PM ਮੋਦੀ ਦੇ ਦਖ਼ਲ ਤੋਂ ਬਾਅਦ ਪੁਤਿਨ ਨੇ ਬਦਲੀ ਯੂਕਰੇਨ 'ਤੇ ਪ੍ਰਮਾਣੂ ਹਮਲੇ ਦੀ ਯੋਜਨਾ, ਅਮਰੀਕੀ ਰਿਪੋਰਟ 'ਚ ਖੁਲਾਸਾ
Russia Ukraine War Update: ਅਮਰੀਕੀ ਅਧਿਕਾਰੀਆਂ ਦੇ ਹਵਾਲੇ ਨਾਲ CNN ਦੀ ਇਕ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਰੂਸ ਨੇ 2022 'ਚ ਯੂਕਰੇਨ 'ਤੇ ਪ੍ਰਮਾਣੂ ਹਮਲੇ (Nuclear Attack) ਦੀ ਆਪਣੀ ਯੋਜਨਾ ਨੂੰ ਭਾਰਤ (India) ਕਾਰਨ ਰੱਦ ਕਰ ਦਿੱਤਾ ਸੀ। ਰੂਸੀ ਰਾਸ਼ਟਰਪਤੀ (Russian President) ਵਲਾਦੀਮੀਰ ਪੁਤਿਨ (Vladmir Putin) ਨੇ ਪਰਮਾਣੂ ਹਮਲੇ ਦੀ ਯੋਜਨਾ ਬਣਾਈ ਸੀ ਜਦੋਂ ਰੂਸੀ ਫੌਜ ਨੂੰ ਇੱਕ ਤੋਂ ਬਾਅਦ ਇੱਕ ਝਟਕੇ ਦਾ ਸਾਹਮਣਾ ਕਰਨਾ ਪਿਆ ਸੀ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਪ੍ਰਧਾਨ ਮੰਤਰੀ (Prime Minister) ਨਰਿੰਦਰ ਮੋਦੀ (Narender Modi) ਅਤੇ ਚੀਨ (China) ਵਰਗੇ ਦੇਸ਼ਾਂ ਦੇ ਦਖਲ ਨੇ ਪੁਤਿਨ ਨੂੰ ਪ੍ਰਮਾਣੂ ਯੋਜਨਾਵਾਂ ਨੂੰ ਛੱਡਣ ਲਈ ਮਜਬੂਰ ਕੀਤਾ ਹੋ ਸਕਦਾ ਹੈ। ਪੀ.ਐਮ. ਮੋਦੀ ਨੇ ਹਮੇਸ਼ਾ ਰੂਸੀ ਰਾਸ਼ਟਰਪਤੀ ਪੁਤਿਨ ਅਤੇ ਵੱਖਰੇ ਤੌਰ 'ਤੇ ਜੰਗ ਨੂੰ ਤੁਰੰਤ ਰੋਕਣ ਦੀ ਅਪੀਲ ਕੀਤੀ ਹੈ। ਪੀ.ਐਮ. ਮੋਦੀ ਦਾ ਬਿਆਨ, "ਅੱਜ ਜੰਗ ਦਾ ਸਮਾਂ ਨਹੀਂ ਹੈ" ਕਾਫੀ ਮਸ਼ਹੂਰ ਹੋਇਆ ਸੀ। ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਵੀ ਸੰਯੁਕਤ ਰਾਸ਼ਟਰ ਦੇ ਮੰਚ ਤੋਂ ਪੀ.ਐਮ. ਮੋਦੀ ਦੀ ਤਾਰੀਫ ਕਰ ਦੇ ਹੋਏ ਇਸਨੂੰ ਦੁਹਰਾਇਆ ਸੀ।
ਰਿਪੋਰਟ ਮੁਤਾਬਕ 2022 'ਚ ਅਮਰੀਕੀ ਅਧਿਕਾਰੀ ਉਦੋਂ ਚਿੰਤਤ ਹੋ ਗਏ ਜਦੋਂ ਉਨ੍ਹਾਂ ਨੂੰ ਡਰ ਸੀ ਕਿ ਯੂਕਰੇਨ 'ਚ ਵਧਦੀਆਂ ਚੁਣੌਤੀਆਂ ਦੇ ਮੱਦੇਨਜ਼ਰ ਰੂਸ ਰਣਨੀਤਕ ਪ੍ਰਮਾਣੂ ਹਥਿਆਰਾਂ ਦੀ ਵਰਤੋਂ ਕਰ ਸਕਦਾ ਹੈ। ਇਹ ਉਦੋਂ ਸੀ ਜਦੋਂ ਯੂਕਰੇਨ ਦੀਆਂ ਫੌਜਾਂ ਦੱਖਣ ਵਿੱਚ ਰੂਸ ਦੇ ਕਬਜ਼ੇ ਵਾਲੇ ਖੇਰਸਨ ਵੱਲ ਅੱਗੇ ਵਧ ਰਹੀਆਂ ਸਨ। ਰਿਪੋਰਟ ਦੇ ਮੁਤਾਬਕ ਰੂਸ ਨੂੰ ਚਿੰਤਾ ਹੋ ਗਈ ਸੀ ਕਿ ਜੇ ਯੂਕਰੇਨੀ ਫੌਜਾਂ ਨੇ ਅੱਗੇ ਵਧਣਾ ਜਾਰੀ ਰੱਖਿਆ ਤਾਂ ਖੇਰਸਨ ਵਿੱਚ ਉਸ ਦੀ ਫੌਜਾਂ ਨੂੰ ਘੇਰਿਆ ਅਤੇ ਨਸ਼ਟ ਕੀਤਾ ਜਾ ਸਕਦਾ ਹੈ। ਅਮਰੀਕੀ ਅਧਿਕਾਰੀਆਂ ਦਾ ਮੰਨਣਾ ਸੀ ਕਿ ਅਜਿਹੇ ਭਾਰੀ ਨੁਕਸਾਨ ਕ੍ਰੇਮਲਿਨ ਨੂੰ ਗੈਰ-ਰਵਾਇਤੀ/ਪ੍ਰਮਾਣੂ ਸਾਧਨਾਂ ਦੀ ਵਰਤੋਂ ਕਰਨ ਲਈ ਪ੍ਰੇਰਿਤ ਕਰ ਸਕਦੇ ਹਨ।
CNN ਨੇ ਇੱਕ ਸੀਨੀਅਰ ਅਮਰੀਕੀ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ, "ਜੇਕਰ ਵੱਡੀ ਗਿਣਤੀ ਵਿੱਚ ਰੂਸੀ ਫੌਜਾਂ 'ਤੇ ਹਮਲਾ ਕੀਤਾ ਗਿਆ - ਜੇਕਰ ਉਨ੍ਹਾਂ ਦੀਆਂ ਜਾਨਾਂ ਨੂੰ ਨੁਕਸਾਨ ਪਹੁੰਚਿਆ ਗਿਆ - ਤਾਂ ਇਹ ਰੂਸੀ ਖੇਤਰ ਜਾਂ ਰੂਸੀ ਰਾਜ ਲਈ ਸਿੱਧੇ ਸੰਭਾਵੀ ਖਤਰੇ ਦਾ ਸੰਦੇਸ਼ ਜਾਵੇਗਾ।"
ਅਮਰੀਕੀ ਅਧਿਕਾਰੀ ਨੇ ਅੱਗੇ ਕਿਹਾ, “ਉਸ ਸਮੇਂ ਖੇਰਸਨ ਵਿੱਚ ਵਧਦੇ ਸੰਕੇਤ ਸਨ ਕਿ ਰੂਸੀ ਰੱਖਿਆ ਲਾਈਨਾਂ ਢਹਿ ਸਕਦੀਆਂ ਹਨ। ਹਜ਼ਾਰਾਂ ਰੂਸੀ ਸੈਨਿਕ ਸੰਭਾਵੀ ਤੌਰ 'ਤੇ ਕਮਜ਼ੋਰ ਸਨ।''
ਇਸ ਸਿਧਾਂਤ ਤੋਂ ਇਲਾਵਾ, ਬਾਈਡਨ ਪ੍ਰਸ਼ਾਸਨ ਕੋਲ ਨਵੀਂ ਸੰਵੇਦਨਸ਼ੀਲ ਖੁਫੀਆ ਜਾਣਕਾਰੀ ਤੱਕ ਪਹੁੰਚ ਸੀ, ਜੋ ਪ੍ਰਮਾਣੂ ਹਮਲੇ ਦੀ ਸੰਭਾਵਨਾ ਵੱਲ ਇਸ਼ਾਰਾ ਕਰਦੇ ਸਨ।
ਇਹ ਖ਼ਬਰਾਂ ਵੀ ਪੜ੍ਹੋ:
-