ਫ਼ਿਲਮੀ ਅਦਾਕਾਰਾ ਕੰਗਨਾ ਰਣੌਤ ਵਿਰੁੱਧ ਇਕ ਹੋਰ ਸ਼ਿਕਾਇਤ ਹੋਈ ਦਰਜ, ਟਵੀਟ ਰਾਹੀਂ ਦਿੱਤੀ ਪ੍ਰਤੀਕਿਰਿਆ

ਜ਼ਿਕਰਯੋਗ ਹੈ ਕਿ ਕੰਗਨਾ 'ਤੇ ਨਿਆਂਪਾਲਕ ਦਾ ਮਜ਼ਾਕ ਉਡਾਉਣ ਦਾ ਦੋਸ਼ ਲੱਗਾ ਹੈ । ਵਕੀਲ ਨੇ ਸ਼ਿਕਾਇਤ 'ਚ ਕਿਹਾ ਹੈ ਕਿ ਕੰਗਨਾ ਰਣੌਤ ਨੇ ਭਾਰਤ ਦੇ ਵਿਭਿੰਨ ਸਮੁਦਾਇ , ਕਾਨੂੰਨ ਅਤੇ ਦੇਸ਼ ਦੀਆਂ Official government bodies ਦਾ ਨਿਰਾਦਰ ਕੀਤਾ ਹੈ , ਇਥੋਂ ਤੱਕ ਕਿ ਨਿਆਂ ਵਿਵਸਥਾ ਦਾ ਵੀ ਮਜ਼ਾਕ ਉਡਾਇਆ ਹੈ । ਇਸ ਉਪਰੰਤ ਕੋਰਟ ਦੇ ਆਦੇਸ਼ ਅਨੁਸਾਰ ਉਸ 'ਤੇ ਐੱਫਆਈਆਰ ਦਰਜ ਕੀਤੀ ਗਈ ਹੈ । ਕੰਗਨਾ ਨੇ ਕੋਰਟ ਦੇ ਫ਼ੈਸਲੇ 'ਤੇ ਪੱਪੂ ਸੈਨਾ ਸ਼ਬਦ ਇਸਤੇਮਾਲ ਕੀਤਾ ਸੀ , ਇਸ ਮਾਮਲੇ ਦੀ ਸੁਣਵਾਈ 10 ਨਵੰਬਰ ਨੂੰ ਹੋਣ ਬਾਰੇ ਕਿਹਾ ਜਾ ਰਿਹਾ ਹੈ ।

ਦੱਸਣਯੋਗ ਹੈ ਕਿ ਇਸ ਸਬੰਧ 'ਚ ਕੰਗਨਾ ਵੱਲੋਂ ਕੁਝ ਦੇਰ ਪਹਿਲਾਂ ਟਵੀਟ ਕੀਤਾ ਗਿਆ ਹੈ , ਜਿਸ ਵਿੱਚ ਉਸਨੇ ਕਿਹਾ ਹੈ ਕਿ ਜਿਵੇਂ ਰਾਣੀ ਲਕਸ਼ਮੀ ਬਾਈ ਦਾ ਕਿਲ੍ਹਾ ਤੋੜਿਆ ਗਿਆ ਸੀ , ਮੇਰਾ ਘਰ ਤੋੜਿਆ ਗਿਆ , ਜਿਵੇਂ ਸਾਵਰਕਰ ਜੀ ਨੂੰ ਵਿਦਰੋਹ ਲਈ ਜੇਲ੍ਹ 'ਚ ਭੇਜਿਆ ਗਿਆ ਸੀ , ਮੈਨੂੰ ਵੀ ਜੇਲ੍ਹ ਭੇਜਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ । ਨਾਲ ਹੀ ਉਸਨੇ ਆਮਿਰ ਖ਼ਾਨ ਨੂੰ ਵੀ ਟੈਗ ਕੀਤਾ ਹੈ ।

ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਪੁਲਿਸ ਇਕ ਹੋਰ ਮਾਮਲੇ 'ਚ ਦਰਜ ਰਿਪੋਰਟ ਦੇ ਆਧਾਰ 'ਤੇ ਸ਼ਿਕਾਇਤ 'ਚ ਕੰਗਨਾ ਰਣੌਤ ਅਤੇ ਉਸਦੀ ਭੈਣ ਰੰਗੋਲੀ ਚੰਦੇਲ ਨੂੰ ਮੁੰਬਈ ਪੁਲਿਸ ਵੱਲੋਂ ਸੰਮਨ ਜਾਰੀ ਕੀਤੇ ਗਏ ਹਨ ਅਤੇ ਅਗਲੇ ਹਫ਼ਤੇ ਉਹਨਾਂ ਨੂੰ ਪੁੱਛਗਿੱਛ ਵਾਸਤੇ ਸੱਦਿਆ ਗਿਆ ਹੈ। ਦੋਨਾਂ ਦੇ ਵਿਰੁੱਧ ਬਾਂਦਰਾ ਮੈਟਰੋਪੋਲਿਟਿਨ ਮਜਿਸਟਰੇਟ ਦੇ ਹੁਕਮ 'ਤੇ ਸ਼ਿਕਾਇਤ ਦਰਜ ਕੀਤੀ ਗਈ ਹੈ ।

ਐਡਕਰੀ ਐਕਸਪ੍ਰੈੱਸ ਅੰਡਰ ਕਾਸ਼ੀਫ ਖਾਨ ਦੇਸ਼ਮੁੱਖ ਨੇ ਕੰਗਨਾ ਵੱਲੋਂ ਆਪਣੇ ਟਵਿੱਟਰ ਰਾਹੀਂ ਦੋ ਭਾਈਚਾਰਿਆਂ ਵਿਚਕਾਰ ਮੱਤਭੇਦ ਪੈਦਾ ਕਰਨ ਲਈ ਅੰਧੇਰੀ ਮਜਿਸਟਰੇਟ ਕੋਰਟ 'ਚ ਸ਼ਿਕਾਇਤ ਦਰਜ ਕੀਤੀ ਹੈ । ਸ਼ਿਕਾਇਤ 'ਚ ਕਿਹਾ ਗਿਆ ਕਿ ਅਦਾਕਾਰਾ ਕੰਗਨਾ ਦੇ ਮਨ 'ਚ ਦੇਸ਼ ਅਤੇ ਕਾਨੂੰਨ ਪ੍ਰਤੀ ਬਿਲਕੁੱਲ ਵੀ ਸਨਮਾਨ ਨਹੀਂ ਹੈ ।