'ਮਾਮਲਾ 500 ਦਾ ਨਹੀਂ 10,000 ਕਰੋੜ ਰੁਪਏ ਦਾ ਹੈ'; ਵਾਇਰਲ ਵੀਡੀਓ ਨੇ ਵਧਾਈ ਕੇਂਦਰੀ ਮੰਤਰੀ ਤੋਮਰ ਸਣੇ ਸਿਰਸਾ ਦੀਆਂ ਮੁਸ਼ਕਿਲਾਂ

ਪੀਟੀਸੀ ਨਿਊਜ਼ ਡੈਸਕ: ਕੇਂਦਰੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਦੇ ਬੇਟੇ ਦੀ ਵੀਡੀਓ ਨੂੰ ਲੈ ਕੇ ਮੱਧ ਪ੍ਰਦੇਸ਼ 'ਚ ਭਾਜਪਾ ਬੇਚੈਨ ਹੈ। ਪਾਰਟੀ ਦੇ ਨਾਲ-ਨਾਲ ਕੇਂਦਰੀ ਖੇਤੀਬਾੜੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਨੇ ਵੀ ਪੂਰੇ ਘਟਨਾਕ੍ਰਮ 'ਚ ਚੁੱਪ ਧਾਰ ਰੱਖੀ ਹੈ। ਨਰਿੰਦਰ ਸਿੰਘ ਤੋਮਰ ਦੇ ਬੇਟੇ ਦਾ ਇੱਕ ਬਾਹਰੀ ਕਾਰੋਬਾਰੀ ਨਾਲ ਗੱਲਬਾਤ ਕਰਨ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। 

'500 ਕਰੋੜ ਨਹੀਂ 10,000 ਕਰੋੜ ਦਾ ਪੂਰਾ ਮਾਮਲਾ' 
ਪਹਿਲੇ ਵੀਡੀਓ 'ਚ 100 ਕਰੋੜ ਅਤੇ ਦੂਜੇ 'ਚ 500 ਕਰੋੜ ਰੁਪਏ ਦੀ ਗੱਲ ਹੋਈ। ਹੁਣ ਇੱਕ ਨਵਾਂ ਵੀਡੀਓ ਸਾਹਮਣੇ ਆਇਆ ਹੈ। ਨਵੀਂ ਵੀਡੀਓ ਵਿੱਚ ਇੱਕ ਵਿਅਕਤੀ ਸਪਸ਼ਟੀਕਰਨ ਦੇ ਰਿਹਾ ਹੈ। ਉਹ ਕਹਿ ਰਿਹਾ ਹੈ ਕਿ ਨਰਿੰਦਰ ਸਿੰਘ ਤੋਮਰ ਦਾ ਬੇਟਾ ਪੁਰਾਣੀ ਵੀਡੀਓ ਵਿੱਚ ਮੇਰੇ ਨਾਲ ਹੀ ਗੱਲ ਕਰ ਰਿਹਾ ਹੈ। ਉਹ ਆਪਣੇ ਆਪ ਨੂੰ ਕੈਨੇਡਾ ਦਾ ਇੱਕ ਕਾਰੋਬਾਰੀ ਦੱਸ ਰਿਹਾ ਹੈ। ਉਹ ਇਹ ਵੀ ਕਹਿ ਰਿਹਾ ਹੈ ਕਿ ਸੌਦਾ 100 ਕਰੋੜ, 500 ਕਰੋੜ ਰੁਪਏ ਦਾ ਨਹੀਂ ਸਗੋਂ 10,000 ਕਰੋੜ ਰੁਪਏ ਦਾ ਹੈ।



ਮੋਦੀ ਸਰਕਾਰ ਦੇ ਸ਼ਕਤੀਸ਼ਾਲੀ ਮੰਤਰੀਆਂ 'ਚ ਇੱਕ ਨੇ ਤੋਮਰ
ਸਾਹਮਣੇ ਆਈ ਤੀਸਰੇ ਵੀਡੀਓ ਨੇ ਮੱਧ ਪ੍ਰਦੇਸ਼ ਦੀ ਰਾਜਨੀਤੀ ਵਿੱਚ ਤੂਫ਼ਾਨ ਮਚਾ ਦਿੱਤਾ ਹੈ, ਕਿਉਂਕਿ ਬਹੁਤ ਜਲਦ ਉੱਥੇ ਚੋਣਾਂ ਹੋਣੀਆਂ ਨੇ, ਅਤੇ ਨਰਿੰਦਰ ਸਿੰਘ ਤੋਮਰ ਸੂਬੇ ਦੇ ਮੋਰੀਨਾ ਇਲਾਕੇ ਤੋਂ ਜਿੱਤ ਹਾਸਿਲ ਕਰ ਲੋਕ ਸਭਾ ਪਹੁੰਚੇ ਹਨ। ਇਸ ਦੇ ਨਾਲ ਹੀ ਪਾਰਟੀ ਨੇ ਵੀ ਚੁੱਪ ਧਾਰੀ ਹੋਈ ਹੈ। ਨਰਿੰਦਰ ਸਿੰਘ ਤੋਮਰ ਮੋਦੀ ਸਰਕਾਰ ਵਿੱਚ ਇੱਕ ਸ਼ਕਤੀਸ਼ਾਲੀ ਨੇਤਾ ਹਨ। ਲੈਣ-ਦੇਣ ਦਾ ਵੀਡੀਓ ਉਨ੍ਹਾਂ ਦੇ ਵੱਡੇ ਪੁੱਤਰ ਦੇਵੇਂਦਰ ਸਿੰਘ ਤੋਮਰ ਦਾ ਦੱਸਿਆ ਜਾ ਰਿਹਾ ਹੈ। ਦੂਜਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਉਹ ਮੀਡੀਆ ਤੋਂ ਮੂੰਹ ਫੇਰਦੇ ਨਜ਼ਰ ਆਉਂਦੇ ਹਨ। 

ਕੈਨੇਡੀਅਨ ਕਾਰੋਬਾਰੀ ਹੋਣ ਦਾ ਦਾਅਵਾ ਕੀਤਾ
ਦਰਅਸਲ ਵਾਇਰਲ ਵੀਡੀਓ 'ਚ ਨਰਿੰਦਰ ਸਿੰਘ ਤੋਮਰ ਦਾ ਬੇਟਾ ਜਿਸ ਵਿਅਕਤੀ ਨਾਲ ਗੱਲ ਕਰ ਰਿਹਾ ਹੈ, ਉਸ ਨੇ ਆਪਣਾ ਨਾਂ ਜਗਮਨਦੀਪ ਸਿੰਘ ਦੱਸਿਆ ਹੈ। ਉਹ ਕਹਿ ਰਿਹੈ, "ਮੈਂ ਕੈਨੇਡਾ ਦਾ ਕਾਰੋਬਾਰੀ ਹਾਂ।" ਉਹ ਕਹਿ ਰਿਹਾ ਹੈ, "ਦੋ-ਤਿੰਨ ਦਿਨਾਂ ਤੋਂ ਮੇਰੀ ਇੱਕ ਵੀਡੀਓ ਫੇਸਬੁੱਕ 'ਤੇ ਵਾਇਰਲ ਹੋ ਰਹੀ ਹੈ। ਇਹ ਵੀਡੀਓ ਨਰਿੰਦਰ ਸਿੰਘ ਤੋਮਰ ਦੇ ਪੁੱਤਰ ਦੇਵੇਂਦਰ ਸਿੰਘ ਤੋਮਰ ਦਾ ਹੈ। ਦੂਜੀ ਆਵਾਜ਼ ਮੇਰੀ ਹੈ। ਮੈਂ ਇਸ ਵਿੱਚ ਨਹੀਂ ਜਾਵਾਂਗਾ ਕਿ ਇਹ ਵੀਡੀਓ ਕਿਵੇਂ ਬਣਾਈ ਗਈ ਸੀ। ਇਹ ਵੀਡੀਓ ਮੇਰੇ ਫਾਰਮ ਹਾਊਸ 'ਤੇ ਬਣਾਈ ਗਈ ਹੈ, ਮੈਂ ਕਮਰੇ ਦੀ ਵੀਡੀਓ ਵੀ ਸ਼ੂਟ ਕਰਕੇ ਪੋਸਟ ਕਰਾਂਗਾ। ਵਿਅਕਤੀ ਨੇ ਦਾਅਵਾ ਕੀਤਾ ਹੈ ਕਿ ਵਾਇਰਲ ਵੀਡੀਓ ਅਸਲੀ ਹਨ।"

ਜਗਮਨਦੀਪ ਸਿੰਘ ਨੇ ਦਾਅਵਾ ਕਰਦਿਆਂ ਕਿਹਾ, "ਇੱਕ ਮਾਈਨਿੰਗ ਕੰਪਨੀ ਤੋਂ ਪੈਸੇ ਟਰਾਂਸਫਰ ਕੀਤੇ ਗਏ ਹਨ।" ਵਿਅਕਤੀ ਕਹਿ ਰਿਹਾ, "ਮੇਰੀ ਦੋਸਤੀ 2018 ਵਿੱਚ ਪ੍ਰਬਲ ਸਿੰਘ ਤੋਮਰ ਨਾਲ ਹੋਈ ਸੀ। ਮੈਂ ਤਾਲਾਬੰਦੀ ਦੌਰਾਨ ਮਾਰਚ 2020 ਵਿੱਚ ਉਸ ਨੂੰ ਮਿਲਣ ਗਿਆ ਸੀ। ਮੈਂ ਉਸ ਸਮੇਂ ਭਾਰਤ ਵਿੱਚ ਸੀ।" ਜਗਮਨਦੀਪ ਸਿੰਘ ਨੇ ਕਿਹਾ, "ਮੈਂ ਬਲਿਊਬੈਰੀ, ਗਾਂਜਾ ਅਤੇ ਭੰਗ ਦੀ ਖੇਤੀ ਕਰਦਾ ਹਾਂ।" ਉਸਨੇ ਦਾਅਵਾ ਕੀਤਾ ਹੈ ਕਿ ਉਹਨਾਂ ਨੂੰ ਭੰਗ ਅਤੇ ਗਾਂਜਾ ਦੇ ਪ੍ਰੋਜੈਕਟਾਂ ਵਿੱਚ ਵੀ ਨਿਵੇਸ਼ ਕਰਨਾ ਪਿਆ ਸੀ।

नरेंद्र सिंह तोमर के बेटे देवेंद्र तोमर के करोड़ों का लेनदेन करते वायरल वीडियो मामले में नया खुलासा हुआ है। वीडियो कॉल पर मंत्री पुत्र से बात कर रहे शख़्स ने नया वीडियो जारी कर पूरी बातचीत की पुष्टि की है।

यह पूरा मामला 100 या 500 करोड़ का नहीं बल्कि 10000 करोड़ का होना बताया जा… pic.twitter.com/OdBVoot6bR

— MP Congress (@INCMP) November 14, 2023

ਮਨਜਿੰਦਰ ਸਿੰਘ ਸਿਰਸਾ ਦਾ ਵੀ ਨਾਂਅ ਆਇਆ ਸਾਹਮਣੇ 
ਇਸ ਦੇ ਨਾਲ ਹੀ ਉਕਤ ਵਿਅਕਤੀ ਨੇ ਮੰਤਰੀ ਦੇ ਬੇਟੇ ਬਾਰੇ ਦਾਅਵਾ ਕਰਦਿਆਂ ਕਿਹਾ, "ਅਸੀਂ ਹੋਰ ਦੋਸਤ ਬਣ ਗਏ, ਮੇਰੇ ਕੋਲ ਉਸ ਲੈਣ-ਦੇਣ ਵਿੱਚ ਦੱਸੇ ਗਏ ਸਾਰੇ ਨਾਵਾਂ ਦੇ ਸਬੂਤ ਹਨ।" ਉਸਨੇ ਆਪਣਾ ਵਟਸਐਪ ਨੰਬਰ ਵੀ ਦਿੱਤਾ ਹੈ।

ਜਗਮਨਦੀਪ ਸਿੰਘ ਦਾ ਕਹਿਣਾ, "ਮੈਂ ਇਹ ਨਹੀਂ ਦੱਸਾਂਗਾ ਕਿ ਇਹ ਵੀਡੀਓ ਕਿਸ ਨੇ ਰਿਕਾਰਡ ਕੀਤੀ ਹੈ। ਉਸਨੇ ਇਹ ਵੀ ਕਿਹਾ,  "ਮੇਰੇ ਦਾਦਾ ਜੀ ਵੀ ਮਹਾਨ ਆਜ਼ਾਦੀ ਘੁਲਾਟੀਏ ਸਨ। ਉਨ੍ਹਾਂ ਨੇ ਅਕਾਲੀ ਦਲ ਦੀ ਨੀਂਹ ਰੱਖੀ ਸੀ। ਮੇਰੇ ਪਿਤਾ ਰਾਜਨੀਤੀ ਤੋਂ ਦੂਰ ਰਹੇ। ਮੈਂ ਇਸ ਤੋਂ ਦੂਰ ਰਿਹਾ ਹਾਂ।" ਵੀਡੀਓ ਵਿੱਚ ਵਿਅਕਤੀ ਨੂੰ ਨਰਿੰਦਰ ਸਿੰਘ ਤੋਮਰ ਦੇ ਛੋਟੇ ਪੁੱਤਰ ਪ੍ਰਬਲ ਸਿੰਘ ਤੋਮਰ ਨਾਲ ਵੀ ਗੱਲਬਾਤ ਕਰਦੇ ਦਿਖਾਇਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਇਹ ਵਿਅਕਤੀ ਭਾਜਪਾ ਆਗੂ ਮਨਜਿੰਦਰ ਸਿੰਘ ਸਿਰਸਾ ਦਾ ਨਾਂ ਵੀ ਲੈ ਰਿਹਾ ਹੈ। ਜਿਨ੍ਹਾਂ ਨੂੰ ਨਕਦੀ ਦਿੱਤੀ ਗਈ, ਉਹ ਉਸ ਵੇਲੇ ਗੁਰਦੁਆਰਾ ਕਮੇਟੀ ਦੇ ਚੇਅਰਮੈਨ ਸਨ।

ਵਾਇਰਲ ਵੀਡੀਓ 'ਚ ਜਗਮਨਦੀਪ ਸਿੰਘ ਬੈਂਕਾਂ ਤੋਂ ਹੋਏ ਲੈਣ-ਦੇਣ ਦੇ ਕੁਝ ਦਸਤਾਵੇਜ਼ ਦਿਖਾ ਰਿਹਾ ਹੈ। ਵਿਅਕਤੀ ਨੇ ਦਾਅਵਾ ਕੀਤਾ ਹੈ ਕਿ ਇਹ ਤੋਮਰ ਦੀ ਵਟਸਐਪ ਆਈ.ਡੀ. ਹੈ, ਉਸਦੀ ਮੰਤਰੀ ਦੇ ਬੇਟੇ ਨਾਲ ਗੱਲਬਾਤ ਹੋਈ ਸੀ। ਵਿਅਕਤੀ ਨੇ ਦਾਅਵਾ ਕੀਤਾ ਹੈ ਕਿ ਉਹ ਮਨਜਿੰਦਰ ਸਿੰਘ ਸਿਰਸਾ ਸੀ ਜੋ ਆਪਣੇ ਸਮੇਂ ਗੁਰਦੁਆਰਾ ਕਮੇਟੀ ਦਾ ਪ੍ਰਧਾਨ ਸੀ। ਜਿਨ੍ਹਾਂ ਨੂੰ ਨਕਦੀ ਦਿੱਤੀ ਗਈ ਕਿਉਂਕਿ ਬੈਂਕ ਵਿੱਚ ਗੁਰਦੁਆਰੇ ਦੇ ਪੈਸਿਆਂ ਦਾ ਕੋਈ ਰਿਕਾਰਡ ਨਹੀਂ ਹੁੰਦਾ। ਇੱਕ ਦਸਤਾਵੇਜ਼ ਦਿਖਾਉਂਦੇ ਹੋਏ ਉਸਨੇ ਦੱਸਿਆ ਕਿ ਇਹ ਪੈਸਾ ਮਨਜਿੰਦਰ ਸਿੰਘ ਸਿਰਸਾ ਨੇ ਮੰਤਰੀ ਦੇ ਪੁੱਤਰ ਨੂੰ ਦਿੱਤਾ ਸੀ ਅਤੇ ਇਹ 500 ਕਰੋੜ ਰੁਪਏ ਦੀ ਗੱਲ ਨਹੀਂ ਹੈ, ਕੁੱਲ 10,000 ਕਰੋੜ ਰੁਪਏ ਦਾ ਮਾਮਲਾ ਹੈ।

ਭਾਜਪਾ ਆਗੂ ਮਜਿੰਦਰ ਸਿੰਘ ਸਿਰਸਾ ਨੇ ਵੀ ਇਸਤੇ ਆਪਣਾ ਪ੍ਰਤੀਕਰਮ ਦਿੰਦਿਆਂ ਕਿਹਾ, "ਵਾਇਰਲ ਵੀਡੀਓ ਵਿੱਚ ਕੀਤੇ ਗਏ ਗੈਰ-ਪ੍ਰਮਾਣਿਤ ਦਾਅਵਿਆਂ ਨੂੰ ਪ੍ਰਸਾਰਿਤ ਕਰਨ ਵਾਲੇ ਸਾਰੇ ਲੋਕਾਂ ਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ DSGMC ਦਾ ਸਾਲਾਨਾ ਬਜਟ ਲਗਭਗ ₹130 ਕਰੋੜ ਹੈ ਅਤੇ ਇਹ ਵੀਡੀਓ ₹10,000 ਕਰੋੜ ਟ੍ਰਾਂਸਫਰ ਦੀ ਗੱਲ ਕਰਦਾ ਹੈ। ਵੀਡੀਓ ਨਕਲੀ ਹੈ !! ਗੁਰਦੁਆਰਾ ਖਾਤੇ ਪੂਰੀ ਤਰ੍ਹਾਂ ਪਾਰਦਰਸ਼ੀ ਹਨ ਅਤੇ ਕੋਈ ਵੀ ਵਿਅਕਤੀ ਜਾਂਚ ਕਰ ਸਕਦਾ ਹੈ। ਅਜਿਹੀਆਂ ਲਗਾਈਆਂ ਗਈਆਂ ਵੀਡੀਓਜ਼ ਲੋਕਾਂ ਦੀ ਆਸਥਾ 'ਤੇ ਹਮਲਾ ਕਰਦੀਆਂ ਹਨ ਅਤੇ ਸਾਡੀਆਂ ਗੁਰਦੁਆਰਾ ਸੰਸਥਾਵਾਂ ਨੂੰ ਕਮਜ਼ੋਰ ਕਰਨ ਲਈ ਹੁੰਦੀਆਂ ਹਨ। ਮੈਂ ਫਰਜ਼ੀ ਵੀਡੀਓਜ਼ ਰਾਹੀਂ ਗੁਰਦੁਆਰਾ ਸੰਸਥਾਵਾਂ ਦਾ ਨਿਰਾਦਰ ਕਰਨ ਵਾਲੇ ਕਿਸੇ ਵੀ ਵਿਅਕਤੀ/ਹਰੇਕ ਵਿਅਕਤੀ ਵਿਰੁੱਧ ਮਾਣਹਾਨੀ ਦਾ ਕੇਸ ਦਰਜ ਕਰਾਂਗਾ।"

All those who are circulating the unverified claims made in a viral video must understand that the annual budget of DSGMC is nearly ₹130 Cr & that video talks of ₹10,000 Cr transfer.
The video is fake from the word go!!

Gurudwara Accounts are totally transparent & can be… pic.twitter.com/VvinqCJjxn

— Manjinder Singh Sirsa (@mssirsa) November 15, 2023

ਬਿਕਰਮ ਮਜੀਠੀਆ ਨੇ ਕੀਤੀ ਅਹਿਮ ਪ੍ਰੈਸ ਕਾਨਫਰੰਸ


ਕਾਂਗਰਸ ਦਾ ਭਾਜਪਾ 'ਤੇ ਹਮਲਾ
ਕਾਂਗਰਸ ਇਸ ਨੂੰ ਮੁੱਦਾ ਬਣਾ ਕੇ ਭਾਜਪਾ 'ਤੇ ਲਗਾਤਾਰ ਹਮਲੇ ਕਰ ਰਹੀ ਹੈ। ਰਾਹੁਲ ਗਾਂਧੀ ਨੇ ਦੋਸ਼ ਲਾਇਆ ਕਿ ਭਾਜਪਾ ਨੇ ਭ੍ਰਿਸ਼ਟਾਚਾਰ ਦੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਉਨ੍ਹਾਂ ਕਿਹਾ ਕਿ ਨਰਿੰਦਰ ਸਿੰਘ ਤੋਮਰ ਇਕ ਮੰਤਰੀ ਹਨ। ਉਨ੍ਹਾਂ ਦੇ ਬੇਟੇ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਉਹ ਕਰੋੜਾਂ ਰੁਪਏ ਦੀ ਗੱਲ ਕਰ ਰਿਹਾ ਹੈ। ਉਹ ਕਿਸ ਦੇ ਪੈਸੇ ਦੀ ਗੱਲ ਕਰ ਰਿਹਾ ਹੈ? ਇਹ ਜਨਤਾ ਦਾ ਪੈਸਾ ਹੈ। ਭਾਜਪਾ ਦੇ ਸਾਰੇ ਮੰਤਰੀ ਅਤੇ ਮੁੱਖ ਮੰਤਰੀ ਭ੍ਰਿਸ਼ਟਾਚਾਰ ਵਿੱਚ ਲਿਪਤ ਹਨ। 

ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਸੋਮਵਾਰ ਨੂੰ ਦਾਅਵਾ ਕੀਤਾ ਕਿ ਵੀਡੀਓ 'ਚ ਇਕ ਕੇਂਦਰੀ ਮੰਤਰੀ ਦੇ ਬੇਟੇ ਨੂੰ ਕਥਿਤ ਤੌਰ 'ਤੇ ਕਰੋੜਾਂ ਰੁਪਏ ਦੇ ਵਿੱਤੀ ਲੈਣ-ਦੇਣ ਬਾਰੇ ਗੱਲ ਕਰਦੇ ਸੁਣਿਆ ਜਾ ਸਕਦਾ ਹੈ। ਰਾਹੁਲ ਨੇ ਸਵਾਲ ਕੀਤਾ ਕਿ ਈਡੀ (ਇਨਫੋਰਸਮੈਂਟ ਡਾਇਰੈਕਟੋਰੇਟ), ਸੀ.ਬੀ.ਆਈ ਅਤੇ ਆਈ.ਟੀ. (ਇਨਕਮ ਟੈਕਸ ਵਿਭਾਗ) ਇਨ੍ਹਾਂ ਮਾਮਲਿਆਂ ਦੀ ਜਾਂਚ ਕਿਉਂ ਨਹੀਂ ਸ਼ੁਰੂ ਕਰ ਰਹੇ ਹਨ।

PM के मंत्री का बेटा सबके सामने, वीडियो कॉल पर चोरी कर रहा है - मोदी जी ने कार्रवाई की?

ED लगाई?
CBI लगाई?
IT डिपार्टमेंट लगाया?

नहीं, क्योंकि मध्य प्रदेश में भ्रष्टाचार और 50% कमीशन की सरकार है! pic.twitter.com/4s30pcZ1je

— Rahul Gandhi (@RahulGandhi) November 13, 2023

ਇਸ ਦੌਰਾਨ ਕਾਂਗਰਸ ਦੀ ਤਰਜਮਾਨ ਸੁਪ੍ਰੀਆ ਸ਼੍ਰੀਨੇਤ ਨੇ ਕੇਂਦਰੀ ਖੇਤੀਬਾੜੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਦੇ ਬੇਟੇ ਦੇ ਵਾਇਰਲ ਹੋ ਰਹੇ ਕਥਿਤ ਵੀਡੀਓ ਸਬੰਧੀ ਮੀਡੀਆ ਨੂੰ ਇੱਕ ਨਵੀਂ ਵੀਡੀਓ ਦਿਖਾਉਂਦੇ ਹੋਏ ਪੁੱਛਿਆ ਕਿ ਕੇਂਦਰੀ ਏਜੰਸੀਆਂ ਈ.ਡੀ., ਇਨਕਮ ਟੈਕਸ ਵਿਭਾਗ, ਸੀ.ਬੀ.ਆਈ ਅਤੇ ਨਾਰਕੋਟਿਕਸ ਵਿਭਾਗ ਅਜੇ ਤੱਕ ਸਰਗਰਮ ਕਿਉਂ ਨਹੀਂ ਹੋਇਆ। ਪ੍ਰਧਾਨ ਮੰਤਰੀ ਵੀ ਚੁੱਪ ਕਿਉਂ ਹਨ? ਇਸ ਵੀਡੀਓ 'ਚ ਨਜ਼ਰ ਆ ਰਿਹਾ ਵਿਅਕਤੀ ਆਪਣੇ ਆਪ ਨੂੰ ਭਾਰਤੀ ਮੂਲ ਦਾ ਕੈਨੇਡਾ ਨਿਵਾਸੀ ਦੱਸ ਰਿਹਾ ਹੈ। ਪਿਛਲੀਆਂ ਦੋ ਵੀਡੀਓਜ਼ 'ਚ ਉਹੀ ਵਿਅਕਤੀ ਕੇਂਦਰੀ ਮੰਤਰੀ ਟੋਮੈਰ ਦੇ ਬੇਟੇ ਨਾਲ ਗੱਲ ਕਰਨ ਦੀ ਗੱਲ ਮੰਨ ਰਿਹਾ ਹੈ। ਹੁਣ ਤੱਕ ਤਿੰਨ ਅਜਿਹੇ ਵੀਡੀਓ ਸਾਹਮਣੇ ਆ ਚੁੱਕੇ ਹਨ।

ਕੇਂਦਰੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਦਾ ਬਿਆਨ ਆਇਆ ਸਾਹਮਣੇ
ਨਰਿੰਦਰ ਸਿੰਘ ਤੋਮਰ ਨੇ ਐਕਸ 'ਤੇ ਲਿਖਿਆ, "ਅੱਜ ਮੇਰੇ ਬੇਟੇ ਨਾਲ ਜੁੜਿਆ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਹੈ। ਇਹ ਇੱਕ ਸੋਚੀ-ਸਮਝੀ ਸਾਜ਼ਿਸ਼ ਦਾ ਹਿੱਸਾ ਹੈ, ਜੋ ਵਿਰੋਧੀ ਧਿਰਾਂ ਵੱਲੋਂ ਚੋਣਾਂ ਸਮੇਂ ਆਮ ਲੋਕਾਂ ਨੂੰ ਉਲਝਾਉਣ ਅਤੇ ਗੁੰਮਰਾਹ ਕਰਨ ਦੇ ਮਕਸਦ ਨਾਲ ਰਚੀ ਜਾ ਰਹੀ ਹੈ। ਮੇਰੇ ਬੇਟੇ ਦੇਵੇਂਦਰ ਪ੍ਰਤਾਪ ਸਿੰਘ ਤੋਮਰ ਨੇ ਪਹਿਲਾਂ ਵੀ ਅਜਿਹੀਆਂ ਝੂਠੀਆਂ ਵੀਡੀਓਜ਼ ਦੀ ਪੁਲਿਸ ਜਾਂਚ ਲਈ ਅਰਜ਼ੀ ਦਿੱਤੀ ਸੀ। ਮੈਂ ਇੱਕ ਵਾਰ ਫਿਰ ਮੰਗ ਕਰਦਾ ਹਾਂ ਕਿ ਇਸ ਵੀਡੀਓ ਦੀ ਜਾਂਚ CFSL ਏਜੰਸੀਆਂ ਤੋਂ ਕਰਵਾਈ ਜਾਵੇ ਤਾਂ ਜੋ ਸੱਚ ਸਾਹਮਣੇ ਆ ਸਕੇ ਅਤੇ ਸਾਜ਼ਿਸ਼ ਦਾ ਪਰਦਾਫਾਸ਼ ਕੀਤਾ ਜਾ ਸਕੇ।"

आज सोशल मीडिया पर एक कूट रचित वीडियो मेरे बेटे से संबंधित वायरल किया गया है। यह एक सुनियोजित षड्यंत्र का हिस्सा है जो चुनाव के समय विपक्ष के द्वारा जनता को भ्रमित करने के उद्देश्य से चलाया जा रहा है।

— Narendra Singh Tomar (@nstomar) November 14, 2023

ਕੇਂਦਰੀ ਮੰਤਰੀ ਦੇ ਪੁੱਤਰ ਦੇਵੇਂਦਰ ਸਿੰਘ ਤੋਮਰ ਨੇ ਦਾਅਵਾ ਕੀਤਾ ਹੈ ਕਿ ਇਹ ਵੀਡੀਓ ਫਰਜ਼ੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਐੱਫ.ਆਈ.ਆਰ ਵੀ ਦਰਜ ਕੀਤੀ ਗਈ ਹੈ। 

ਪਹਿਲੀ ਵੀਡੀਓ 6 ਨਵੰਬਰ ਨੂੰ ਆਈ ਸੀ
ਦਰਅਸਲ ਨਰਿੰਦਰ ਸਿੰਘ ਤੋਮਰ ਦੇ ਬੇਟੇ ਦਾ ਪਹਿਲਾ ਵੀਡੀਓ 6 ਨਵੰਬਰ ਨੂੰ ਆਇਆ ਸੀ। ਜਿਸ ਵਿਚ 100 ਕਰੋੜ ਰੁਪਏ ਦੀ ਡੀਲ ਹੋਣ ਦੀ ਗੱਲ ਚੱਲ ਰਹੀ ਸੀ। ਇਸ ਵੀਡੀਓ ਦੇ ਸਾਹਮਣੇ ਆਉਣ ਤੋਂ ਬਾਅਦ ਦੇਵੇਂਦਰ ਸਿੰਘ ਤੋਮਰ ਨੇ ਮੁਰੈਨਾ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਸੀ ਪਰ ਅੱਗੇ ਕੋਈ ਕਾਰਵਾਈ ਨਹੀਂ ਹੋਈ। ਉਸ ਸਮੇਂ ਦੇਵੇਂਦਰ ਸਿੰਘ ਤੋਮਰ ਨੇ ਕਿਹਾ ਸੀ ਕਿ ਮੈਨੂੰ ਬਦਨਾਮ ਕਰਨ ਦੀ ਸਾਜ਼ਿਸ਼ ਰਚੀ ਗਈ ਹੈ।

ਦੀਵਾਲੀ ਤੋਂ ਪਹਿਲਾਂ ਆਈ ਦੂਜੀ ਵੀਡੀਓ
ਇਸ ਦੇ ਨਾਲ ਹੀ ਦੀਵਾਲੀ ਤੋਂ ਪਹਿਲਾਂ ਦੇਵੇਂਦਰ ਸਿੰਘ ਤੋਮਰ ਦਾ ਇੱਕ ਹੋਰ ਵੀਡੀਓ ਆਇਆ ਹੈ, ਜਿਸ ਵਿੱਚ 500 ਕਰੋੜ ਰੁਪਏ ਦੀ ਡੀਲ ਹੋਣ ਦੀ ਗੱਲ ਕਹੀ ਗਈ ਸੀ। ਇਸ ਤੋਂ ਬਾਅਦ ਤੋਮਰ ਪਰਿਵਾਰ ਨੇ ਚੁੱਪੀ ਧਾਰ ਲਈ, ਇਸ ਦੇ ਨਾਲ ਹੀ ਭਾਜਪਾ ਵੱਲੋਂ ਵੀ ਕੋਈ ਪ੍ਰਤੀਕਿਰਿਆ ਨਹੀਂ ਆਈ।

ਤੀਜੀ ਵੀਡੀਓ ਤੋਂ ਬਾਅਦ ਮੱਧ ਪ੍ਰਦੇਸ਼ ਦੀ ਰਾਜਨੀਤੀ 'ਚ ਹੜਕੰਪ 
ਹੁਣ ਤੀਜੇ ਵੀਡੀਓ ਵਿੱਚ ਇੱਕ ਕੈਨੇਡੀਅਨ ਕਾਰੋਬਾਰੀ ਸਾਹਮਣੇ ਆਇਆ ਹੈ, ਜਿਸ ਨੇ ਐਮ.ਪੀ. ਦੀ ਰਾਜਨੀਤੀ ਵਿੱਚ ਤੂਫ਼ਾਨ ਮਚਾ ਦਿੱਤਾ ਹੈ। ਨਰਿੰਦਰ ਸਿੰਘ ਤੋਮਰ ਤੋਂ ਪੁੱਛ-ਪੜਤਾਲ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਨੇ ਟਵੀਟ ਕਰਕੇ ਕਿਹਾ ਹੈ ਕਿ ਸ਼ਿਵਰਾਜ ਜੀ, ਹੁਣ ਮੂੰਹ ਖੋਲ੍ਹੋ… ਕੁਝ ਕਹੋ?

- PTC NEWS

Join Whatsapp Channel