ਚੀਨ: ਸਕੂਲ ਦੇ ਜਿਮ ਦੀ ਛੱਤ ਡਿੱਗੀ, ਕਈ ਬੱਚਿਆਂ ਦੀ ਮੌਤ, ਕੋਚ ਨੂੰ ਬਚਾਇਆ ਗਿਆ
School Roof Collapse In China: ਚੀਨ 'ਚ ਦਰਦਨਾਕ ਹਾਦਸੇ 'ਚ 10 ਬੱਚਿਆਂ ਦੀ ਮੌਤ ਹੋਣ ਦੀ ਖਬਰ ਆ ਰਹੀ ਹੈ। ਕੁਚਿਹਾਰ ਸ਼ਹਿਰ 'ਚ ਮਿਡਲ ਸਕੂਲ ਦੇ ਜਿਮ ਦੀ ਕੰਧ ਅਚਾਨਕ ਡਿੱਗ ਗਈ ਅਤੇ ਇਸ 'ਚ 10 ਬੱਚਿਆਂ ਦੀ ਮੌਤ ਹੋ ਗਈ। ਇਹ ਘਟਨਾ ਐਤਵਾਰ ਨੂੰ ਵਾਪਰੀ ਜਦੋਂ ਬੱਚੇ ਅਤੇ ਕੋਚ ਜਿੰਮ ਵਿੱਚ ਅਭਿਆਸ ਕਰ ਰਹੇ ਸਨ।
ਸੀ.ਐਨ.ਐਨ ਦੀ ਰਿਪੋਰਟ ਮੁਤਾਬਕ ਇਮਾਰਤ ਦੀ ਛੱਤ 'ਤੇ ਭਾਰੀ ਨਿਰਮਾਣ ਸਮੱਗਰੀ ਰੱਖੀ ਗਈ ਸੀ ਜਿਸ ਦੀ ਵਰਤੋਂ ਨੇੜੇ ਦੀ ਇਮਾਰਤ ਬਣਾਉਣ ਲਈ ਕੀਤੀ ਜਾ ਰਹੀ ਸੀ। ਖਰਾਬ ਮੌਸਮ ਅਤੇ ਵਜ਼ਨ ਕਾਰਨ ਇਹ ਹਾਦਸਾ ਹੋਇਆ। ਫਿਲਹਾਲ ਪ੍ਰਸ਼ਾਸਨ ਵੱਲੋਂ ਘਟਨਾ ਦੇ ਕਾਰਨਾਂ ਬਾਰੇ ਕੋਈ ਬਿਆਨ ਨਹੀਂ ਦਿੱਤਾ ਗਿਆ ਹੈ।
_fafd0e52738ae8c0b89bf9fc46da1d87_1280X720.webp)
ਇਹ ਵੀ ਪੜ੍ਹੋ: ਪਿਆਰ ਦਾ ਜ਼ਹਿਰੀਲਾ ਅੰਤ: ਸੱਪ ਦੀ ਵਰਤੋਂ ਕਰ ਪ੍ਰੇਮੀ ਨੂੰ ਮਰਵਾਉਣ ਵਾਲੀ ਕਥਿਤ ਪ੍ਰੇਮਿਕਾ ਗ੍ਰਿਫਤਾਰ
ਘਟਨਾ ਦੇ ਸਮੇਂ ਇਮਾਰਤ ਵਿੱਚ 19 ਲੋਕ ਮੌਜੂਦ ਸਨ
ਚੀਨ ਦੇ ਇਸ ਖੇਤਰ 'ਚ ਪਿਛਲੇ ਕੁਝ ਦਿਨਾਂ ਤੋਂ ਤੇਜ਼ ਹਵਾਵਾਂ ਅਤੇ ਤੂਫਾਨ ਚੱਲ ਰਿਹਾ ਹੈ। ਸਥਾਨਕ ਰਿਪੋਰਟਾਂ ਮੁਤਾਬਕ ਘਟਨਾ ਦੇ ਸਮੇਂ ਕੁੱਲ 19 ਲੋਕ ਮੌਜੂਦ ਸਨ ਪਰ 4 ਲੋਕ ਆਪਣੀ ਜਾਨ ਬਚਾਉਣ 'ਚ ਕਾਮਯਾਬ ਰਹੇ। ਇਸ ਦੇ ਨਾਲ ਹੀ ਸਥਾਨਕ ਬਚਾਅ ਟੀਮ 15 ਹੋਰ ਫਸੇ ਲੋਕਾਂ ਨੂੰ ਕੱਢਣ ਦੀ ਕੋਸ਼ਿਸ਼ ਕਰ ਰਹੀ ਸੀ, ਜਿਨ੍ਹਾਂ 'ਚੋਂ 10 ਬੱਚਿਆਂ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਟੀਮ ਮਲਬੇ 'ਚ ਡੂੰਘੇ ਦੱਬੇ ਹੋਣ ਤੋਂ ਬਾਅਦ ਵੀ ਕੋਚ ਨੂੰ ਬਚਾਉਣ 'ਚ ਸਫਲ ਰਹੀ। ਕੋਚ ਦੇ ਬਚਣਾ ਨੂੰ ਚਮਤਕਾਰ ਮੰਨਿਆ ਜਾ ਰਿਹਾ ਹੈ।
_020159bc34c9bc25ffb5e50904f0784e_1280X720.webp)
ਸਥਾਨਕ ਮੀਡੀਆ ਮੁਤਾਬਕ ਇਹ ਇਮਾਰਤ ਕੁਝ ਦਿਨ ਪਹਿਲਾਂ ਹੀ ਬਣਾਈ ਗਈ ਸੀ ਅਤੇ ਇਸ ਦੀ ਛੱਤ 'ਤੇ ਭਾਰੀ ਸਾਮਾਨ ਰੱਖਿਆ ਗਿਆ ਸੀ। ਇਹ ਸਮੱਗਰੀ ਨੇੜੇ ਹੀ ਕਿਸੇ ਹੋਰ ਇਮਾਰਤ ਦੀ ਉਸਾਰੀ ਲਈ ਵਰਤੀ ਜਾਣੀ ਸੀ। ਸ਼ੁਰੂਆਤੀ ਪੱਧਰ ਦੀ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਇਮਾਰਤ ਦੀ ਉਸਾਰੀ ਤੋਂ ਬਾਅਦ ਇਸ ਨੂੰ ਮੌਸਮ ਨੂੰ ਧਿਆਨ ਵਿੱਚ ਰੱਖਦਿਆਂ ਕੁਝ ਦਿਨਾਂ ਲਈ ਖਾਲੀ ਰੱਖਣ ਦੀ ਲੋੜ ਸੀ ਤਾਂ ਜੋ ਉਸਾਰੀ ਦੇ ਕੰਮ ਦੀ ਪੁਸ਼ਟੀ ਹੋ ਸਕੇ। ਖਰਾਬ ਮੌਸਮ ਅਤੇ ਛੱਤ 'ਤੇ ਰੱਖੇ ਭਾਰ ਕਾਰਨ ਛੱਤ ਡਿੱਗ ਗਈ।
ਉਸਾਰੀ ਕੰਪਨੀ ਦੇ ਕਈ ਅਧਿਕਾਰੀਆਂ ਨੂੰ ਹਿਰਾਸਤ ਵਿੱਚ ਲਿਆ ਗਿਆ
ਰਿਪੋਰਟਾਂ ਮੁਤਾਬਕ ਸ਼ੁਰੂਆਤੀ ਜਾਂਚ ਤੋਂ ਬਾਅਦ ਨਿਰਮਾਣ ਕੰਪਨੀ ਦੇ ਕਈ ਕਰਮਚਾਰੀਆਂ ਅਤੇ ਇਮਾਰਤ ਨਿਰਮਾਣ ਦੇ ਇੰਚਾਰਜ ਨੂੰ ਹਿਰਾਸਤ 'ਚ ਲਿਆ ਗਿਆ ਹੈ। ਮਲਬਾ ਹਟਾਉਣ ਦਾ ਕੰਮ ਅਜੇ ਵੀ ਜਾਰੀ ਹੈ। ਖ਼ਰਾਬ ਮੌਸਮ ਦੇ ਮੱਦੇਨਜ਼ਰ ਇਲਾਕੇ ਵਿੱਚ ਉਸਾਰੀ ਕਾਰਜਾਂ ’ਤੇ ਫਿਲਹਾਲ ਰੋਕ ਲਗਾ ਦਿੱਤੀ ਗਈ ਹੈ। ਫਿਲਹਾਲ ਬਚਾਅ ਕਾਰਜ ਜਾਰੀ ਹੈ। ਖ਼ਰਾਬ ਮੌਸਮ ਕਾਰਨ ਬਚਾਅ ਕਾਰਜ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੇ ਹਨ। ਫਿਲਹਾਲ ਜ਼ਖਮੀਆਂ ਦਾ ਮੁੱਢਲੀ ਸਹਾਇਤਾ ਤੋਂ ਬਾਅਦ ਇਲਾਜ ਕੀਤਾ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: ਸੀਮਾ ਹੈਦਰ ਤੋਂ ਬਾਆਦ ਹੁਣ ਆਪਣੇ ਫੇਸਬੁੱਕ ਪ੍ਰੇਮੀ ਲਈ ਪਾਕਿਸਤਾਨ ਪਹੁੰਚੀ ਭਾਰਤ ਦੀ ਅੰਜੂ
- With inputs from agencies
