Jio 10 Year : ਜੀਓ ਨੇ ਪੰਜਾਬ, ਹਰਿਆਣਾ ਤੇ ਹਿਮਾਚਲ 'ਚ ਜੂਨ 2026 ਤੱਕ ਸੰਯੁਕਤ ਰੂਪ ਵਿਚ 31.4% ਦੇ CAGR ਨਾਲ 2.36 ਕਰੋੜ ਗਾਹਕ ਜੋੜੇ : ਟ੍ਰਾਈ
ਰਿਲਾਇੰਸ ਜੀਓ ਨੇ ਆਪਣੀ ਵਪਾਰਕ ਸ਼ੁਰੂਆਤ ਤੋਂ ਬਾਅਦ ਪਹਿਲੇ ਦਹਾਕੇ ਵਿੱਚ ਪੰਜਾਬ, ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ ਵਾਇਰਲੈੱਸ ਮੋਬਾਈਲ ਬਾਜ਼ਾਰ ਵਿੱਚ ਵੱਡੀ ਕ੍ਰਾਂਤੀ ਲਿਆ ਦਿੱਤੀ ਹੈ। ਜਦੋਂ ਜੀਓ ਨੇ ਸਤੰਬਰ 2016 ਵਿੱਚ ਟੈਲੀਕਾਮ ਮਾਰਕੀਟ ਵਿੱਚ ਪ੍ਰਵੇਸ਼ ਕੀਤਾ ਸੀ, ਤਾਂ ਸ਼ਾਇਦ ਹੀ ਕਿਸੇ ਨੇ ਸੋਚਿਆ ਹੋਵੇਗਾ ਕਿ ਕੁਝ ਸਾਲਾਂ ਵਿੱਚ ਹੀ ਪੂਰੇ ਉਦਯੋਗ ਦਾ ਚਿਹਰਾ ਬਦਲ ਜਾਵੇਗਾ। ਜੀਓ 5 ਸਤੰਬਰ ਨੂੰ ਆਪਣੇ ਦਸ ਸਾਲ ਪੂਰੇ ਕਰਨ ਜਾ ਰਿਹਾ ਹੈ।
ਪੰਜਾਬ, ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਟੈਲੀਕਾਮ ਸਰਕਲਾਂ ਵਿੱਚ ਆਪਣੇ ਪਹਿਲੇ ਦਹਾਕੇ ਵਿੱਚ, ਰਿਲਾਇੰਸ ਜੀਓ ਨੈਟ ਮੋਬਾਈਲ ਗਾਹਕਾਂ ਦੇ ਵਾਧੇ ਦੇ ਮਾਮਲੇ ਵਿੱਚ ਨਿਰਵਿਵਾਦ ਮੋਹਰੀ ਰਿਹਾ ਹੈ। ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ਼ ਇੰਡੀਆ (ਟ੍ਰਾਈ) ਦੇ ਅਨੁਸਾਰ, ਅਗਸਤ 2016 ਵਿੱਚ ਜ਼ੀਰੋ ਗਾਹਕ ਅਧਾਰ ਨਾਲ ਸ਼ੁਰੂਆਤ ਕਰਨ ਵਾਲੇ ਜੀਓ ਨੇ ਪਹਿਲੇ ਮਹੀਨੇ (ਸਤੰਬਰ 2016) ਵਿੱਚ ਹੀ ਇਨ੍ਹਾਂ ਤਿੰਨਾਂ ਰਾਜਾਂ ਵਿੱਚ ਕੁੱਲ 16.5 ਲੱਖ ਗਾਹਕ ਜੋੜ ਦਿੱਤੇ ਸਨ। ਟ੍ਰਾਈ ਦੀ ਤਾਜ਼ਾ ਰਿਪੋਰਟ ਅਨੁਸਾਰ, ਜੂਨ 2026 ਤੱਕ, ਇਹ ਅੰਕੜਾ 2.2 ਕਰੋੜ ਦੇ ਸ਼ੁੱਧ ਵਾਧੇ ਅਤੇ 31.4% ਦੀ ਕੰਪੌਂਡ ਸਾਲਾਨਾ ਵਿਕਾਸ ਦਰ (ਸੀਏਜੀਆਰ ) ਦੇ ਨਾਲ 2.36 ਕਰੋੜ ਹੋ ਗਿਆ ਹੈ। ਇਹ 31.4% ਦਾ ਸੀਏਜੀਆਰ ਮੌਜੂਦਾ ਟੈਲੀਕਾਮ ਆਪਰੇਟਰਾਂ ਨਾਲੋਂ ਬਹੁਤ ਜ਼ਿਆਦਾ ਹੈ। ਟ੍ਰਾਈ ਅਨੁਸਾਰ, ਜੂਨ 2026 ਤੱਕ, ਜੀਓ ਕੋਲ ਖੇਤਰ ਵਿੱਚ ਕੁੱਲ 7.21 ਕਰੋੜ ਮੋਬਾਈਲ ਕਨੈਕਸ਼ਨਾਂ ਵਿੱਚੋਂ 32.8% ਹਿੱਸਾ ਹੈ, ਜਿਹਨਾਂ ਵਿੱਚੋਂ ਜੀਓ ਦੇ ਪੰਜਾਬ ਵਿੱਚ 1.17 ਕਰੋੜ, ਹਰਿਆਣਾ ਵਿੱਚ 82.7 ਲੱਖ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ 36 ਲੱਖ ਮੋਬਾਈਲ ਗਾਹਕ ਹਨ।
ਇਸ ਤੋਂ ਇਲਾਵਾ, ਇਨ੍ਹਾਂ ਰਾਜਾਂ ਦੇ ਵਿਸ਼ਾਲ ਪੇਂਡੂ ਅਤੇ ਸ਼ਹਿਰੀ ਖੇਤਰਾਂ ਵਿੱਚ ਡਿਜੀਟਲ ਪਹੁੰਚ ਨੂੰ ਵਧਾਉਂਦਿਆਂ ਹੋਏ, ਜੀਓ ਨੇ ਪੰਜਾਬ ਵਿੱਚ 13 ਲੱਖ ਤੋਂ ਵੱਧ ਘਰਾਂ ਅਤੇ ਵਪਾਰਕ ਇਮਾਰਤਾਂ, ਹਰਿਆਣਾ ਵਿੱਚ 6.5 ਲੱਖ ਇਮਾਰਤਾਂ ਅਤੇ ਹਿਮਾਚਲ ਪ੍ਰਦੇਸ਼ ਵਿੱਚ 1.8 ਲੱਖ ਇਮਾਰਤਾਂ ਨੂੰ ਜੀਓ ਫਾਈਬਰ ਅਤੇ ਜੀਓ ਏਅਰ ਫਾਈਬਰ ਸੇਵਾਵਾਂ ਨਾਲ ਜੋੜ ਕੇ ਇਕ ਨਵਾ ਇਤਿਹਾਸ ਰਚਿ ਦਿੱਤਾ ਹੈ। ਇਹ ਸੇਵਾਵਾਂ ਹਾਈ-ਸਪੀਡ ਬ੍ਰਾਡਬੈਂਡ ਅਤੇ ਵਿਸ਼ਵ ਪੱਧਰੀ ਘਰੇਲੂ ਮਨੋਰੰਜਨ ਦੀ ਪੇਸ਼ਕਸ਼ ਕਰਦੀਆਂ ਹਨ। ਜੀਓ ਇਸ ਖੇਤਰ ਵਿੱਚ ਘਰੇਲੂ ਬ੍ਰਾਡਬੈਂਡ ਸੈਗਮੈਂਟ ਵਿੱਚ ਨਿਰਵਿਵਾਦ ਮਾਰਕੀਟ ਲੀਡਰ ਹੈ।
ਜੀਓ ਦੀ ਬੇਸ਼ੁਮਾਰ ਤਰੱਕੀ ਦੇ ਮੁੱਖ ਕਾਰਨ
ਅੱਜ, ਜੀਓ ਦੇ ਦੇਸ਼ ਭਰ ਵਿੱਚ ਲਗਭਗ 53.33 ਕਰੋੜ ਗਾਹਕ ਹਨ, ਜਿਹਨਾਂ ਵਿਚੋਂ 28.5 ਕਰੋੜ 5ਜੀ ਗਾਹਕ ਸ਼ਾਮਲ ਹਨ। ਜੀਓ ਦੇ ਲਾਂਚ ਤੋਂ ਪਹਿਲਾਂ, ਕਾਲ ਦਰਾਂ ਅਤੇ ਡਾਟਾ ਚਾਰਜ ਗਾਹਕਾਂ ਲਈ ਮੁੱਖ ਚਿੰਤਾਵਾਂ ਸਨ। ਜੀਓ ਨੇ ਕਿਫਾਇਤੀ ਡੇਟਾ ਅਤੇ ਮੁਫਤ ਕਾਲਿੰਗ ਦੀ ਰਣਨੀਤੀ ਅਪਣਾ ਕੇ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਕਰ ਦਿੱਤੀ ਅਤੇ ਗਾਹਕਾਂ ਨੂੰ ਇਨ੍ਹਾਂ ਦੋਵਾਂ ਚਿੰਤਾਵਾਂ ਤੋਂ ਮੁਕਤ ਕੀਤਾ। ਇੱਕ ਦਹਾਕਾ ਪਹਿਲਾਂ, ਭਾਰਤੀ ਖਪਤਕਾਰ ਮੋਬਾਈਲ ਡਾਟਾ ਦੀ ਵਰਤੋਂ ਨਾਪ ਤੋਲ ਕੇ ਮੈਗਾਬਾਈਟ ਵਿੱਚ ਕਰਦੇ ਸੀ। ਅੱਜ, ਦੇਸ਼ ਵਿੱਚ ਡਾਟਾ ਖਪਤ ਇੰਨੀ ਜ਼ਿਆਦਾ ਹੈ ਕਿ ਬਹੁਤ ਘੱਟ ਬਾਜ਼ਾਰ ਇਸਦਾ ਮੁਕਾਬਲਾ ਕਰ ਸਕਦੇ ਹਨ। ਇਸ ਤਬਦੀਲੀ ਦੇ ਪਿੱਛੇ ਜੀਓ ਦੀ ਇੱਕ ਵੱਡੀ ਕਹਾਣੀ ਹੈ, ਜੋ ਕਿ ਕਨੈਕਟੀਵਿਟੀ ਨੂੰ ਕਿਫਾਇਤੀ ਬਣਾਉਣ ਤੋਂ ਲੈ ਕੇ ਅਜਿਹੀ ਤਕਨਾਲੋਜੀ, ਡਿਵਾਈਸਾਂ ਅਤੇ ਮਜ਼ਬੂਤ ਡਿਜੀਟਲ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ਤੱਕ ਦੀ ਯਾਤਰਾ ਹੈ।
2016 ਵਿੱਚ, ਭਾਰਤ ਵਿੱਚ ਪ੍ਰਤੀ ਗਾਹਕ ਔਸਤ ਮਾਸਿਕ ਮੋਬਾਈਲ ਡੇਟਾ ਖਪਤ 0.2 ਜੀਬੀ ਤੋਂ ਘੱਟ ਸੀ। ਇੱਕ ਗੀਗਾਬਾਈਟ ਡੇਟਾ ਦੀ ਕੀਮਤ ਲਗਭਗ 228 ਰੁਪਏ ਸੀ। 1 ਕਰੋੜ ਤੋਂ ਵੀ ਘੱਟ ਭਾਰਤੀਆਂ ਕੋਲ 4ਜੀ ਨੈਟਵਰਕ ਤੱਕ ਪਹੁੰਚ ਸੀ, ਅਤੇ ਔਸਤ ਡਾਊਨਲੋਡ ਸਪੀਡ ਮੁਸ਼ਕਿਲ ਨਾਲ 2.5 ਐਮਬੀਪੀਐਸ ਦੇ ਆਸ-ਪਾਸ ਹੁੰਦੀ ਸੀ। ਫਿਰ ਆਇਆ ਜੀਓ । ਇਸ ਤੋਂ ਬਾਅਦ ਸਿਰਫ਼ ਟੈਲੀਕਾਮ ਕੀਮਤਾਂ ਦੀ ਲੜਾਈ ਹੀ ਨਹੀਂ ਹੋਈ, ਸਗੋਂ ਇਸਨੇ ਭਾਰਤੀਆਂ ਦੇ ਇੰਟਰਨੈੱਟ ਨਾਲ ਰਿਸ਼ਤੇ ਨੂੰ ਹੀ ਬਦਲ ਦਿੱਤਾ। ਅੱਜ, ਇੱਕ ਦਹਾਕੇ ਬਾਅਦ, ਇੱਕ ਗੀਗਾਬਾਈਟ ਦੀ ਕੀਮਤ ਲਗਭਗ 7.9 ਰੁਪਏ ਹੈ, ਜੋ ਕਿ ਲਗਭਗ 97 ਪ੍ਰਤੀਸ਼ਤ ਘੱਟ ਹੈ। ਦੇਸ਼ ਭਰ ਵਿੱਚ ਐਕਟਿਵ 4ਜੀ ਅਤੇ 5ਜੀ ਗਾਹਕਾਂ ਦੀ ਗਿਣਤੀ ਲਗਭਗ 93.8 ਕਰੋੜ ਹੋ ਗਈ ਹੈ। ਜੀਓ ਦੇ ਨੈਟਵਰਕ 'ਤੇ, ਇੱਕ ਔਸਤ ਗਾਹਕ ਹੁਣ ਪ੍ਰਤੀ ਮਹੀਨਾ 42.3 ਜੀਬੀ ਡੇਟਾ ਦੀ ਵਰਤੋਂ ਕਰਦਾ ਹੈ।
ਪਿਛਲੀਆਂ ਪੀੜ੍ਹੀਆਂ ਦੇ ਟੈਲੀਕਾਮ ਨੈਟਵਰਕ ਵੱਡੇ ਪੱਧਰ 'ਤੇ ਆਯਾਤ ਕੀਤੇ ਮਲਕੀਅਤ ਵਾਲੇ ਹਾਰਡਵੇਅਰ ਅਤੇ ਸੌਫਟਵੇਅਰ 'ਤੇ ਅਧਾਰਤ ਸਨ, ਜਿਸ ਕਾਰਨ ਆਪਰੇਟਰਾਂ ਨੂੰ ਨਾ ਸਿਰਫ਼ ਉਪਕਰਣਾਂ ਲਈ, ਸਗੋਂ ਤਕਨਾਲੋਜੀ ਅੱਪਗ੍ਰੇਡਾਂ ਅਤੇ ਰੋਡਮੈਪ ਲਈ ਵੀ ਵਿਦੇਸ਼ੀ ਵਿਕਰੇਤਾਵਾਂ 'ਤੇ ਨਿਰਭਰ ਰਹਿਣਾ ਪੈਂਦਾ ਸੀ। ਦੂਜੇ ਪਾਸੇ, ਜੀਓ, ਇੱਕ ਐਂਡ-ਟੂ-ਐਂਡ, ਕਲਾਉਡ-ਨੇਟਿਵ, ਸਟੈਂਡਅਲੋਨ 5ਜੀ ਨੈਟਵਰਕ ਵਿਕਸਤ ਕਰਨ ਵਿੱਚ ਲਗਾਤਾਰ ਭਾਰੀ ਨਿਵੇਸ਼ ਕਰ ਰਿਹਾ ਹੈ ਜੋ ਭਾਰਤ ਦੀ ਭੂਗੋਲਿਕ ਸਥਿਤੀ ਦੇ ਅਨੁਕੂਲ ਹੈ।
- PTC NEWS
