ਵਾਸ਼ਿੰਗਟਨ : ਕਿਸੇ ਨੇ ਸੱਚ ਹੀ ਕਿਹਾ ਹੈ ਕਿ ਈਮਾਨਦਾਰੀ ਨਾਲ ਕੀਤੀ ਮਿਹਨਤ ਕਿਸਮਤ ਬਦਲ ਸਕਦੀ ਹੈ। ਇਸ ਗੱਲ ਨੂੰ 89 ਸਾਲਾ ਪਿੱਜ਼ਾ ਡਿਲਿਵਰੀ ਬੁਆਏ ਡੇਰਲਿਨ ਨੀਵੀ ਨੇ ਸਹੀ ਸਾਬਤ ਕਰ ਦਿਖਾਇਆ ਹੈ। ਡੇਰਲਿਨ ਦੀ ਇਮਾਨਦਾਰੀ ਅਤੇ ਜਜ਼ਬੇ ਨੇ ਉਨ੍ਹਾਂ ਨੂੰ ਟਿਪਸ ਦੇ ਤੌਰ 'ਤੇ 12 ਹਜ਼ਾਰ ਡਾਲਰ ਮਤਲਬ 9 ਲੱਖ ਰੁਪਏ ਦਵਾਏ । ਜਾਣਕਾਰੀ ਮੁਤਾਬਿਕ ਡੇਰਲਿਨ ਅਮਰੀਕਾ ਦੇ ਪੱਛਮੀ ਰਾਜ ਉਟਾਹ 'ਚ ਪਾਪਾ ਜੋਨਸ ਬ੍ਰਾਂਡ ਦੇ ਪਿੱਜ਼ਾ ਡਿਲਿਵਰੀ ਦਾ ਕੰਮ ਕਰਦੇ ਹਨ। ਉਹ ਹਫਤੇ ਵਿਚ ਲੱਗਭਗ 30 ਘੰਟੇ ਪੂਰੀ ਮਿਹਨਤ ਨਾਲ ਕੰਮ ਕਰਦੇ ਹਨ।
ਦਸਦੀਏ ਕਿ ਡੇਰਲਿਨ ਨੀਵੀ ਕੁਝ ਹਫਤੇ ਪਹਿਲਾਂ ਇਕ ਪਾਈਨ ਐਪਲ ਪਿੱਜ਼ਾ ਡਿਲਿਵਰ ਕਰਨ ਗਏ ਸਨ। ਗਲੈਡੀ ਨੇ ਜਦੋਂ ਦਰਵਾਜਾ ਖੋਲ੍ਹਿਆ ਉਦੋਂ ਡੇਰਲਿਨ ਨੇ ਗੱਲਬਾਤ ਦੀ ਸ਼ੁਰੂਆਤ ਕਰਦੇ ਹੋਏ ਕਿਹਾ ਕਿ 'ਹਾਏ ਗੋਰਜਸ' (Hi, gorgeous!) ਬਸ ਇੰਨਾ ਕਹਿਣ ਦੀ ਦੇਰ ਸੀ ਕਿ ਗਲੈਡੀ ਵਾਲਡੇਜ ਬੇੱਹਦ ਖੁਸ਼ ਹੋ ਗਈਂ । 32 ਸਾਲਾ ਗਲੈਡੀ ਵਾਲਡੇਜ ਨੇ ਡੇਰਲਿਨ ਦੀ ਤਾਰੀਫ ਕਰਦਿਆਂ ਕਿਹਾ ਕਿ ਉਹ ਬਹੁਤ ਮਿਲਾਪੜੇ, ਪਿਆਰੇ ਅਤੇ ਚੰਗੀ ਨੀਅਤ ਵਾਲੇ ਇਨਸਾਨ ਹਨ।
ਇਸ ਨੂੰ ਦੇਖਦੇ ਹੋਏ ਵਾਲਡੇਜ ਪਰਿਵਾਰ ਨੇ ਕਈ ਵਾਰ ਪਿੱਜ਼ਾ ਆਰਡਰ ਕੀਤਾ ਅਤੇ ਡਿਲਿਵਰੀ ਲਿਆਉਣ ਲਈ ਡੇਰਲਿਨ ਨੂੰ ਹੀ ਕਿਹਾ ਅਤੇ ਜਦੋਂ ਵੀ ਆਏ ਉਦੋਂ-ਉਦੋਂ ਵਾਲਡੇਜ ਪਰਿਵਾਰ ਨੇ ਡੇਰਲਿਨ ਦਾ ਵੀਡੀਓ ਪੋਸਟ ਕੀਤੀ ਹੁਣ ਤੱਕ ਉਨ੍ਹਾਂ ਦੀ ਇਕ ਵੀਡੀਓ ਨੂੰ ਤਾਂ 2.5 ਬਿਲੀਅਨ ਤੋਂ ਵੱਧ ਵਾਰ ਦੇਖਿਆ ਗਿਆ।
ਕਾਰਲੋਸ ਵਾਲਡੇਜ ਡਿਲਿਵਰੀ ਬੁਆਏ ਡੇਰਲਿਨ ਦੇ ਲਈ ਕੁਝ ਚੰਗਾ ਕੰਮ ਕਰਨਾ ਚਾਹੁੰਦੇ ਸਨ। ਇਸ ਲਈ ਉਹਨਾਂ ਨੇ ਆਪਣੇ ਟਿਕਟਾਕ ਪੇਜ ਤੋਂ ਕ੍ਰਾਊਡਫੰਡ ਦਾ ਫ਼ੈਸਲਾ ਲਿਆ। ਸਿਰਫ 24 ਘੰਟਿਆਂ ਦੇ ਅੰਦਰ ਉਹਨਾਂ ਨੇ 1000 ਡਾਲਰ ਤੋਂ ਵੱਧ ਰਾਸ਼ੀ ਜੁਟਾ ਲਈ ਅਤੇ ਕੁੱਲ ਰਾਸ਼ੀ 12,000 ਡਾਲਰ ਇਕੱਠੀ ਹੋਈ। ਇਸ ਦੇ ਬਾਅਦ ਵਾਲਟੇਜ ਨੇ ਡੇਰਲਿਨ ਨੂੰ ਉਹਨਾਂ ਦੇ ਘਰ ਜਾ ਕੇ ਇਕ ਖਾਲੀ ਪਿੱਜ਼ਾ ਬਕਸੇ ਵਿਚ 12,000 ਡਾਲਰ ਦੀ ਰਾਸ਼ੀ ਦਿੱਤੀ।
ਡੱਬਾ ਖੋਲ੍ਹਣ ਦੇ ਬਾਅਦ ਡੇਰਲਿਨ ਦੀਆਂ ਅੱਖਾਂ ਵਿਚ ਹੰਝੂ ਸਨ। ਲੋਕ ਡੇਰਲਿਨ ਨੂੰ ਹੋਰ ਦਾਨ ਦੇਣਾ ਚਾਹੁੰਦੇ ਹਨ ਇਸ ਲਈ ਵਾਲਡੇਜ ਨੇ ਇਕ ਨਵਾਂ ਵੇਨਗੋ ਅਕਾਊਂਟ ਸਥਾਪਿਤ ਕੀਤਾ, ਜਿੱਥੇ ਹੁਣ ਉਹ ਮਿਡਲ ਮੈਨ ਦੇ ਰੂਪ ਵਿਚ ਨਹੀਂ ਹਨ ਅਤੇ ਲੋਕਾਂ ਵੱਲੋਂ ਦਿੱਤਾ ਦਾਨ ਸਿੱਧੇ ਡੇਰਲਿਨ ਨੂੰ ਜਾਵੇਗਾ।