Petrol Diesel Price : ਮਹਿੰਗਾਈ ਦਾ ਮੁੜ ਝਟਕਾ ! ਸਰਕਾਰ ਨੇ ਮੁੜ ਵਧਾਏ ਪੈਟਰੋਲ-ਡੀਜਲ ਦੇ ਰੇਟ, ਹੈਦਰਾਬਾਦ ਚ 111 ਰੁਪਏ ਪਾਰ ਹੋਈ ਕੀਮਤ

Petrol Diesel Price : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (PM Modi) ਦੀ ਅਗਵਾਈ ਹੇਠਲੀ ਭਾਜਪਾ (BJP Government) ਦੀ ਕੇਂਦਰ ਸਰਕਾਰ ਨੇ ਆਮ ਲੋਕਾਂ ਨੂੰ ਮਹਿੰਗਾਈ (Inflation) ਵਿੱਚ ਧੱਕਣਾ ਸ਼ੁਰੂ ਕਰ ਦਿੱਤਾ ਹੈ। ਸਰਕਾਰ ਨੇ ਮੁੜ ਪੈਟਰੋਲ-ਡੀਜਲ ਦੀਆਂ ਕੀਮਤਾਂ (Oil Price Hiked) ਵਿੱਚ ਵਾਧਾ ਕਰ ਦਿੱਤਾ ਹੈ, ਜੋ ਕਿ 5 ਦਿਨਾਂ ਵਿੱਚ ਦੂਜੀ ਵਾਰ ਕੀਤਾ ਗਿਆ ਹੈ। ਇਸ ਪਿੱਛੇ ਤੇਲ ਕੰਪਨੀਆਂ ਨੂੰ ਮਿਡਲ ਈਸਟ ਜੰਗ (Middle East Tension) ਕਾਰਨ ਹੋ ਰਹੇ ਘਾਟੇ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ।

ਅੱਜ ਸਵੇਰੇ, 19 ਮਈ ਨੂੰ ਨਵੀਆਂ ਦਰਾਂ ਜਾਰੀ ਕੀਤੀਆਂ ਗਈਆਂ। ਤੇਲ ਕੰਪਨੀਆਂ ਨੇ ਮੰਗਲਵਾਰ ਨੂੰ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਲਗਭਗ 90 ਪੈਸੇ ਪ੍ਰਤੀ ਲੀਟਰ ਦਾ ਵਾਧਾ ਕੀਤਾ। ਸਭ ਤੋਂ ਚਿੰਤਾਜਨਕ ਗੱਲ ਇਹ ਹੈ ਕਿ ਇਹ ਇੱਕ ਹਫ਼ਤੇ ਤੋਂ ਵੱਧ ਸਮੇਂ ਵਿੱਚ ਈਂਧਨ ਦੀਆਂ ਕੀਮਤਾਂ ਵਿੱਚ ਦੂਜਾ ਵਾਧਾ ਹੈ। ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ 3 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਕੀਤਾ ਗਿਆ ਸੀ। ਤਾਜ਼ਾ ਵਾਧਾ ਆਮ ਲੋਕਾਂ ਦੀਆਂ ਜੇਬਾਂ 'ਤੇ ਹੋਰ ਬੋਝ ਪਾ ਸਕਦਾ ਹੈ।

ਘਰੇਲੂ ਚੀਜ਼ਾਂ 'ਤੇ ਪਵੇਗਾ ਛੇਤੀ ਅਸਰ

ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਸਰਕਾਰ ਵੱਲੋਂ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ 3 ਰੁਪਏ ਪ੍ਰਤੀ ਲੀਟਰ ਦਾ ਵਾਧਾ ਕੀਤਾ ਸੀ। ਤੇਲ ਕੰਪਨੀਆਂ ਵੱਲੋਂ ਲਗਾਤਾਰ ਕੀਮਤਾਂ ਵਿੱਚ ਵਾਧੇ ਦਾ ਸਿੱਧਾ ਅਸਰ ਆਮ ਲੋਕਾਂ ਦੇ ਬਜਟ 'ਤੇ ਪੈ ਰਿਹਾ ਹੈ। ਪੈਟਰੋਲ ਅਤੇ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਆਵਾਜਾਈ ਦੇ ਖਰਚਿਆਂ ਨੂੰ ਵਧਾਉਂਦੀਆਂ ਹਨ, ਜਿਸਦਾ ਅਸਰ ਖਾਣ-ਪੀਣ ਦੀਆਂ ਚੀਜ਼ਾਂ ਤੋਂ ਲੈ ਕੇ ਹੋਰ ਜ਼ਰੂਰੀ ਚੀਜ਼ਾਂ ਤੱਕ, ਰੋਜ਼ਾਨਾ ਵਰਤੋਂ ਦੀਆਂ ਬਹੁਤ ਸਾਰੀਆਂ ਚੀਜ਼ਾਂ 'ਤੇ ਪੈ ਸਕਦਾ ਹੈ।

ਪ੍ਰਮੁੱਖ ਸ਼ਹਿਰਾਂ 'ਚ ਤੇਲ ਦੀਆਂ ਕੀਮਤਾਂ

• ਦਿੱਲੀ 'ਚ ਪੈਟਰੋਲ 0.87 ਰੁਪਏ ਵਧ ਕੇ 98.64 ਰੁਪਏ ਲੀਟਰ ਤੇ ਡੀਜ਼ਲ 0.91 ਰੁਪਏ ਵਧ ਕੇ 91.58 ਰੁਪਏ ਲੀਟਰ
• ਚੰਡੀਗੜ੍ਹ 'ਚ ਪੈਟਰੋਲ 0.83 ਰੁਪਏ ਵਧ ਕੇ 98.10 ਰੁਪਏ ਲੀਟਰ ਅਤੇ ਡੀਜ਼ਲ 0.84 ਰੁਪਏ ਲੀਟਰ
• ਚੇਨਈ 'ਚ ਪੈਟਰੋਲ 0.79 ਰੁਪਏ ਵਧ ਕੇ 104.46 ਰੁਪਏ ਲੀਟਰ ਤੇ ਡੀਜ਼ਲ 0.86 ਰੁਪਏ ਵੱਧ ਕੇ 96.11 ਰੁਪਏ ਲੀਟਰ
• ਮੁੰਬਈ 'ਚ ਪੈਟਰੋਲ 0.91 ਰੁਪਏ ਵਧ ਕੇ 107.59 ਰੁਪਏ ਲੀਟਰ ਤੇ ਡੀਜ਼ਲ 0.94 ਰੁਪਏ ਵਧ ਕੇ 94.08 ਰੁਪਏ ਲੀਟਰ
• ਕੋਲਕਾਤਾ 'ਚ ਪੈਟਰੋਲ 1 ਰੁਪਏ ਵਧ ਕੇ 109.70 ਰੁਪਏ ਲੀਟਰ ਤੇ ਡੀਜ਼ਲ 0.94 ਰੁਪਏ ਵੱਧ ਕੇ 96.07 ਰੁਪਏ ਲੀਟਰ
• ਹੈਦਰਾਬਾਦ 'ਚ ਪੈਟਰੋਲ 0.99 ਰੁਪਏ ਵਧ ਕੇ 111.88 ਰੁਪਏ ਲੀਟਰ ਤੇ ਡੀਜ਼ਲ 0.99 ਰੁਪਏ ਵਧ ਕੇ 99.95 ਰੁਪਏ ਲੀਟਰ ਹੋ ਗਿਆ ਹੈ।

ਤੇਲ ਕੰਪਨੀਆਂ ਨੂੰ ਘਾਟੇ ਦੀ ਆਮ ਲੋਕਾਂ ਕੋਲੋਂ ਕੀਤੀ ਜਾ ਰਹੀ ਭਰਪਾਈ

ਪਿਛਲੇ ਹਫਤੇ ਜਦੋਂ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ ਤਿੰਨ ਰੁਪਏ ਪ੍ਰਤੀ ਲੀਟਰ ਵਾਧਾ ਕੀਤਾ ਗਿਆ, ਤਾਂ ਸਰਕਾਰੀ ਤੇਲ ਕੰਪਨੀਆਂ ਨੂੰ ਕੁਝ ਰਾਹਤ ਮਿਲੀ। ਪੈਟਰੋਲੀਅਮ ਮੰਤਰਾਲੇ ਦੇ ਅਨੁਸਾਰ, ਇਸ ਵਾਧੇ ਤੋਂ ਬਾਅਦ ਕੰਪਨੀਆਂ ਦਾ ਰੋਜ਼ਾਨਾ ਘਾਟਾ ਲਗਭਗ 25 ਪ੍ਰਤੀਸ਼ਤ ਘੱਟ ਕੇ 750 ਕਰੋੜ ਰੁਪਏ ਹੋ ਗਿਆ ਹੈ। ਪਹਿਲਾਂ, ਇਹ ਲਗਭਗ 1,000 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਸੀ। ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਮੰਤਰਾਲੇ ਦੀ ਸੰਯੁਕਤ ਸਕੱਤਰ ਸੁਜਾਤਾ ਸ਼ਰਮਾ ਦੇ ਅਨੁਸਾਰ, ਤੇਲ ਕੰਪਨੀਆਂ ਨੂੰ ਉਨ੍ਹਾਂ ਦੇ ਨੁਕਸਾਨ ਦੀ ਭਰਪਾਈ ਲਈ ਕੋਈ ਰਾਹਤ ਪੈਕੇਜ ਜਾਂ ਸਬਸਿਡੀ ਦੇਣ 'ਤੇ ਵਿਚਾਰ ਨਹੀਂ ਕੀਤਾ ਜਾ ਰਿਹਾ ਹੈ।