀ ਘਾਟ ਕਾਰਨ ਅਚਾਨਕ ਭਗਦੜ ਮਚ ਗਈ ਅਤੇ 11 ਲੋਕਾਂ ਦੀ ਮੌਤ ਹੋ ਗਈ ਅਤੇ 33 ਹੋਰ ਜ਼ਖਮੀ ਹੋ ਗਏ। ਕਿਹਾ ਜਾ ਰਿਹਾ ਸੀ ਕਿ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਮੁਫ਼ਤ ਪਾਸ ਦਿੱਤੇ ਜਾ ਰਹੇ ਸਨ। ਜਿਸ ਗੇਟ ਰਾਹੀਂ ਪ੍ਰਸ਼ੰਸਕਾਂ ਨੂੰ ਦਾਖਲ ਹੋਣਾ ਸੀ ਉਹ ਇੰਨਾ ਤੰਗ ਸੀ ਕਿ ਇੱਕ ਸਮੇਂ ਦੋ ਲੋਕ ਵੀ ਅੰਦਰ ਨਹੀਂ ਜਾ ਸਕਦੇ ਸਨ।

ਦੱਸ ਦੇਈਏ ਕਿ ਡੀਐਨਏ ਐਂਟਰਟੇਨਮੈਂਟ ਨਾਮ ਦੀ ਇੱਕ ਏਜੰਸੀ ਨੇ ਆਰਸੀਬੀ ਜਿੱਤ ਦੇ ਜਸ਼ਨ ਵਾਲੇ ਇਵੈਂਟ ਦਾ ਮੈਨੇਜਮੈਂਟ ਸੰਭਾਲ ਰੱਖਿਆ ਸੀ ਅਤੇ ਕਰਨਾਟਕ ਰਾਜ ਕ੍ਰਿਕਟ ਐਸੋਸੀਏਸ਼ਨ ਨੇ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਸੀ। ਧਾਰਾ 105, 25 (1)(2), 132, 121/1, 190 ਆਰ/ਡਬਲਯੂ 3 (5) ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।