ਮੋਗਾ: ਡਰੋਲੀ ਭਾਈ ਟੂਰਨਾਮੈਂਟ 'ਤੇ ਕਬੱਡੀ ਖਿਡਾਰੀ 'ਤੇ ਚੱਲੀ ਗੋਲੀ, ਹੋਇਆ ਜ਼ਖ਼ਮੀ
ਮੋਗਾ: ਡਰੋਲੀ ਭਾਈ ਟੂਰਨਾਮੈਂਟ 'ਤੇ ਕਬੱਡੀ ਖਿਡਾਰੀ 'ਤੇ ਚੱਲੀ ਗੋਲੀ, ਹੋਇਆ ਜ਼ਖ਼ਮੀ,ਮੋਗਾ: ਬੀਤੀ ਦੇਰ ਸ਼ਾਮ ਮੋਗਾ ਦੇ ਪਿੰਡ ਡਰੋਲੀ ਭਾਈ 'ਚ ਉਸ ਸਮੇਂ ਹਫੜਾ-ਦਫੜੀ ਮੱਚ ਗਈ, ਜਦੋਂ ਇਥੇ ਕਬੱਡੀ ਟੂਰਨਾਮੈਂਟ ਦੌਰਾਨ ਇੱਕ ਖਿਡਾਰੀ 'ਤੇ ਗੋਲੀ ਚੱਲ ਗਈ। ਜਿਸ ਕਾਰਨ ਕਬੱਡੀ ਖਿਡਾਰੀ ਜ਼ਖਮੀ ਹੋ ਗਿਆ, ਜਿਸ ਨੂੰ ਤੁਰੰਤ ਨੇੜਲੇ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ।
ਜ਼ਖਮੀ ਖਿਡਾਰੀ ਨੇ ਦੱਸਿਆ ਕਿ ਉਸ ਨੂੰ ਪਤਾ ਨਹੀਂ ਕਿ ਗੋਲੀ ਕਿਸ ਵੱਲੋਂ ਚਲਾਈ ਗਈ ਹੈ। ਉਹ ਭਿੰਡਰ ਪਿੰਡ ਵੱਲੋਂ ਕਬੱਡੀ ਖੇਡਣ ਡਰੋਲੀ ਭਾਈ ਆਏ ਸੀ ਤੇ ਇਥੇ ਉਸ 'ਤੇ ਫਾਇਰਿੰਗ ਹੋ ਗਈ।
ਹੋਰ ਪੜ੍ਹੋ: BIGG BOSS 13: ਸ਼ਹਿਨਾਜ਼ ਕਾਰਨ ਆਇਆ ਨੌਮੀਨੇਸ਼ਨ 'ਚ ਟਵਿਸਟ
ਇਸ ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਸਥਾਨਕ ਪੁਲਿਸ ਮੌਕੇ 'ਤੇ ਪਹੁੰਚ ਗਈ ਤੇ ਘਟਨਾ ਸਥਾਨ ਦਾ ਜਾਇਜ਼ਾ ਲੈਂਦੇ ਹੋਏ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਇਹ ਵੀ ਪਤਾ ਲੱਗਾ ਹੈ ਕਿ ਇਕ ਖਿਡਾਰੀ ਨੂੰ ਅਗਵਾ ਵੀ ਕੀਤਾ ਗਿਆ ਹੈ। ਜਦੋਂ ਕਿ ਪੁਲਿਸ ਵਲੋਂ ਇਸ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਰਹੀ ਅਤੇ ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਦੀ ਜਾਂਚ ਉਪਰੰਤ ਹੀ ਸੱਚਾਈ ਦਾ ਪਤਾ ਲੱਗ ਸਕੇਗਾ।
ਹੋਰ ਖਬਰਾਂ ਦੇਖਣ ਲਈ ਸਾਡਾ ਯੂ-ਟਿਊਬ ਚੈਨਲ Subscribe ਕਰੋ:
-PTC News