Credifin ਦੇ ਮੈਨੇਜਿੰਗ ਡਾਇਰੈਕਟਰ ਬਣੇ ਸ਼ਲਿਆ ਗੁਪਤਾ, ਬੋਰਡ ਮੀਟਿੰਗ ਚ ਲਿਆ ਗਿਆ ਫੈਸਲਾ
Credifin : ਸ਼ਲਿਆ ਗੁਪਤਾ ਵਰਤਮਾਨ ਵਿੱਚ ਕੰਪਨੀ ਦੇ ਸੀਈਓ ਹਨ ਅਤੇ ਉਹ 2022 ਵਿੱਚ ਕੰਪਨੀ ਨਾਲ ਜੁੜੇ ਸਨ। ਉਨ੍ਹਾਂ ਕੋਲ ਵਿੱਤ, ਤਕਨਾਲੋਜੀ ਅਤੇ ਸਮਾਜਿਕ ਖੇਤਰਾਂ ਵਿੱਚ 15 ਸਾਲਾਂ ਤੋਂ ਵੱਧ ਦਾ ਤਜਰਬਾ ਹੈ।
Credifin : ਕ੍ਰੈਡੀਫਿਨ ਲਿਮਟਿਡ (ਪਹਿਲਾਂ PHF ਲੀਜ਼ਿੰਗ ਲਿਮਟਿਡ), ਜੋ ਕਿ ਮੈਟਰੋਪੋਲੀਟਨ ਸਟਾਕ ਐਕਸਚੇਂਜ ਆਫ਼ ਇੰਡੀਆ ਵਿੱਚ ਸੂਚੀਬੱਧ ਇੱਕ ਗੈਰ-ਬੈਂਕਿੰਗ ਵਿੱਤੀ ਕੰਪਨੀ (NBFC) ਹੈ, ਨੇ ਸ਼ਲਿਆ ਗੁਪਤਾ (Shalya Gupta) ਨੂੰ ਪੰਜ ਸਾਲਾਂ ਦੀ ਮਿਆਦ ਲਈ ਮੈਨੇਜਿੰਗ ਡਾਇਰੈਕਟਰ ਵਜੋਂ ਨਿਯੁਕਤ ਕਰਨ ਦੀ ਘੋਸ਼ਣਾ ਕੀਤੀ ਹੈ। ਇਹ ਫੈਸਲਾ ਕੰਪਨੀ ਦੇ ਡਾਇਰੈਕਟਰ ਬੋਰਡ ਦੀ ਹਾਲ ਹੀ ਦੀ ਮੀਟਿੰਗ ਦੌਰਾਨ ਲਿਆ ਗਿਆ।
ਦੱਸ ਦਈਏ ਕਿ ਕੰਪਨੀ ਦਾ ਮੁੱਖ ਦਫਤਰ ਜਲੰਧਰ ਵਿੱਚ ਹੈ ਅਤੇ ਕਾਰਪੋਰੇਟ ਦਫਤਰ ਦਿੱਲੀ-ਐਨਸੀਆਰ ਵਿਖੇ ਸਥਿਤ ਹੈ। ਕ੍ਰੈਡੀਫਿਨ ਲਿਮਟਿਡ 1998 ਤੋਂ ਭਾਰਤੀ ਰਿਜ਼ਰਵ ਬੈਂਕ (RBI) ਨਾਲ ਰਜਿਸਟਰਡ ਹੈ ਅਤੇ ਇਹ ਮੁੱਖ ਤੌਰ 'ਤੇ ਅਚੱਲ ਜਾਇਦਾਦ ਦੇ ਵਿਰੁੱਧ ਮੌਰਗੇਜ ਲੋਨ (LAP) ਅਤੇ ਈ-ਵਾਹਨਾਂ ਲਈ ਵਿੱਤ ਪ੍ਰਦਾਨ ਕਰਦੀ ਹੈ, ਜਿਸ ਵਿੱਚ ਈ-ਰਿਕਸ਼ਾ, ਈ-ਲੋਡਰ ਅਤੇ ਈ.ਵੀ.-2 ਪਹੀਆ ਵਾਹਨ ਸ਼ਾਮਲ ਹਨ। ਕੰਪਨੀ ਲੌਜਿਸਟਿਕਸ, ਆਖਰੀ-ਮੀਲ ਡਿਲੀਵਰੀ ਅਤੇ ਪੇਂਡੂ-ਸ਼ਹਿਰੀ ਆਵਾਜਾਈ ਖੇਤਰਾਂ ਵਿੱਚ ਈ-ਵਾਹਨਾਂ ਦੇ ਅਪਣਾਵੇ ਲਈ ਵਚਨਬੱਧ ਹੈ।
ਸ਼੍ਰੀ ਸ਼ਲਿਆ ਗੁਪਤਾ ਵਰਤਮਾਨ ਵਿੱਚ ਕੰਪਨੀ ਦੇ ਸੀਈਓ ਹਨ ਅਤੇ ਉਹ 2022 ਵਿੱਚ ਕੰਪਨੀ ਨਾਲ ਜੁੜੇ ਸਨ। ਉਨ੍ਹਾਂ ਕੋਲ ਵਿੱਤ, ਤਕਨਾਲੋਜੀ ਅਤੇ ਸਮਾਜਿਕ ਖੇਤਰਾਂ ਵਿੱਚ 15 ਸਾਲਾਂ ਤੋਂ ਵੱਧ ਦਾ ਤਜਰਬਾ ਹੈ। ਉਨ੍ਹਾਂ ਨੇ ਜੋਖਮ ਪ੍ਰਬੰਧਨ, ਨਿਵੇਸ਼ ਬੈਂਕਿੰਗ ਅਤੇ ਕਾਰਪੋਰੇਟ ਵਿੱਤ ਵਿਚ ਮਹੱਤਵਪੂਰਨ ਭੂਮਿਕਾਵਾਂ ਨਿਭਾਈਆਂ ਹਨ।
ਉਨ੍ਹਾਂ ਦੀ ਅਗਵਾਈ ਹੇਠ, ਕੰਪਨੀ ਨੇ ਇੱਕ ਮਜ਼ਬੂਤ ਕ੍ਰੈਡਿਟ ਜੋਖਮ ਪ੍ਰਬੰਧਨ ਢਾਂਚਾ ਵਿਕਸਤ ਕੀਤਾ ਅਤੇ 2025-26 ਦੀ ਪਹਿਲੀ ਤਿਮਾਹੀ ਵਿੱਚ ਸੰਪਤੀ ਪ੍ਰਬੰਧਨ ਅਧੀਨ (AUM) ਨੂੰ 375 ਕਰੋੜ ਰੁਪਏ ਤੱਕ ਵਧਾ ਦਿੱਤਾ।