Box-Office ‘ਤੇ ਕੈਰੀ ਆਨ ਜੱਟਾ 3 ਦੀ ਧਮਾਕੇਦਾਰ ਕਮਾਈ, ਫਿਲਮ 100 ਕਰੋੜ ਦੇ ਕਲੱਬ ‘ਚ ਸ਼ਾਮਲ
Carry On Jatta 3: ਪੰਜਾਬੀ ਸੁਪਰਸਟਾਰ ਗਿੱਪੀ ਗਰੇਵਾਲ ਤੇ ਸੋਨਮ ਬਾਜਵਾ ਦੀ ਫ਼ਿਲਮ 'ਕੈਰੀ ਆਨ ਜੱਟਾ 3' ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਇਹ ਫ਼ਿਲਮ ਹੁਣ ਇਕਲੌਤੀ ਪੰਜਾਬੀ ਫਿਲਮ ਬਣ ਗਈ ਹੈ, ਜਿਸ ਨੇ ਬਾਕਸ-ਆਫਿਸ 'ਤੇ 100 ਕਰੋੜ ਰੁਪਏ ਦੇ ਕਲੱਬ 'ਚ ਪ੍ਰਵੇਸ਼ ਕੀਤਾ ਹੈ।
ਡ੍ਰੀਮ-ਰਨ ਦਾ ਆਨੰਦ ਮਾਣਦੇ ਹੋਏ, ਦੁਨੀਆ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਪੰਜਾਬੀ ਫਿਲਮ ਨੇ ਆਪਣੀ ਰਿਲੀਜ਼ ਤੋਂ ਬਾਅਦ ਦੁਨੀਆ ਭਰ ਵਿੱਚ, 10 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। 'ਕੈਰੀ ਆਨ ਜੱਟਾ 3' ਰਣਨੀਤਕ ਤੌਰ 'ਤੇ 29 ਜੂਨ ਨੂੰ ਈਦ ਦੀਆਂ ਛੁੱਟੀਆਂ ਤੋਂ ਪਹਿਲਾਂ ਰਿਲੀਜ਼ ਕੀਤੀ ਗਈ ਸੀ ਤਾਂ ਜੋ ਵਿਸਤ੍ਰਿਤ ਵੀਕਐਂਡ ਦਾ ਵੱਧ ਤੋਂ ਵੱਧ ਲਾਭ ਉਠਾਇਆ ਜਾ ਸਕੇ।
???????????? https://t.co/hHcpiCscry
— Gippy Grewal (@GippyGrewal) July 21, 2023
ਗਿੱਪੀ ਗਰੇਵਾਲ ਨੇ ਆਪਣੇ ਅਧਿਕਾਰਿਤ ਟਵਿੱਟਰ ਅਕਾਊਂਟ ਉੱਤੇ ਟਵੀਟ ਪਾ ਕੇ ਆਪਣੀ ਫ਼ਿਲਮ ਦੇ ਸਾਥੀਆਂ ਤੇ ਕਲਾਕਾਰਾਂ ਨੂੰ ਵਧਾਈ ਦਿੱਤੀ ਤੇ ਧੰਨਵਾਦ ਕਿਹਾ। ਇਸ ਦੇ ਨਾਲ ਹੀ ਗਿੱਪੀ ਨੇ ਆਪਣੇ ਫੈਨਜ਼ ਨੂੰ ਵੀ ਉਨ੍ਹਾਂ ਦਾ ਸਮਰਥਨ ਤੇ ਉਨ੍ਹਾਂ ਨੂੰ ਖੂਬ ਸਾਰਾ ਪਿਆਰ ਦੇਣ ਲਈ ਧੰਨਵਾਦ ਕੀਤਾ।
ਜਿਵੇਂ ਹੀ ਫਿਲਮ ਚੌਥੇ ਹਫਤੇ ਵਿੱਚ ਦਾਖਲ ਹੋਈ, ਅਭਿਨੇਤਾ-ਨਿਰਮਾਤਾ ਗਿੱਪੀ ਗਰੇਵਾਲ ਨੇ ਇੱਕ ਬਿਆਨ ਵਿੱਚ ਕਿਹਾ, "ਅਸੀਂ ਦੁਨੀਆ ਭਰ ਤੋਂ ਆ ਰਹੇ ਸਾਰੇ ਸੰਦੇਸ਼ਾਂ ਅਤੇ ਪ੍ਰਸ਼ੰਸਾ ਲਈ ਬਹੁਤ ਧੰਨਵਾਦੀ ਹਾਂ। ਮੈਂ ਦਰਸ਼ਕਾਂ ਦਾ ਧੰਨਵਾਦੀ ਹਾਂ, ਅਤੇ ਇਹ ਦਰਸ਼ਕ ਹਨ ਜੋ ਸਾਨੂੰ ਇਸ ਦੇ ਯੋਗ ਬਣਾਉਂਦੇ ਹਨ। ਇਤਿਹਾਸ ਰਚਣਾ ਅਤੇ 100 ਕਰੋੜ ਰੁਪਏ ਨੂੰ ਛੂਹਣਾ ਸਾਨੂੰ ਆਉਣ ਵਾਲੀਆਂ ਫਿਲਮਾਂ ਲਈ ਹੋਰ ਮਜ਼ਬੂਤ ਬਣਾਉਂਦਾ ਹੈ।"
- PTC NEWS
