Diwali ਦੀ ਆਤਿਸ਼ਬਾਜ਼ੀ ਮਗਰੋਂ ਦਿੱਲੀ ਚ ਪ੍ਰਦੂਸ਼ਣ ਦਾ ਧਮਾਕਾ, ਕਈ ਥਾਵਾਂ ਤੇ AQI 400 ਤੋਂ ਪਾਰ
ਲੋਕਾਂ ਨੂੰ ਸਾਹ ਲੈਣ ਵਿੱਚ ਆ ਰਹੀ ਮੁਸ਼ਕਲ, ਦਿੱਲੀ 'ਚ ਸੰਘਣੀ ਧੁੰਦ ਦਾ ਅਲਰਟ
Air quality in Delhi NCR after Diwali : ਦੀਵਾਲੀ ਦੇ ਜਸ਼ਨਾਂ ਤੋਂ ਬਾਅਦ ਬੀਤੀ ਦੇਰ ਰਾਤ ਦਿੱਲੀ ਐਨਸੀਆਰ ਵਿੱਚ ਹਵਾ ਦੀ ਗੁਣਵੱਤਾ ਬਹੁਤ ਖਰਾਬ ਹੋ ਗਈ। ਦੀਵਾਲੀ ਦੀ ਰਾਤ ਨੂੰ ਆਤਿਸ਼ਬਾਜ਼ੀ ਤੋਂ ਬਾਅਦ ਦਿੱਲੀ ਵਿੱਚ ਪ੍ਰਦੂਸ਼ਣ ਨੇ ਗੰਭੀਰ ਰੂਪ ਲੈ ਲਿਆ। ਪਟਾਕਿਆਂ ਦੇ ਧੂੰਏਂ ਨੇ ਰਾਜਧਾਨੀ ਦੇ ਕਈ ਇਲਾਕਿਆਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (ਸੀਪੀਸੀਬੀ) ਦੇ ਰਾਤ 1 ਵਜੇ ਦੇ ਅੰਕੜਿਆਂ ਅਨੁਸਾਰ ਦਿੱਲੀ ਦਾ ਏਕਿਊਆਈ 372 ਦਰਜ ਕੀਤਾ ਗਿਆ।
ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (CPCB) ਦੇ ਅੰਕੜਿਆਂ ਅਨੁਸਾਰ ਰਾਤ 1 ਵਜੇ ਅਲੀਪੁਰ ਵਿੱਚ AQI 413, ਆਨੰਦ ਵਿਹਾਰ ਵਿੱਚ 352, ਅਸ਼ੋਕ ਵਿਹਾਰ ਵਿੱਚ 340, ਆਯਾ ਨਗਰ ਵਿੱਚ 352, ਬਦਰਪੁਰ ਵਿੱਚ 354, ਬਵਾਨਾ ਵਿੱਚ 434, ਚਾਂਦਨੀ ਚੌਕ ਵਿੱਚ 430, DTU ਵਿੱਚ 430, ਦਵਾਰਕਾ ਸੈਕਟਰ-8 ਵਿੱਚ 393 ਦਰਜ ਕੀਤਾ ਗਿਆ।
ਇਹ ਵੀ ਪੜ੍ਹੋ :
Delhi Pollution: ਦੀਵਾਲੀ ਤੋਂ ਪਹਿਲਾਂ ਦਿੱਲੀ ਦੀ ਹਵਾ ਹੋਈ ਬੇਹੱਦ ਜ਼ਹਿਰੀਲੀ
ਇਸੇ ਤਰ੍ਹਾਂ IGI ਏਅਰਪੋਰਟ ਟਰਮੀਨਲ-3 ਵਿਖੇ AQI 323, ਆਈ.ਟੀ.ਓ. ਵਿਖੇ 407, ਜਹਾਂਗੀਰਪੁਰੀ ਵਿਖੇ 447, ਲੋਧੀ ਰੋਡ ਵਿਖੇ 362, ਮੁੰਡਕਾ ਵਿਖੇ 405, ਓਖਲਾ ਫੇਜ਼-2 ਵਿਖੇ 364, ਪਟਪੜਗੰਜ ਵਿਖੇ 421, ਪੰਜਾਬੀ ਬਾਗ ਵਿਖੇ 416, ਰੋਹਿਣੀ ਵਿਖੇ 442, ਨਰੇਲੀ ਵਿਖੇ 392 ਅਤੇ ਉੱਤਰੀ ਕੈਂਪਸ ਵਿਖੇ 445।
ਸੀਪੀਸੀਬੀ ਦੇ ਅੰਕੜਿਆਂ ਅਨੁਸਾਰ ਰਾਤ 1 ਵਜੇ ਨੋਇਡਾ ਦੇ ਸੈਕਟਰ 110 ਵਿੱਚ 321, ਸੈਕਟਰ 116 ਵਿੱਚ 292, ਸੈਕਟਰ 125 ਵਿੱਚ 296, ਸੈਕਟਰ 150 ਵਿੱਚ 315, ਸੈਕਟਰ-1 ਵਿੱਚ 301, ਸੈਕਟਰ 39 ਵਿੱਚ 301, ਸੈਕਟਰ 62 ਵਿੱਚ 445 ਦਾ AQI ਦਰਜ ਕੀਤਾ ਗਿਆ। ਗਾਜ਼ੀਆਬਾਦ ਵਿੱਚ AQI ਸੀਪੀਸੀਬੀ ਦੇ ਅੰਕੜਿਆਂ ਅਨੁਸਾਰ ਗਾਜ਼ੀਆਬਾਦ ਵਿੱਚ ਵੀ ਹਵਾ ਦੀ ਸਥਿਤੀ ਖਰਾਬ ਹੈ। ਗੋਵਿੰਦਪੁਰਮ ਵਿੱਚ 342, ਇੰਦਰਾਪੁਰਮ ਵਿੱਚ 317, ਲੋਨੀ ਵਿੱਚ 390, ਸੰਜੇ ਨਗਰ ਵਿੱਚ 287, ਵਸੁੰਧਰਾ ਵਿੱਚ 300 ਅਤੇ ਵੇਵ ਸਿਟੀ ਵਿੱਚ 378 ਦਾ AQI ਦਰਜ ਕੀਤਾ ਗਿਆ।
ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ (CPCB) ਦੇ ਸਵੇਰੇ 3 ਵਜੇ ਦੇ ਅੰਕੜਿਆਂ ਅਨੁਸਾਰ ਗੁਰੂਗ੍ਰਾਮ ਦੇ NISE ਗਵਾਲ ਪਹਾੜੀ ਖੇਤਰ ਵਿੱਚ ਹਾਲ ਹੀ ਵਿੱਚ 232 ਦਾ ਏਅਰ ਕੁਆਲਿਟੀ ਇੰਡੈਕਸ (AQI) ਦਰਜ ਕੀਤਾ ਗਿਆ। ਸੈਕਟਰ 51 ਵਿੱਚ 263, ਟੇਰੀ ਗ੍ਰਾਮ ਵਿੱਚ 372 ਅਤੇ ਵਿਕਾਸ ਸਦਨ ਵਿੱਚ 344 ਦਾ AQI ਦਰਜ ਕੀਤਾ ਗਿਆ।
ਦੀਵਾਲੀ ਤੋਂ ਬਾਅਦ ਹੀ ਰਾਜਧਾਨੀ ਦਿੱਲੀ ਵਿੱਚ ਧੁੰਦ ਵਧਦੀ ਜਾ ਰਹੀ ਹੈ। ਭਾਰਤ ਮੌਸਮ ਵਿਭਾਗ (IMD) ਨੇ ਦਿੱਲੀ ਦੇ ਕਈ ਇਲਾਕਿਆਂ ਵਿੱਚ ਸੰਘਣੀ ਤੋਂ ਬਹੁਤ ਸੰਘਣੀ ਧੁੰਦ ਦੀ ਚੇਤਾਵਨੀ ਜਾਰੀ ਕੀਤੀ ਹੈ। ਇਸ ਨਾਲ ਦ੍ਰਿਸ਼ਟੀ ਵਿੱਚ ਕਾਫ਼ੀ ਕਮੀ ਆਉਣ ਦੀ ਉਮੀਦ ਹੈ। ਮੌਸਮ ਵਿਭਾਗ ਨੇ ਲੋਕਾਂ ਨੂੰ ਚੌਕਸ ਰਹਿਣ ਅਤੇ ਗੱਡੀ ਚਲਾਉਂਦੇ ਸਮੇਂ ਖਾਸ ਸਾਵਧਾਨੀ ਵਰਤਣ ਦੀ ਸਲਾਹ ਦਿੱਤੀ ਹੈ।
ਆਈਐਮਡੀ ਦੀ ਜ਼ਿਲ੍ਹਾ-ਵਾਰ ਚੇਤਾਵਨੀ ਦੇ ਅਨੁਸਾਰ ਦੱਖਣ-ਪੂਰਬੀ ਦਿੱਲੀ, ਪੂਰਬੀ ਦਿੱਲੀ ਅਤੇ ਸ਼ਾਹਦਰਾ ਵਿੱਚ ਬਹੁਤ ਸੰਘਣੀ ਧੁੰਦ ਪੈਣ ਦੀ ਸੰਭਾਵਨਾ ਹੈ। ਉੱਤਰੀ, ਦੱਖਣੀ ਅਤੇ ਮੱਧ ਦਿੱਲੀ ਦੇ ਖੇਤਰ ਵੀ ਧੁੰਦ ਤੋਂ ਪ੍ਰਭਾਵਿਤ ਹੋ ਸਕਦੇ ਹਨ। ਦਿੱਲੀ-ਐਨਸੀਆਰ ਦੇ ਕਈ ਹਿੱਸਿਆਂ ਵਿੱਚ ਸੰਘਣੀ ਧੁੰਦ ਛਾਈ ਹੋਈ ਹੈ। ਮੌਜੂਦਾ ਸਥਿਤੀ ਦੇ ਕਾਰਨ ਕੁਝ ਖੇਤਰਾਂ ਵਿੱਚ ਲਾਲ ਅਲਰਟ ਜਾਰੀ ਕੀਤਾ ਗਿਆ ਹੈ।