PM Modi US visit Updates: PM ਮੋਦੀ ਨੇ ਬਾਇਡਨ ਜੋੜੇ ਨੂੰ ਦਿੱਤੇ ਇਹ ਖ਼ਾਸ ਤੋਹਫੇ, ਜਿਨ੍ਹਾਂ ‘ਚ ਦਿਖੀ ਪੰਜਾਬ ਸਣੇ ਇਨ੍ਹਾਂ ਸੂਬਿਆਂ ਦੀ ਖ਼ਾਸ ਝਲਕ, ਤੁਸੀਂ ਵੀ ਦੇਖੋ

PM Modi US visit Updates: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਸੰਯੁਕਤ ਰਾਜ ਅਮਰੀਕਾ ਦਾ ਦੌਰਾ ਜਾਰੀ ਹੈ ਜਿਸ ਵਿੱਚ ਮਹੱਤਵਪੂਰਨ ਮੀਟਿੰਗਾਂ ਅਤੇ ਮੁਲਾਕਾਤਾਂ ਜਾਰੀ ਹਨ। ਨਿਊਯਾਰਕ ਵਿੱਚ ਅੰਤਰਰਾਸ਼ਟਰੀ ਯੋਗ ਦਿਵਸ ਮਨਾਉਣ ਲਈ ਸੰਯੁਕਤ ਰਾਸ਼ਟਰ ਭਵਨ ਵਿੱਚ ਇੱਕ ਯੋਗਾ ਸਮਾਗਮ ਦੀ ਅਗਵਾਈ ਕਰਨ ਤੋਂ ਬਾਅਦ, ਪ੍ਰਧਾਨ ਮੰਤਰੀ ਮੋਦੀ ਆਪਣੀ ਯਾਤਰਾ ਦੇ ਅਗਲੇ ਪੜਾਅ ਲਈ ਵਾਸ਼ਿੰਗਟਨ ਪਹੁੰਚੇ।

ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਵਾਸ਼ਿੰਗਟਨ ਡੀਸੀ ਵਿੱਚ ਜੁਆਇੰਟ ਬੇਸ ਐਂਡਰਿਊਜ਼ ਵਿਖੇ ਗਾਰਡ ਆਫ਼ ਆਨਰ ਦੇ ਕੇ ਸਵਾਗਤ ਕੀਤਾ ਗਿਆ। ਇਸ ਦੌਰਾਨ ਭਾਰਤ ਅਤੇ ਅਮਰੀਕਾ ਦੇ ਰਾਸ਼ਟਰੀ ਗੀਤਾਂ ਦੀ ਧੁਨ ਵੀ ਵਜਾਈ ਗਈ। ਭਾਰਤੀ ਭਾਈਚਾਰੇ ਦੇ ਹਜ਼ਾਰਾਂ ਲੋਕ ਵੀ ਏਅਰਪੋਰਟ ਦੇ ਬਾਹਰ ਇਕੱਠੇ ਹੋਏ ਹਨ, ਜੋ ਵੱਖ-ਵੱਖ ਗੀਤਾਂ ਅਤੇ ਡਾਂਸ ਰਾਹੀਂ ਪੀਐਮ ਮੋਦੀ ਦਾ ਸਵਾਗਤ ਕੀਤਾ। 

ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵ੍ਹਾਈਟ ਹਾਊਸ 'ਚ ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡਨ ਅਤੇ ਫਸਟ ਲੇਡੀ ਜਿਲ ਬਾਇਡਨ ਨੂੰ ਬਹੁਤ ਹੀ ਖਾਸ ਤੋਹਫੇ ਦਿੱਤੇ ਹਨ। ਉਨ੍ਹਾਂ ਵੱਲੋਂ ਦਿੱਤੇ ਗਏ ਤੋਹਫਿਆਂ ‘ਚ ਭਾਰਤ ਦੀ ਝਲਕ ਦਿਖਾਈ ਦਿੱਤੀ। 

ਪੀਐੱਮ ਮੋਦੀ ਵੱਲੋਂ ਦਿੱਤੇ ਗਏ ਇਹ ਤੋਹਫੇ 

ਸਭ ਤੋਂ ਪਹਿਲਾਂ ਪੀਐਮ ਮੋਦੀ ਨੇ ਅਮਰੀਕਾ ਦੀ ਪਹਿਲੀ ਮਹਿਲਾ ਜਿਲ ਬਾਇਡਨ ਨੂੰ ਹੀਰਾ ਦਿੱਤਾ ਹੈ। ਇਹ ਹੀਰਾ ਕੋਈ ਆਮ ਹੀਰਾ ਨਹੀਂ ਹੈ। ਦਰਅਸਲ, ਪੀਐਮ ਮੋਦੀ ਨੇ ਜਿਲ ਨੂੰ 7.5 ਕੈਰੇਟ ਦਾ ਹਰਾ ਹੀਰਾ ਦਿੱਤਾ ਹੈ। ਇਹ ਪ੍ਰਯੋਗਸ਼ਾਲਾ ਵਿੱਚ ਵਿਕਸਿਤ ਹੋਇਆ ਹੈ। 

ਤੋਹਫੇ ‘ਚ ਦਿੱਤਾ ਵਿਸ਼ੇਸ਼ ਹੀਰਾ 

ਇਸ ਵਿਸ਼ੇਸ਼ ਹੀਰੇ ਨੂੰ ਕਿਸੇ ਵੀ ਬਕਸੇ ਵਿੱਚ ਨਹੀਂ ਰੱਖਿਆ ਜਾ ਸਕਦਾ ਹੈ, ਸਗੋਂ ਇਸ ਦੇ ਲਈ ਇੱਕ ਬਹੁਤ ਹੀ ਸੁੰਦਰ ਬਕਸਾ ਤਿਆਰ ਕੀਤਾ ਗਿਆ ਹੈ। ਇਸ ਡੱਬੇ ਦਾ ਨਾਂ ਪਪੀਆਰ ਮਾਚੇ ਹੈ। ਇਸ ਵਿੱਚ ਇਹ ਹਰਾ ਹੀਰਾ ਰੱਖਿਆ ਗਿਆ ਹੈ। ਇਸ ਨੂੰ ਕਾਰ-ਏ-ਕਲਮਦਾਨੀ ਵੀ ਕਿਹਾ ਜਾਂਦਾ ਹੈ। ਇਸ ਦੇ ਨਾਲ ਹੀ, ਇਹ ਹਰਾ ਹੀਰਾ ਜ਼ਿੰਮੇਵਾਰ ਲਗਜ਼ਰੀ ਦਾ ਪ੍ਰਤੀਕ ਹੈ, ਭਾਰਤ ਦੀ ਆਜ਼ਾਦੀ ਦੇ 75 ਸਾਲਾਂ ਅਤੇ ਟਿਕਾਊ ਅੰਤਰਰਾਸ਼ਟਰੀ ਸਬੰਧਾਂ ਦਾ ਪ੍ਰਤੀਕ ਹੈ।

ਤੋਹਫੇ ਵਜੋਂ ਦਿੱਤਾ ਚੰਦਨ ਦਾ ਵਿਸ਼ੇਸ਼ ਡੱਬਾ 

ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਇਡਨ ਨੂੰ ਚੰਦਨ ਦਾ ਵਿਸ਼ੇਸ਼ ਡੱਬਾ ਭੇਂਟ ਕੀਤਾ। ਇਹ ਜੈਪੁਰ ਦੇ ਇੱਕ ਕਾਰੀਗਰ ਦੁਆਰਾ ਹੱਥੀਂ ਬਣਾਇਆ ਗਿਆ ਹੈ। ਇਸ ਵਿੱਚ ਮੈਸੂਰ ਤੋਂ ਪ੍ਰਾਪਤ ਚੰਦਨ ਦੀ ਲੱਕੜ ਵਿੱਚ ਬਨਸਪਤੀ ਅਤੇ ਜੀਵ-ਜੰਤੂਆਂ ਦੇ ਨਮੂਨੇ ਗੁੰਝਲਦਾਰ ਢੰਗ ਨਾਲ ਉੱਕਰੇ ਹੋਏ ਹਨ। ਇੰਨਾ ਹੀ ਨਹੀਂ ਇਸ ਡੱਬੇ ਦੇ ਅੰਦਰ ਕਈ ਅਜਿਹੀਆਂ ਵਸਤੂਆਂ ਹਨ, ਜੋ ਸਾਡੇ ਭਾਰਤੀ ਸੱਭਿਆਚਾਰ ਲਈ ਬਹੁਤ ਖਾਸ ਹਨ।

ਤੋਹਫਿਆਂ ‘ਚ ਭਾਰਤ ਦੀ ਸੰਸਕ੍ਰਿਤੀ ਦੀ ਝਲਕ

ਭਾਰਤੀ ਪ੍ਰਧਾਨ ਮੰਤਰੀ ਨੇ ਅਮਰੀਕੀ ਰਾਸ਼ਟਰਪਤੀ ਨੂੰ ਦੇਸ਼ ਦੀ ਸੰਸਕ੍ਰਿਤੀ ਤੋਂ ਜਾਣੂ ਕਰਵਾਉਣ ਲਈ ਇਹ ਵਿਸ਼ੇਸ਼ ਤੋਹਫੇ ਦਿੱਤੇ ਹਨ। ਇਸ ਬਕਸੇ ਦੇ ਅੰਦਰ ਭਗਵਾਨ ਗਣੇਸ਼ ਦੀ ਮੂਰਤੀ ਹੈ, ਇੱਕ ਹਿੰਦੂ ਦੇਵਤਾ ਜੋ ਰੁਕਾਵਟਾਂ ਦਾ ਨਾਸ਼ ਕਰਨ ਵਾਲਾ ਮੰਨਿਆ ਜਾਂਦਾ ਹੈ। ਸਾਰੇ ਦੇਵੀ-ਦੇਵਤਿਆਂ ਵਿਚ ਸਭ ਤੋਂ ਪਹਿਲਾਂ ਉਸ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਮੂਰਤੀ ਨੂੰ ਕੋਲਕਾਤਾ ਦੇ ਪੰਜਵੀਂ ਪੀੜ੍ਹੀ ਦੇ ਚਾਂਦੀ ਦੇ ਕਾਰੀਗਰਾਂ ਦੇ ਪਰਿਵਾਰ ਦੁਆਰਾ ਹੱਥੀਂ ਬਣਾਇਆ ਗਿਆ ਹੈ।

ਇੰਨਾ ਹੀ ਨਹੀਂ, ਇਸ ਵਿਚ ਇਕ ਦੀਵਾ ਵੀ ਹੈ, ਜੋ ਹਰ ਹਿੰਦੂ ਘਰ ਵਿਚ ਇਕ ਪਵਿੱਤਰ ਸਥਾਨ ਰੱਖਦਾ ਹੈ। ਇਹ ਸਿਲਵਰ ਦੀਆ ਕੋਲਕਾਤਾ ਵਿੱਚ ਪੰਜਵੀਂ ਪੀੜ੍ਹੀ ਦੇ ਚਾਂਦੀ ਦੇ ਕਾਰੀਗਰਾਂ ਦੇ ਪਰਿਵਾਰਕ ਕਾਰੀਗਰਾਂ ਦੁਆਰਾ ਵੀ ਹੱਥੀਂ ਬਣਾਇਆ ਗਿਆ ਹੈ।

ਪੀਐਮ ਮੋਦੀ ਦੁਆਰਾ ਅਮਰੀਕੀ ਰਾਸ਼ਟਰਪਤੀ ਜੋ ਬਾਇਡਨ ਨੂੰ ਤੋਹਫੇ ਵਿੱਚ ਦਿੱਤੇ ਗਏ ਬਾਕਸ ਵਿੱਚ 99.5 ਫੀਸਦੀ ਸ਼ੁੱਧ ਅਤੇ ਹਾਲਮਾਰਕ ਵਾਲਾ ਚਾਂਦੀ ਦਾ ਸਿੱਕਾ ਵੀ ਹੈ। ਇਸ ਨੂੰ ਰਾਜਸਥਾਨ ਦੇ ਕਾਰੀਗਰਾਂ ਨੇ ਖੂਬਸੂਰਤੀ ਨਾਲ ਤਿਆਰ ਕੀਤਾ ਹੈ। ਇਹ ਰਉਪਿਆਦਾਨ (ਚਾਂਦੀ ਦਾ ਦਾਨ) ਵਜੋਂ ਪੇਸ਼ ਕੀਤਾ ਜਾਂਦਾ ਹੈ। ਲਵੰਦਨ (ਲੂਣ ਦੇ ਦਾਨ) ਲਈ ਗੁਜਰਾਤ ਤੋਂ ਲਵਣ ਜਾਂ ਨਮਕ ਤੋਹਫੇ ਵਜੋਂ ਦਿੱਤਾ ਗਿਆ। 

ਇੱਕ ਖ਼ਾਸ ਤਰ੍ਹਾਂ ਦਾ ਡਿੱਬਾ ਕੀਤਾ ਗਿਆ ਪੇਸ਼ 

ਇਸ ਤੋਂ ਇਲਾਵਾ ਉਨ੍ਹਾਂ ਵੱਲੋਂ ਇੱਕ ਖਾਸ ਡੱਬੇ ਵਿੱਚ ਦਸ ਦਾਨ ਦਾ ਸਾਮਾਨ ਵੀ ਦਿੱਤਾ ਗਿਆ ਜਿਸ ‘ਚ ਗਾਂ ਦੇ ਦਾਨ ਲਈ ਗਾਂ ਦੀ ਥਾਂ ਪੱਛਮੀ ਬੰਗਾਲ ਦੇ ਹੁਨਰਮੰਦ ਕਾਰੀਗਰਾਂ ਦੁਆਰਾ ਇੱਕ ਨਾਜ਼ੁਕ ਹੱਥ ਨਾਲ ਬਣਿਆ ਚਾਂਦੀ ਦਾ ਨਾਰੀਅਲ ਦਿੱਤਾ ਗਿਆ ਹੈ। ਭੂਦਾਨ (ਜ਼ਮੀਨ ਦੇ ਦਾਨ) ਲਈ ਮੈਸੂਰ, ਕਰਨਾਟਕ ਤੋਂ ਪ੍ਰਾਪਤ ਚੰਦਨ ਦਾ ਇੱਕ ਸੁਗੰਧਿਤ ਟੁਕੜਾ ਦਿੱਤਾ ਗਿਆ। ਇਸਦੇ ਨਾਲ ਹੀ ਤਿਲਦਾਨ (ਤਿਲ ਦੇ ਬੀਜ ਦਾਨ) ਲਈ ਤਮਿਲਨਾਡੂ ਤੋਂ ਲਿਆਂਦੇ ਤਿਲ ਜਾਂ ਚਿੱਟੇ ਤਿਲ ਦਿੱਤੇ ਗਏ। ਇਸ ਤੋਂ ਇਲਾਵਾ ਰਾਜਸਥਾਨ ਵਿੱਚ ਹੱਥ ਨਾਲ ਬਣਾਇਆ 24 ਕੈਰਟ ਸ਼ੁੱਧ ਅਤੇ ਹਾਲਮਾਰਕ ਵਾਲਾ ਸੋਨੇ ਦਾ ਸਿੱਕਾ ਹਿਰਨਿਆਦਾਨ (ਸੋਨੇ ਦਾ ਦਾਨ) ਵਜੋਂ ਪੇਸ਼ ਕੀਤਾ ਗਿਆ ਹੈ।

ਤੋਹਫਿਆਂ ‘ਚ ਵੱਖ-ਵੱਖ ਸੂਬਿਆਂ ਦੀ ਝਲਕ 

ਇਨ੍ਹਾਂ ਤੋਂ ਇਲਾਵਾ ਪੀਐਮ ਮੋਦੀ ਨੇ ਇੱਕ ਹੋਰ ਤੋਹਫ਼ਾ ਦਿੱਤਾ ਹੈ। ਉਨ੍ਹਾਂ ਨੇ ਸਿਰਫ਼ ਚਾਰ ਵੱਖਰੇ ਬਕਸੇ ਦਿੱਤੇ ਹਨ। ਇਹ ਕੋਈ ਆਮ ਡਿੱਬੇ ਨਹੀਂ ਹੈ, ਪਰ ਇਨ੍ਹਾਂ ਡੱਬਿਆਂ ‘ਚ ਖਾਸ ਚੀਜ਼ ਹਨ। ਜੋ ਭਾਰਤ ਦੇ ਲੋਕਾਂ ਲਈ ਬਹੁਤ ਖਾਸ ਮੰਨੀ ਜਾਂਦੀ ਹੈ। ਇਹ ਭਾਰਤੀਆਂ ਵਿੱਚ ਬਹੁਤ ਮਸ਼ਹੂਰ ਹੈ। ਚਾਰ ਵਿਸ਼ੇਸ਼ ਡੱਬਿਆਂ ਵਿੱਚੋਂ ਪਹਿਲੇ ਵਿੱਚ ਪੰਜਾਬ ਦਾ ਘਿਓ ਜਾਂ ਮੱਖਣ ਹੈ, ਜਿਸ ਨੂੰ ਹਰ ਕੋਈ ਜਾਣਦਾ ਹੈ ਕਿ ਇਹ ਕਿੰਨਾ ਖਾਸ ਮੰਨਿਆ ਜਾਂਦਾ ਹੈ। ਦੂਜੇ ਹੱਥਾਂ ਨਾਲ ਬੁਣੇ ਹੋਏ ਟੈਕਸਟਚਰਡ ਟਸਰ ਰੇਸ਼ਮ ਫੈਬਰਿਕ ਝਾਰਖੰਡ ਤੋਂ ਪ੍ਰਾਪਤ ਕੀਤਾ ਗਿਆ ਹੈ। ਤੀਜੇ ਵਿੱਚ ਉੱਤਰਾਖੰਡ ਦੇ ਲੰਬੇ ਅਨਾਜ ਵਾਲੇ ਚੌਲ। ਇਸ ਤੋਂ ਇਲਾਵਾ ਚੌਥੇ ਡੱਬੇ ਵਿੱਚ ਗੁੜ ਹੈ, ਜੋ ਮਹਾਰਾਸ਼ਟਰ ਤੋਂ ਮੰਗਵਾਇਆ ਗਿਆ ਹੈ।