ਲੰਡਨ 'ਚ ਭਾਰਤੀ PHD ਵਿਦਿਆਰਥਣ ਨੂੰ ਟਰੱਕ ਨੇ ਦਰੜਿਆ, ਸਾਈਕਲਿੰਗ ਦੌਰਾਨ ਵਾਪਰਿਆ ਹਾਦਸਾ
Indian Student Dies in London: ਲੰਡਨ ਤੋਂ ਭਾਰਤ ਲਈ ਦੁਖਦਾਈ ਖ਼ਬਰ ਸਾਹਮਣੇ ਆ ਰਹੀ ਹੈ। ਭਾਰਤੀ ਪੀਐਚਡੀ ਵਿਦਿਆਰਥਣ (Indian PhD student) ਦੀ ਟਰੱਕ ਹੇਠ ਕੁਚਲੇ ਜਾਣ ਕਾਰਨ ਮੌਤ ਹੋ ਗਈ ਹੈ। ਚੇਸ਼ਟਾ ਕੋਚਰ (Cheistha Kochhar) ਲੰਡਨ ਯੂਨੀਵਰਸਿਟੀ ਇਕਨੋਮਿਕਸ 'ਚ ਪੀਐਚਡੀ ਦੀ ਵਿਦਿਆਰਥਣ ਸੀ। ਉਹ ਸੈਲੂਲਰ ਆਪਰੇਟਰਜ਼ ਐਸੋਸੀਏਸ਼ਨ ਆਫ ਇੰਡੀਆ (COAI) ਦੇ ਡਾਇਰੈਕਟਰ ਜਨਰਲ, ਸੇਵਾਮੁਕਤ ਲੈਫਟੀਨੈਂਟ ਜਨਰਲ ਡਾਕਟਰ ਐਸਪੀ ਕੋਚਰ ਦੀ ਧੀ ਸੀ।
ਦੱਸਿਆ ਜਾ ਰਿਹਾ ਹੈ ਕਿ 33 ਸਾਲਾ ਵਿਦਿਆਰਥਣ ਨਾਲ ਉਸ ਸਮੇਂ ਹਾਦਸਾ (accident) ਵਾਪਰਿਆ, ਜਦੋਂ 19 ਮਾਰਚ ਨੂੰ ਉਹ ਸਾਈਕਲਿੰਗ ਕਰ ਰਹੀ ਸੀ ਤਾਂ ਅਚਾਨਕ ਇੱਕ ਕੂੜੇ ਦੇ ਭਰੇ ਟਰੱਕ ਨੇ ਉਸ ਨੂੰ ਦਰੜ ਦਿੱਤਾ। ਸਾਈਕਲਿੰਗ ਦੌਰਾਨ ਉਸ ਦਾ ਪਤੀ ਵੀ ਉਸ ਨਾਲ ਅੱਗੇ ਸਾਈਕਲ ਉਪਰ ਸੀ, ਜਿਸ ਨੇ ਤੁਰੰਤ ਉਸ ਨੂੰ ਬਚਾਉਣ ਲਈ ਹਸਪਤਾਲ ਦਾਖਲ ਕਰਵਾਇਆ ਪਰੰਤੂ ਉਹ ਬਚ ਨਹੀਂ ਸਕੀ। ਉਹ LSE 'ਚ ਵਿਹਾਰ ਵਿਗਿਆਨ 'ਤੇ ਪੀਐਚਡੀ ਕਰ ਰਹੀ ਸੀ। ਇਸਤੋਂ ਪਹਿਲਾਂ ਉਹ ਨੀਤੀ ਆਯੋਗ 'ਚ ਵੀ ਕੰਮ ਕਰ ਚੁੱਕੀ ਸੀ।
Cheistha Kochar worked with me on the #LIFE programme in @NITIAayog She was in the #Nudge unit and had gone to do her Ph.D in behavioural science at #LSE
Passed away in a terrible traffic incident while cycling in London. She was bright, brilliant & brave and always full of… pic.twitter.com/7WyyklhsTA — Amitabh Kant (@amitabhk87) March 23, 2024
ਨੀਤੀ ਆਯੋਗ ਦੇ ਸਾਬਕਾ ਸੀਈਓ ਅਮਿਤਾਭ ਕਾਂਤ ਨੇ ਟਵਿੱਟਰ ਐਕਸ 'ਤੇ ਕੋਚਰ ਦੀ ਮੌਤ ਦੀ ਖਬਰ ਪੋਸਟ ਕੀਤੀ। ਉਨ੍ਹਾਂ ਲਿਖਿਆ, ''ਚੇਸ਼ਟਾ ਕੋਚਰ ਨੇ @NITIAayog ਵਿੱਚ #LIFE ਪ੍ਰੋਗਰਾਮ ਵਿੱਚ ਮੇਰੇ ਨਾਲ ਕੰਮ ਕੀਤਾ। ਉਹ #Nudge ਯੂਨਿਟ ਵਿੱਚ ਸੀ ਅਤੇ #LSE ਵਿਖੇ ਵਿਹਾਰ ਵਿਗਿਆਨ ਵਿੱਚ ਆਪਣੀ Ph.D ਕਰਨ ਗਈ ਸੀ। ਲੰਡਨ ਵਿੱਚ ਸਾਈਕਲ ਚਲਾਉਂਦੇ ਸਮੇਂ ਇੱਕ ਭਿਆਨਕ ਦੁਰਘਟਨਾ ਵਿੱਚ ਉਸ ਦੀ ਮੌਤ ਹੋ ਗਈ। ਉਹ ਮਿਹਨਤੀ, ਹੁਸ਼ਿਆਰ ਅਤੇ ਬਹਾਦਰ ਸੀ। RIP।''
ਚੇਸ਼ਟਾ ਕੋਚਰ ਸਤੰਬਰ 2023 ਵਿੱਚ ਲੰਡਨ ਚਲੀ ਗਈ ਸੀ, ਜਿਸ ਤੋਂ ਪਹਿਲਾਂ ਉਹ ਹਰਿਆਣਾ ਦੇ ਗੁਰੂਗ੍ਰਾਮ 'ਚ ਰਹਿੰਦੀ ਸੀ। LSE ਵਿੱਚ ਦਾਖਲਾ ਲੈਣ ਤੋਂ ਪਹਿਲਾਂ ਵਿਦਿਆਰਥਣ ਨੇ ਦਿੱਲੀ ਯੂਨੀਵਰਸਿਟੀ, ਅਸ਼ੋਕਾ ਯੂਨੀਵਰਸਿਟੀ ਅਤੇ ਪੈਨਸਿਲਵੇਨੀਆ ਤੇ ਸ਼ਿਕਾਗੋ ਦੀਆਂ ਯੂਨੀਵਰਸਿਟੀਆਂ ਵਿੱਚ ਆਪਣੀ ਪੜ੍ਹਾਈ ਪੂਰੀ ਕੀਤੀ ਸੀ।
-
