Mouni Roy Wedding: ਨਾਗਿਨ ਸ਼ੋਅ ਦੇ ਨਾਲ ਆਪਣੇ ਕਰੀਅਰ ਦੇ ਸਿਖ਼ਰ ਤੇ ਪੁਹੰਚਣ ਵਾਲੀ ਅਦਾਕਾਰਾ ਮੌਨੀ ਰਾਏ ਦੁਬਈ ਦੇ ਬਿਜ਼ਨੈੱਸਮੈਨ ਸੂਰਜ ਨਾਂਬਿਆਰ (Suraj Nambiar) ਨਾਲ ਅੱਜ ਵਿਆਹ ਦੇ ਬੰਧਨ ਵਿੱਚ ਬੱਝ ਗਈ ਹੈ। ਦੋਹਾਂ ਨੇ ਅੱਜ ਸਵੇਰੇ ਆਪਣੇ ਪਰਿਵਾਰ, ਕਰੀਬੀ ਦੋਸਤਾਂ ਅਤੇ ਕਈ ਮਸ਼ਹੂਰ ਹਸਤੀਆਂ ਦੀ ਮੌਜੂਦਗੀ ਵਿੱਚ ਗੋਆ ਵਿੱਚ ਮਲਿਆਲੀ ਰੀਤੀ-ਰਿਵਾਜਾਂ ਅਨੁਸਾਰ ਇੱਕ ਸੁਪਨਮਈ ਵਿਆਹ ਵਿੱਚ ਗੰਠਬੰਧਨ ਵਿਚ ਬੰਨ ਗਏ ਹਨ। ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਖਬਰਾਂ ਦੇ ਅਨੁਸਾਰ ਇਹ ਜੋੜਾ ਅੱਜ ਸ਼ਾਮ ਨੂੰ ਬੰਗਾਲੀ ਰੀਤੀ-ਰਿਵਾਜਾਂ ਨਾਲ ਵਿਆਹ ਵੀ ਕਾਰਵੇਗਾ।
ਮੌਨੀ ਰਾਏ ਅਤੇ ਸੂਰਜ ਨੰਬਿਆਰ ਦੇ ਵਿਆਹ ਦੀ ਝਲਕ ਸੋਸ਼ਲ ਮੀਡੀਆ 'ਤੇ ਦੇਖੀ ਜਾ ਸਕਦੀ ਹੈ। ਇੰਟਰਨੈੱਟ 'ਤੇ ਵਾਇਰਲ ਹੋਈਆਂ ਤਸਵੀਰਾਂ ਅਤੇ ਵੀਡੀਓਜ਼ ਮੁਤਾਬਕ ਵੀਰਵਾਰ ਸਵੇਰੇ ਗੋਆ 'ਚ ਮਲਿਆਲੀ ਰੀਤੀ-ਰਿਵਾਜਾਂ ਮੁਤਾਬਕ ਦੋਹਾਂ ਦਾ ਵਿਆਹ ਹੋਇਆ। ਮੌਨੀ ਰਾਏ, ਜੋ ਕਿ ਇੱਕ ਹਿੰਦੂ ਬੰਗਾਲੀ ਪਰਿਵਾਰ ਨਾਲ ਸਬੰਧਤ ਹੈ, ਇੱਕ ਚੌੜੀ ਲਾਲ-ਬਾਰਡਰ ਵਾਲੀ ਚਿੱਟੀ ਸਾੜੀ ਵਿੱਚ ਸ਼ਾਨਦਾਰ ਦਿਖਾਈ ਦੇ ਰਹੀ ਸੀ ਜਿਸ ਵਿੱਚ ਉਸਨੇ ਕਸਟਮਾਈਜ਼ਡ ਮਠਾ ਪੱਟੀ, ਚੌੜੀਆਂ ਚੂੜੀਆਂ, ਭਾਰੀ ਝੁਮਕੀ, ਇੱਕ ਗਣਪਤੀ ਦੇ ਨਾਲ ਮਿਲ ਕੇ ਇੱਕ ਭਾਰੀ ਬ੍ਰਾਈਡਲ ਚੋਕਰ ਸੈਟ ਸਮੇਤ ਭਾਰੀ ਸੋਨੇ ਦੇ ਗਹਿਣਿਆਂ ਨਾਲ ਸਜਾਏ ਹੋਏ ਸਨ।
ਮੌਨੀ ਅਤੇ ਸੂਰਜ ਦੀਆਂ ਪ੍ਰੀ-ਵੈਡਿੰਗ ਸੈਰੇਮਨੀ ਵੀ ਗੋਆ 'ਚ ਹੋਈਆਂ ਹਨ। ਉਸ ਦੀ ਹਲਦੀ, ਮਹਿੰਦੀ ਅਤੇ ਸੰਗੀਤ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਮੰਦਿਰਾ ਬੇਦੀ, ਅਰਜੁਨ ਬਿਜਲਾਨੀ, ਓਮਕਾਰ ਕਪੂਰ, ਆਸ਼ਕਾ ਗੋਰਾਡੀਆ, ਪ੍ਰਗਿਆ ਕਪੂਰ, ਵਨੇਸਾ ਵਾਲੀਆ, ਨਿਧੀ ਕੁਰਦਾ ਸਮੇਤ ਕਈ ਹੋਰ ਸਲੇਬ੍ਰਿਟੀਜ਼ ਵੀ ਉਨ੍ਹਾਂ ਦੇ ਵਿਆਹ ਵਿੱਚ ਸ਼ਾਮਲ ਹੋਏ ਹਨ। ਦੱਸ ਦਈਏ ਕਿ ਵਿਆਹ 'ਚ ਆਏ ਸਾਰੇ ਮਹਿਮਾਨਾਂ ਤੋਂ ਵਿਆਹ ਵਾਲੀ ਥਾਂ ਦੀ ਆਰਟੀ-ਪੀਸੀਆਰ ਰਿਪੋਰਟ ਵੀ ਮੰਗੀ ਗਈ ਸੀ।
ਇਹ ਵੀ ਪੜ੍ਹੋ: ਹਰਿਆਣਾ 'ਚ ਕੋਵਿਡ ਪਾਬੰਦੀਆਂ 10 ਫਰਵਰੀ ਤੱਕ ਰਹਿਣਗੀਆਂ ਜਾਰੀ, ਹੁਣ ਸ਼ਾਮ 7 ਵਜੇ ਤੱਕ ਖੁੱਲ੍ਹਣਗੀਆਂ ਦੁਕਾਨਾਂ
ਮੌਨੀ ਪੱਛਮੀ ਬੰਗਾਲ ਦੇ ਕੂਚ ਬਿਹਾਰ ਦੀ ਰਹਿਣ ਵਾਲੀ ਹੈ ਅਤੇ ਦਿੱਲੀ ਵਿੱਚ ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਮੁੰਬਈ ਚਲੀ ਗਈ ਸੀ। ਮੌਨੀ ਦੇ ਕੰਮ ਦੀ ਗੱਲ ਕਰੀਏ ਤਾਂ ਉਹ ਜਲਦੀ ਹੀ ਅਯਾਨ ਮੁਖਰਜੀ ਦੀ 'ਬ੍ਰਹਮਾਸਤਰ' 'ਚ ਨਜ਼ਰ ਆਵੇਗੀ, ਜੋ ਤਿੰਨ ਹਿੱਸਿਆਂ 'ਚ ਬਣ ਰਹੀ ਹੈ। ਫਿਲਮ ਦਾ ਪਹਿਲਾ ਭਾਗ 9 ਸਤੰਬਰ 2022 ਨੂੰ ਰਿਲੀਜ਼ ਹੋਣ ਵਾਲਾ ਹੈ। ਫਿਲਮ 'ਚ ਮੌਨੀ ਤੋਂ ਇਲਾਵਾ ਰਣਬੀਰ ਕਪੂਰ, ਆਲੀਆ ਭੱਟ, ਅਮਿਤਾਭ ਬੱਚਨ, ਨਾਗਾਰਜੁਨ ਅਤੇ ਡਿੰਪਲ ਕਪਾਡੀਆ ਵੀ ਮੁੱਖ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ।
-PTC News