ਮੱਧ ਪ੍ਰਦੇਸ਼ 'ਚ ਸਿੱਖਾਂ ਦੇ ਘਰ ਤੋੜੇ ਜਾਣ ਦਾ ਮਾਮਲਾ, ਅਕਾਲੀ ਦਲ ਦੀ 2 ਮੈਂਬਰੀ ਟੀਮ ਵਲੋਂ ਡੀ.ਐੱਮ ਤੇ ਐੱਸ.ਪੀ ਨਾਲ ਮੁਲਾਕਾਤ
ਮੱਧ ਪ੍ਰਦੇਸ਼ 'ਚ ਸਿੱਖਾਂ ਦੇ ਘਰ ਤੋੜੇ ਜਾਣ ਦਾ ਮਾਮਲਾ, ਅਕਾਲੀ ਦਲ ਦੀ 2 ਮੈਂਬਰੀ ਟੀਮ ਵਲੋਂ ਡੀ.ਐੱਮ ਤੇ ਐੱਸ.ਪੀ ਨਾਲ ਮੁਲਾਕਾਤ,ਨਵੀਂ ਦਿੱਲੀ: ਸ਼੍ਰੋਮਣੀ ਅਕਾਲੀ ਦਲ ਦੀ ਦੋ ਮੈਂਬਰੀ ਕਮੇਟੀ ਨੇ ਜਿਸ 'ਚ ਸੀਨੀਅਰ ਆਗੂ ਬਲਵਿੰਦਰ ਸਿੰਘ ਭੂੰਦੜ ਅਤੇ ਪ੍ਰੋਫੈਸਰ ਪ੍ਰੇਮ ਸਿੰਘ ਚੰਦੂਮਾਜਰਾ ਸ਼ਾਮਿਲ ਹਨ, ਅੱਜ ਮੱਧ ਪ੍ਰਦੇਸ਼ ਜਾ ਕੇ ਉਹਨਾਂ ਸਿੱਖਾਂ ਦੀ ਮੱਦਦ ਕੀਤੀ, ਜਿਹਨਾਂ ਨੂੰ ਘਰਾਂ ਅਤੇ ਜ਼ਮੀਨਾਂ ਤੋਂ ਬੇਦਖ਼ਲ ਕਰ ਦਿੱਤਾ ਗਿਆ ਹੈ।
ਇਸ ਦੌਰਾਨ ਅਕਾਲੀ ਦਲ ਦੀ 2 ਮੈਂਬਰੀ ਟੀਮ ਨੇ ਡੀ.ਐੱਮ ਤੇ ਐੱਸ.ਪੀ ਨਾਲ ਮੁਲਾਕਾਤ ਕੀਤੀ ਤੇ ਉਜਾੜੇ ਗਏ ਸਿੱਖਾਂ ਨੂੰ ਇਨਸਾਫ ਦਿਵਾਉਣ ਦੀ ਮੰਗ ਕੀਤੀ।
ਹੋਰ ਪੜ੍ਹੋ: ਟਮਾਟਰ ਦੇ ਵਧੇ ਭਾਅ ਨਾਲ ਦੇਸ਼ 'ਚ ਮੱਚੀ ਹਾਹਾਕਾਰ ,ਜਾਣੋਂ ਵਧੀਆਂ ਕੀਮਤਾਂ
ਇਸ ਮੌਕੇ ਬਲਵਿੰਦਰ ਸਿੰਘ ਭੂੰਦੜ ਅਤੇ ਪ੍ਰੇਮ ਸਿੰਘ ਚੰਦੂਮਾਜਰਾ ਨੇ ਹਾਲਾਤ ਦਾ ਵੀ ਜਾਇਜ਼ਾ ਲਿਆ ਤੇ ਸਿੱਖਾਂ ਦੇ ਉਜਾੜੇ ਦੀ '84 ਦੀ ਘਟਨਾ ਨਾਲ ਤੁਲਨਾ ਕੀਤੀ।
ਤੁਹਾਨੂੰ ਦੱਸ ਦੇਈਏ ਕਿ ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਇਸ ਕਮੇਟੀ ਨੂੰ ਮੱਧ ਪ੍ਰਦੇਸ਼ 'ਚ ਸ਼ਿਓਪੁਰ ਦੇ ਉਹਨਾਂ ਸਿੱਖਾਂ ਪਰਿਵਾਰਾਂ ਦੀ ਤੁਰੰਤ ਮੱਦਦ ਕਰਨ ਦਾ ਜ਼ਿੰਮੇਵਾਰੀ ਲਾਈ ਗਈ ਸੀ, ਜਿਹਨਾਂ ਨੂੰ ਉਹਨਾਂ ਦੀਆਂ ਕਰੀਬ 200 ਏਕੜ ਜ਼ਮੀਨਾਂ ‘ਚੋਂ ਬਾਹਰ ਕੱਢ ਦਿੱਤਾ ਗਿਆ ਹੈ ਅਤੇ ਜਿਹਨਾਂ ਦੇ ਘਰਾਂ ਨੂੰ ਢਾਹ ਦਿੱਤਾ ਗਿਆ ਹੈ।
-PTC News