Bihar Election Result 2025 : ਬਿਹਾਰ 'ਚ ਭਾਰੀ ਜਿੱਤ ਤੋਂ ਬਾਅਦ ਭਾਜਪਾ ਖੁਸ਼, PM ਮੋਦੀ ਸ਼ਾਮ 6 ਵਜੇ ਜਾ ਸਕਦੈ ਨੇ ਭਾਜਪਾ ਹੈੱਡਕੁਆਰਟਰ
Bihar Election Result 2025 : ਬਿਹਾਰ ਵਿਧਾਨ ਸਭਾ ਚੋਣਾਂ 2025 ਦੇ ਨਤੀਜਿਆਂ ਦੇ ਰੁਝਾਨਾਂ ਨੇ ਇੱਕ ਵਾਰ ਫਿਰ ਰਾਜ ਦੀ ਰਾਜਨੀਤੀ ਦੀ ਦਿਸ਼ਾ ਸਪੱਸ਼ਟ ਕਰ ਦਿੱਤੀ ਹੈ। ਸ਼ੁਰੂਆਤੀ ਅਤੇ ਮੱਧ-ਪੜਾਅ ਦੇ ਰੁਝਾਨਾਂ ਤੋਂ ਸਪੱਸ਼ਟ ਤੌਰ 'ਤੇ ਸੰਕੇਤ ਮਿਲਦਾ ਹੈ ਕਿ ਐਨਡੀਏ ਭਾਰੀ ਬਹੁਮਤ ਨਾਲ ਸੱਤਾ ਵਿੱਚ ਵਾਪਸੀ ਵੱਲ ਵਧ ਰਿਹਾ ਹੈ। ਭਾਜਪਾ ਅਤੇ ਜੇਡੀਯੂ ਦੀ ਸੰਯੁਕਤ ਲੀਡ 190 ਸੀਟਾਂ ਨੂੰ ਪਾਰ ਕਰ ਚੁੱਕੀ ਹੈ।
ਇਕੱਲੀ ਭਾਜਪਾ 90 ਸੀਟਾਂ 'ਤੇ ਅੱਗੇ ਹੈ, ਜਦੋਂ ਕਿ ਜੇਡੀਯੂ 81 'ਤੇ ਅੱਗੇ ਹੈ। ਦੂਜੇ ਪਾਸੇ ਮਹਾਂਗਠਜੋੜ ਦੀ ਸਥਿਤੀ ਕਮਜ਼ੋਰ ਹੈ, ਸਿਰਫ 38 ਸੀਟਾਂ ਤੱਕ ਸੀਮਤ ਹੈ। ਇਹ ਨਤੀਜਾ ਮਹਾਂਗਠਜੋੜ ਦੇ ਪਿਛਲੇ ਪ੍ਰਦਰਸ਼ਨ ਨਾਲੋਂ ਕਾਫ਼ੀ ਘੱਟ ਮੰਨਿਆ ਜਾ ਰਿਹਾ ਹੈ। ਸੂਤਰਾਂ ਮੁਤਾਬਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਨ੍ਹਾਂ ਰੁਝਾਨਾਂ ਤੋਂ ਉਤਸ਼ਾਹਿਤ ਹਨ ਅਤੇ ਸ਼ਾਮ 6 ਵਜੇ ਦਿੱਲੀ ਵਿੱਚ ਭਾਜਪਾ ਹੈੱਡਕੁਆਰਟਰ ਪਹੁੰਚਣਗੇ। ਉੱਥੇ, ਉਹ ਪਾਰਟੀ ਵਰਕਰਾਂ ਨੂੰ ਸੰਬੋਧਨ ਕਰਨਗੇ ਅਤੇ ਇਸ ਜਿੱਤ ਲਈ ਲੋਕਾਂ ਦੇ ਵਿਸ਼ਵਾਸ ਅਤੇ ਐਨਡੀਏ ਦੇ ਵਿਕਾਸ ਕਾਰਜਾਂ ਲਈ ਧੰਨਵਾਦ ਕਰਨਗੇ।
ਇਹ ਰੁਝਾਨ ਸਪੱਸ਼ਟ ਤੌਰ 'ਤੇ ਦਰਸਾਉਂਦੇ ਹਨ ਕਿ ਭਾਜਪਾ-ਜੇਡੀਯੂ ਗੱਠਜੋੜ ਇੱਕ ਵਾਰ ਫਿਰ ਬਿਹਾਰ ਵਿੱਚ ਮਜ਼ਬੂਤ ਸਥਿਤੀ ਵਿੱਚ ਹੈ ਅਤੇ ਸਰਕਾਰ ਬਣਾਉਣ ਲਈ ਤਿਆਰ ਹੈ। ਰਾਜ ਦੀ ਰਾਜਨੀਤੀ ਵਿੱਚ ਐਨਡੀਏ ਦੀ ਲੀਡ ਇਸਦੀ ਸਥਿਰ ਲੀਡਰਸ਼ਿਪ ਅਤੇ ਵਧਦੇ ਜਨਤਕ ਸਮਰਥਨ ਨੂੰ ਦਰਸਾਉਂਦੀ ਹੈ।
ਭਾਜਪਾ ਸਮਰਥਕਾਂ ਨੇ ਬਿਹਾਰ ਦੇ ਨਤੀਜਿਆਂ ਵਿੱਚ ਐਨਡੀਏ ਦੀ ਲੀਡ ਦਾ ਜਸ਼ਨ ਮਨਾਇਆ
ਦਿੱਲੀ ਵਿੱਚ ਭਾਜਪਾ ਸਮਰਥਕਾਂ ਨੇ 2025 ਦੀਆਂ ਬਿਹਾਰ ਵਿਧਾਨ ਸਭਾ ਚੋਣਾਂ ਵਿੱਚ ਐਨਡੀਏ ਦੀ ਜਿੱਤ ਦਾ ਜਸ਼ਨ ਮਨਾਇਆ। ਸਮਰਥਕ ਗਾਉਂਦੇ ,ਨੱਚਦੇ ਅਤੇ ਢੋਲ ਵਜਾਉਂਦੇ ਨਜ਼ਰ ਆਏ। ਜਿਵੇਂ-ਜਿਵੇਂ ਐਨਡੀਏ ਨੇ ਵੱਡੀ ਲੀਡ ਹਾਸਲ ਕੀਤੀ, ਦਿੱਲੀ ਵਿੱਚ ਭਾਜਪਾ ਦਫਤਰ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿੱਚ ਉਤਸ਼ਾਹ ਵਧਿਆ।
- PTC NEWS
