ਲਿਓਨ ਮੇਸੀ ਤੇ ਸਚਿਨ ਤੇਂਦੁਲਕਰ 'ਚ 5 ਸਮਾਨਤਾਵਾਂ, ਦੋਵੇਂ ਪਹਿਨਦੇ ਹਨ 10 ਨੰਬਰ ਜਰਸੀ
ਨਵੀਂ ਦਿੱਲੀ : ਅਰਜਨਟੀਨਾ ਦੇ ਦਿੱਗਜ ਫੁੱਟਬਾਲਰ ਲਿਓਨ ਮੇਸੀ (Leon Messi) ਲਈ 18 ਦਸੰਬਰ 2022 ਦਾ ਦਿਨ ਬਹੁਤ ਸ਼ਾਨਦਾਰ ਰਿਹਾ। 35 ਸਾਲਾ ਫੁੱਟਬਾਲਰ ਲਿਓਨ ਨੇ ਆਖਰਕਾਰ ਆਪਣੇ ਦੇਸ਼ ਅਰਜਨਟੀਨਾ ਲਈ ਵਿਸ਼ਵ ਕੱਪ ਦੀ ਟ੍ਰਾਫੀ ਚੁੱਕੀ। ਉਹ ਇੱਥੋਂ ਚੈਂਪੀਅਨ ਬਣ ਕੇ ਰਵਾਨਾ ਹੋਇਆ। ਕਤਰ ਵਿੱਚ ਖੇਡੇ ਗਏ ਫਾਈਨਲ ਵਿੱਚ ਅਰਜਨਟੀਨਾ ਨੇ ਫਰਾਂਸ (Argentina vs France) ਨੂੰ ਸ਼ੂਟਆਊਟ ਵਿੱਚ 4-2 ਨਾਲ ਹਰਾਇਆ।
ਮੇਸੀ ਨੇ ਕਤਰ ਪਹੁੰਚਦੇ ਹੀ ਕਿਹਾ ਸੀ ਕਿ ਉਹ ਵਿਸ਼ਵ ਕੱਪ ਤੋਂ ਬਾਅਦ ਸੰਨਿਆਸ ਲੈ ਲਵੇਗਾ। ਅਜਿਹੇ 'ਚ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਉਮੀਦ ਸੀ ਕਿ ਉਹ ਖਿਤਾਬ ਜਿੱਤਣ ਤੋਂ ਬਾਅਦ ਅਲਵਿਦਾ ਕਹਿ ਦੇਣਗੇ ਤੇ ਅਜਿਹਾ ਹੀ ਹੋਇਆ। ਹਾਲਾਂਕਿ, ਉਸ ਨੂੰ ਡਿਫੈਂਡਿੰਗ ਚੈਂਪੀਅਨ ਫਰਾਂਸ ਨੇ ਸਖ਼ਤ ਟੱਕਰ ਦਿੱਤੀ। ਕਈ ਮੁੱਦਿਆਂ 'ਤੇ ਉਨ੍ਹਾਂ ਦੀ ਤੁਲਨਾ ਸਾਬਕਾ ਕ੍ਰਿਕਟਰ ਤੇ ਭਾਰਤੀ ਦਿੱਗਜ ਸਚਿਨ ਤੇਂਦੁਲਕਰ (Sachin Tendulkar) ਨਾਲ ਕੀਤੀ ਜਾਂਦੀ ਹੈ। ਸਚਿਨ ਵੀ ਮੇਸੀ ਨੂੰ ਆਪਣੇ ਵਾਂਗ ਮੰਨਦੇ ਹਨ। ਅਜਿਹੀ ਸਥਿਤੀ ਵਿੱਚ, ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਗੇਮ ਦੇ ਦੋ ਵੱਖ-ਵੱਖ ਦਿੱਗਜਾਂ ਵਿੱਚ ਕਿਹੜੀਆਂ 5 ਵੱਡੀਆਂ ਸਮਾਨਤਾਵਾਂ ਹਨ…
1. ਸਚਿਨ ਤੇਂਦੁਲਕਰ ਨੇ ਆਪਣੇ ਕਰੀਅਰ 'ਚ 6 ਵਿਸ਼ਵ ਕੱਪ ਖੇਡੇ। 1992 ਤੋਂ 2011 ਤੱਕ। ਸਚਿਨ ਨੇ 2011 ਵਿੱਚ ਇਸ ਦੌਰਾਨ ਇਕੋ ਇਕ ਖ਼ਿਤਾਬ ਜਿੱਤਿਆ ਸੀ। ਯਾਨੀ ਆਪਣੇ ਆਖਰੀ ਵਿਸ਼ਵ ਕੱਪ ਵਿਚ ਉਨ੍ਹਾਂ ਨੇ ਭਾਰਤ ਲਈ ਟ੍ਰਾਫੀ ਚੁੱਕੀ। ਦੂਜੇ ਪਾਸੇ ਲਿਓਨ ਮੇਸੀ ਦਾ ਇਹ 5ਵਾਂ ਵਿਸ਼ਵ ਕੱਪ ਸੀ ਤੇ ਇਸ ਤੋਂ ਬਾਅਦ ਉਹ ਸੰਨਿਆਸ ਲੈ ਲੈਣਗੇ। ਉਸ ਨੇ ਵੀ ਸਚਿਨ ਵਾਂਗ ਆਪਣੇ ਪਿਛਲੇ ਟੂਰਨਾਮੈਂਟ 'ਚ ਖ਼ਿਤਾਬ ਜਿੱਤਿਆ ਸੀ।
2. ਸਚਿਨ ਦੀ ਤੁਲਨਾ ਹਮੇਸ਼ਾ ਵੈਸਟਇੰਡੀਜ਼ ਦੇ ਦਿੱਗਜ ਬੱਲੇਬਾਜ਼ ਬ੍ਰਾਇਨ ਲਾਰਾ ਨਾਲ ਕੀਤੀ ਜਾਂਦੀ ਰਹੀ ਹੈ। ਲਾਰਾ ਨੇ ਕਈ ਵੱਡੇ ਰਿਕਾਰਡ ਬਣਾਏ। ਜਿਵੇਂ ਕਿ ਉਹ ਟੈਸਟ ਕ੍ਰਿਕਟ 'ਚ 400 ਦੌੜਾਂ ਬਣਾਉਣ ਵਾਲਾ ਦੁਨੀਆ ਦਾ ਇਕਲੌਤਾ ਬੱਲੇਬਾਜ਼ ਹੈ ਪਰ ਉਹ ਵਿਸ਼ਵ ਕੱਪ ਦਾ ਖ਼ਿਤਾਬ ਨਹੀਂ ਜਿੱਤ ਸਕਿਆ। ਦੂਜੇ ਪਾਸੇ ਮੇਸੀ ਦੀ ਤੁਲਨਾ ਪੁਰਤਗਾਲ ਦੇ ਕ੍ਰਿਸਟੀਆਨੋ ਰੋਨਾਲਡੋ ਨਾਲ ਕੀਤੀ ਜਾਂਦੀ ਹੈ। ਹੁਣ ਰੋਨਾਲਡੋ ਵੀ ਵਿਸ਼ਵ ਕੱਪ ਨਹੀਂ ਜਿੱਤ ਸਕਣਗੇ। ਉਮਰ ਨੂੰ ਦੇਖਦੇ ਹੋਏ ਉਨ੍ਹਾਂ ਦਾ ਕਰੀਅਰ ਵੀ ਖਤਮ ਹੋਣ ਵਾਲਾ ਹੈ। ਦੂਜੇ ਪਾਸੇ ਮੇਸੀ ਨੇ ਵਿਸ਼ਵ ਕੱਪ ਜਿੱਤ ਕੇ ਆਪਣੇ ਆਪ ਨੂੰ ਮਹਾਨ ਖਿਡਾਰੀਆਂ ਦੀ ਸੂਚੀ ਵਿੱਚ ਸ਼ਾਮਲ ਕਰ ਲਿਆ ਹੈ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਨਾਜਾਇਜ਼ ਮਾਈਨਿੰਗ ਨੂੰ ਲੈ ਕੇ ਹਾਈਕੋਰਟ 'ਚ ਸੁਣਵਾਈ, ਸਰਕਾਰ ਨੇ ਆਪਣੀ ਅਰਜ਼ੀ ਵਾਪਸ ਲਈ
3. ਸਚਿਨ ਨੇ 2011 ਵਨਡੇ ਵਿਸ਼ਵ ਕੱਪ ਦੇ ਕੁਆਰਟਰ ਫਾਈਨਲ ਵਿੱਚ ਆਸਟ੍ਰੇਲੀਆ ਖਿਲਾਫ ਅਤੇ ਸੈਮੀਫਾਈਨਲ ਵਿੱਚ ਪਾਕਿਸਤਾਨ ਖਿਲਾਫ ਨੀਮ ਸੈਂਕੜੇ ਲਗਾ ਕੇ ਟੀਮ ਨੂੰ ਜਿੱਤ ਦਿਵਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ। ਦੂਜੇ ਪਾਸੇ ਮੇਸੀ ਦੀ ਗੱਲ ਕਰੀਏ ਤਾਂ ਉਸ ਨੇ ਕੁਆਰਟਰ ਫਾਈਨਲ ਵਿੱਚ ਨੀਦਰਲੈਂਡ ਖ਼ਿਲਾਫ਼ ਪੂਰੇ ਸਮੇਂ ਵਿੱਚ ਗੋਲ ਕੀਤਾ ਸੀ ਅਤੇ ਪੈਨਲਟੀ ਸ਼ੂਟਆਊਟ 'ਚ ਇਕ ਗੋਲ ਵੀ ਕੀਤਾ। ਸੈਮੀਫਾਈਨਲ 'ਚ ਵੀ ਉਸ ਨੇ ਕ੍ਰੋਏਸ਼ੀਆ ਖਿਲਾਫ਼ ਗੋਲ ਕੀਤਾ। ਮੇਸੀ ਨੇ ਫਾਈਨਲ ਵਿੱਚ ਕੁੱਲ 3 ਗੋਲ ਕੀਤੇ। ਇਸ 'ਚ ਸ਼ੂਟਆਊਟ ਦਾ ਇਕ ਗੋਲ ਵੀ ਸ਼ਾਮਲ ਹੈ।