ਭਰਤੀ ਹੋਣ ਲਈ ਆਏ ਨੌਜਵਾਨਾਂ 'ਤੇ ਡਿੱਗੀ ਪੀਏਪੀ ਦੀ ਕੰਧ, ਕਈਆਂ ਨੂੰ ਲੱਗਿਆ ਕਰੰਟ
ਭਰਤੀ ਹੋਣ ਲਈ ਆਏ ਨੌਜਵਾਨਾਂ 'ਤੇ ਡਿੱਗੀ ਪੀਏਪੀ ਦੀ ਕੰਧ, ਕਈਆਂ ਨੂੰ ਲੱਗਿਆ ਕਰੰਟ:ਜਲੰਧਰ : ਜਲੰਧਰ ਸ਼ਹਿਰ 'ਚ ਏਅਰ ਫੋਰਸ ਦੀ ਭਰਤੀ ਚੱਲ ਰਹੀ ਹੈ ,ਜਿਸ ਕਾਰਨ ਐਤਵਾਰ ਨੂੰ ਹੀ ਹਜ਼ਾਰਾਂ ਦੀ ਤਾਦਾਦ 'ਚ ਨੌਜਵਾਨ ਜਲੰਧਰ ਪਹੁੰਚ ਚੁੱਕੇ ਸਨ , ਜੋ ਸੜਕਾਂ ਅਤੇ ਚੌਂਕਾਂ 'ਤੇ ਰਹਿ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਨੌਜਵਾਨਾਂ ਨਾਲ ਰਾਤ ਵੱਡਾ ਹਾਦਸਾ ਵਾਪਰਿਆ ਹੈ।
ਭਰਤੀ ਹੋਣ ਲਈ ਆਏ ਨੌਜਵਾਨਾਂ 'ਤੇ ਡਿੱਗੀ ਪੀਏਪੀ ਦੀ ਕੰਧ, ਕਈ ਨੂੰ ਲੱਗਿਆ ਕਰੰਟ
ਇਸ ਦੌਰਾਨ ਪ੍ਰਸ਼ਾਸਨ ਵੱਲੋਂ ਉਨ੍ਹਾਂ ਦੇ ਰਾਤ ਰੁਕਣ ਲਈ ਕੋਈ ਪ੍ਰਬੰਧ ਨਹੀਂ ਕੀਤੇ ਗਏ ਸਨ, ਜਿਸ ਕਾਰਨ ਉਨ੍ਹਾਂ ਨੂੰ ਕਾਫੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਇਨ੍ਹਾਂ ਵਿਚੋਂ ਕਈ ਨੌਜਵਾਨ ਰਾਤ ਕੱਟਣ ਲਈ ਬੀਐੱਸਐੱਫ ਚੌਕ ਫੁੱਟਪਾਥ 'ਤੇ ਅਤੇ ਕਈ ਪੀਏਪੀ ਦੇ ਨਾਲ ਲੱਗਦੀਆਂ ਕੰਧਾਂ ਦੇ ਨਾਲ ਹੀ ਸੌਂ ਗਏ ਸਨ।
ਭਰਤੀ ਹੋਣ ਲਈ ਆਏ ਨੌਜਵਾਨਾਂ 'ਤੇ ਡਿੱਗੀ ਪੀਏਪੀ ਦੀ ਕੰਧ, ਕਈ ਨੂੰ ਲੱਗਿਆ ਕਰੰਟ
ਇਸ ਦੌਰਾਨ ਜ਼ਿਲਾ ਪ੍ਰਸ਼ਾਸਨ ਦੇ ਦਾਅਵਿਆ ਦੀ ਪੋਲ ਉਸ ਸਮੇਂ ਖੁੱਲ੍ਹ ਗਈ, ਜਦੋਂ ਪੀ.ਏ.ਪੀ. 'ਚ 20 ਦੇ ਕਰੀਬ ਨੌਜਵਾਨਾਂ 'ਤੇ ਕੰਧ ਡਿੱਗ ਗਈ ਅਤੇ ਕੰਧ ਡਿੱਗਣ ਦੇ ਨਾਲ ਹੀ ਉੱਪਰੋਂ ਲੰਘ ਰਹੀਆਂ ਹਾਈ ਵੋਲਟੇਜ ਤਾਰਾਂ ਵੀ ਡਿੱਗ ਪਈਆਂ ,ਜਿਸ ਨਾਲ 12 ਨੌਜਵਾਨ ਜ਼ਖ਼ਮੀ ਹੋ ਗਏ ਅਤੇ ਕਈਆਂ ਨੂੰ ਕਰੰਟ ਵੀ ਲੱਗਿਆ ਹੈ। ਇਨ੍ਹਾਂ ਜ਼ਖ਼ਮੀਆਂ 'ਚੋਂ ਦੋ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ ,ਜਿਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ।
-PTCNews