ਪੂਰਬੀ ਇੰਡੋਨੇਸ਼ੀਆ ਵਿਚ ਐਤਵਾਰ ਨੂੰ ਇਕ ਜਵਾਲਾਮੁਖੀ ਫਟਣ ਤੋਂ ਬਾਅਦ ਤਕਰੀਬਨ 2,800 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਇਆ ਗਿਆ ਹੈ । ਜਵਾਲਾਮੁਖੀ ਦੀ ਸਵਾਹ ਆਸਮਾਨ ਵਿਚ 4,000 ਤਕਰੀਬਨ (13,120 ਫੁੱਟ) ਮੀਟਰ ਦੀ ਉੱਚਾਈ ਤੱਕ ਉਠੀ ਅਤੇ ਹਜ਼ਾਰਾਂ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਾਇਆ ਗਿਆ। 'ਡਿਜ਼ਾਸਟਰ ਮਿਟਿਗੇਸ਼ਨ ਏਜੰਸੀ' ਦੇ ਬੁਲਾਰੇ ਰਾਦਿਤਯ ਜੈਤੀ ਨੇ ਦੱਸਿਆ ਕਿ ਜਵਾਲਾਮੁਖੀ ਈਸਟ ਨੁਸਾ ਤੇਂਗਾਰਾ ਸੂਬੇ ਵਿਚ ਫੁੱਟਿਆ।
ਮਾਊਂਟ ਇਲੀ ਲੇਵੋਟੋਲੋਕ ਨਾਮ ਦੇ ਜਵਾਲਾਮੁਖੀ ਦੇ ਆਲੇ-ਦੁਆਲੇ ਸਥਿਤ ਘੱਟੋ-ਘੱਟ 28 ਪਿੰਡਾਂ ਦੇ ਕਰੀਬ 2,800 ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ 'ਤੇ ਲਿਜਾਇਆ ਗਿਆ। ਹਾਲੇ ਤੱਕ ਕਿਸੇ ਦੇ ਜ਼ਖਮੀ ਹੋਣ ਦੀ ਖ਼ਬਰ ਨਹੀਂ ਹੈ। ਟ੍ਰਾਂਸਪੋਰਟ ਮੰਤਰਾਲੇ ਨੇ ਕਿਹਾ ਕਿ ਧਮਾਕੇ ਤੋਂ ਬਾਅਦ ਉਡਾਣਾਂ ਬਾਰੇ ਇਕ ਚਿਤਾਵਨੀ ਜਾਰੀ ਕੀਤੀ ਗਈ ਅਤੇ ਕਿਹਾ ਗਿਆ ਹੈ,
ਕਿ ਹਵਾਈ ਅੱਡਾ ਬੰਦ ਕਰ ਦਿੱਤਾ ਗਿਆ ਕਿਉਂਕਿ ਸਵਾਹ ਆਸਮਾਨ ਤੱਕ ਖਿੱਲਰੀ ਹੋਈ ਹੈ। ਇਸ ਦੇ ਨਾਲ ਹੀ ਉਡਾਣਾਂ ਸੰਬੰਧੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਇੱਥੇ ਦੱਸ ਦਈਏ ਕਿ ਇੰਡੋਨੇਸ਼ੀਆ ਵਿਚ 120 ਤੋਂ ਵੱਧ ਕਿਰਿਆਸ਼ੀਲ ਜਵਾਲਾਮੁਖੀ ਹਨ।
17 ਸਾਲਾ ਮੁਹੰਮਦ ਇਲਹਾਮ ਇਸ ਧਮਾਕੇ ਦੀ ਗਵਾਹੀ ਦਿੱਤੀ, ਅਤੇ ਉਹਨਾਂ ਦੱਸਿਆ ਕਿ ਧਮਾਕੇ ਤੋਂ ਬਾਅਦ ਨੇੜਲੇ ਵਸਨੀਕ ਘਬਰਾ ਗਏ ਸਨ ਅਤੇ ਉਹ ਅਜੇ ਵੀ ਪਨਾਹ ਦੀ ਭਾਲ ਕਰ ਰਹੇ ਹਨ ਅਤੇ ਇਸ ਸਮੇਂ ਪੈਸੇ ਦੀ ਜ਼ਰੂਰਤ ਹੈ।
ਜ਼ਿਕਰਯੋਗ ਹੈ ਕਿ ਇੰਡੋਨੇਸ਼ੀਆ ਦੇ ਜੁਆਲਾਮੁਖੀ ਅਤੇ ਭੂ-ਵਿਗਿਆਨ ਖ਼ਤਰੇ ਤੋਂ ਬਚਾਅ ਕੇਂਦਰ ਨੇ ਆਪਣੀ ਵੈਬਸਾਈਟ 'ਤੇ ਕਿਹਾ ਹੈ ਕਿ ਜੁਆਲਾਮੁਖੀ ਦੇ ਨੇੜੇ ਦਾ ਖੇਤਰ "ਗਰਮ ਬੱਦਲਾਂ, ਲਾਵਾ ਧਾਰਾ, ਲਾਵਾ ਬਰਫੀਲੇ, ਅਤੇ ਜ਼ਹਿਰੀਲੀ ਗੈਸ" ਨਾਲ ਡੁੱਬਣ ਦੀ ਸੰਭਾਵਨਾ ਹੈ।