ਸ੍ਰੀ ਦਰਬਾਰ ਸਾਹਿਬ ਦੀ ਖੂਬਸੂਰਤੀ ਹੁਣ ਹੋਰ ਵਧੇਗੀ ,ਚਾਰੋਂ ਦਰਵਾਜ਼ਿਆਂ ਨੂੰ ਦਿੱਤਾ ਜਾਵੇਗਾ ਇਹ ਰੂਪ

ਸ੍ਰੀ ਦਰਬਾਰ ਸਾਹਿਬ ਦੀ ਖੂਬਸੂਰਤੀ ਹੁਣ ਹੋਰ ਵਧੇਗੀ ,ਚਾਰੋਂ ਦਰਵਾਜ਼ਿਆਂ ਨੂੰ ਦਿੱਤਾ ਜਾਵੇਗਾ ਇਹ ਰੂਪ:ਸ਼੍ਰੀ ਦਰਬਾਰ ਸਾਹਿਬ ਦੇ ਚਾਰੋਂ ਪ੍ਰਵੇਸ਼ ਦੁਆਰ ਹੁਣ 40 ਕਿੱਲੋ ਸੋਨੇ ਨਾਲ ਚਮਕਣਗੇ।ਇਨ੍ਹਾਂ ਨੂੰ ਸੋਨੇ ਦੀਆਂ ਪੱਤਰਾਂ ਨਾਲ ਸਜਾਇਆ ਜਾਵੇਗਾ।ਇਸਦੇ ਪਹਿਲਾਂ ਪੜਾਅ ਦੇ ਤਹਿਤ ਘੰਟਾ ਘਰ ਵਾਲੇ ਪਾਸੇ ਦੇ ਪਰਵੇਸ਼ ਦੁਆਰ (ਮੇਨ ਗੇਟ) ਦੀ ਦਰਸ਼ਨੀ ਡਿਓਢੀ ਦੇ ਗੁੰਬਦਾਂ ਉੱਤੇ ਪੱਤਰੇ ਚੜ੍ਹਾਉਣ ਦਾ ਕੰਮ ਦੀ ਸ਼ੁਰੂਆਤ ਵੀ ਚੁੱਕੀ ਹੈ।ਪੱਤਰੇ ਲਗਾਉਣ ਦੀ ਕਾਰ ਸੇਵਾ ਦਾ ਜਿੰਮਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਬਾਬਾ ਕਸ਼ਮੀਰ ਸਿੰਘ ਭੂਰੀਵਾਲਿਆਂ ਦੇ ਸੌਂਪਿਆ ਹੈ।ਬਾਬਾ ਭੂਰੀ ਵਾਲੇ ਦੇ ਪ੍ਰਵਕਤਾ ਰਾਮ ਸਿੰਘ ਦੇ ਮੁਤਾਬਕ ਮੁੱਖ ਦੁਆਰਾਂ ਦੇ ਚਾਰਾਂ ਗੁੰਬਦਾਂ ਦੇ ਇਲਾਵਾ 4 ਛੋਟੇ ਗੁੰਬਦ ,50 ਛੋਟੀ ਗੁੰਬਦਾਂ ਅਤੇ 2 ਪਾਲਕੀ ਸਾਹਿਬ ਹਨ।ਸਾਰਿਆਂ ਉੱਤੇ ਸੋਨਾ ਲਗਾਉਣ ਦਾ ਕੰਮ ਅਗਲੇ ਸਾਲ ਦੀ ਵਿਸਾਖੀ ਤੱਕ ਪੂਰਾ ਹੋ ਜਾਵੇਗਾ।ਇਸ ਕੰਮ ਉੱਤੇ 40 ਕਿੱਲੋ ਤੋਂ ਜਿਆਦਾ ਸੋਨਾ ਲੱਗੇਗਾ।ਜ਼ਿਕਰਯੋਗ ਹੈ ਕਿ ਸ਼੍ਰੀ ਦਰਬਾਰ ਸਾਹਿਬ ਦੇ 4 ਪਰਵੇਸ਼ ਦੁਆਰ ਹਨ।ਘੰਟਾ ਘਰ ਵਾਲੇ ਪਾਸੇ ਦੇ ਪਰਵੇਸ਼ ਦੁਆਰ ਦੇ ਗੁੰਬਦਾਂ ਦੀ ਕਾਰ ਸੇਵਾ ਮੁਕੰਮਲ ਹੋਣ ਦੇ ਬਾਅਦ ਦੂਜੇ ਪਰਵੇਸ਼ ਦੁਆਰ ਦੀ ਸਜਾਵਟ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ।ਸ਼੍ਰੀ ਦਰਬਾਰ ਸਾਹਿਬ ਦੇ 16 ਗੇਜ ਤਾਂਬੇ ਦੇ ਪੱਤਰਿਆਂ ਉੱਤੇ ਪਾਰੇ ਦੀ ਮਦਦ ਨਾਲ ਸੋਨੇ ਦੀਆਂ 22 ਪਰਤਾਂ ਚੜ੍ਹਾਈਆਂ ਗਈਆਂ ਹਨ।ਜਿਸ ਦਾ ਕਾਰਨ ਧੁੱਪ ਅਤੇ ਮੀਂਹ ਦੇ ਕਾਰਨ ਸੋਨੇ ਦੀ ਚਮਕ ਖ਼ਰਾਬ ਨਾ ਹੋਵੇ ਇਸ ਲਈ ਇੰਨੀਆਂ ਪਰਤਾਂ ਚੜ੍ਹਾਈਆਂ ਜਾਂਦੀਆਂ ਹਨ।ਕਾਰ ਸੇਵਾ ਕਰਵਾਉਣ ਵਾਲਿਆਂ ਵਲੋਂ ਸੰਗਤ ਦੇ ਚੜ੍ਹਾਵੇ ਲਈ ਗੋਲਕ ਲਗਾਈ ਜਾਂਦੀ ਹੈ।ਇਸ ਵਿੱਚ ਸੰਗਤ ਆਪਣੀ ਸ਼ਰਧਾ ਦੇ ਮੁਤਾਬਕ ਪੈਸੇ ਅਤੇ ਸੋਨਾ ਚੜ੍ਹਾਉਂਦੀ ਹੈ।ਇੱਥੋਂ ਹੀ ਸਾਰਾ ਪ੍ਰਬੰਧ ਕੀਤਾ ਜਾਂਦਾ ਹੈ।ਗੁਰੂਘਰ ਲਈ ਕਿਸੇ ਵਿਅਕਤੀ ਵਿਸ਼ੇਸ਼ ਤੋਂ ਸਹਾਇਤਾ ਨਹੀਂ ਮੰਗੀ ਜਾਂਦੀ।

-PTCNews