T20 WC 2024: ਅਮਰੀਕਾ ਤੇ ਆਇਰਲੈਂਡ ਮੈਚ ਤੇ ਪਾਕਿਸਤਾਨ ਨਜ਼ਰ, ਜਾਣੋ ਮੈਚ ਰੱਦ ਹੋਣ ਤੇ ਸੁਪਰ 8 ਦਾ ਕੀ ਹੋਵੇਗਾ ਹਾਲ

USA vs IRE: ਟੀ-20 ਵਿਸ਼ਵ ਕੱਪ 2024 ਦੇ ਲੀਗ ਪੜਾਅ ਦਾ 30ਵਾਂ ਮੈਚ ਅੱਜ ਯਾਨੀ 14 ਜੂਨ ਨੂੰ ਗਰੁੱਪ ਏ ਤੋਂ ਅਮਰੀਕਾ ਅਤੇ ਆਇਰਲੈਂਡ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਇਹ ਮੈਚ ਫਲੋਰੀਡਾ ਦੇ ਲਾਡਰਹਿਲ ਦੇ ਸੈਂਟਰਲ ਬ੍ਰੋਵਾਰਡ ਰੀਜਨਲ ਪਾਰਕ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਇਸ ਮੈਚ 'ਤੇ ਮੀਂਹ ਪੈਣ ਦਾ ਖਤਰਾ ਹੈ। ਅਮਰੀਕਾ ਅਤੇ ਆਇਰਲੈਂਡ ਵਿਚਾਲੇ ਮੈਚ ਭਾਰਤੀ ਸਮੇਂ ਅਨੁਸਾਰ ਰਾਤ 8 ਵਜੇ ਖੇਡਿਆ ਜਾਣਾ ਹੈ। 

ਫਲੋਰੀਡਾ ਵਿੱਚ ਮੌਸਮ ਕਿਵੇਂ ਰਹੇਗਾ?

ਇਸ ਮੈਚ ਨੂੰ ਲੈ ਕੇ ਮੌਸਮ ਵਿਭਾਗ ਮੁਤਾਬਕ ਮੀਂਹ ਦਾ ਖਤਰਾ ਹੈ। ਇਹ ਮੈਚ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 10.30 ਵਜੇ ਤੋਂ ਖੇਡਿਆ ਜਾਵੇਗਾ। ਫਲੋਰੀਡਾ ਵਿੱਚ ਇਸ ਸਮੇਂ ਭਾਰੀ ਮੀਂਹ ਦੀ ਸੰਭਾਵਨਾ ਹੈ। ਮੈਚ ਦੌਰਾਨ ਮੀਂਹ ਦੀ ਸੰਭਾਵਨਾ 75 ਫੀਸਦ ਹੈ, ਜਦਕਿ ਪੂਰੇ ਮੈਚ ਦੌਰਾਨ ਸੰਘਣੇ ਬੱਦਲਾਂ ਦੀ ਵੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਤੇਜ਼ ਤੂਫਾਨ ਆਉਣ ਦੀ 50 ਫੀਸਦੀ ਸੰਭਾਵਨਾ ਹੈ। ਫਲੋਰੀਡਾ 'ਚ ਪਿਛਲੇ ਕੁਝ ਦਿਨਾਂ ਤੋਂ ਭਾਰੀ ਮੀਂਹ ਅਤੇ ਤੂਫਾਨ ਚੱਲ ਰਿਹਾ ਹੈ, ਜਿਸ ਕਾਰਨ ਇਸ ਮੈਚ ਤੋਂ ਇਲਾਵਾ ਹੋਰ ਮੈਚ ਵੀ ਪ੍ਰਭਾਵਿਤ ਹੋਣ ਦਾ ਖਤਰਾ ਹੈ।

ਕੀ ਪਾਕਿਸਤਾਨ ਨੂੰ ਹੋਵੇਗਾ ਫਾਇਦਾ ?

ਦੱਸ ਦੇਈਏ ਕਿ ਅਮਰੀਕਾ ਦੀ ਟੀਮ 3 ਮੈਚਾਂ 'ਚ 2 ਜਿੱਤ ਅਤੇ 1 ਹਾਰ ਦੇ ਨਾਲ 4 ਅੰਕਾਂ 'ਤੇ ਹੈ। ਜਦੋਂਕਿ ਆਇਰਲੈਂਡ ਦੀ ਟੀਮ ਬਿਨਾਂ ਖਾਤਾ ਖੋਲ੍ਹੇ 2 ਮੈਚਾਂ 'ਚ 2 ਹਾਰਾਂ ਨਾਲ ਆਖਰੀ ਸਥਾਨ 'ਤੇ ਹੈ। ਜੇਕਰ ਇਹ ਮੈਚ ਮੀਂਹ ਕਾਰਨ ਰੱਦ ਹੋ ਜਾਂਦਾ ਹੈ, ਤਾਂ ਦੋਵੇਂ ਟੀਮਾਂ ਅਮਰੀਕਾ ਅਤੇ ਆਇਰਲੈਂਡ ਵਿਚਕਾਰ 1-1 ਅੰਕ ਬਰਾਬਰ ਵੰਡਿਆ ਜਾਵੇਗਾ। ਅਜਿਹੇ 'ਚ ਅਮਰੀਕਾ ਦੀ ਟੀਮ ਦੇ 4 ਮੈਚਾਂ 'ਚ ਕੁਲ 5 ਅੰਕ ਹੋਣਗੇ। ਇਨ੍ਹਾਂ ਪੰਜ ਅੰਕਾਂ ਨਾਲ ਅਮਰੀਕਾ ਦੀ ਟੀਮ ਗਰੁੱਪ ਏ 'ਚ ਦੂਜੇ ਨੰਬਰ 'ਤੇ ਆਪਣੀ ਮੁਹਿੰਮ ਦਾ ਅੰਤ ਕਰੇਗੀ। ਜੇਕਰ ਪਾਕਿਸਤਾਨ ਸੁਪਰ-8 'ਚ ਪਹੁੰਚਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਇਹ ਦੁਆ ਕਰਨੀ ਪਵੇਗੀ ਕਿ ਇਹ ਮੈਚ ਮੀਂਹ ਕਾਰਨ ਧੋਤੇ ਨਾ ਜਾਣ ਅਤੇ ਪੂਰੀ ਤਰ੍ਹਾਂ ਨਾਲ ਖੇਡੇ ਜਾਣ। ਇਸ ਦੇ ਨਾਲ ਹੀ ਇਸ ਮੈਚ ਵਿੱਚ ਅਮਰੀਕਾ ਦੀ ਟੀਮ ਨੂੰ ਆਇਰਲੈਂਡ ਹੱਥੋਂ ਵੱਡੇ ਫਰਕ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।

ਅਜਿਹੇ 'ਚ ਅਮਰੀਕਾ ਦੇ 4 ਮੈਚਾਂ ਤੋਂ ਬਾਅਦ 4 ਅੰਕ ਹੋ ਜਾਣਗੇ ਅਤੇ ਪਾਕਿਸਤਾਨ ਵੀ ਆਇਰਲੈਂਡ ਖਿਲਾਫ ਆਪਣਾ ਆਖਰੀ ਲੀਗ ਮੈਚ ਜਿੱਤ ਕੇ 4 ਅੰਕਾਂ 'ਤੇ ਪਹੁੰਚ ਜਾਵੇਗਾ। ਅਜਿਹੇ 'ਚ ਪਾਕਿਸਤਾਨ ਕੋਲ ਬਿਹਤਰ ਨੈੱਟ ਰਨ ਰੇਟ ਨਾਲ ਸੁਪਰ-8 'ਚ ਜਗ੍ਹਾ ਬਣਾਉਣ ਦਾ ਮੌਕਾ ਹੋਵੇਗਾ। ਇਸ ਲਈ ਇਹ ਕਿਹਾ ਜਾ ਸਕਦਾ ਹੈ ਕਿ ਜੇਕਰ ਇਹ ਮੈਚ ਮੀਂਹ ਕਾਰਨ ਧੋਤਾ ਜਾਂਦਾ ਹੈ ਤਾਂ ਪਾਕਿਸਤਾਨ ਨੂੰ ਨੁਕਸਾਨ ਹੋਵੇਗਾ, ਜਦਕਿ ਮੈਚ ਪੂਰਾ ਹੋਣ ਅਤੇ ਆਇਰਲੈਂਡ ਜਿੱਤਣ 'ਤੇ ਉਸ ਨੂੰ ਫਾਇਦਾ ਹੋਵੇਗਾ।

ਪਾਕਿਸਤਾਨ ਦੀ ਟੀਮ ਕੋਲ ਫਿਲਹਾਲ 2 ਅੰਕ

ਪਾਕਿਸਤਾਨ ਦੀ ਟੀਮ ਨੇ ਹੁਣ ਤੱਕ 3 ਮੈਚ ਖੇਡੇ ਹਨ, ਜਿਸ ਦੌਰਾਨ ਉਸ ਨੂੰ 2 ਮੈਚਾਂ 'ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ ਜਦਕਿ 1 ਮੈਚ 'ਚ ਉਸ ਨੇ ਜਿੱਤ ਦਰਜ ਕੀਤੀ ਹੈ। ਫਿਲਹਾਲ ਪਾਕਿਸਤਾਨ ਦੇ 2 ਅੰਕ ਹਨ। ਪਾਕਿਸਤਾਨ ਨੇ ਆਪਣਾ ਆਖਰੀ ਮੈਚ ਆਇਰਲੈਂਡ ਨਾਲ ਖੇਡਣਾ ਹੈ, ਜੇਕਰ ਪਾਕਿਸਤਾਨ ਟੀਮ ਉਹ ਮੈਚ ਜਿੱਤ ਜਾਂਦੀ ਹੈ ਅਤੇ 2 ਅੰਕ ਹਾਸਲ ਕਰ ਲੈਂਦੀ ਹੈ। ਫਿਰ ਵੀ ਉਸਦੇ ਕੁੱਲ ਅੰਕ 4 ਅੰਕ ਹੋਣਗੇ। ਅਜਿਹੇ 'ਚ ਇਹ ਸਪੱਸ਼ਟ ਹੈ ਕਿ ਅਮਰੀਕਾ ਦੀ ਟੀਮ 5 ਅੰਕਾਂ ਨਾਲ ਸੁਪਰ-8 'ਚ ਪ੍ਰਵੇਸ਼ ਕਰੇਗੀ ਅਤੇ ਪਾਕਿਸਤਾਨ ਲੀਗ ਪੜਾਅ 'ਚੋਂ ਹੀ ਬਾਹਰ ਹੋ ਜਾਵੇਗਾ। 

ਇਹ  ਵੀ ਪੜੋ: T20 WC 2024: ਅਫਗਾਨਿਸਤਾਨ ਨੇ ਵੀ ਸੁਪਰ-8 ਲਈ ਟਿਕਟ ਕੀਤੀ ਬੁੱਕ, ਨਿਊਜ਼ੀਲੈਂਡ ਟੀ-20 ਵਿਸ਼ਵ ਕੱਪ 'ਚੋਂ ਬਾਹਰ