Pahalgam Attack :ਲਾਰੈਂਸ ਬਿਸ਼ਨੋਈ ਨੇ 'ਹਾਫਿਜ਼ ਸਈਦ' ਨੂੰ ਦਿੱਤੀ ਚੇਤਾਵਨੀ, ਕਿਹਾ "ਪਾਕਿਸਤਾਨ 'ਚ ਵੜ ਕੇ ਮਾਰਾਂਗੇ" , ਪੋਸਟ ਵਾਇਰਲ
Pahalgam Attack : ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਭਾਰਤ ਵਿੱਚ ਗੁੱਸੇ ਦਾ ਮਾਹੌਲ ਹੈ। ਇਸ ਦੌਰਾਨ ਸੋਸ਼ਲ ਮੀਡੀਆ 'ਤੇ ਇੱਕ ਹੈਰਾਨ ਕਰਨ ਵਾਲੀ ਪੋਸਟ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਕਥਿਤ ਤੌਰ 'ਤੇ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਗਰੁੱਪ ਵੱਲੋਂ ਪਾਕਿਸਤਾਨ ਦੇ ਮੋਸਟ ਵਾਂਟੇਡ ਅੱਤਵਾਦੀ ਹਾਫਿਜ਼ ਸਈਦ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਗਈ ਹੈ। ਇਸ ਪੋਸਟ ਵਿੱਚ ਸਾਫ਼ ਲਿਖਿਆ ਹੈ ਕਿ "ਅਸੀਂ ਪਾਕਿਸਤਾਨ ਵਿੱਚ ਵੜ ਕੇ ਇੱਕ ਅਜਿਹੇ ਆਦਮੀ ਨੂੰ ਮਾਰਾਂਗੇ ,ਜੋ ਇੱਕ ਲੱਖ ਦੇ ਬਰਾਬਰ ਹੋਵੇਗਾ।"
ਧਮਕੀ ਭਰੀ ਪੋਸਟ ਵਿੱਚ ਹਾਫਿਜ਼ ਸਈਦ ਦੀ ਤਸਵੀਰ 'ਤੇ ਲਗਾਇਆ ਕਰਾਸ ਦਾ ਨਿਸ਼ਾਨ
ਵਾਇਰਲ ਪੋਸਟ ਵਿੱਚ ਹਾਫਿਜ਼ ਸਈਦ ਦੀ ਫੋਟੋ 'ਤੇ ਲਾਲ ਕਰਾਸ ਲਗਾਇਆ ਗਿਆ ਹੈ। ਇਸ ਵਿੱਚ ਇਹ ਵੀ ਕਿਹਾ ਗਿਆ ਸੀ, "ਤੁਸੀਂ ਸਾਡੇ ਮਾਸੂਮ ਲੋਕਾਂ ਨੂੰ ਮਾਰਿਆ ਹੈ। ਹੁਣ ਅਸੀਂ ਪਾਕਿਸਤਾਨ ਵਿੱਚ ਵੜ ਕੇ ਇੱਕ ਆਦਮੀ ਨੂੰ ਮਾਰਾਂਗੇ , ਜੋ ਲੱਖਾਂ ਦੇ ਬਰਾਬਰ ਹੋਵੇਗਾ। ਇਸ ਪੋਸਟ ਦੇ ਹੇਠਾਂ ਲਾਰੈਂਸ ਬਿਸ਼ਨੋਈ ਗਰੁੱਪ, ਜਤਿੰਦਰ ਗੋਗੀ ਗਰੁੱਪ, ਹਾਸ਼ਿਮ ਬਾਬਾ, ਕਾਲਾ ਰਾਣਾ, ਗੋਲਡੀ ਬਰਾੜ ਅਤੇ ਰੋਹਿਤ ਗੋਦਾਰਾ ਵਰਗੇ ਨਾਵਾਂ ਦਾ ਜ਼ਿਕਰ ਕੀਤਾ ਗਿਆ ਹੈ। ਪੋਸਟ ਦੀ ਸ਼ੁਰੂਆਤ ਜੈ ਸ਼੍ਰੀ ਰਾਮ" "ਸਾਰੇ ਭਰਾਵਾਂ ਨੂੰ ਨਾਲ ਸ਼ੁਰੂ ਹੁੰਦੀ ਹੈ ਅਤੇ "ਜੈ ਹਿੰਦ, ਜੈ ਭਾਰਤ" ਨਾਲ ਖਤਮ ਹੁੰਦੀ ਹੈ।
ਪੋਸਟ ਵਿੱਚ ਕਿਹਾ ਗਿਆ ਹੈ, "ਅਸੀਂ ਜਲਦੀ ਹੀ ਕਸ਼ਮੀਰ ਦੇ ਪਹਿਲਗਾਮ ਵਿੱਚ ਹੋਏ ਅੱਤਵਾਦੀ ਹਮਲੇ ਦਾ ਬਦਲਾ ਲਵਾਂਗੇ, ਜਿਸ ਵਿੱਚ ਮਾਸੂਮ ਲੋਕ ਮਾਰੇ ਗਏ ਸਨ। ਉਨ੍ਹਾਂ ਨੇ ਸਾਡੇ ਨਾਜਾਇਜ਼ ਆਦਮੀ ਮਾਰੇ ਹਨ, ਅਸੀਂ ਉਨ੍ਹਾਂ ਦੇ ਜਾਇਜ਼ ਆਦਮੀਆਂ ਨੂੰ ਮਾਰਾਂਗੇ। ਜੇ ਤੁਸੀਂ ਹੱਥ ਮਿਲਾਉਣਗੇ ਤਾਂ ਗਲੇ ਲਾਵਾਂਗੇ, ਪਰ ਜੇ ਅੱਖ ਦਿਖਾਓਗੇ ਤਾਂ ਅੱਖਾਂ ਕੱਢ ਦੇਵਾਂਗੇ ਅਤੇ ਇੱਟ ਦਾ ਜਵਾਬ ਪੱਥਰ ਨਾਲ ਦੇਵਾਂਗੇ - ਪਾਕਿਸਤਾਨ ਵਿੱਚ ਦਾਖਲ ਹੋ ਕੇ।"
ਇਸ ਵਾਇਰਲ ਪੋਸਟ ਤੋਂ ਬਾਅਦ ਭਾਰਤੀ ਸੁਰੱਖਿਆ ਏਜੰਸੀਆਂ ਚੌਕਸ ਹੋ ਗਈਆਂ ਹਨ। ਇਸ ਪੋਸਟ ਵਿੱਚ ਭਾਰਤ-ਪਾਕਿਸਤਾਨ ਸਬੰਧਾਂ ਵਿਚਕਾਰ ਚੱਲ ਰਹੇ ਤਣਾਅ ਨੂੰ ਹਵਾ ਦੇਣ ਵਾਲੇ ਬਿਆਨ ਹਨ। ਹਾਲਾਂਕਿ, ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਇਹ ਪੋਸਟ ਅਸਲ ਵਿੱਚ ਲਾਰੈਂਸ ਬਿਸ਼ਨੋਈ ਗਰੁੱਪ ਵੱਲੋਂ ਜਾਰੀ ਕੀਤੀ ਗਈ ਹੈ ਜਾਂ ਕਿਸੇ ਨੇ ਉਨ੍ਹਾਂ ਦੇ ਨਾਮ ਦੀ ਵਰਤੋਂ ਕਰਕੇ ਮਾਹੌਲ ਭੜਕਾਉਣ ਦੀ ਕੋਸ਼ਿਸ਼ ਕੀਤੀ ਹੈ।
ਗ੍ਰਹਿ ਮੰਤਰਾਲੇ ਅਤੇ ਸਾਈਬਰ ਸੈੱਲ ਨੇ ਇਸ ਵਾਇਰਲ ਪੋਸਟ ਦੀ ਸੱਚਾਈ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸੂਤਰਾਂ ਅਨੁਸਾਰ ਪੋਸਟ ਦੀ ਡਿਜੀਟਲ ਫੋਰੈਂਸਿਕ ਜਾਂਚ ਕੀਤੀ ਜਾਵੇਗੀ ਤਾਂ ਜੋ ਇਹ ਸਪੱਸ਼ਟ ਹੋ ਸਕੇ ਕਿ ਇਹ ਪੋਸਟ ਕਿੱਥੋਂ, ਕਿਸਨੇ ਅਤੇ ਕਿਸ ਮਕਸਦ ਨਾਲ ਵਾਇਰਲ ਕੀਤੀ ਗਈ ਹੈ। ਜੇਕਰ ਇਹ ਜਾਣਬੁੱਝ ਕੇ ਮਾਹੌਲ ਖਰਾਬ ਕਰਨ ਜਾਂ ਭੜਕਾਉਣ ਦੀ ਕੋਸ਼ਿਸ਼ ਹੈ ਤਾਂ ਸਖ਼ਤ ਕਾਰਵਾਈ ਕੀਤੀ ਜਾ ਸਕਦੀ ਹੈ।
ਨੋਟ ; ਅਦਾਰਾ ਪੀਟੀਸੀ ਨਿਊਜ਼ ਇਸ ਵਾਇਰਲ ਪੋਸਟ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।
- PTC NEWS
