ਲੁਧਿਆਣਾ: ਲੁਧਿਆਣਾ ਦੇ ਗਿੱਲ ਰੋਡ 'ਤੇ ਬੀਤੀ ਰਾਤ ਉਸ ਸਮੇਂ ਸਹਿਮ ਦਾ ਮਾਹੌਲ ਬਣ ਗਿਆ, ਜਦੋਂ ਇਥੇ ਪਲਾਟ ਦੀ ਖੁਦਾਈ ਦੌਰਾਨ ਬੰਬ ਮਿਲੇ। ਇਸ ਬਾਰੇ ਜਦੋਂ ਮਜ਼ਦੂਰਾਂ ਨੂੰ ਪਤਾ ਲੱਗਿਆ ਤਾਂ ਉਹਨਾਂ ਨੇ ਤੁਰੰਤ ਸਥਾਨਕ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ ਤੋਂ ਬਾਅਦ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ 10-15 ਬੰਬ ਬਰਾਮਦ ਕੀਤੇ, ਜੋ ਕਿ ਜੰਗ ਲੱਗੇ ਹੋਏ ਸਨ, ਜਿਸ 'ਚ ਕਈ ਰਾਕੇਟ ਲਾਂਚਰ ਦੇ ਖੋਲ ਸਨ ਅਤੇ ਕਈ ਹੱਥਗੋਲੇ ਸਨ।
ਮਿਲੀ ਜਾਣਕਾਰੀ ਮੁਤਾਬਕ ਗੁਰਪ੍ਰੀਤ ਕੌਰ ਨਾਂ ਦੀ ਔਰਤ ਨੇ ਪਲਾਟ ਲਿਆ ਸੀ ਤੇ ਦੋ ਦਿਨ ਪਹਿਲਾਂ ਹੀ ਉਸ ਨੇ ਠੇਕੇਦਾਰ ਨੂੰ ਖੁਦਾਈ ਕਰਨ ਦਾ ਕੰਮ ਦਿੱਤਾ। ਠੇਕੇਦਾਰ ਦਾ ਵਰਕਰ ਪਲਾਟ ਦੀ ਖੁਦਾਈ ਕਰ ਰਿਹਾ ਸੀ ਐਤਵਾਰ ਦੇਰ ਸ਼ਾਮ ਖੋਦਾਈ ਦੌਰਾਨ ਉਸ ਨੂੰ ਬੰਬ ਮਿਲਿਆ।
ਹੋਰ ਪੜ੍ਹੋ: ਅੰਮ੍ਰਿਤਸਰ: 1 ਕਿਲੋ ਹੈਰੋਇਨ ਸਮੇਤ 2 ਨਸ਼ਾ ਤਸਕਰ ਚੜੇ ਪੁਲਿਸ ਅੜਿੱਕੇ
ਉਧਰ ਚੌਕੀ ਮਰਾਂਡੋ ਇੰਚਾਰਜ ਅਸ਼ਵਨੀ ਕੁਮਾਰ ਮੁਤਾਬਕ ਹੁਣ ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਹੋਰ ਵੀ ਖੁਦਾਈ ਦੌਰਾਨ ਇਸ ਤਰ੍ਹਾਂ ਦੇ ਬੰਬ ਮਿਲ ਸਕਦੇ ਹਨ। ਇਸ ਲਈ ਸਵੇਰੇ ਫਿਰ ਤੋਂ ਖੁਦਾਈ ਕਰਵਾਈ ਜਾਵੇਗੀ, ਫਿਲਹਾਲ ਜ਼ਿਆਦਾਤਰ ਖੋਲ ਹਨ ਤੇ ਘਬਰਾਉਣ ਵਾਲੀ ਗੱਲ ਨਹੀਂ ਹੈ।
-PTC News