ਹਾਰਦਿਕ ਪਾਂਡਿਆ ਦਾ ਮਤਰੇਆ ਭਰਾ ਕਰੋੜਾਂ ਦੀ ਠੱਗੀ ਦੇ ਦੋਸ਼ ਚ ਗ੍ਰਿਫ਼ਤਾਰ, ਜਾਣੋ ਪੂਰਾ ਮਾਮਲਾ

Hardik Pandya stepbrother arrested: ਮੁੰਬਈ ਪੁਲਿਸ (Mumbai Police) ਨੇ ਭਾਰਤੀ ਕ੍ਰਿਕਟਰ ਹਾਰਦਿਕ ਪੰਡਯਾ ਅਤੇ ਕੁਰਨਾਲ ਪੰਡਯਾ ਦੇ ਮਤਰੇਏ ਭਰਾ ਵੈਭਵ ਪੰਡਯਾ (Vaibhav Pandya) ਨੂੰ ਦੋ ਕ੍ਰਿਕਟਰਾਂ ਨਾਲ ਲਗਭਗ 4.3 ਕਰੋੜ ਰੁਪਏ ਦੀ ਠੱਗੀ (Cheating) ਮਾਰਨ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਹੈ। ਕਥਿਤ ਧੋਖਾਧੜੀ ਵਿੱਚ ਵੈਭਵ ਨੇ ਪੰਡਯਾ ਭਰਾਵਾਂ ਨਾਲ ਚਲਾਈ ਭਾਈਵਾਲੀ ਫਰਮ ਤੋਂ ਪੰਡਯਾ ਭਰਾਵਾਂ ਦੇ ਫੰਡਾਂ ਨੂੰ ਡਾਇਵਰਟ ਕੀਤਾ, ਜਿਸ ਨਾਲ ਉਨ੍ਹਾਂ ਨੂੰ ਨੁਕਸਾਨ ਹੋਇਆ।

ਦੱਸ ਦਈਏ ਕਿ ਤਿੰਨਾਂ ਨੇ 2021 ਵਿੱਚ ਕਾਰੋਬਾਰ ਦੀ ਸਥਾਪਨਾ ਕੀਤੀ ਸੀ, ਹਾਰਦਿਕ ਪੰਡਯਾ ਅਤੇ ਕੁਰਨਾਲ ਦੇ ਨਾਲ ਦੋਵਾਂ ਨੂੰ 40% ਮੁਨਾਫਾ ਪ੍ਰਾਪਤ ਹੋਣਾ ਸੀ, ਜਦੋਂ ਕਿ ਵੈਭਵ ਨੂੰ 20% ਮਿਲਣਾ ਤੈਅ ਸੀ। ਹਾਲਾਂਕਿ, ਵੈਭਵ 'ਤੇ ਇਕ ਵੱਖਰੀ ਕੰਪਨੀ ਬਣਾਉਣ ਅਤੇ ਇਸ ਨੂੰ ਕਾਰੋਬਾਰ ਤੋਂ ਫੰਡ ਦੇਣ ਦਾ ਦੋਸ਼ ਹੈ।

ਹਾਰਦਿਕ ਪਾਂਡਿਆਂ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ ਤੋਂ ਬਾਅਦ ਮੁੰਬਈ ਪੁਲਿਸ ਦੀ ਆਰਥਿਕ ਅਪਰਾਧ ਸ਼ਾਖਾ (EOW) ਨੇ ਵੈਭਵ 'ਤੇ ਧੋਖਾਧੜੀ ਅਤੇ ਜਾਅਲਸਾਜ਼ੀ ਦਾ ਕੇਸ ਲਗਾਇਆ ਹੈ।

ਹਾਰਦਿਕ ਹਾਲ ਹੀ ਵਿੱਚ ਰੋਹਿਤ ਸ਼ਰਮਾ ਦੀ ਜਗ੍ਹਾ ਮੁੰਬਈ ਇੰਡੀਅਨਜ਼ (MI) ਦੇ ਕਪਤਾਨ ਵਜੋਂ ਨਿਯੁਕਤੀ ਕਰਕੇ ਵੀ ਸੁਰਖੀਆਂ ਵਿੱਚ ਰਹੇ ਹਨ। ਇਸ ਫੈਸਲੇ ਨੂੰ ਪ੍ਰਸ਼ੰਸਕਾਂ ਦੇ ਪ੍ਰਤੀਕਰਮ ਦਾ ਸਾਹਮਣਾ ਕਰਨਾ ਪਿਆ ਅਤੇ ਹਾਰਦਿਕ ਦਾ ਕਪਤਾਨੀ ਕਾਰਜਕਾਲ ਇੱਕ ਮੁਸ਼ਕਲ ਸਮੇਂ ਨਾਲ ਸ਼ੁਰੂ ਹੋਇਆ, ਜਿਸ ਵਿੱਚ MI ਨੇ ਆਪਣੇ ਪਹਿਲੇ ਤਿੰਨ ਮੈਚ ਗੁਆ ਦਿੱਤੇ। ਹਾਲਾਂਕਿ, ਦਿੱਲੀ ਕੈਪੀਟਲਸ ਦੇ ਖਿਲਾਫ ਟੀਮ ਦੀ ਤਾਜ਼ਾ ਜਿੱਤ ਨੇ ਹਾਰਦਿਕ ਅਤੇ ਟੀਮ ਨੂੰ ਕੁਝ ਰਾਹਤ ਦਿੱਤੀ ਹੈ।