ਪਹਿਲਾਂ ਫਾਂਸੀ ਦੇ ਫੰਦੇ ਨਾਲ ਲਈ ਸੈਲਫੀ, ਘਰਵਾਲਿਆਂ ਨੂੰ ਫੋਟੋ ਭੇਜ ਦੇ ਦਿੱਤੀ ਜਾਨ
ਲਖਨਊ: ਯੂਪੀ ਦੇ ਹਮੀਰਪੁਰ ਵਿਚ ਇੱਕ ਦਰਦਨਾਕ ਮਾਮਲਾ ਹੋਇਆ ਹੈ, ਜਿੱਥੇ ਇੱਕ ਨੌਜਵਾਨ ਨੇ ਫਾਂਸੀ ਦਾ ਫੰਦਾ ਗਲੇ ਵਿਚ ਪਾ ਕੇ ਪਹਿਲਾਂ ਸੈਲਫੀ ਲਈ ਅਤੇ ਆਪਣੇ ਘਰ ਵਾਲੀਆਂ ਅਤੇ ਦੋਸਤਾਂ ਨੂੰ ਭੇਜ ਦਿੱਤੀ। ਇਸ ਦੇ ਬਾਅਦ ਉਸ ਨੇ ਉਸੇ ਫਾਂਸੀ ਉੱਤੇ ਲਟਕ ਕੇ ਆਪਣੀ ਜਾਨ ਦੇ ਦਿੱਤੀ। ਫਾਂਸੀ ਦੀ ਸੈਲਫੀ ਵੇਖ ਕਰ ਪਰਿਵਾਰ ਵਿਚ ਹੜਕੰਪ ਮਚ ਗਿਆ। ਕਈ ਘੰਟਿਆਂ ਦੀ ਮਿਹਨਤ ਦੇ ਬਾਅਦ ਪਰਿਵਾਰ ਤੇ ਪੁਲਿਸ ਇਸ ਨੌਜਵਾਨ ਦੀ ਲਾਸ਼ ਨੂੰ ਲੱਭ ਸਕੇ। ਇਹ ਪੂਰਾ ਮਾਮਲਾ ਪ੍ਰੇਮ ਸਬੰਧਾਂ ਨਾਲ ਜੁੜਿਆ ਹੋਇਆ ਹੈ।
ਪੜੋ ਹੋਰ ਖਬਰਾਂ: ਜ਼ਮੀਨੀ ਵਿਵਾਦ ਦੌਰਾਨ ਮੁਟਿਆਰ ਨੂੰ ਜ਼ਿੰਦਾ ਕੰਧ ‘ਚ ਚੁਣਵਾਇਆ, ਦਰਿੰਦਗੀ ਦੀ ਹੈਰਾਨ ਕਰਦੀ ਵਾਰਦਾਤ
ਦਰਅਸਲ ਨੌਜਵਾਨ ਦੀ ਪ੍ਰੇਮਿਕਾ ਦਾ ਵਿਆਹ ਹੋਇਆ ਹੈ, ਪ੍ਰੇਮਿਕਾ ਦੀ ਵਿਦਾਈ ਦੀ ਖਬਰ ਜਿਵੇਂ ਹੀ ਨੌਜਵਾਨ ਨੂੰ ਮਿਲੀ, ਉਸ ਤੋਂ ਦੁਖੀ ਹੋ ਕੇ ਨੌਜਵਾਨ ਨੇ ਇੱਕ ਖੇਤ ਵਿਚ ਜਾ ਕੇ ਇੱਕ ਦਰਖਤ ਉੱਤੇ ਫਾਂਸੀ ਲਗਾ ਲਈ। ਹਮੀਰਪੁਰ ਜ਼ਿਲੇ ਦੇ ਰਾਠ ਥਾਣਾ ਕੋਤਵਾਲੀ ਖੇਤਰ ਅਧੀਨ ਆਉਣ ਵਾਲੇ ਜਖੇੜੀ ਪਿੰਡ ਦਾ ਰਹਿਣ ਵਾਲਾ ਲਕਸ਼ਮੀ ਪ੍ਰਸਾਦ ਪ੍ਰਜਾਪਤੀ (19) ਰਾਜਸਥਾਨ ਦੇ ਅਲਵਰ ਵਿਚ ਇੱਕ ਫੈਕਟਰੀ ਵਿਚ ਨੌਕਰੀ ਕਰਦਾ ਸੀ। ਇਸ ਦੀ ਸਕੀ ਭੂਆ ਦੀ ਨਨਾਣ ਮਹੋਬਾ ਵਿਚ ਰਹਿੰਦੀ ਹੈ। ਇੱਥੇ ਰਹਿਣ ਵਾਲੀ ਇੱਕ ਮੁਟਿਆਰ ਨਾਲ ਉਹ ਪਿਆਰ ਕਰਦਾ ਸੀ। ਉਸ ਨਾਲ ਵਿਆਹ ਵੀ ਕਰਨਾ ਚਾਹੁੰਦਾ ਸੀ। ਪਰ ਦੋਵਾਂ ਦੇ ਪਰਿਵਾਰ ਇਸ ਮੇਲ-ਮਿਲਾਪ ਨੂੰ ਪਸੰਦ ਨਹੀਂ ਕਰਦੇ ਸਨ।
ਪੜੋ ਹੋਰ ਖਬਰਾਂ: ਭਾਜਪਾ ਆਗੂ ਅਨਿਲ ਜੋਸ਼ੀ ਨੇ ਅਪਣਾਏ ਬਗਾਵਤੀ ਸੁਰ, ਕਿਸਾਨੀ ਸੰਘਰਸ਼ ਦੇ ਹੱਕ ਚ ਆਵਾਜ਼ ਕੀਤੀ ਬੁਲੰਦ
ਸ਼ੁੱਕਰਵਾਰ ਨੂੰ ਲਕਸ਼ਮੀ ਪ੍ਰਸਾਦ ਰਾਜਸਥਾਨ ਤੋ ਪਰਤ ਕੇ ਬੱਸ ਤੋਂ ਆ ਰਿਹਾ ਸੀ। ਉਦੋਂ ਉਸ ਨੂੰ ਪ੍ਰੇਮਿਕਾ ਦੇ ਵਿਆਹ ਹੋਣ ਦੇ ਬਾਅਦ ਵਿਦਾਈ ਦੀ ਜਾਣਕਾਰੀ ਹੋਈ। ਇਹ ਨੌਜਵਾਨ ਪ੍ਰੇਮਿਕਾ ਦੇ ਵਿਆਹ ਦੀ ਖਬਰ ਤੋਂ ਬਹੁਤ ਦੁਖੀ ਹੋ ਗਿਆ। ਉਹ ਰਸਤੇ ਵਿਚ ਹੀ ਉਤਰ ਗਿਆ ਤੇ ਖੇਤਾਂ ਵਿਚ ਜਾ ਕੇ ਫਾਂਸੀ ਲਗਾ ਲਈ।
ਪੜੋ ਹੋਰ ਖਬਰਾਂ: ਅਫਗਾਨਿਸਤਾਨ 'ਚ ਸੜਕ ਕਿਨਾਰੇ ਹੋਇਆ ਬੰਬ ਧਮਾਕਾ, 11 ਹਲਾਕ
ਥਾਣਾ ਇੰਚਾਰਜ ਓਮਪ੍ਰਕਾਸ਼ ਯਾਦਵ ਨੇ ਦੱਸਿਆ ਕਿ ਮ੍ਰਿਤਕ ਦੇ ਪਿਤਾ ਰਾਕੇਸ਼ ਪ੍ਰਜਾਪਤੀ ਅਤੇ ਰਿਸ਼ਤੇਦਾਰ ਮੋਬਾਇਲ ਫੋਨ ਉੱਤੇ ਮੇਸੇਜ ਨੂੰ ਲੈ ਕੇ ਪ੍ਰੇਸ਼ਾਨ ਸਨ। ਉਹ ਇਧਰ-ਓਧਰ ਉਸਦੀ ਭਾਲ ਵੀ ਕਰਦੇ ਰਹੇ। ਪਰ ਉਸ ਦਾ ਪਤਾ ਨਹੀਂ ਚੱਲ ਸਕਿਆ। ਰਾਤ ਵੇਲੇ ਪੁਲਿਸ ਇਸਦੀ ਤਲਾਸ਼ ਕਰਦੇ ਹੋਏ ਮੌਕੇ ਉੱਤੇ ਪਹੁੰਚ ਗਈ, ਜਿੱਥੇ ਉਹ ਇੱਕ ਦਰਖਤ ਉੱਤੇ ਫਾਂਸੀ ਦੇ ਫੰਦੇ ਉੱਤੇ ਲਟਕਿਆ ਮਿਲਿਆ। ਮ੍ਰਿਤਕ ਦੀ ਜੇਬ ਵਿਚ ਪਏ ਮੋਬਾਇਲ ਫੋਨ ਰਾਹੀਂ ਪਰਿਵਾਰ ਵਾਲਿਆਂ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ ਗਈ। ਸ਼ਨੀਵਾਰ ਨੂੰ ਲਾਸ਼ ਦਾ ਪੋਸਟਮਾਰਟਮ ਕਰਾਇਆ ਗਿਆ ਹੈ।
-PTC News
