Ajab-Gajab : ਸਾਬ੍ਹ, ਅੱਧੀ ਰਾਤ ਸੱਪਣੀ ਬਣ ਕੇ ਡਰਾਉਂਦੀ ਹੈ ਘਰਵਾਲੀ, ਸ਼ਿਕਾਇਤ ਸੁਣ ਕੇ ਜ਼ਿਲ੍ਹਾ ਮੈਜਿਸਟ੍ਰੇਟ ਦਾ ਵੀ ਘੁੰਮਿਆ ਦਿਮਾਗ

Ajab Gajab UP News : ਬਾਲੀਵੁੱਡ ਟੀਵੀ ਸੀਰੀਅਲ 'ਨਾਗਿਨ' ਤੁਸੀ ਜ਼ਰੂਰ ਵੇਖਿਆ ਹੋਵੇਗਾ, ਜਿਸ ਵਿੱਚ ਅਦਾਕਾਰਾ ਰਾਤ ਦੇ 12 ਵੱਜਦੇ ਹੀ 'ਸੱਪਣੀ' ਬਣ ਜਾਂਦੀ ਸੀ। ਹੁਣ ਅਜਿਹਾ ਹੀ ਅਜੀਬੋ-ਗਰੀਬ ਮਾਮਲਾ ਯੂਪੀ 'ਚ (UP Virals) ਸਾਹਮਣੇ ਆਇਆ ਹੈ, ਜਿਥੇ ਇੱਕ ਵਿਅਕਤੀ ਨੇ ਸ਼ਿਕਾਇਤ ਹੈ ਕਿ ਉਸ ਦੀ ਪਤਨੀ ਰਾਤ ਨੂੰ 'ਸੱਪਣੀ' ਬਣ ਜਾਂਦੀ ਹੈ। ਜਦੋਂ ਇਹ ਗੱਲ ਜ਼ਿਲ੍ਹਾ ਮੈਜਿਸਟ੍ਰੇਟ ਨੇ ਸੁਣੀ ਤਾਂ ਉਹ ਵੀ ਹੱਕੇ-ਬੱਕੇ ਰਹਿ ਗਏ।

ਜਾਣਕਾਰੀ ਅਨੁਸਾਰ ਮਹਿਮੂਦਾਬਾਦ ਦੇ ਲੋਧਾਸਾ ਪਿੰਡ ਦਾ ਰਹਿਣ ਵਾਲਾ ਮੇਰਾਜ ਆਪਣੀ ਸ਼ਿਕਾਇਤ ਲੈ ਕੇ ਪਹੁੰਚਿਆ। ਦੂਜਿਆਂ ਦੇ ਉਲਟ, ਮੇਰਾਜ ਦਾ ਮਾਮਲਾ ਕੁਝ "ਅਨੋਖਾ" ਨਿਕਲਿਆ। ਉਸਨੇ ਜ਼ਿਲ੍ਹਾ ਮੈਜਿਸਟ੍ਰੇਟ ਨੂੰ ਕਿਹਾ, "ਸਰ, ਮੇਰੀ ਪਤਨੀ ਨਸੀਮੂਨ ਰਾਤ ਨੂੰ ਸੱਪ (Sanke Wife) ਬਣ ਜਾਂਦੀ ਹੈ... ਅਤੇ ਮੈਨੂੰ ਡੱਸਣ ਲਈ ਭੱਜਦੀ ਹੈ।" ਜ਼ਿਲ੍ਹਾ ਮੈਜਿਸਟ੍ਰੇਟ ਸਮੇਤ ਪੂਰਾ ਦਫ਼ਤਰ ਇੱਕ ਪਲ ਲਈ ਹੈਰਾਨ ਰਹਿ ਗਿਆ। ਇੱਕ ਸਕਿੰਟ ਲਈ, ਅਜਿਹਾ ਮਹਿਸੂਸ ਹੋਇਆ ਜਿਵੇਂ ਕਿਸੇ ਟੀਵੀ ਸੀਰੀਅਲ ਦਾ ਕੋਈ ਦ੍ਰਿਸ਼ ਸਾਹਮਣੇ ਆਇਆ ਹੋਵੇ।

ਮੇਰਾਜ ਨੇ ਦੱਸਿਆ ਕਿ ਉਸਦੀ ਪਤਨੀ ਨੇ ਉਸਨੂੰ ਕਈ ਵਾਰ ਮਾਰਨ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਹਰ ਵਾਰ, ਹਮਲਾ ਅਧੂਰਾ ਰਿਹਾ ਕਿਉਂਕਿ ਉਹ ਜਾਗ ਗਿਆ।ਉਸ ਨੇ ਕਿਹਾ, "ਉਸਦੀ ਪਤਨੀ ਉਸਨੂੰ ਮਾਨਸਿਕ ਤੌਰ 'ਤੇ ਤਸੀਹੇ ਦੇ ਰਹੀ ਹੈ। ਉਹ ਉਸਨੂੰ ਕਿਸੇ ਵੀ ਸਮੇਂ ਸੌਂਦੇ ਸਮੇਂ ਮਾਰ ਸਕਦੀ ਹੈ।"

ਜ਼ਿਲ੍ਹਾ ਮੈਜਿਸਟ੍ਰੇਟ ਨੇ ਜਾਂਚ ਦੇ ਹੁਕਮ ਦਿੱਤੇ

ਜ਼ਿਲ੍ਹਾ ਮੈਜਿਸਟ੍ਰੇਟ ਨੇ ਐਸਡੀਐਮ ਅਤੇ ਪੁਲਿਸ ਨੂੰ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ, ਜਿਸ 'ਤੇ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ, ਪੁਲਿਸ ਨੇ ਕਾਰਵਾਈ ਸ਼ੁਰੂ ਕਰ ਦਿੱਤੀ। ਮੇਰਾਜ ਦੇ ਅਨੁਸਾਰ, ਉਸਦੀ ਪਤਨੀ ਨੇ ਉਸਨੂੰ ਇੱਕ ਵਾਰ ਡੰਗ ਵੀ ਮਾਰਿਆ ਸੀ। ਉਹ ਸੱਪ ਵਿੱਚ ਬਦਲ ਜਾਂਦੀ ਸੀ ਅਤੇ ਰਾਤ ਨੂੰ ਉਸਨੂੰ ਡੰਗਣ ਦੀ ਕੋਸ਼ਿਸ਼ ਕਰਦੇ ਹੋਏ ਇੱਧਰ-ਉੱਧਰ ਭੱਜਦੀ ਸੀ। ਪੀੜਤ, ਮੇਰਾਜ ਨੇ ਇਸ ਮਾਮਲੇ ਸੰਬੰਧੀ ਜ਼ਿਲ੍ਹਾ ਮੈਜਿਸਟ੍ਰੇਟ ਨੂੰ ਇੱਕ ਅਰਜ਼ੀ ਦਿੱਤੀ।