ਸੰਗਰੂਰ ਦੇ ਥਾਣਾ ਛਾਜਲੀ 'ਚ ਬੰਦੂਕ ਸਾਫ ਕਰਦਿਆ ਅਚਾਨਕ ਚੱਲੀ ਗੋਲੀ ,ਮੁਨਸ਼ੀ ਦੀ ਮੌਤ
Shanker Badra
July 19th 2018 05:07 PM --
Updated:
July 19th 2018 05:12 PM
ਸੰਗਰੂਰ ਦੇ ਥਾਣਾ ਛਾਜਲੀ 'ਚ ਬੰਦੂਕ ਸਾਫ ਕਰਦਿਆ ਅਚਾਨਕ ਚੱਲੀ ਗੋਲੀ ,ਮੁਨਸ਼ੀ ਦੀ ਮੌਤ:ਜ਼ਿਲ੍ਹਾ ਸੰਗਰੂਰ ਦੇ ਥਾਣਾ ਛਾਜਲੀ ਵਿਖੇ ਤਾਇਨਾਤ ਮੁਨਸ਼ੀ ਗੁਰਵਿੰਦਰ ਸਿੰਘ ਦੀ ਬੰਦੂਕ ਸਾਫ ਕਰਦਿਆ ਅਚਾਨਕ ਗੋਲੀ ਚੱਲਣ ਨਾਲ ਮੌਤ ਹੋ ਗਈ ਹੈ।
ਜਾਣਕਰੀ ਅਨੁਸਾਰ ਮੁਨਸ਼ੀ ਗੁਰਵਿੰਦਰ ਸਿੰਘ ਸਵੇਰੇ ਤਿਆਰ ਹੋ ਕੇ ਛਾਜਲੀ ਦੇ ਥਾਣੇ 'ਚ ਡਿਊਟੀ 'ਤੇ ਗਿਆ ਸੀ।ਜਿਸ ਤੋਂ ਬਾਅਦ ਇਹ ਹਾਦਸਾ ਵਾਪਰਿਆ ਹੈ।ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਗੁਰਵਿੰਦਰ ਸਿੰਘ ਦੇ ਸਿਰ 'ਚ ਗੋਲੀ ਇੱਕ ਸਾਈਡ ਲੱਗ ਕੇ ਦੂਜੇ ਪਾਸੇ ਤੋਂ ਨਿਕਲ ਗਈ।
ਥਾਣਾ ਮੁਖੀ ਛਾਜਲੀ ਦੀਪਇੰਦਰ ਸਿੰਘ ਨੇ ਦੱਸਿਆ ਕਿ ਗੁਰਵਿੰਦਰ ਸਿੰਘ ਥਾਣੇ 'ਚ ਮੁਨਸ਼ੀ ਵਜੋਂ ਤਾਇਨਾਤ ਸੀ ਅਤੇ ਅਸਲੇ ਦੀ ਸਾਫ-ਸਫਾਈ ਕਰ ਰਿਹਾ ਸੀ।
ਉਨ੍ਹਾਂ ਨੇ ਦੱਸਿਆ ਕਿ ਬੰਦੂਕ ਦੇ ਮੁੱਠੇ 'ਤੇ ਤੇਲ ਲੱਗਿਆ ਹੋਇਆ ਸੀ,ਜਿਸ ਦੇ ਸਲਿੱਪ ਹੋਣ ਕਾਰਨ ਅਚਾਨਕ ਗੋਲੀ ਚੱਲੀ ਅਤੇ ਹਾਦਸਾ ਵਾਪਰ ਗਿਆ।ਉਨ੍ਹਾਂ ਨੇ ਕਿਹਾ ਕਿ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਜਾ ਰਿਹਾ ਹੈ।
-PTCNews