Live-In Relationship: ਕੀ ਵਿਆਹ ਤੋਂ ਪਹਿਲਾਂ ਆਪਣੇ ਸਾਥੀ ਨਾਲ ਰਹਿਣਾ ਸਹੀ ਜਾਂ ਗਲਤ? ਇੱਥੇ ਜਾਣੋ
Live-In Relationship: ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਵਿਆਹ ਤੋਂ ਪਹਿਲਾਂ ਲੜਕਾ ਅਤੇ ਲੜਕੀ ਦੇ ਵਿਆਹ ਨੂੰ ਲੰਬੇ ਸਮੇਂ ਤੱਕ ਚੱਲਣ ਲਈ ਇਕ ਦੂਜੇ ਨੂੰ ਚੰਗੀ ਤਰ੍ਹਾਂ ਸਮਝਣਾ ਜ਼ਰੂਰੀ ਹੈ। ਪਰ ਇਸ ਲਈ ਬਿਨ੍ਹਾਂ ਵਿਆਹ ਕੀਤੇ ਇਕੱਠੇ ਰਹਿਣ ਦਾ ਮਤਲਬ ਹੈ 'ਲਿਵ-ਇਨ' ਵਿੱਚ ਰਹਿਣਾ। ਅੱਜ ਦੇ ਸਮੇਂ ਵਿੱਚ ਜੋੜਿਆਂ ਨੇ ਇਸਨੂੰ ਆਪਣੇ ਰਿਸ਼ਤੇ ਲਈ ਇੱਕ ਮਹੱਤਵਪੂਰਨ ਕਦਮ ਮੰਨ ਲਿਆ ਹੈ। ਉਹ ਇਸ ਆਧਾਰ 'ਤੇ ਵਿਆਹ ਲਈ ਸਹੀ ਜੀਵਨ ਸਾਥੀ ਚੁਣਨਾ ਜ਼ਿਆਦਾ ਸਹੀ ਸਮਝਦੇ ਹਨ। ਪਰ ਅਜਿਹਾ ਕਰਨ ਤੋਂ ਪਹਿਲਾਂ ਜੇਕਰ ਤੁਸੀਂ ਜੀਵਨ ਭਰ ਲਈ ਆਪਣੇ ਪਾਰਟਨਰ ਨਾਲ ਖੁਸ਼ ਰਹਿਣਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਬਿਨ੍ਹਾਂ ਵਿਆਹ ਦੇ ਇਕੱਠੇ ਰਹਿਣ ਦੇ ਫਾਇਦੇ ਅਤੇ ਨੁਕਸਾਨ ਜਾਣਨਾ ਬਹੁਤ ਜ਼ਰੂਰੀ ਹੈ।
ਇਹ ਵੀ ਪੜ੍ਹੋ: ਖੁਸ਼ਹਾਲ ਵਿਆਹੁਤਾ ਜੀਵਨ ਲਈ ਪਤਨੀ ਆਪਣੇ ਪਤੀ ਨਾਲ ਕਦੇ ਨਾ ਸਾਂਝੇ ਕਰੇ ਇਹ 3 ਰਾਜ਼
ਮਾਹਰ ਕੀ ਸਲਾਹ ਦਿੰਦੇ ਹਨ......
ਨਵਭਾਰਤ ਟਾਇਮਸ ਦੀ ਇੱਕ ਮੀਡੀਆ ਰਿਪੋਰਟ ਮੁਤਾਬਕ ਭਾਰਤੀ ਰੀਲੇਸ਼ਨਸ਼ਿਪ ਮਾਹਰਾਂ ਦਾ ਕਹਿਣਾ ਹੈ ਕਿ ਅੱਜਕੱਲ੍ਹ ਲਿਵ-ਇਨ ਸ਼ਬਦ ਬਹੁਤ ਪ੍ਰਚਲਿਤ ਹੈ, ਜੋ ਯੂਰਪੀਅਨ ਸਮਾਜ ਤੋਂ ਹੌਲੀ-ਹੌਲੀ ਭਾਰਤ ਦੇ ਵੱਡੇ ਸ਼ਹਿਰਾਂ ਤੱਕ ਪਹੁੰਚ ਗਿਆ ਹੈ। ਇਹ ਹਿੰਦੀ ਸਿਨੇਮਾ ਜਗਤ ਵਿੱਚ ਵੀ ਬਹੁਤ ਆਮ ਹੈ। ਕਈ ਮਸ਼ਹੂਰ ਅਭਿਨੇਤਾ ਅਤੇ ਅਭਿਨੇਤਰੀਆਂ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਰਹਿੰਦੀਆਂ ਹਨ ਅਤੇ ਜ਼ਾਹਰ ਹੈ ਕਿ ਇਸ ਨਾਲ ਸਾਡੀ ਜਵਾਨੀ ਪ੍ਰਭਾਵਿਤ ਹੋਈ ਹੈ।
ਜੇਕਰ ਦੇਖਿਆ ਜਾਵੇ ਤਾਂ ਜ਼ਿਆਦਾਤਰ ਨੌਜਵਾਨ ਵਿਆਹ ਤੋਂ ਬਿਨ੍ਹਾਂ ਇਕੱਠੇ ਰਹਿਣ ਦੇ ਸੰਕਲਪ ਨਾਲ ਸਹਿਮਤ ਹਨ। ਉਨ੍ਹਾਂ ਨੂੰ ਇਸ ਵਿੱਚ ਸਿਰਫ਼ ਫਾਇਦਾ ਨਜ਼ਰ ਆਉਂਦਾ ਹੈ। ਪਰ ਇਸ ਦਾ ਇੱਕ ਹੋਰ ਪੱਖ ਵੀ ਹੈ ਜੋ ਨੁਕਸਾਨ ਨਾਲ ਭਰਿਆ ਹੋਇਆ ਹੈ, ਜਿਸ ਨੂੰ ਨਜ਼ਰਅੰਦਾਜ਼ ਕਰਨਾ ਮੂਰਖਤਾ ਤੋਂ ਘੱਟ ਨਹੀਂ ਹੈ।
ਲਿਵ-ਇਨ ਰਿਲੇਸ਼ਨਸ਼ਿਪ ਕੀ ਹੈ........?
ਲਿਵ-ਇਨ ਰਿਲੇਸ਼ਨ ਦਾ ਮਤਲਬ ਹੈ ਕਿ ਬਿਨ੍ਹਾਂ ਵਿਆਹ ਕੀਤੇ ਲੜਕਾ-ਲੜਕੀ ਪਤੀ-ਪਤਨੀ ਵਾਂਗ ਇੱਕੋ ਘਰ ਵਿੱਚ ਰਹਿੰਦੇ ਹਨ। ਯਾਨੀ ਦੋਹਾਂ ਵਿਚਕਾਰ ਮਾਨਸਿਕ ਅਤੇ ਭਾਵਨਾਤਮਕ ਰਿਸ਼ਤੇ ਦੇ ਨਾਲ-ਨਾਲ ਸਰੀਰਕ ਸਬੰਧ ਵੀ ਬਣਦੇ ਹਨ। ਭਾਰਤੀ ਸਮਾਜ ਵਿੱਚ ਭਾਵੇਂ ਇਸ ਨੂੰ ਸਵੀਕਾਰ ਨਹੀਂ ਕੀਤਾ ਜਾਂਦਾ ਪਰ ਸੁਪਰੀਮ ਕੋਰਟ ਨੇ 2014 ਵਿੱਚ ਲਿਵ-ਇਨ ਰਿਲੇਸ਼ਨਸ਼ਿਪ ਨੂੰ ਕਾਨੂੰਨੀ ਮਾਨਤਾ ਅਤੇ ਸੁਰੱਖਿਆ ਦੇ ਦਿੱਤੀ ਹੈ।
ਬਿਨ੍ਹਾਂ ਵਿਆਹ ਦੇ ਇਕੱਠੇ ਰਹਿਣ ਦੇ ਫਾਇਦੇ
ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਹੋਣ ਨਾਲ ਜੋੜੇ ਦੇ ਵਿੱਚ ਭਾਵਨਾਤਮਕ, ਮਾਨਸਿਕ ਅਤੇ ਜਿਨਸੀ ਸਮਝ ਵਧਦੀ ਹੈ। ਕਿਤੇ ਨਾ ਕਿਤੇ ਉਨ੍ਹਾਂ ਲਈ ਇਹ ਜਾਣਨਾ ਆਸਾਨ ਹੋ ਜਾਂਦਾ ਹੈ ਕਿ ਉਹ ਜ਼ਿੰਦਗੀ ਭਰ ਇੱਕ-ਦੂਜੇ ਨਾਲ ਰਹਿਣਾ ਪਸੰਦ ਕਰਨਗੇ ਜਾਂ ਨਹੀਂ। ਨਾਲ ਹੀ ਜੋੜੇ ਇੱਕ ਦੂਜੇ ਦੀਆਂ ਆਦਤਾਂ, ਰੁਟੀਨ, ਜੀਵਨ ਸ਼ੈਲੀ ਅਤੇ ਰਿਸ਼ਤੇ ਵਿੱਚ ਆਪਣੀ ਜ਼ਿੰਮੇਵਾਰੀ ਨੂੰ ਬਿਹਤਰ ਤਰੀਕੇ ਨਾਲ ਸਮਝਦੇ ਹਨ।
ਇਸ ਵਿੱਚ ਘਰੇਲੂ ਜ਼ਿੰਮੇਵਾਰੀਆਂ ਦੇ ਨਾਲ-ਨਾਲ ਵਿੱਤੀ ਜ਼ਿੰਮੇਵਾਰੀਆਂ ਵੀ ਸ਼ਾਮਲ ਨੇ, ਕਿਉਂਕਿ ਇਕੱਠੇ ਘਰ ਚਲਾਉਣ ਲਈ ਸਿਰਫ਼ ਪਿਆਰ ਅਤੇ ਰੋਮਾਂਸ ਹੀ ਕਾਫ਼ੀ ਨਹੀਂ ਹੈ। ਇਸ ਤੋਂ ਇਲਾਵਾ ਲਿਵ-ਇਨ ਰਿਲੇਸ਼ਨਸ਼ਿਪ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਜੇਕਰ ਤੁਸੀਂ ਇਕੱਠੇ ਖੁਸ਼ ਨਹੀਂ ਹੋ ਤਾਂ ਤੁਸੀਂ ਆਸਾਨੀ ਨਾਲ ਵੱਖ ਹੋ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਕਾਨੂੰਨ ਜਾਂ ਸਮਾਜ ਦੇ ਸਵਾਲਾਂ ਦਾ ਸਾਹਮਣਾ ਨਹੀਂ ਕਰਨਾ ਪੈਂਦਾ।
ਇਹ ਵੀ ਪੜ੍ਹੋ: ਕਦੇ ਨਾ ਛੱਡੋ ਆਪਣਾ ਪਰਿਵਾਰ, ਫੈਮਿਲੀ 'ਚ ਰਹਿਣ ਦੇ 7 ਫਾਇਦਿਆਂ ਬਾਰੇ ਜਾਣੋ
ਲਿਵ-ਇਨ ਵਿੱਚ ਰਹਿਣ ਦੇ ਨੁਕਸਾਨ
ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਕੋਈ ਕਾਨੂੰਨੀ ਵਚਨਬੱਧਤਾ ਨਹੀਂ ਹੈ, ਇਸ ਲਈ ਜੋੜਿਆਂ ਨੂੰ ਹਮੇਸ਼ਾ ਡਰ ਹੁੰਦਾ ਹੈ ਕਿ ਉਨ੍ਹਾਂ ਦਾ ਸਾਥੀ ਉਨ੍ਹਾਂ ਨੂੰ ਛੱਡ ਸਕਦਾ ਹੈ। ਨਾਲ ਹੀ ਜੇਕਰ ਲਿਵ-ਇਨ ਰਿਲੇਸ਼ਨਸ਼ਿਪ ਦਾ ਤਜਰਬਾ ਚੰਗਾ ਨਹੀਂ ਹੈ ਤਾਂ ਨਵੇਂ ਰਿਸ਼ਤੇ ਲਈ ਵਿਅਕਤੀ ਦੇ ਮਨ ਵਿੱਚ ਹਮੇਸ਼ਾ ਡਰ ਬਣਿਆ ਰਹਿੰਦਾ ਹੈ।
ਇਸ ਤੋਂ ਇਲਾਵਾ ਲੋਕ ਕੁਝ ਸਮੇਂ ਬਾਅਦ ਆਪਣੇ ਰਿਸ਼ਤੇ ਤੋਂ ਬੋਰ ਹੋ ਜਾਂਦੇ ਹਨ ਅਤੇ ਨਵੇਂ ਲੋਕਾਂ ਵੱਲ ਆਕਰਸ਼ਿਤ ਹੋਣ ਲੱਗਦੇ ਹਨ। ਇਸ ਕਾਰਨ ਭਰੋਸੇ ਦਾ ਖ਼ਤਰਾ ਬਣਿਆ ਰਹਿੰਦਾ ਹੈ। ਲਿਵ-ਇਨ ਰਿਲੇਸ਼ਨਸ਼ਿਪ 'ਚ ਕਿਸੇ ਛੋਟੀ ਜਿਹੀ ਗੱਲ 'ਤੇ ਤਕਰਾਰ ਜਾਂ ਝਗੜਾ ਰਿਸ਼ਤੇ ਨੂੰ ਖਤਮ ਕਰਨ ਦਾ ਕਾਰਨ ਬਣ ਸਕਦਾ ਹੈ। ਇਸ ਦੇ ਨਾਲ ਹੀ ਸਮਾਜ ਵਿੱਚ ਇਸ ਨੂੰ ਸਵੀਕਾਰ ਨਾ ਕੀਤੇ ਜਾਣ ਕਾਰਨ ਮੁਸੀਬਤ ਦੀ ਘੜੀ ਵਿੱਚ ਰਿਸ਼ਤੇਦਾਰਾਂ ਤੋਂ ਮਦਦ ਲੈਣੀ ਬਹੁਤ ਔਖੀ ਹੁੰਦੀ ਹੈ। ਇਸ ਕਾਰਨ ਇਨ੍ਹੀਂ ਦਿਨੀਂ ਕਈ ਅਪਰਾਧ ਵੀ ਹੋ ਰਹੇ ਹਨ।
ਮਾਹਿਰਾਂ ਵੱਲੋਂ ਕੱਢਿਆ ਗਿਆ ਸਿੱਟਾ
ਮਾਹਿਰਾਂ ਦਾ ਕਹਿਣਾ ਹੈ ਕਿ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਰਹਿਣਾ ਹੈ ਜਾਂ ਨਹੀਂ ਇਹ ਹਰ ਕਿਸੇ ਦਾ ਆਪਣਾ ਫੈਸਲਾ ਹੈ। ਪਰ ਹਰ ਕਿਸੇ ਲਈ ਇਸਦੇ ਫਾਇਦਿਆਂ ਅਤੇ ਨੁਕਸਾਨਾਂ ਦਾ ਸਹੀ ਮੁਲਾਂਕਣ ਕਰਨਾ ਬਹੁਤ ਮਹੱਤਵਪੂਰਨ ਹੈ। ਲਿਵ-ਇਨ ਰਿਲੇਸ਼ਨਸ਼ਿਪ ਨਾ ਤਾਂ ਸਫਲ ਵਿਆਹ ਦੀ ਗਾਰੰਟੀ ਦਿੰਦਾ ਹੈ ਅਤੇ ਨਾ ਹੀ ਭਵਿੱਖ ਦੀਆਂ ਚੁਣੌਤੀਆਂ ਨੂੰ ਰੋਕਦਾ ਹੈ। ਹਰ ਰਿਸ਼ਤਾ ਵਿਲੱਖਣ ਹੁੰਦਾ ਹੈ ਅਤੇ ਰਿਸ਼ਤੇ ਨੂੰ ਕਾਇਮ ਰੱਖਣ ਲਈ ਪਿਆਰ, ਵਿਸ਼ਵਾਸ, ਦੋਸਤੀ ਜ਼ਰੂਰੀ ਹੈ, ਚਾਹੇ ਜੋੜਾ ਵਿਆਹੁਤਾ ਰਿਸ਼ਤੇ ਵਿੱਚ ਹੋਵੇ ਜਾਂ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਹੋਵੇ।
ਇਹ ਵੀ ਪੜ੍ਹੋ: ਮਾਨਸਿਕ ਸਿਹਤ ਖਰਾਬ ਹੋਣ ਕਾਰਨ ਸਰੀਰ 'ਚ ਦਿਖਣਗੇ ਇਹ ਲੱਛਣ
- With inputs from agencies
