Ajab Gajab : ਸਭ ਤੋਂ ਬਜ਼ੁਰਗ 142 ਸਾਲ ਦੇ ਵਿਅਕਤੀ ਦੀ ਮੌਤ ! 134 ਪੋਤੇ-ਪੋਤੀਆਂ, ਆਖਰੀ ਵਾਰ 110 ਸਾਲ ਦੀ ਉਮਰ 'ਚ ਕੀਤਾ ਸੀ ਵਿਆਹ
Oldest Man Dies at Age 142 : ਸਾਊਦੀ ਅਰਬ ਦੇ ਸਭ ਤੋਂ ਬਜ਼ੁਰਗ ਜੀਵਤ ਵਿਅਕਤੀ ਮੰਨੇ ਜਾਣ ਵਾਲੇ ਨਾਸਿਰ ਬਿਨ ਰਾਦਾਨ ਅਲ ਰਾਸ਼ਿਦ ਅਲ ਵਦਾਈ ਦਾ 142 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਦੱਖਣੀ ਸਾਊਦੀ ਅਰਬ ਦੇ ਦਹਰਾਨ ਅਲ ਜਨੌਬ ਵਿੱਚ ਅੰਤਿਮ ਸੰਸਕਾਰ ਦੀ ਨਮਾਜ਼ ਅਦਾ ਕੀਤੀ ਗਈ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਉਨ੍ਹਾਂ ਦੇ ਜੱਦੀ ਪਿੰਡ ਅਲ ਰਾਸ਼ਿਦ ਵਿੱਚ ਦਫ਼ਨਾਇਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ 7,000 ਤੋਂ ਵੱਧ ਲੋਕ ਇਕੱਠੇ ਹੋਏ ਸਨ।
ਪੁਰਾਣੇ ਸਾਊਦੀ ਅਰਬ ਦਾ ਆਖਰੀ ਗਵਾਹ ਸੀ ਨਾਸਿਰ
ਨਾਸਿਰ ਅਲ ਵਦਾਈ ਦਾ ਜਨਮ ਉਸ ਸਮੇਂ ਹੋਇਆ ਸੀ, ਜਦੋਂ ਸਾਊਦੀ ਅਰਬ ਅਜੇ ਇੱਕਜੁੱਟ ਨਹੀਂ ਹੋਇਆ ਸੀ। ਉਨ੍ਹਾਂ ਨੇ ਰਾਜਾ ਅਬਦੁਲਅਜ਼ੀਜ਼ ਅਤੇ ਮੌਜੂਦਾ ਰਾਜਾ ਸਲਮਾਨ ਦੇ ਯੁੱਗ ਦੇਖੇ ਸਨ। ਉਨ੍ਹਾਂ ਦੀ ਜ਼ਿੰਦਗੀ ਨੂੰ ਸਾਊਦੀ ਅਰਬ ਦੇ ਸਮਾਜਿਕ, ਰਾਜਨੀਤਿਕ ਅਤੇ ਆਰਥਿਕ ਬਦਲਾਵਾਂ ਦਾ ਇੱਕ ਜਿਉਂਦਾ ਜਾਗਦਾ ਗਵਾਹ ਮੰਨਿਆ ਜਾਂਦਾ ਹੈ। ਲੋਕ ਉਨ੍ਹਾਂ ਨੂੰ ਉਸ ਪੀੜ੍ਹੀ ਦਾ ਆਖਰੀ ਗਵਾਹ ਕਹਿੰਦੇ ਹਨ, ਜਿਸਨੇ ਸਾਊਦੀ ਅਰਬ ਨੂੰ ਇੱਕ ਕਬਾਇਲੀ ਸਮਾਜ ਤੋਂ ਇੱਕ ਆਧੁਨਿਕ ਰਾਸ਼ਟਰ ਵਿੱਚ ਬਦਲਦੇ ਦੇਖਿਆ।
110 ਸਾਲ ਦੀ ਉਮਰ 'ਚ ਕੀਤਾ ਸੀ ਆਖਰੀ ਵਾਰ ਵਿਆਹ
ਪਰਿਵਾਰ ਦੇ ਅਨੁਸਾਰ, ਨਾਸਿਰ ਅਲ ਵਦਾਈ, ਇੱਕ ਬਹੁਤ ਹੀ ਧਾਰਮਿਕ ਵਿਅਕਤੀ ਸੀ। ਉਸਨੇ ਆਪਣੀ ਜ਼ਿੰਦਗੀ ਵਿੱਚ 40 ਤੋਂ ਵੱਧ ਵਾਰ ਹੱਜ ਕੀਤੀ, ਜੋ ਆਪਣੇ ਆਪ ਵਿੱਚ ਇੱਕ ਮਹੱਤਵਪੂਰਨ ਪ੍ਰਾਪਤੀ ਹੈ। ਇਸੇ ਕਰਕੇ ਲੋਕ ਉਸਨੂੰ ਨਾ ਸਿਰਫ਼ ਲੰਬੀ ਉਮਰ ਦਾ ਪ੍ਰਤੀਕ ਮੰਨਦੇ ਸਨ, ਸਗੋਂ ਮਜ਼ਬੂਤ ਵਿਸ਼ਵਾਸ ਅਤੇ ਸਬਰ ਦਾ ਪ੍ਰਤੀਕ ਵੀ ਮੰਨਦੇ ਸਨ। ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਨੇ ਆਖਰੀ ਵਾਰ 110 ਸਾਲ ਦੀ ਉਮਰ ਵਿੱਚ ਵਿਆਹ ਕੀਤਾ ਅਤੇ ਬਾਅਦ ਵਿੱਚ ਇੱਕ ਧੀ ਦਾ ਪਿਤਾ ਬਣਿਆ।
ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਲੋਕ ਉਨ੍ਹਾਂ ਨੂੰ ਵਿਸ਼ਵਾਸ, ਸਬਰ ਅਤੇ ਲੰਬੀ ਉਮਰ ਦਾ ਪ੍ਰਤੀਕ ਕਹਿ ਰਹੇ ਹਨ। ਕਈ ਯੂਜ਼ਰਸ ਨੇ ਲਿਖਿਆ ਕਿ ਨਾਸਿਰ ਅਲ ਵਦਾਈ ਸਿਰਫ਼ ਇੱਕ ਇਨਸਾਨ ਹੀ ਨਹੀਂ, ਸਗੋਂ ਸਾਊਦੀ ਅਰਬ ਦੇ ਇੱਕ ਜੀਵਤ ਇਤਿਹਾਸ ਦੀ ਕਿਤਾਬ ਸਨ।Saudi Arabia’s oldest man, Nasser bin Radan Al-Rashid Al-Wada‘i, has passed away at 142. Born in 1884, he had 7 wives and a family of 134 including children and grandchildren. He last married at 110 with a 29 year old girl and wished to marry again at 130. pic.twitter.com/XdLfqS9Cxh — Baba Banaras™ (@RealBababanaras) January 15, 2026
- PTC NEWS
