ਦਿੱਲੀ ਮੈਟਰੋ ਦਾ ਵੀਡੀਓ ਫਿਰ ਹੋਇਆ ਵਾਇਰਲ, ਦੋ ਕੁੜੀਆਂ ਨੇ ਲੋਕਾਂ ਵਿਚਾਲੇ ਕੀਤਾ ਪੋਲ ਡਾਂਸ

Delhi Metro: ਦਿੱਲੀ ਮੈਟਰੋ ਦੀ ਵਾਇਰਲ ਹੋਈ ਵੀਡੀਓ ਨੂੰ ਦੇਖ ਕੇ ਲੱਗਦਾ ਹੈ ਕਿ ਲੋਕ ਸੋਸ਼ਲ ਮੀਡੀਆ 'ਤੇ ਖੁਦ ਨੂੰ ਮਸ਼ਹੂਰ ਹੋਂਣ ਲਈ ਮੈਟਰੋ ਦਾ ਸਹਾਰਾ ਲੈਣ ਲੱਗ ਪਏ ਹਨ। ਪਿਛਲੇ ਕੁਝ ਦਿਨਾਂ 'ਚ ਦਿੱਲੀ ਮੈਟਰੋ ਦੇ ਕਈ ਵੀਡੀਓ ਵਾਇਰਲ ਹੋਏ ਹਨ। ਦਿੱਲੀ ਮੈਟਰੋ ਵਿੱਚ ਵੀ ਲੋਕਾਂ ਵੱਲੋਂ ਅਸ਼ਲੀਲ ਹਰਕਤਾਂ ਕਰਨ ਦੇ ਕਈ ਵੀਡੀਓ ਵਾਇਰਲ ਹੋ ਚੁੱਕੇ ਹਨ। DMRC ਦੇ ਦਿਸ਼ਾ-ਨਿਰਦੇਸ਼ਾਂ ਦੇ ਬਾਵਜੂਦ ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਅਜਿਹੇ ਵੀਡੀਓ ਲਗਾਤਾਰ ਸਾਹਮਣੇ ਆ ਰਹੇ ਹਨ। ਦਿੱਲੀ ਮੈਟਰੋ ਦਾ ਇੱਕ ਅਜਿਹਾ ਹੀ ਵੀਡੀਓ ਇੱਕ ਵਾਰ ਫਿਰ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਦੋ ਲੜਕੀਆਂ ਮੈਟਰੋ 'ਚ ਡਾਂਸ ਕਰਦੀਆਂ ਨਜ਼ਰ ਆ ਰਹੀਆਂ ਹਨ।

ਦਿੱਲੀ ਮੈਟਰੋ 'ਚ ਪੋਲ ਡਾਂਸ ਦਾ ਵੀਡੀਓ ਵਾਇਰਲ

ਦਿੱਲੀ ਮੈਟਰੋ ਪ੍ਰਸ਼ਾਸਨ ਦੇ ਦਿਸ਼ਾ-ਨਿਰਦੇਸ਼ਾਂ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਚੱਲਦੀ ਮੈਟਰੋ ਦਾ ਇੱਕ ਹੋਰ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵਾਰ ਮੈਟਰੋ 'ਚ ਦੋ ਕੁੜੀਆਂ ਪੋਲ ਡਾਂਸ ਕਰਦੀਆਂ ਨਜ਼ਰ ਆ ਰਹੀਆਂ ਹਨ। ਮੈਟਰੋ 'ਚ ਕਈ ਲੋਕ ਬੈਠੇ ਹਨ ਅਤੇ ਕਈ ਲੋਕ ਖੜ੍ਹੇ ਹੋ ਕੇ ਆਪਣਾ ਸਫਰ ਤੈਅ ਕਰ ਰਹੇ ਹਨ, ਇਸ ਸਭ ਦੇ ਵਿਚਕਾਰ ਇਹ ਦੋਵੇਂ ਲੜਕੀਆਂ ਡਾਂਸ ਕਰਨ ਲੱਗੀਆਂ। ਇਹ ਦੋਵੇਂ ਕੁੜੀਆਂ ਮੈਟਰੋ ਦੇ ਅੰਦਰ ਖੰਭੇ ਨੂੰ ਫੜ ਕੇ ਡਾਂਸ ਕਰ ਰਹੀਆਂ ਹਨ। ਵੀਡੀਓ 'ਚ ਉੱਥੇ ਮੌਜੂਦ ਲੋਕ ਬੇਚੈਨ ਨਜ਼ਰ ਆ ਰਹੇ ਹਨ ਪਰ ਇਹ ਦੋਵੇਂ ਲੜਕੀਆਂ ਬੇਫਿਕਰ ਹਨ ਅਤੇ 'ਮੁਝਸੇ ਕਰ ਲੋ ਸ਼ਾਦੀ ਵਾਲੇ' ਗੀਤ 'ਤੇ ਡਾਂਸ ਕਰ ਰਹੀਆਂ ਹਨ।

ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ। ਇਸ ਵੀਡੀਓ ਦਾ ਮਜ਼ਾ ਲੈਂਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ ਕਿ ਇਸ ਦਾ ਮਕਸਦ ਦਿੱਲੀ ਅਤੇ ਦਿੱਲੀ ਮੈਟਰੋ 'ਚ ਸੈਰ-ਸਪਾਟੇ ਨੂੰ ਉਤਸ਼ਾਹਿਤ ਕਰਨਾ ਹੈ। ਪਿਛਲੇ ਦਿਨੀਂ ਦਿੱਲੀ ਮੈਟਰੋ ਤੋਂ ਕਾਵੜੀਆਂ ਦੇ ਨੱਚਣ ਦਾ ਵੀਡੀਓ ਵਾਇਰਲ ਹੋਇਆ ਸੀ, ਜਿਸ ਤੋਂ ਬਾਅਦ ਡੀਐਮਆਰਸੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਸੀ ਕਿ ਦਿੱਲੀ ਮੈਟਰੋ ਵਿੱਚ ਮਰਿਆਦਾ ਦਾ ਪਾਲਣ ਕੀਤਾ ਜਾਵੇ। ਅਜਿਹਾ ਕੁਝ ਨਾ ਕਰੋ ਜਿਸ ਨਾਲ ਹੋਰ ਯਾਤਰੀਆਂ ਨੂੰ ਅਸੁਵਿਧਾ ਹੋਵੇ। ਦਿੱਲੀ ਮੈਟਰੋ 'ਚ ਪਿਛਲੇ 6 ਮਹੀਨਿਆਂ 'ਚ ਅਜਿਹੇ ਵੀਡੀਓ ਵਾਇਰਲ ਹੋਏ ਹਨ, ਜੋ ਕਾਫੀ ਅਸ਼ਲੀਲ ਸਨ। ਅਜਿਹੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਕਈ ਯੂਜ਼ਰਸ ਨੇ ਦਿੱਲੀ ਮੈਟਰੋ ਪ੍ਰਸ਼ਾਸਨ ਦੀ ਆਲੋਚਨਾ ਵੀ ਕੀਤੀ ਹੈ।