Punjab Vidhan Sabha Session Highlights : ਪੰਜਾਬ ਵਿਧਾਨਸਭਾ ’ਚ ਵੀਬੀ ਜੀ ਰਾਮ ਜੀ ਖਿਲਾਫ ਮਤਾ ਪਾਸ
Punjab Vidhan Sabha Special Session : ਪੰਜਾਬ ਸਰਕਾਰ ਨੇ ਅੱਜ, ਮੰਗਲਵਾਰ ਨੂੰ ਮਹਾਤਮਾ ਗਾਂਧੀ ਰਾਸ਼ਟਰੀ ਪੇਂਡੂ ਰੁਜ਼ਗਾਰ ਗਰੰਟੀ ਐਕਟ (ਮਨਰੇਗਾ) ਦਾ ਨਾਮ ਬਦਲਣ ਦੇ ਕੇਂਦਰ ਸਰਕਾਰ ਦੇ ਫੈਸਲੇ ਦੇ ਮੁੱਦੇ 'ਤੇ ਸੂਬਾ ਵਿਧਾਨ ਸਭਾ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਇਆ ਹੈ।
Dec 30, 2025 05:15 PM
ਪੰਜਾਬ ਵਿਧਾਨਸਭਾ ਦਾ ਸਪੈਸ਼ਲ ਸੈਸ਼ਨ ਅਣਮਿੱਥੇ ਸਮੇਂ ਲਈ ਮੁਲਤਵੀ
Dec 30, 2025 05:07 PM
ਲੜਾਈ ਤੁਹਾਡੇ ਨਾਲ ਨਹੀਂ ਹੈ, PM ਮੋਦੀ ਦੇ ਨਾਲ ਹੈ- ਸੀਐੱਮ ਮਾਨ
- 'ਨਵੇਂ ਬਿੱਲ ’ਤੇ ਲੀਗਲ ਗਾਰੰਟੀ ਨੂੰ ਤੋੜਿਆ ਗਿਆ'
- 'ਕਾਂਗਰਸ ਯੋਜਨਾ ਦੇ ਨਾਂ ’ਤੇ ਹੀ ਉਲਝ ਗਈ'
- 'ਹੁਣ ਜਦੋਂ ਇਹ ਚਾਹੁਣਗੇ ਉਸ ਸਮੇਂ ਰੁਜ਼ਗਾਰ ਦੇਣਗੇ'
Dec 30, 2025 04:58 PM
ਪੰਜਾਬ ਵਿਧਾਨਸਭਾ ’ਚ ਵੀਬੀ ਜੀ ਰਾਮ ਜੀ ਖਿਲਾਫ ਮਤਾ ਪਾਸ
Dec 30, 2025 04:56 PM
ਕਾਂਗਰਸ ਸਕੀਮ ਦੇ ਨਾਂਅ ’ਤੇ ਹੀ ਉਲਝ ਗਈ- CM
Dec 30, 2025 04:17 PM
CM ਭਗਵੰਤ ਮਾਨ ਦੇ ਸੰਬੋਧਨ ਦੌਰਾਨ ਹੋਇਆ ਹੰਗਾਮਾ, ਸਦਨ ’ਚੋਂ ਸੁਖਪਾਲ ਸਿੰਘ ਖਹਿਰਾ ਨੂੰ ਕੱਢਿਆ ਬਾਹਰ
- ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੂੰ ਸਦਨ ’ਚੋਂ ਕੱਢਿਆ ਗਿਆ ਬਾਹਰ
- ਸੁਖਪਾਲ ਸਿੰਘ ਖਹਿਰਾ ਨੇ ਕੀਤਾ ਨਾਅਰੇਬਾਜ਼ੀ
- ਕਾਂਗਰਸ ਨੇ ਕੀਤਾ ਰੋਸ ਪ੍ਰਦਰਸ਼ਨ
- Cm ਨੇ ਕਾਂਗਰਸੀ ਲੀਡਰਾਂ ਨੂੰ ਸੁਣਾਈਆਂ ਖਰੀਆਂ-ਖਰੀਆਂ
- ਕਾਂਗਰਸ ਨੇ ਬਣਾਇਆ ਮਜ਼ਾਕ,ਕਿਹਾ-ਅਗਲੀ ਵਾਰ ਐਨੇ ਵੀ ਨਹੀਂ ਆਉਣੇ
Dec 30, 2025 03:48 PM
ਮਨਰੇਗਾ ਦੇ ਨਵੇਂ ਕਾਨੂੰਨ ਖਿਲਾਫ ਚਲ ਰਹੀ ਬਹਿਸ
- ਵਿਧਾਨ ਸਭਾ ਦਾ ਇਕ ਦਿਨ ਦਾ ਸਪੈਸ਼ਲ ਸੈਸ਼ਨ ਜਾਰੀ
- ਅਮਨ ਅਰੋੜਾ ਨੇ ਕੇਂਦਰ ਸਰਕਾਰ ਨੂੰ ਲਿਆ ਨਿਸ਼ਾਨੇ ’ਤੇ
- ਕਾਂਗਰਸ ਨੇ ਪੰਜਾਬ ਸਰਕਾਰ ਘੇਰੀ ਕਿਹਾ ਮਜ਼ਦੂਰਾਂ ਨੂੰ ਹੁਣ ਵੀ ਨਹੀਂ ਮਿਲ ਰਹੀ ਦਿਹਾੜੀ , ਸੈਸ਼ਨ ਮਹਿਜ ਖਾਨਾਪੂਰਤੀ
Dec 30, 2025 03:00 PM
Punjab Vidhan Sabha Session Live Updates : ਆਪ ਵਿਧਾਇਕ ਅਮੋਲਕ ਸਿੰਘ ਨੇ ਕਿਹਾ, "ਕੇਂਦਰ ਫੰਡ ਅਤੇ ਮਜ਼ਦੂਰੀ ਤੈਅ ਕਰੇਗਾ
ਆਪ ਵਿਧਾਇਕ ਅਮੋਲਕ ਸਿੰਘ ਨੇ ਕਿਹਾ, "ਅਸੀਂ ਇਸ ਯੋਜਨਾ ਵਿੱਚ ਕੀਤੇ ਗਏ ਬਦਲਾਵਾਂ ਦਾ ਵਿਰੋਧ ਕਰਦੇ ਹਾਂ, ਕਿਉਂਕਿ ਇਹ ਮਨਰੇਗਾ ਵਿੱਚ ਅਜਿਹੇ ਪੱਧਰ 'ਤੇ ਕੀਤੇ ਗਏ ਹਨ ਜੋ ਰਾਜਾਂ ਦੇ ਅਧਿਕਾਰ ਨੂੰ ਘਟਾ ਦੇਣਗੇ। ਫੰਡਿੰਗ ਅਤੇ ਤਨਖਾਹ ਦਾ ਫੈਸਲਾ ਵੀ ਕੇਂਦਰ ਦੁਆਰਾ ਕੀਤਾ ਜਾਵੇਗਾ।"
Dec 30, 2025 02:26 PM
G RAM G ਖਿਲਾਫ ਮਤੇ ’ਤੇ ਪੰਜਾਬ ਵਿਧਾਨਸਭਾ ’ਚ ਚਰਚਾ ਜਾਰੀ
- ਹੁਣ ਹਰ ਇੱਕ ਸਕੀਮ ਦਾ ਕੇਂਦਰੀਕਰਨ ਕੀਤਾ ਜਾ ਰਿਹਾ- ਚੀਮਾ
- ਸੂਬਿਆਂ ਦੇ ਅਧਿਕਾਰ ਖੋਹੇ ਜਾ ਰਹੇ-ਹਰਪਾਲ ਚੀਮਾ
- ਕਿਸਾਨਾਂ ਤੋਂ ਬਾਅਦ ਹੁਣ ਮਜ਼ਦੂਰਾਂ ਖਿਲਾਫ ਕਾਲਾ ਕਾਨੂੰਨ-ਕੁਲਦੀਪ ਧਾਲੀਵਾਲ
- ਰਾਸ਼ਟਰਪਤੀ ਤੇ ਪੀਐੱਮ ਦੇ ਬੂਹੇ ਤੱਕ ਵੀ ਜਾਵਾਂਗੇ- ਧਾਲੀਵਾਲ
- 'ਅਸੀਂ ਜੇਲ੍ਹਾਂ ’ਚ ਜਾਣ ਨੂੰ ਵੀ ਤਿਆਰ'
Dec 30, 2025 02:15 PM
ਸਾਂਸਦ ਹਰਸਿਮਰਤ ਕੌਰ ਬਾਦਲ ਦਾ ਸੀਐੱਮ ਮਾਨ ’ਤੇ ਤਿੱਖਾ ਸ਼ਬਦੀ ਹਮਲਾ
- ਕਿਹਾ- ਮੁੱਖ ਮੰਤਰੀ ਮਾਨ ਨੂੰ ਭੁੱਲੇ ਪੰਜਾਬੀਆਂ ਦੇ ਮੁੱਦੇ
- 'ਪੰਜਾਬ ’ਚ ਕਾਨੂੰਨ ਦਾ ਨਹੀਂ, ਗੈਂਗਸਟਰਾਂ ਦਾ ਰਾਜ'
- 'CM ਮਾਨ ਦੱਸਣ ਕਦੋਂ ਗੈਂਗਸਟਰਾਂ ਤੋਂ ਪੰਜਾਬ ਨੂੰ ਆਜ਼ਾਦੀ ਮਿਲੇਗੀ'
Dec 30, 2025 01:35 PM
ਵਿਰੋਧੀ ਧਿਰ ਦੇ ਆਗੂ ਪ੍ਰਤਾਪ ਸਿੰਘ ਬਾਜਵਾ ਨੇ ਸੈਸ਼ਨ ਨੂੰ ਦੱਸਿਆ ਪੰਜਾਬ ਦੇ ਪੈਸੇ ਦੀ ਬਰਬਾਦੀ
- ਕਿਹਾ- ਸੈਸ਼ਨ ’ਚ ਸਿਰਫ ਝੂਠ ਬੋਲਿਆ ਜਾਂਦਾ ਹੈ
- 'ਪੰਜਾਬ ਸਰਕਾਰ PM ਦਫਤਰ ਬਾਹਰ ਧਰਨਾ ਦੇਵੇ, ਅਸੀਂ ਵੀ ਨਾਲ ਚੱਲਾਂਗੇ'
Dec 30, 2025 01:33 PM
ਕੈਬਨਿਟ ਮੰਤਰੀ ਤਰੁਣਪ੍ਰੀਤ ਸੌਂਦ ਤੇ ਵਿਰੋਧੀ ਧਿਰ ਦੇ ਆਗੂ ਪ੍ਰਤਾਪ ਬਾਜਵਾ ਹੋਏ ਆਹਮੋ-ਸਾਹਮਣੇ
- ਕੈਬਨਿਟ ਮੰਤਰੀ ਸੌਂਦ ਦਾ ਕਾਂਗਰਸ ’ਤੇ ਨਿਸ਼ਾਨਾ
- ਬੀਜੇਪੀ ਨੂੰ ਕੁਝ ਨਾ ਕਹੋ, ਸਾਡੀ ਭਾਵੇਂ ਜ਼ਿੰਦ ਕੱਢ ਲਓ- ਸੌਂਦ
- ਤਰੁਣਪ੍ਰੀਤ ਸੌਂਦ ਦੇ ਬਿਆਨ ’ਤੇ ਸਦਨ ’ਚ ਹੋਇਆ ਹੰਗਾਮਾ
Dec 30, 2025 12:43 PM
ਪੰਜਾਬ ਵਿਧਾਨਸਭਾ ਦਾ ਮਨਰੇਗਾ ’ਤੇ ਸਪੈਸ਼ਲ ਸੈਸ਼ਨ
- ਵਿਧਾਨਸਭਾ ’ਚ G RAM G ਖਿਲਾਫ ਮਤਾ ਲੈ ਕੇ ਆਈ ਮਾਨ ਸਰਕਾਰ
- 2 ਘੰਟੇ ਤੱਕ ਮਤੇ ’ਤੇ ਹੋਵੇਗੀ ਚਰਚਾ
Dec 30, 2025 12:33 PM
ਵਿਧਾਨਸਭਾ ’ਚ ਪੰਜਾਬੀ ਜੁੱਤੀਆਂ
- ਸਪੀਕਰ ਨੇ ਕੋਟਕਪੂਰਾ ’ਚ ਬਣੀਆਂ ਜੁੱਤੀਆਂ ਨੂੰ ਕੀਤਾ ਪ੍ਰਮੋਟ
- ਦੁਨੀਆ ਭਰ ’ਚ ਜੁੱਤੀ ਦੀ ਹੁੰਦੀ ਹੈ ਸਪਲਾਈ
Dec 30, 2025 12:02 PM
ਪੰਜਾਬ ਵਿਧਾਨਸਭਾ ਦੀ ਕਾਰਵਾਈ ਅੱਧੇ ਘੰਟੇ ਲਈ ਮੁਲਤਵੀ
Dec 30, 2025 11:50 AM
ਵੀਰ ਬਾਲ ਦਿਵਸ ਨਾਂਅ ’ਤੇ ਵਿਰੋਧ ਵਿਚਾਲੇ ਬੋਲੇ ਅਸ਼ਵਨੀ ਸ਼ਰਮਾ
- ਪੂਰੇ ਦੇਸ਼ ਤੇ ਦੁਨੀਆ ’ਚ ਸ਼ਹਾਦਤ ਦਿਹਾੜਾ ਮਨਾਇਆ-ਅਸ਼ਵਨੀ
- 'ਪਰ ਅਸੀਂ ਅਜੇ ਵੀ ਨਾਂਅ ਦੇ ਚੱਕਰ ’ਚ ਫਸੇ ਹੋਏ'
- 'ਨਾਂਅ ਕਿਨ੍ਹਾਂ ਨੇ ਸੁਝਾਇਆ, ਅੱਜ ਉਸ ਬਾਰੇ ਗੱਲ ਨਹੀਂ ਕਰਾਂਗਾ'
- 'ਪੂਰੇ ਦੇਸ਼ ਤੇ ਦੁਨੀਆ ’ਚ ਸ਼ਹਾਦਤ ਦਿਹਾੜਾ ਮਨਾਇਆ'
Dec 30, 2025 11:45 AM
ਕੇਂਦਰੀ ਖੇਤੀਬਾੜੀ ਮੰਤਰੀ ਸ਼ਿਵਰਾਜ ਚੌਹਾਨ ਦਾ ਪੰਜਾਬ ਸਰਕਾਰ ’ਤੇ ਵੱਡਾ ਇਲਜ਼ਾਮ
- ਕਿਹਾ-ਪੰਜਾਬ ’ਚ ਮਨਰੇਗਾ ’ਚ ਵੱਡੇ ਪੱਧਰ ’ਤੇ ਘਪਲਾ ਹੋਇਆ
- ਵਿੱਤੀ ਘਪਲੇ ਦੇ 10,653 ਮਾਮਲੇ ਆਏ ਸਾਹਮਣੇ
Dec 30, 2025 11:28 AM
ਅਮਨ ਅਰੋੜਾ ਦਾ ਕੇਂਦਰ ਸਰਕਾਰ ’ਤੇ ਨਿਸ਼ਾਨਾ
- 'ਕਰੋੜਾਂ ਗਰੀਬਾਂ ਦੇ ਢਿੱਡ ’ਤੇ ਵਾਰ ਕਰ ਰਿਹਾ ਹੈ ਕੇਂਦਰ'
- BJP ਸਰਕਾਰ ਅਰਬਪਤੀਆਂ ਦੀ ਸਰਕਾਰ'
- 'ਚਾਲਾਂ ਨੂੰ ਕਾਮਯਾਬ ਨਹੀਂ ਹੋਣ ਦੇਵਾਂਗੇ'
- 'ਅੱਜ ਪ੍ਰਧਾਨਮੰਤਰੀ ਦੇ ਨਾਂਅ 10 ਲੱਖ ਚਿੱਠੀਆਂ ਲੈ ਕੇ ਆਏ ਹਨ'
- 'ਪੰਜਾਬ ’ਚ 30 ਲੱਖ ਮਨਰੇਗਾ ਮਜਦੂਰ'
Dec 30, 2025 11:17 AM
ਪੰਜਾਬ ਵਿਧਾਨ ਸਭਾ ਤੋਂ ਪਹਿਲਾ ਮਨਰੇਗਾ 'ਤੇ 'ਸਿਆਸੀ ਮਹਾਭਾਰਤ'
Dec 30, 2025 11:11 AM
ਪੰਜਾਬ ਵਿਧਾਨ ਸਭਾ ਦੀ ਕਾਰਵਾਈ ਜਾਰੀ
- ਸਭ ਤੋਂ ਪਹਿਲਾਂ ਸਾਹਿਬਜ਼ਾਦਿਆਂ ਨੂੰ ਪ੍ਰਣਾਮ
- ਮਨਰੇਗਾ ’ਤੇ ਪੰਜਾਬ ਵਿਧਾਨ ਸਭਾ ਦਾ ਵਿਸ਼ੇਸ਼ ਇਜਲਾਸ
- ਸਦਨ ’ਚ 'G RAM G' ’ਤੇ ਹੋਵੇਗੀ ਚਰਚਾ
- 3 ਹੋਰ ਬਿਲ ਸਦਨ ’ਚ ਕੀਤੇ ਜਾਣਗੇ ਪੇਸ਼
Dec 30, 2025 11:08 AM
ਪੰਜਾਬ ਵਿਧਾਨ ਸਭਾ ਦਾ ਵਿਸ਼ੇਸ਼ ਸੈਸ਼ਨ ਹੋਇਆ ਸ਼ੁਰੂ
Punjab Vidhan Sabha Session Live Updates : ਪੰਜਾਬ ਸਰਕਾਰ ਨੇ ਅੱਜ, ਮੰਗਲਵਾਰ ਨੂੰ ਮਹਾਤਮਾ ਗਾਂਧੀ ਰਾਸ਼ਟਰੀ ਪੇਂਡੂ ਰੁਜ਼ਗਾਰ ਗਰੰਟੀ ਐਕਟ (ਮਨਰੇਗਾ) ਦਾ ਨਾਮ ਬਦਲਣ ਦੇ ਕੇਂਦਰ ਸਰਕਾਰ ਦੇ ਫੈਸਲੇ ਦੇ ਮੁੱਦੇ 'ਤੇ ਸੂਬਾ ਵਿਧਾਨ ਸਭਾ ਦਾ ਵਿਸ਼ੇਸ਼ ਸੈਸ਼ਨ ਬੁਲਾਇਆ ਹੈ। ਕੇਂਦਰ ਸਰਕਾਰ ਨੇ ਇਸ ਯੋਜਨਾ ਦਾ ਨਾਮ ਬਦਲ ਕੇ "ਵਿਕਾਸ ਭਾਰਤ - ਰੁਜ਼ਗਾਰ ਅਤੇ ਰੋਜ਼ੀ-ਰੋਟੀ ਮਿਸ਼ਨ (ਗ੍ਰਾਮੀਣ) (VB-GRAM-G)" ਰੱਖ ਦਿੱਤਾ ਹੈ, ਜਿਸਦੀ ਗਰੀਬ ਵਿਰੋਧੀ ਵਜੋਂ ਆਲੋਚਨਾ ਕੀਤੀ ਜਾ ਰਹੀ ਹੈ।
ਮਗਨਰੇਗਾ ਖਿਲਾਫ਼ ਪੇਸ਼ ਕੀਤਾ ਜਾਵੇਗਾ ਮਤਾ
ਇਸ ਵਿਸ਼ੇਸ਼ ਸੈਸ਼ਨ ਦੌਰਾਨ, ਮਨਰੇਗਾ ਐਕਟ ਵਿੱਚ ਸੋਧਾਂ ਨੂੰ ਰੱਦ ਕਰਨ ਦੀਆਂ ਮੰਗਾਂ ਕੀਤੀਆਂ ਜਾਣਗੀਆਂ। ਕੇਂਦਰ ਸਰਕਾਰ ਵਿਰੁੱਧ ਇੱਕ ਮਤਾ ਵੀ ਪੇਸ਼ ਕੀਤਾ ਜਾਵੇਗਾ। ਹਾਲਾਂਕਿ, ਕੋਈ ਪ੍ਰਸ਼ਨ ਕਾਲ ਜਾਂ ਸਿਫਰ ਕਾਲ ਨਹੀਂ ਹੋਵੇਗਾ।
ਸੈਸ਼ਨ ਸਵੇਰੇ 11 ਵਜੇ ਸ਼ੁਰੂ ਹੋਵੇਗਾ, ਜਿਸਦੀ ਪ੍ਰਧਾਨਗੀ ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਕਰਨਗੇ। ਸਦਨ ਵਿੱਚ ਹੰਗਾਮਾ ਹੋਣ ਦੀ ਉਮੀਦ ਹੈ। ਵਿਰੋਧੀ ਧਿਰ ਕਾਨੂੰਨ ਵਿਵਸਥਾ ਸਮੇਤ ਕਈ ਮੁੱਦਿਆਂ 'ਤੇ ਸਰਕਾਰ ਨੂੰ ਘੇਰਨ ਦੀ ਕੋਸ਼ਿਸ਼ ਕਰੇਗੀ।
ਚਾਰ ਸਾਹਿਬਜ਼ਾਦਿਆਂ ਨੂੰ ਦਿੱਤੀ ਜਾਵੇਗੀ ਸ਼ਰਧਾਂਜਲੀ
ਸੈਸ਼ਨ ਦੀ ਸ਼ੁਰੂਆਤ ਵਿੱਚ, ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਚਾਰ ਸਾਹਿਬਜ਼ਾਦਿਆਂ ਦੀ ਲਾਸਾਨੀ ਸ਼ਹਾਦਤ ਨੂੰ ਸ਼ਰਧਾਂਜਲੀ ਦਿੱਤੀ ਜਾਵੇਗੀ।
ਇਸ ਤੋਂ ਬਾਅਦ, ਪੰਜਾਬ ਦੇ ਸਾਬਕਾ ਰਾਜਪਾਲ ਸ਼ਿਵਰਾਜ ਚੌਹਾਨ, ਸਾਬਕਾ ਮੰਤਰੀ ਜਗਤਾਰ ਸਿੰਘ ਮੁਲਤਾਨੀ, ਸਾਬਕਾ ਰਾਜ ਮੰਤਰੀ ਤਾਰਾ ਸਿੰਘ ਲਾਡਲ ਅਤੇ ਸਾਬਕਾ ਵਿਧਾਇਕ ਤਰਲੋਚਨ ਸਿੰਘ ਸੰਧ, ਜਿਨ੍ਹਾਂ ਸਾਰਿਆਂ ਦਾ ਹਾਲ ਹੀ ਵਿੱਚ ਦੇਹਾਂਤ ਹੋ ਗਿਆ ਸੀ, ਨੂੰ ਸ਼ਰਧਾਂਜਲੀ ਦਿੱਤੀ ਜਾਵੇਗੀ। ਸਦਨ ਵਿੱਚ ਨੌਂ ਰਿਪੋਰਟਾਂ ਪੇਸ਼ ਕੀਤੀਆਂ ਜਾਣਗੀਆਂ।
ਸੈਸ਼ਨ ਦੌਰਾਨ ਇਨ੍ਹਾਂ ਮੁੱਦਿਆਂ 'ਤੇ ਹੋਵੇਗੀ ਚਰਚਾ
- ਮਨਰੇਗਾ ਨੂੰ ਨਵੇਂ "ਵਿਕਾਸ ਭਾਰਤ - ਰੁਜ਼ਗਾਰ ਅਤੇ ਰੋਜ਼ੀ-ਰੋਟੀ ਲਈ ਗਰੰਟੀ ਮਿਸ਼ਨ (ਗ੍ਰਾਮੀਣ) ਐਕਟ, 2025" ਨਾਲ ਬਦਲਣ ਦੇ ਕੇਂਦਰ ਸਰਕਾਰ ਦੇ ਕਦਮ ਦੀ ਨਿੰਦਾ।
- ਨਵੇਂ ਕਾਨੂੰਨ ਵਿੱਚ ਗਰੰਟੀ ਨੂੰ ਬਜਟ ਸੀਮਾਵਾਂ ਨਾਲ ਜੋੜਨ 'ਤੇ ਇਤਰਾਜ਼, ਜਿਸ ਨਾਲ ਰੁਜ਼ਗਾਰ ਦੇ ਕਾਨੂੰਨੀ ਅਧਿਕਾਰ ਨੂੰ ਕਮਜ਼ੋਰ ਹੋਣ ਦਾ ਡਰ ਹੈ।
- 60:40 ਕੇਂਦਰ-ਰਾਜ ਵਿੱਤੀ ਸਾਂਝੇਦਾਰੀ ਰਾਜਾਂ 'ਤੇ ਹਜ਼ਾਰਾਂ ਕਰੋੜ ਰੁਪਏ ਦਾ ਵਾਧੂ ਬੋਝ ਪਾਏਗੀ।
- ਮੰਗ-ਸੰਚਾਲਿਤ ਪ੍ਰਣਾਲੀ ਦੇ ਅੰਤ ਨਾਲ ਸਮੇਂ ਸਿਰ ਕੰਮ ਅਤੇ ਭੁਗਤਾਨ ਦੀ ਘਾਟ ਹੋਣ ਦਾ ਖ਼ਤਰਾ ਹੈ।
- ਖੇਤੀਬਾੜੀ ਸੀਜ਼ਨ ਦੌਰਾਨ 60 ਦਿਨਾਂ ਲਈ ਕੰਮ ਰੋਕਣ ਦੀ ਵਿਵਸਥਾ 'ਤੇ ਇਤਰਾਜ਼। ਅਨੁਸੂਚਿਤ ਜਾਤੀਆਂ, ਔਰਤਾਂ ਅਤੇ ਭੂਮੀਹੀਣ ਮਜ਼ਦੂਰ ਸਭ ਤੋਂ ਵੱਧ ਪ੍ਰਭਾਵਿਤ ਹਨ।
- ਪੰਚਾਇਤਾਂ ਅਤੇ ਗ੍ਰਾਮ ਸਭਾਵਾਂ ਦੀ ਘਟਦੀ ਭੂਮਿਕਾ ਅਤੇ ਬਹੁਤ ਜ਼ਿਆਦਾ ਕੇਂਦਰੀਕਰਨ 'ਤੇ ਚਿੰਤਾ।
- ਸੀਮਤ ਕੰਮ ਸ਼੍ਰੇਣੀਆਂ ਸਥਾਨਕ ਜ਼ਰੂਰਤਾਂ ਅਨੁਸਾਰ ਕੰਮ ਚੁਣਨ ਦੀ ਆਜ਼ਾਦੀ ਨੂੰ ਸੀਮਤ ਕਰਦੀਆਂ ਹਨ।