Himanshi Khurana : ਪੰਜਾਬੀ ਇੰਡਸਟਰੀ ਦਾ ਦਲਾਲ ਕੌਣ ਹੈ...? ਅਦਾਕਾਰਾ ਹਿਮਾਂਸ਼ੀ ਖੁਰਾਣਾ ਨੇ ਕੁੜੀਆਂ ਨੂੰ ਗੁੰਮਰਾਹ ਕਰਨ ਲਈ ਕਿਸ ਤੇ ਸਾਧਿਆ ਨਿਸ਼ਾਨਾ

Punjabi Film Industry News : ਪੰਜਾਬੀ ਫਿਲਮ ਇੰਡਸਟਰੀ ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਬਹੁਤ ਸਾਰੀਆਂ ਅਭਿਨੇਤਰੀਆਂ ਦਿੱਤੀਆਂ ਹਨ, ਜੋ ਬਾਲੀਵੁੱਡ ਵਿੱਚ ਵੀ ਆਪਣੀ ਪਛਾਣ ਬਣਾ ਰਹੀਆਂ ਹਨ। ਇਹੀ ਕਾਰਨ ਹੈ ਕਿ ਪੰਜਾਬੀ ਫ਼ਿਲਮ ਇੰਡਸਟਰੀ ਵਿੱਚ ਜਗ੍ਹਾ ਬਣਾਉਣ ਲਈ ਬਹੁਤ ਸਾਰੀਆਂ ਕੁੜੀਆਂ ਵਿੱਚ ਮੁਕਾਬਲਾ ਹੈ। ਇਸੇ ਦੌਰਾਨ ਹੀ ਬਹੁਤ ਸਾਰੇ ਲੋਕ ਅਜਿਹੇ ਲੋਕ ਵੀ ਹਨ ਜੋ ਇਨ੍ਹਾਂ ਅਭਿਨੇਤਰੀਆਂ ਨੂੰ ਗਲਤ ਰਸਤਾ ਦਿਖਾ ਰਹੇ ਹਨ, ਜਿਸ ਬਾਰੇ ਹਿਮਾਂਸ਼ੀ ਖੁਰਾਨਾ (Himanshi Khurana) ਨੇ ਆਪਣੀ ਆਵਾਜ਼ ਬੁਲੰਦ ਕੀਤੀ ਹੈ। ਕਿਸੇ ਦਾ ਨਾਮ ਲਏ ਬਿਨਾਂ, ਹਿਮਾਂਸ਼ੀ ਖੁਰਾਨਾ ਨੇ ਪੰਜਾਬੀ ਇੰਡਸਟਰੀ (Punjab Film Industry) ਦੇ ਇੱਕ ਵਿਅਕਤੀ ਨੂੰ ਦਲਾਲ ਕਿਹਾ ਹੈ, ਜੋ ਨਵੀਆਂ ਕੁੜੀਆਂ ਦਾ ਫਾਇਦਾ ਉਠਾ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਗਲਤ ਰਸਤੇ 'ਤੇ ਧੱਕ ਰਿਹਾ ਹੈ।

ਪੰਜਾਬੀ ਫਿਲਮ ਇੰਡਸਟਰੀ 'ਚ ਕਿਵੇਂ ਫਸਾਇਆ ਜਾਂਦਾ ?

ਹਿਮਾਂਸ਼ੀ ਖੁਰਾਨਾ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਇਸ ਵਿਅਕਤੀ ਬਾਰੇ ਕਿਹਾ ਹੈ, 'ਪੰਜਾਬੀ ਫਿਲਮ ਇੰਡਸਟਰੀ ਵਿੱਚ ਇੱਕ ਬੇਕਾਰ ਵਿਅਕਤੀ ਹੈ, ਜਿਸ ਕੋਲ ਨਾ ਤਾਂ ਕੋਈ ਸ਼ਰਮ ਹੈ ਅਤੇ ਨਾ ਹੀ ਕੋਈ ਸਵੈ-ਮਾਣ। ਇਹ ਵਿਅਕਤੀ ਨਵੀਆਂ ਕੁੜੀਆਂ ਕੋਲ ਜਾਂਦਾ ਹੈ ਅਤੇ ਉਨ੍ਹਾਂ ਨੂੰ ਕਹਿੰਦਾ ਹੈ ਕਿ ਉਹ ਉਨ੍ਹਾਂ ਨੂੰ ਨੌਕਰੀ ਦਿਵਾ ਦੇਵੇਗਾ। ਇਹ ਆਦਮੀ ਨਵੀਆਂ ਕੁੜੀਆਂ ਨੂੰ ਫਿਲਮਾਂ ਅਤੇ ਗਾਣਿਆਂ ਨਾਲ ਧੋਖਾ ਦਿੰਦਾ ਹੈ। ਇਸ ਤੋਂ ਬਾਅਦ, ਇਹ ਵਿਅਕਤੀ ਉਨ੍ਹਾਂ ਕੁੜੀਆਂ ਦੀ ਨਿੱਜੀ ਜਾਣਕਾਰੀ ਦੀ ਦੁਰਵਰਤੋਂ ਕਰਦਾ ਹੈ। ਮੈਨੂੰ ਇਸ ਵਿਅਕਤੀ ਬਾਰੇ ਇਸ ਲਈ ਪਤਾ ਲੱਗਾ ਹੈ ਕਿਉਂਕਿ ਉਹ ਮੇਰੇ ਨਾਲ ਬਹੁਤ ਸਮੇਂ ਤੋਂ ਗੱਲ ਕਰ ਰਿਹਾ ਹੈ। ਉਹ ਨਵੀਆਂ ਕੁੜੀਆਂ ਨੂੰ ਗੱਲਬਾਤ ਵਿੱਚ ਫਸਾਉਂਦਾ ਹੈ ਅਤੇ ਕਹਿੰਦਾ ਹੈ ਕਿ ਉਹ ਪੰਜਾਬੀ ਇੰਡਸਟਰੀ ਦੇ ਸਾਰੇ ਵੱਡੇ ਕਲਾਕਾਰਾਂ ਨੂੰ ਜਾਣਦਾ ਹੈ।'

ਹਿਮਾਂਸ਼ੀ ਨੇ ਕਿਸ ਨੂੰ ਕਿਹਾ ਦਲਾਲ ?

ਉਸ ਨੇ ਅੱਗੇ ਲਿਖਿਆ, ''ਇਹ ਵਿਅਕਤੀ ਮੇਰੇ ਵੱਲੋਂ ਕਈ ਵਾਰ ਨਜ਼ਰਅੰਦਾਜ਼ ਕਰਨ ਦੇ ਬਾਵਜੂਦ ਵੀ ਬਿਲਕੁਲ ਨਹੀਂ ਬਦਲਿਆ। ਮੈਂ ਇਸ ਵਾਰ ਉਸਦੀ ਬਕਵਾਸ ਨੂੰ ਸਹਿਣ ਨਹੀਂ ਕਰਨਾ ਚਾਹੁੰਦੀ। ਜੇਕਰ ਤੂੰ ਮੇਰੀ ਇਹ ਪੋਸਟ ਦੇਖ ਰਿਹਾ ਹੈ ਤਾਂ ਮੈਂ ਤੈਨੂੰ ਦੱਸ ਦਿਆਂ ਕਿ ਤੂੰ ਮੈਨੂੰ ਅਜੇ ਤੱਕ ਮੇਰੇ ਪੈਸੇ ਨਹੀਂ ਦਿੱਤੇ। ਮੈਂ ਤੇਰੇ ਤੋਂ ਆਪਣੇ ਪੈਸੇ ਨਹੀਂ ਮੰਗੇ, ਕਿਉਂਕਿ ਮੈਂ ਅਜਿਹੀ ਨਹੀਂ ਹਾਂ। ਤੈਨੂੰ ਨਵੀਆਂ ਕੁੜੀਆਂ ਨੂੰ ਇਹ ਕਹਿਣ ਦਾ ਕੋਈ ਹੱਕ ਨਹੀਂ ਕਿ ਹਿਮਾਂਸ਼ੀ ਤੇਰੀ ਗੱਲ ਸੁਣਦੀ ਹੈ। ਯਾਦ ਹੈ ਤੂੰ ਲੰਡਨ ਵਿੱਚ ਫਸਿਆ ਹੋਇਆ ਸੀ ਅਤੇ ਮੈਂ ਤੇਰੀ ਮਦਦ ਕੀਤੀ ਸੀ। ਤੇਰੇ ਕੋਲ ਟਿਕਟ ਲਈ ਵੀ ਪੈਸੇ ਨਹੀਂ ਸੀ। ਮੈਂ ਤੇਰਾ ਨਾਮ ਲੈ ਕੇ ਤੈਨੂੰ ਜ਼ਿਆਦਾ ਤਵੱਜੋ ਨਹੀਂ ਦੇਣਾ ਚਾਹੁੰਦੀ ਪਰ ਤੂੰ ਇੱਕ ਦਲਾਲ ਤੋਂ ਵੱਧ ਕੁਝ ਨਹੀਂ ਹੈ।''