ਸੀਬੀਆਈ ਅਦਾਲਤ ਵਿੱਚ ਡੇਰਾ ਸੱਚਾ ਸੌਦਾ ਮੁਖੀ ਸੰਤ ਗੁਰਮੀਤ ਰਾਮ ਰਹੀਮ ਖ਼ਿਲਾਫ਼ ਚੱਲ ਰਹੇ ਕੇਸ ਦਾ ਫੈਸਲਾ 25 ਅਗਸਤ ਨੂੰ ਆਉਣ ਵਾਲਾ ਹੈ। ਹਾਂਲਾਕਿ ਸੋਸ਼ਲ ਮੀਡੀਆ 'ਤੇ ਇਸ ਮਸਲੇ ਦੀ ਪੂਰੀ ਚਰਚਾ ਹੈ ਅਤੇ ਸਮਰਥਕਾਂ ਤੇ ਵਿਰੋਧੀਆਂ 'ਚ ਵਿਚਾਰ ਤਕਰਾਰ ਵੀ ਸੰਭਵ ਹੈ। (punjab violence dera mukhi case:avoid violence messages on social media)
ਪਰ ਸੰਭਾਵੀ ਵਿਰੋਧ ਨੂੰ ਧਿਆਨ ਵਿੱਚ ਰੱਖਦਿਆਂ ਹੋਇਆਂ ਪੁਲਿਸ ਸ਼ੋਸਲ ਮੀਡੀਆ ਤੇ ਵੀ ਤਿੱਖੀ ਨਜ਼ਰ ਰੱੱਖਣ ਦੀ ਕੋਸ਼ਿਸ਼ ਕਰ ਰਹੀ ਹੈ।ਆਈਟੀ ਤੇ ਸਾਈਬਰ ਕਰਾਈਮ ਵਿੰਗ (ਪੰਜਾਬ ਪੁਲਿਸ) ਨੇ ਤਿਆਰੀ ਕੱਸ ਲਈ ਹੈ ਕਿ ਸੋਸ਼ਲ ਮੀਡੀਆ 'ਤੇ ਪੈਣ ਵਾਲੀ ਹਰ ਤਰ੍ਹਾਂ ਦੀ ਸਮੱਗਰੀ ਦੀ ਜਾਂਚ ਪੜਤਾਲ ਕੀਤੀ ਜਾਵੇ ਅਤੇ ਨਜ਼ਰ ਰੱਖੀ ਜਾਵੇ। ਚਰਚਾ ਇਹ ਵੀ ਹੈ ਕਿ ਆਉਣ ਵਾਲੇ ਦਿਨਾਂ 'ਚ ਅਲਰਟ ਜਾਰੀ ਕੀਤੇ ਇਲਾਕਿਆਂ 'ਚ ਇੰਟਰਨੈਟ ਦੀ ਸਹੂਲਤ ਨੂੰ ਬੰਦ ਕੀਤਾ ਜਾ ਸਕਦਾ ਹੈ।
ਡੀਜੀਪੀ ਸੁਰੇਸ਼ ਅਰੋੜਾ ਨੇ ਕਿਹਾ ਹੈ ਕਿ ਅਮਨ ਕਾਨੂੰਨ ਦੀ ਸਥਿਤੀ ਨੂੰ ਬਰਕਰਾਰ ਰੱਖਣ ਲਈ ਸਾਰਿਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਕੋਈ ਵੀ ਕਿਸੇ ਧਰਮ, ਗੁਰੂ ਜਾਂ ਕਿਸੇ ਧਾਰਮਿਕ ਮਸਲੇ 'ਤੇ ਕੋਈ ਵਿਵਾਦਤ ਟਿੱਪਣੀ ਨਾ ਕਰੇ, ਜਿਸ ਨਾਲ ਕਿ ਮਾਹੌਲ ਖਰਾਬ ਹੋਣ ਦੀਆਂ ਸੰਭਾਵਨਾਵਾਂ ਵੱਧ ਜਾਣ।
—PTC News