Ludhiana News : ਗਾਇਕਾ ਸਿਮਰਨ ਪਾਂਡੇ ਨੇ ਆਪਣੀ ਜੀਵਨ ਲੀਲ੍ਹਾ ਕੀਤੀ ਸਮਾਪਤ ,ਘਟਨਾ ਸਮੇਂ ਪਰਿਵਾਰ ਘਰ ਨਹੀਂ ਸੀ

Ludhiana News : ਲੁਧਿਆਣਾ ਵਿੱਚ ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਦੀ ਰਹਿਣ ਵਾਲੀ 23 ਸਾਲਾ ਧਾਰਮਿਕ ਗਾਇਕਾ ਸਿਮਰਨ ਪਾਂਡੇ ਨੇ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਘਟਨਾ ਸਮੇਂ ਪਰਿਵਾਰ ਘਰ ਨਹੀਂ ਸੀ। ਜਦੋਂ ਪਰਿਵਾਰ ਰਾਤ 11 ਵਜੇ ਵਾਪਸ ਆਇਆ ਤਾਂ ਉਨ੍ਹਾਂ ਨੇ ਸਿਮਰਨ ਨੂੰ ਦੁਪੱਟੇ ਦੇ ਸਹਾਰੇ  ਫੰਦੇ ਨਾਲ ਲਟਕਦੀ ਹੋਈ ਪਾਇਆ ਅਤੇ ਤੁਰੰਤ ਉਸਨੂੰ ਹੇਠਾਂ ਉਤਾਰਿਆ ਅਤੇ ਪੁਲਿਸ ਨੂੰ ਸੂਚਿਤ ਕੀਤਾ।

ਸਿਮਰਨ ਦੇ ਪਿਤਾ ਅਜੇ ਪਾਂਡੇ ਦੇ ਅਨੁਸਾਰ ਉਹ ਲਗਭਗ 15 ਸਾਲਾਂ ਤੋਂ ਲੁਧਿਆਣਾ ਵਿੱਚ ਰਹਿ ਰਹੇ ਹਨ ਅਤੇ ਸਿਮਰਨ ਪਾਂਡੇ ਮਾਤਾ ਦੇ ਜਾਗਰਣ ਵਿੱਚ ਭਜਨ ਗਾਉਂਦੀ ਸੀ। ਦੋ ਦਿਨ ਪਹਿਲਾਂ ਉਹ ਜਾਗਰਣ ਵਿੱਚ ਗਾਇਕ ਕੇ ਵਾਪਸ ਘਰ ਪਰਤੀ ਸੀ। ਅਜੇ ਪਾਂਡੇ ਦੇ ਅਨੁਸਾਰ ਉਸਦੀ ਧੀ ਬਹੁਤੀ ਪੜ੍ਹੀ-ਲਿਖੀ ਨਹੀਂ ਸੀ ਪਰ ਉਹ ਧਾਰਮਿਕ ਸੋਚ ਵਾਲੀ ਸੀ। 

ਉਹ ਥਾਣਾ ਟਿੱਬਾ ਖੇਤਰ ਦੀ ਨਿਊ ਸਟਾਰ ਕਲੋਨੀ ਵਿੱਚ ਰਹਿੰਦਾ ਹੈ। ਬੇਟੀ ਨੂੰ ਵੀ ਦੌਰੇ ਪੈਂਦੇ ਸਨ ,ਜਿਸ ਕਾਰਨ ਉਹ ਕਈ ਵਾਰ ਡਿਪਰੈਸ਼ਨ ਵਿੱਚ ਆ ਜਾਂਦੀ ਸੀ। ਉਸਦਾ ਇੱਕ ਪੁੱਤਰ ਸ਼ਿਵਮ ਮਿਸ਼ਰਾ ਅਤੇ ਪਤਨੀ ਪ੍ਰਤਿਭਾ ਮਿਸ਼ਰਾ ਹੈ। ਬੇਟੀ ਦੀ ਮੌਤ ਤੋਂ ਬਾਅਦ ਪਰਿਵਾਰ ਸੋਗ ਵਿੱਚ ਡੁੱਬਿਆ ਹੋਇਆ ਹੈ। ਹਰ ਕੋਈ ਬਹੁਤ ਰੋ ਰਿਹਾ ਹੈ। ਫਿਲਹਾਲ ਸਿਮਰਨ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰੱਖਿਆ ਗਿਆ ਹੈ।

ਦੱਸ ਦੇਈਏ ਕਿ ਸਿਮਰਨ ਦੇ ਪਿਤਾ ਅਜੈ ਮਿਸ਼ਰਾ ਅਤੇ ਉਸਦੀ ਪਤਨੀ ਪ੍ਰਤਿਭਾ ਦੇ ਬਿਆਨਾਂ ਵਿੱਚ ਅੰਤਰ ਹੈ। ਅਜੈ ਮਿਸ਼ਰਾ ਨੇ ਪਹਿਲਾਂ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਸਦੀ ਬੇਟੀ ਅਨਪੜ੍ਹ ਹੈ ਪਰ ਉਸਦੀ ਮਾਂ ਪ੍ਰਤਿਭਾ ਨੇ ਦੱਸਿਆ ਕਿ ਉਸਦੀ ਬੇਟੀ 12ਵੀਂ ਪਾਸ ਹੈ। ਇਲਾਕੇ ਦੇ ਕੁਝ ਲੋਕਾਂ ਅਨੁਸਾਰ ਆਪਸੀ ਮਤਭੇਦਾਂ ਕਾਰਨ ਸਿਮਰਨ ਦੇ ਭਰਾ ਸ਼ਿਵਮ ਅਤੇ ਪਿਤਾ ਅਜੈ ਵਿਚਕਾਰ ਝਗੜਾ ਹੋਇਆ ਸੀ। ਸ਼ਿਵਮ ਕੁਝ ਸਮੇਂ ਲਈ ਘਰੋਂ ਭੱਜ ਗਿਆ। ਜਿਸ ਤੋਂ ਬਾਅਦ ਸਿਮਰਨ ਦੀ ਲਾਸ਼ ਫੰਦੇ ਨਾਲ ਲਟਕਦੀ ਮਿਲੀ। ਫਿਲਹਾਲ ਪੁਲਿਸ ਨੇ ਸਿਮਰਨ ਦਾ ਮੋਬਾਈਲ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਪੁਲਿਸ ਮੋਬਾਈਲ ਦੀ ਫੋਰੈਂਸਿਕ ਜਾਂਚ ਵੀ ਕਰਵਾਏਗੀ ਤਾਂ ਜੋ ਮਾਮਲੇ ਦੀ ਸਪੱਸ਼ਟ ਜਾਂਚ ਕੀਤੀ ਜਾ ਸਕੇ।

ਪੁਲਿਸ ਨੇ ਸਿਮਰਨ ਦੇ ਪਿਤਾ ਅਜੇ ਦਾ ਬਿਆਨ ਦਰਜ ਕੀਤਾ ਹੈ। ਉਨ੍ਹਾਂ ਦੱਸਿਆ ਹੈ ਕਿ ਸਿਮਰਨ ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਸੀ। ਪਰਿਵਾਰ ਨੇ ਕੁਝ ਰਿਪੋਰਟਾਂ ਵੀ ਦਿਖਾਈਆਂ ਹਨ। ਫਿਰ ਵੀ ਪੁਲਿਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕਰ ਰਹੀ ਹੈ। ਲੜਕੀ ਦੀ ਮੌਤ ਦਾ ਅਸਲ ਕਾਰਨ ਪੋਸਟਮਾਰਟਮ ਤੋਂ ਬਾਅਦ ਪਤਾ ਲੱਗੇਗਾ।