SSC Scam: ਅਰਪਿਤਾ ਦੇ ਕਾਲੇ ਖਜ਼ਾਨੇ 'ਚੋਂ ਈਡੀ ਨੂੰ ਹੁਣ ਤੱਕ ਕੀ ਮਿਲਿਆ ? ਜਾਣਨ ਲਈ ਪੜ੍ਹੋ ਪੂਰੀ ਖ਼ਬਰ
Riya Bawa
July 28th 2022 02:46 PM --
Updated:
July 28th 2022 02:52 PM
SSC Scam: ਮਮਤਾ ਬੈਨਰਜੀ ਦੀ ਸਰਕਾਰ 'ਚ ਮੰਤਰੀ ਪਾਰਥਾ ਚੈਟਰਜੀ ਦੀ ਕਰੀਬੀ ਅਰਪਿਤਾ ਮੁਖਰਜੀ ਦਾ ਨਾਂ ਪਿਛਲੇ ਇਕ ਹਫਤੇ ਤੋਂ ਪੂਰੇ ਦੇਸ਼ 'ਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਕੁਝ ਅਰਪਿਤਾ ਨੂੰ ਧਨ ਕੰਨਿਆ ਕਹਿ ਰਹੇ ਹਨ ਤਾਂ ਕੁਝ ਇਸ ਨੂੰ ਕੈਸ਼ ਕੁਈਨ ਕਹਿ ਰਹੇ ਹਨ। ਜੋ ਵੀ ਹੋਵੇ, ਈਡੀ ਦੇ ਛਾਪੇ ਵਿੱਚ ਜਿਸ ਤਰ੍ਹਾਂ ਉਸ ਦੇ ਘਰੋਂ 500-2000 ਦੇ ਨੋਟਾਂ ਦੇ ਬੰਡਲ ਮਿਲੇ ਹਨ, ਉਸ ਨੂੰ ਦੇਖਦਿਆਂ ਅਰਪਿਤਾ ਨੂੰ ਇਹ ਨਾਂ ਦੇਣਾ ਲਾਜ਼ਮੀ ਹੈ। ਈਡੀ ਨੇ ਅਰਪਿਤਾ ਮੁਖਰਜੀ ਦੇ ਘਰੋਂ ਹੁਣ ਤੱਕ 50 ਕਰੋੜ ਰੁਪਏ ਬਰਾਮਦ ਕੀਤੇ ਹਨ। ਇੰਨਾ ਹੀ ਨਹੀਂ ਬੁੱਧਵਾਰ ਨੂੰ ਈਡੀ ਨੂੰ ਛਾਪੇਮਾਰੀ 'ਚ 4.30 ਕਰੋੜ ਰੁਪਏ ਦਾ ਸੋਨਾ ਵੀ ਮਿਲਿਆ ਹੈ। ਇਸ ਵਿੱਚ ਡੇਢ ਕਿਲੋ ਦੇ 6 ਬਰੇਸਲੇਟ ਸ਼ਾਮਲ ਹਨ।