Payal Malik Evicted: ਬਿੱਗ ਬੌਸ ਓਟੀਟੀ 3 ਤੋਂ ਅਰਮਾਨ ਮਲਿਕ ਦੀ ਇੱਕ ਪਤਨੀ ਬਾਹਰ, ਦੂਜੀ ਲਈ ਰਸਤਾ ਹੋਇਆ ਸਾਫ਼?
Payal Malik Evicted: ਪਾਇਲ ਮਲਿਕ ਰਿਐਲਿਟੀ ਟੀਵੀ ਸ਼ੋਅ ਬਿੱਗ ਬੌਸ ਓਟੀਟੀ ਸੀਜ਼ਨ 3 ਤੋਂ ਬਾਹਰ ਹੋ ਗਈ ਹੈ। ਪਹਿਲਾ ਐਲੀਮੀਨੇਸ਼ਨ ਮੁੱਕੇਬਾਜ਼ ਨੀਰਜ ਦਾ ਸੀ, ਹੁਣ ਅਰਮਾਨ ਮਲਿਕ ਦੀ ਪਹਿਲੀ ਪਤਨੀ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ।
ਕੁੱਲ ਸੱਤ ਖਿਡਾਰੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਸੀ, ਜਿਨ੍ਹਾਂ ਵਿੱਚੋਂ ਪਾਇਲ ਮਲਿਕ ਨੂੰ ਇਸ ਹਫ਼ਤੇ ਬਾਹਰ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਮੇਕਰਸ ਨੇ ਅਜੇ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ, ਪਰ ਸੂਤਰਾਂ ਦੇ ਹਵਾਲੇ ਨਾਲ ਸੋਸ਼ਲ ਮੀਡੀਆ 'ਤੇ ਉਪਲਬਧ ਜਾਣਕਾਰੀ ਅਨੁਸਾਰ ਬਿੱਗ ਬੌਸ ਦੇ ਘਰ ਵਿੱਚ ਅਰਮਾਨ ਮਲਿਕ ਦੀ ਪਤਨੀ ਦਾ ਸਫਰ ਖਤਮ ਹੋ ਗਿਆ ਹੈ।
ਦੱਸ ਦਈਏ ਕਿ ਬਿੱਗ ਬੌਸ ਓਟੀਟੀ ਸੀਜ਼ਨ 3 ਵਿੱਚ ਇੱਕ-ਦੂਜੇ ਖ਼ਿਲਾਫ਼ ਚਾਲਾਂ ਅਤੇ ਸਾਜ਼ਿਸ਼ਾਂ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਹਰ ਮੁਕਾਬਲੇਬਾਜ਼ ਆਪਣੇ ਆਪ ਨੂੰ ਖੇਡ ਵਿੱਚ ਬਣਾਈ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰ ਰਿਹਾ ਹੈ। ਬਿੱਗ ਬੌਸ ਓਟੀਟੀ ਵਿੱਚ ਐਂਟਰੀ ਲੈਣ ਲਈ ਲੋਕਾਂ ਨੇ ਯੂਟਿਊਬਰ ਅਰਮਾਨ ਮਲਿਕ ਨੂੰ ਸੋਸ਼ਲ ਮੀਡੀਆ ਉੱਤੇ ਜ਼ਬਰਦਸਤ ਟ੍ਰੋਲ ਕੀਤਾ। ਸ਼ੋਅ 'ਚ ਮੁਕਾਬਲੇਬਾਜ਼ ਆਪਣੀਆਂ ਦੋਵੇਂ ਪਤਨੀਆਂ ਨਾਲ ਆਏ ਅਤੇ ਇਹੀ ਉਨ੍ਹਾਂ ਨੂੰ ਟ੍ਰੋਲ ਕਰਨ ਦਾ ਸਭ ਤੋਂ ਵੱਡਾ ਕਾਰਨ ਬਣ ਗਿਆ। ਬਿੱਗ ਬੌਸ ਦੇ ਘਰ 'ਚ ਅਰਮਾਨ ਨੂੰ ਆਪਣੀਆਂ ਦੋਵੇਂ ਪਤਨੀਆਂ ਨਾਲ ਸੰਤੁਲਨ ਬਣਾ ਕੇ ਗੇਮ 'ਚ ਅੱਗੇ ਵਧਣ ਦੀ ਕੋਸ਼ਿਸ਼ ਕਰਦੇ ਦੇਖਿਆ ਗਿਆ।
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਇਕ ਪਾਸੇ ਪਾਇਲ ਦੇ ਫਾਲੋਅਰਸ ਲਈ ਇਹ ਬੁਰੀ ਖਬਰ ਹੋ ਸਕਦੀ ਹੈ, ਉਥੇ ਹੀ ਦੂਜੇ ਪਾਸੇ ਅਰਮਾਨ ਮਲਿਕ ਲਈ ਗੇਮ 'ਚ ਅੱਗੇ ਵਧਣਾ ਆਸਾਨ ਹੋ ਜਾਵੇਗਾ। ਨਾਮਜ਼ਦਗੀ ਪ੍ਰਕਿਰਿਆ ਦੌਰਾਨ ਬਿੱਗ ਬੌਸ ਓਟੀਟੀ ਦੇ 15 ਖਿਡਾਰੀ ਦਰੱਖਤ ਦੇ ਪਿੱਛੇ ਗਏ ਅਤੇ ਦੋ ਖਿਡਾਰੀਆਂ ਦੇ ਨਾਮ ਦੱਸੇ ਜਿਨ੍ਹਾਂ ਨੂੰ ਉਹ ਸ਼ੋਅ ਤੋਂ ਬਾਹਰ ਕਰਨਾ ਚਾਹੁੰਦੇ ਸਨ। ਇਸ ਪ੍ਰਕਿਰਿਆ ਵਿੱਚ ਸਭ ਤੋਂ ਵੱਧ ਵੋਟਾਂ ਅਰਮਾਨ ਮਲਿਕ, ਪਾਇਲ ਮਲਿਕ, ਸਾਈ ਕੇਤਨ ਰਾਓ, ਸਨਾ ਸੁਲਤਾਨ, ਲਵ ਕਟਾਰੀਆ, ਸ਼ਿਵਾਨੀ ਕੁਮਾਰੀ ਅਤੇ ਦੀਪਕ ਚੌਰਸੀਆ ਦੇ ਵਿਰੁੱਧ ਆਈਆਂ।
ਜਾਣਕਾਰੀ ਮੁਤਾਬਕ ਘਰ ਦੇ ਅੰਦਰ ਹੋਈ ਵੋਟਿੰਗ ਪ੍ਰਕਿਰਿਆ ਅਤੇ ਜਨਤਾ ਦੇ ਘੱਟ ਤੋਂ ਘੱਟ ਸਮਰਥਨ ਨੂੰ ਧਿਆਨ 'ਚ ਰੱਖਦੇ ਹੋਏ ਮੇਕਰਸ ਨੇ ਇਸ ਹਫਤੇ ਪਾਇਲ ਮਲਿਕ ਨੂੰ ਬਾਹਰ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ: ਸੰਨਿਆਸ ਤੋਂ ਬਾਅਦ ਭਾਵੁਕ ਹੋਏ ਵਿਰਾਟ ਕੋਹਲੀ ਤਾਂ ਪਤਨੀ ਅਨੁਸ਼ਕਾ ਨੇ ਵੀ ਦਿੱਤੀ ਪ੍ਰਤੀਕਿਰਿਆ, ਕਿਹਾ-ਮੈਨੂੰ ਇਸ ਆਦਮੀ ਨਾਲ...
- PTC NEWS