ਜਾਣਕਾਰੀ ਦਾ ਭੰਡਾਰ ਹੈ ਇਹ 11 ਸਾਲ ਦਾ ਬੱਚਾ, ਬੀ.ਟੈੱਕ, ਐੱਮ.ਟੈੱਕ ਵਿਦਿਆਰਥੀਆਂ ਨੂੰ ਪਾਉਂਦਾ ਹੈ ਪੜ੍ਹਨੇ!!
ਜਾਣਕਾਰੀ ਦਾ ਭੰਡਾਰ ਹੈ ਇਹ 11 ਸਾਲ ਦਾ ਬੱਚਾ, ਬੀ.ਟੈੱਕ, ਐੱਮ.ਟੈੱਕ ਵਿਦਿਆਰਥੀਆਂ ਨੂੰ ਪਾਉਂਦਾ ਹੈ ਪੜ੍ਹਨੇ!,ਹੈਦਰਾਬਾਦ: ਜਿਸ 11 ਸਾਲ ਦੀ ਉਮਰ ਵਿੱਚ ਆਮ ਤੌਰ 'ਤੇ ਬੱਚਿਆਂ ਨੂੰ ਇਹ ਤੱਕ ਨਹੀਂ ਪਤਾ ਹੁੰਦਾ ਹੈ ਕਿ ਉਹ ਜੋ ਪੜ੍ਹ ਰਹੇ ਹਨ, ਉਹ ਕਿਸ ਕੰਮ ਆਵੇਗਾ, ਉਸ ਉਮਰ ਦਾ ਇੱਕ ਬੱਚਾ ਬੀ.ਟੈਕ ਅਤੇ ਐਮ.ਟੈਕ ਦੇ ਵਿਦਿਆਰਥੀਆਂ ਨੂੰ ਕੰਪਿਊਟਰ ਪ੍ਰੋਗਰਾਮਿੰਗ ਦੀ ਟਿਊਸ਼ਨ ਦਿੰਦਾ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਹੈਦਰਾਬਾਦ ਦੇ ਰਹਿਣ ਵਾਲੇ ਮੋਹੰਮਦ ਅਲੀ ਹਸਨ ( 11 ) ਇਸ ਕੰਮ ਲਈ ਕੋਈ ਫੀਸ ਵੀ ਨਹੀਂ ਲੈਂਦੇ ਹਨ। ਸੂਤਰਾਂ ਅਨੁਸਾਰ ਹਸਨ 7ਵੀਂ ਕਲਾਸ ਦਾ ਵਿਦਿਆਰਥੀ ਹੈ।ਅਤੇ ਉਨ੍ਹਾਂ ਦਾ ਸੁਫ਼ਨਾ ਹੈ ਕਿ ਉਹ 2020 ਤੱਕ ਹਜ਼ਾਰ ਇੰਜੀਨੀਅਰਿੰਗ ਵਿਦਿਆਰਥੀਆਂ ਨੂੰ ਕੋਚਿੰਗ ਦੇ ਸਕੇ।ਹਸਨ ਵੀ ਬਾਕੀ ਬੱਚਿਆਂ ਦੀ ਤਰ੍ਹਾਂ ਸਕੂਲ ਜਾਂਦੇ ਹਨ, ਹੋਮਵਰਕ ਕਰਦੇ ਹਨ ਅਤੇ ਖੇਡਦੇ ਵੀ ਹਨ।
ਪਰ ਸ਼ਾਮ ਨੂੰ ਉਨ੍ਹਾਂ ਦਾ ਟੀਚਰ ਰੂਪ ਦੇਖਣ ਨੂੰ ਮਿਲਦਾ ਹੈ।ਇਸ ਮੌਕੇ ਹਸਨ ਨੇ ਦੱਸਿਆ, ਮੈਂ ਪਿਛਲੇ ਇੱਕ ਸਾਲ ਤੋਂ ਇਹ ਕਲਾਸ ਚਲਾ ਰਿਹਾ ਹਾਂ। ਮੈਂ 3 ਵਜੇ ਸਕੂਲ ਤੋਂ ਆਉਂਦਾ ਹਾਂ। ਉਸ ਦੇ ਬਾਅਦ ਆਪਣਾ ਹੋਮ ਵਰਕ ਪੂਰਾ ਕਰਦਾ ਹਾਂ ਅਤੇ ਖੇਡਦਾ ਹਾਂ। ਸ਼ਾਮ ਨੂੰ 6 ਵਜੇ ਮੈਂ ਟਿਊਸ਼ਨ ਕਲਾਸ ਲੈਣ ਚਲਾ ਜਾਂਦਾ ਹਾਂ।
ਹੋਰ ਪੜ੍ਹੋ: ਪੰਜਾਬ ‘ਚ ਡੇਂਗੂ ਦਾ ਕਹਿਰ ਲਗਾਤਾਰ ਜਾਰੀ, ਹਸਪਤਾਲਾਂ ‘ਚ ਵਧਾਈ ਮਰੀਜ਼ਾਂ ਦੀ ਗਿਣਤੀ, ਪੜ੍ਹੋ ਪੂਰੀ ਖਬਰ
ਆਪਣੀ ਇਸ ਯੋਗਤਾ ਦੇ ਪਿੱਛੇ ਦਾ ਕਾਰਨ ਦੱਸਦੇ ਹੋਏ ਹਸਨ ਨੇ ਕਿਹਾ, ਮੈਂ ਇੰਟਰਨੈਟ 'ਤੇ ਇੱਕ ਵੀਡੀਓ ਵੇਖ ਰਿਹਾ ਸੀ ਜਿਸ ਵਿੱਚ ਕੁੱਝ ਇੰਜਿਨਿਅਰਸ ਚੰਗੀ ਯੋਗਤਾ ਹੋਣ ਦੇ ਬਾਵਜੂਦ ਛੋਟੇ - ਮੋਟੇ ਕੰਮ ਕਰ ਰਹੇ ਸਨ। ਬਾਅਦ ਵਿੱਚ ਮੈਂ ਇਸ ਦੀ ਵਜ੍ਹਾ ਦਾ ਪਤਾ ਲਗਾਉਣਾ ਚਾਹਿਆ ਤਾਂ ਪਤਾ ਚੱਲਿਆ ਕਿ ਬੇਸਿਕ ਕਮਿਉਨਿਕੇਸ਼ਨ ਅਤੇ ਟੈਕਨੀਕਲ ਸਕਿੱਲ ਹੈ, ਜਿਸ ਦੀ ਕਮੀ ਦੇ ਚਲਦੇ ਇਸ ਇੰਜਿਨਿਅਰਸ ਦੇ ਨਾਲ ਅਜਿਹਾ ਹੁੰਦਾ ਹੈ।
—PTC News