Gadar 2: 200 ਕਰੋੜ ਦਾ ਅੰਕੜਾ ਪਾਰ ਕਰਨ ਤੋਂ ਬਾਅਦ ਸੰਨੀ ਦਿਓਲ ਨੇ ਮਨਾਇਆ ਜਸ਼ਨ, ਦੇਖੋ ਵੀਡੀਓ
Gadar 2: ਪੰਜ ਦਿਨਾਂ ਵਿੱਚ 200 ਕਰੋੜ ਦਾ ਅੰਕੜਾ ਪਾਰ ਕਰਨ ਤੋਂ ਬਾਅਦ ਸੰਨੀ ਦਿਓਲ ਅਤੇ ਉਨ੍ਹਾਂ ਦੀ ਟੀਮ ਬਹੁਤ ਖੁਸ਼ ਹੈ। ਸਨੀ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਉਹ ਪ੍ਰਾਈਵੇਟ ਜੈੱਟ 'ਚ ਬੈਠੇ ਨਜ਼ਰ ਆ ਰਹੇ ਹਨ। ਇਸ ਪ੍ਰਾਈਵੇਟ ਜੈੱਟ ਦੇ ਅੰਦਰ ਬੈਠ ਕੇ ਸੰਨੀ ਅਤੇ ਉਨ੍ਹਾਂ ਦੀ ਟੀਮ 'ਗਦਰ 2' ਦੇ ਸ਼ਾਨਦਾਰ ਕਲੈਕਸ਼ਨ ਦਾ ਆਨੰਦ ਲੈਂਦੇ ਨਜ਼ਰ ਆਏ। ਇਸ ਵੀਡੀਓ 'ਚ ਸੰਨੀ ਅਤੇ ਉਨ੍ਹਾਂ ਦੀ ਟੀਮ ਕਾਫੀ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ।
ਪ੍ਰਾਈਵੇਟ ਜੈੱਟ ਦਾ ਵੀਡੀਓ ਵਾਇਰਲ
ਵੀਡੀਓ 'ਚ ਸੰਨੀ ਦਿਓਲ ਸੀਟ 'ਤੇ ਬੈਠੇ ਨਜ਼ਰ ਆ ਰਹੇ ਹਨ ਅਤੇ ਉਨ੍ਹਾਂ ਦੀ ਟੀਮ ਦੇ ਕਈ ਮੈਂਬਰ ਆਲੇ-ਦੁਆਲੇ ਖੜ੍ਹੇ ਹਨ। ਵੀਡੀਓ 'ਚ ਸੰਨੀ ਨੇ ਸਫੇਦ ਰੰਗ ਦੀ ਪੈਂਟ ਦੇ ਨਾਲ ਸਫੈਦ ਰੰਗ ਦੀ ਕਮੀਜ਼ ਪਾਈ ਹੋਈ ਹੈ ਅਤੇ ਉਸ ਦੇ ਚਿਹਰੇ 'ਤੇ ਖੁਸ਼ੀ ਸਾਫ ਦਿਖਾਈ ਦੇ ਰਹੀ ਹੈ।
ਵੀਡੀਓ 'ਚ ਸੰਨੀ ਦਿਓਲ ਦੀ ਟੀਮ ਦਾ ਇਕ ਮੈਂਬਰ ਇਹ ਕਹਿੰਦੇ ਹੋਏ ਨਜ਼ਰ ਆ ਰਿਹਾ ਹੈ ਕਿ ਅਸੀਂ 200 ਕਰੋੜ ਤੋਂ ਪਾਰ ਹੋ ਗਏ ਹਾਂ। ਇਸ ਤੋਂ ਬਾਅਦ ਹਰ ਕੋਈ ਤਾੜੀਆਂ ਵਜਾਉਂਦਾ ਨਜ਼ਰ ਆ ਰਿਹਾ ਹੈ। ਸੰਨੀ ਦੀ ਇਸ ਵੀਡੀਓ ਨੂੰ ਦੇਖ ਕੇ ਸਾਫ ਹੈ ਕਿ ਫਿਲਮ ਦੀ ਇਸ ਸ਼ਾਨਦਾਰ ਸਫਲਤਾ ਤੋਂ ਉਨ੍ਹਾਂ ਦੀ ਟੀਮ ਅਤੇ ਉਹ ਖੁਦ ਕਾਫੀ ਖੁਸ਼ ਹਨ।
ਪੰਜ ਦਿਨਾਂ 'ਚ ਟੁੱਟਿਆ ਰਿਕਾਰਡ
ਸੰਨੀ ਦਿਓਲ ਦੀ ਫਿਲਮ ਨੇ ਪੰਜਵੇਂ ਦਿਨ 55.40 ਕਰੋੜ ਦੀ ਕਮਾਈ ਕਰ ਲਈ ਹੈ। ਬਾਕੀ 4 ਦਿਨਾਂ ਦੇ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਪਹਿਲੇ ਦਿਨ 40.10 ਕਰੋੜ ਅਤੇ ਦੂਜੇ ਦਿਨ 43.08 ਕਰੋੜ, ਤੀਜੇ ਦਿਨ 51.70 ਕਰੋੜ ਅਤੇ ਚੌਥੇ ਦਿਨ 38.70 ਕਰੋੜ ਦਾ ਕਲੈਕਸ਼ਨ ਕਰ ਲਿਆ ਹੈ। ਦੂਜੇ ਪਾਸੇ ਪੰਜਵੇਂ ਦਿਨ ਦੇ ਕਲੈਕਸ਼ਨ ਸਮੇਤ ਫਿਲਮ ਨੇ ਹੁਣ ਤੱਕ ਕੁੱਲ 228.98 ਕਰੋੜ ਦਾ ਕਲੈਕਸ਼ਨ ਕਰ ਲਿਆ ਹੈ। ਫਿਲਮ ਦੀ ਸਟਾਰਕਾਸਟ ਇਸ ਫਿਲਮ ਦੇ ਜ਼ਬਰਦਸਤ ਕਲੈਕਸ਼ਨ ਤੋਂ ਕਾਫੀ ਖੁਸ਼ ਹੈ।
- PTC NEWS
