Haryana News : ਫੈਕਟਰੀ ਦਾ ਲੈਂਟਰ ਤੋੜ ਰਹੇ ਮਜ਼ਦੂਰ ਦੀ ਮਲਬੇ ਹੇਠ ਦੱਬਣ ਨਾਲ ਹੋਈ ਮੌਤ

Haryana News : ਹਰਿਆਣਾ ਦੇ ਜੀਂਦ ਦੇ ਬਿਰੋਲੀ ਪਿੰਡ 'ਚ ਅੱਜ ਸਵੇਰੇ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਜੀਂਦ ਦੇ ਤਿੰਨ ਮਜ਼ਦੂਰ ਬਿਰੋਲੀ ਪਿੰਡ ਵਿੱਚ ਗੱਤੇ ਦੀ ਫੈਕਟਰੀ ਦੇ ਲੈਂਟਰ ਨੂੰ ਤੋੜਨ ਲਈ ਗਏ ਸਨ। ਲੈਂਟਰ ਤੋੜਦੇ ਸਮੇਂ ਅਚਾਨਕ ਮਲਬਾ ਡਿੱਗ ਗਿਆ, ਜਿਸ ਨਾਲ ਇੱਕ ਨੌਜਵਾਨ ਮਲਬੇ ਹੇਠਾਂ ਦੱਬ ਗਿਆ। ਉਸਨੂੰ ਨੇੜਲੇ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਮ੍ਰਿਤਕ ਦੇ ਪਰਿਵਾਰ ਨੇ ਮੁਆਵਜ਼ੇ ਦੀ ਮੰਗ ਕੀਤੀ ਹੈ।

 ਲੈਂਟਰ ਨੂੰ ਤੋੜਨ ਦਾ ਕੰਮ ਕਰ ਰਹੇ ਠੇਕੇਦਾਰ ਨੇ ਦੱਸਿਆ ਕਿ ਉਹ ਜੀਂਦ ਤੋਂ ਬਿਰੋਲੀ ਪਿੰਡ ਵਿੱਚ ਬਣੀ ਇੱਕ ਗੱਤੇ ਦੀ ਫੈਕਟਰੀ ਦੇ ਲੈਂਟਰ ਨੂੰ ਤੋੜਨ ਲਈ 3 ਮਜ਼ਦੂਰਾਂ ਨੂੰ ਲੈ ਕੇ ਆਏ ਸੀ। ਇਹ ਘਟਨਾ ਲੈਂਟਰ ਤੋੜਦੇ ਸਮੇਂ ਵਾਪਰੀ। ਘਟਨਾ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਜੀਂਦ ਦੇ ਸਰਕਾਰੀ ਹਸਪਤਾਲ ਪਹੁੰਚੇ ਪਰਿਵਾਰ ਦੇ ਮੈਂਬਰਾਂ ਨੇ ਦੱਸਿਆ ਕਿ ਕਿਸੇ ਵੀ ਮਜ਼ਦੂਰ 'ਤੇ ਕੋਈ ਦਬਾਅ ਨਹੀਂ ਪਾਇਆ ਗਿਆ ਸੀ। ਪਹਿਲਾਂ ਵੀ ਮਜ਼ਦੂਰ ਅਜਿਹੇ ਲੈਂਟਰ ਤੋੜਨ ਦਾ ਕੰਮ ਕਰਦੇ ਹਨ। ਠੇਕੇਦਾਰ ਨੇ ਦੱਸਿਆ ਇਸ ਘਟਨਾ ਕਾਰਨ ਪਰਿਵਾਰ 'ਤੇ ਮੁਸੀਬਤਾਂ ਦਾ ਪਹਾੜ ਡਿੱਗ ਪਿਆ। ਪਰਿਵਾਰ ਨੂੰ ਹਰ ਸੰਭਵ ਮਦਦ ਪ੍ਰਦਾਨ ਕੀਤੀ ਜਾਵੇਗੀ।